十八梯

營業中

休息中

都幾好食，豬手好淋～價錢唔貴，份量多，夠飽肚，有免費綠茶即棄餐具感覺衛生涼面好食，唔係葵廣果種好厚身CP值高又有位坐好似新開無耐已經好多人八點左右坐到滿哂要搭枱

真實食評嚟！幫襯過好幾次，食物質素有保證，又抵食～重點係我想講，店員超好人！！！我一個人入座，剛好拎住袋嘢，店員主動借出一個勾仔幫我手勾住啲嘢掛喺枱邊，真係好細心！！店仔雖然細細，坐得係逼些少，但真係人情味搭救！講返食評，紅燒肥腸米線$38，叫咗BB辣。辣油香口惹味，食完唔會好頸渴，酸菜亦好好食，肥腸夠入味，米線唔淋又唔硬，剛好！另外我叫咗香辣青瓜$15，都係BB辣，仲送杯茶，晚餐嚟講啱啱好！荃灣隱世小店推薦！

呢間上次食完佢嘅清湯蹄花之後就心心念念我發現其實香港都唔係有好多地方可以食到正宗重慶嘅蹄花 （不過…如果佢嘅部位可以再啖啖肉啲咁就更加正啦）今次嚟試咗佢另一樣嘢特色涼皮要咗BB辣加$10就有個肥腸我見個肥腸其實可以獨立叫嘅$35 加$10嘅肥腸其實都有成10粒咁多微暖嘅肥腸淡淡油脂😍😍😍佢嘅涼皮有別於我外面餐廳食嘅佢唔係嗰啲肥嘟嘟滑捋捋嗰隻係有少少似腐皮嘅質地BTW…對於我呢啲食辣係垃圾既級別叫咗BB辣..我都覺得係有啲辣嘅😂有機會會試埋佢Menu嘅其他產品

作為沙田第一城居民呢附近無酸辣粉食！為左滿足我的酸辣米線癮，又想脫離連鎖式線粉店（某譚），所以就左呢次出荃灣尋食記。呢度幾個商場連住睇左幾間，最後被佢店門放既餐牌吸引，餐牌內容專而精簡既！入到店員服務好好，因為坐位被其他客人放袋霸佔，未等我哋出聲佢就主動出聲，同埋俾左兩杯凍茶，好細心。我同老公一共點左2碗酸辣湯米線加2小菜，有口水雞同藕片。我酸辣米線點左（小辣）辣度適中岩岩好，重口味既朋友可以點再辣啲米線既粉質係我近幾年呢個價位食酸辣米線，覺得最好口感，唔會太淋又唔會斷晒碎粉（碎粉唔知你哋知唔知講緊邊間呢）！佢酸辣既程度岩岩好，酸菜撈勻味道岩岩好！因為外面有些會好咸，所以酸菜我一齊唔撈勻。另外兩個小菜都好好食，口水雞，連我老公唔食雞肉都食左好幾舊。同埋杯冰茶真係一絕，天氣熱食到一半覺得好辣飲返啖又好解辣！最緊要係食完都唔覺好咸好口渴兩個人賣單$131一啲都唔貴，小店真係性價比好高！推薦大家可以去試下支持小店

住開荃灣區有時諗嘢食諗到唔知食乜🤥又遇着炎炎夏日胃口唔多。🔥但最近超愛呢間18梯嘅麵食, 首先佢嘅面係有質感同好味, 👍🏻拌麵嘅調味有層次，而且好惹味。🤤自問自己唔算食得好辣，佢嘅BB辣對我嚟講有啲似小辣。所以同我一樣唔食得辣嘅可以叫佢另上個汁。🤭不得不提佢嘅蔥油拌麵係唔辣嘅，但係好好味而且滿滿嘅蔥油香🤤🤤♥️♥️睇得出廚師好有堅持同每次出品嘅質素每次都有水準嘅所以每次嚟都好放心食😌環境乾淨同埋舒服嘅，雖然餐廳唔大但坐落都唔會覺得好逼夾。價錢方面我真係覺得抵👍🏻👍🏻，蔥油拌麵收20幾蚊，但係都已經夠晒大碗，比起我上次去某間荃灣區某間生煎包餐廳入邊嘅蔥油拌麵，簡直係兩個層次。🫠🫠總結係呢間餐廳會係我推介俾過開嚟荃灣嘅朋友嘅地方👍🏻👍🏻👍🏻

已經連續幫襯幾個星期，肥腸超好味，無異味，夠淋，蔥油撈粉皮夠味，雞肉唔會鞋十十，地方清潔企理，座位好坐，份量十足，價錢超值，重有凍綠茶送，而家好難搵到良心小店，希望小店長做長有

絕對係隱世高質良心小店 ！無論現場或者外賣 ，食物質素都好高質！ 真係好好味 ！ 今日未能係現場食。但叫來的外賣 紅燒肥腸米線， 香辣枝竹豬耳涼麵； 小食有麻辣蓮藕，口水雞，土豆絲 等等送到來都同樣高質！店中的BB辣是令人吃得很舒服嘅辣味！ 食材非常新鮮 ！bb辣嘅辣味同酸味恰到好處； 味道非常平衡 ！而肥腸入口即溶！ 冇腥臭羶味！我從來都冇食過咁好食令人十分舒服的辣味，完全唔會好似坊間好味精那種死酸辣鹹！ 平生第一次食完辣野後，完全唔會感到任何口渴同埋胃痛！ 下次唔使做嘢一定會喺現場食， 因為真心好味而我早前也去過現場食， 店員非常有禮貌， 我哋一坐低佢就招呼我哋 ， 每人附上免費涷茶一杯。總結：我覺得老細應該係好有要求嘅人，感到佢同好用心去經營呢間食店， 小店要維持經營成本唔易！ 但由佢哋現場免費為食客添飲凍茶， 連木筷子也有少少設計等等 和連小食都咁用上新鮮的食材， 就睇到老細唔簡單，用心製作！良心小店！ 極度推薦大家去呢間小店試一試

呢間餐廳好涼拌小食好好食，酸度辣度拿捏得好好，唔會死鹹死辣味，食完個胃唔會胃痛😬完全食完唔口渴！😬我試過青瓜🥒、黑木耳、土豆絲、枝竹等等都好好味，食落去啲材料好新鮮好爽口！真心讚👍🏽👍🏽！特別推介大家可以試吓紅燒豬腸米線，豬腸係入口即溶，無蘇味！😝😝辣度BB辣都已經辣；同埋佢豬蹄湯都好飲，舖頭會提供一款麻辣汁俾你點豬手食真係好正！豬手炆得勁腍勁正！免費提供凍茶😆😆幾好飲.店員好有禮貌！唔錯唔錯！小店堅持用新鮮食材，價錢又平，真心支持！

嗰度幾個商場連接住，平時通常都係去嗰度買完衫，就順便食埋嘢就走，間間都係小店，唔係酸辣米線，就係好出名餃子喺嗰度，今日路經諗緊食乜嘢好之際，見到佢個裝修好特別好簡潔，比個碲花湯好吸引住，即係叫豬手，食完真係覺得好好食，我仲同老闆講好好食好啱我食，食完啲嘢唔口渴，碗碲花湯真係要讚，豬手好腍好正好正，個湯滿口膠質，女士恩物，淡淡胡椒香味，唔搶口非常道位，一路食一路諗，究竟師傅係咪隱世廚神嚟嘅呢？好耐冇食過啲咁好味嘅嘢食，呢餐非常大滿足，好感恩老闆煮咗啲咁好食嘅嘢。

6-1-2024（Sat）同老公，亞姨去荃灣買完嘢後食晏，去邊喥食?老公話有豬手湯嘅呢間。我嚟到睇，重慶嘢，辣。但都算啦，頂硬上。入去時啱啱有位，店員即刻奉上3杯凍綠茶。我哋睇完menu後，亞姨要:$25.00嘅招牌涼麵問店員有冇得揀辣度?佢答冇。亞姨叫我試啲，好啦，食得辣嘅呢個唔係好辣，但對我嚟講辣，食咗一啖唔再食。$25.00嘅蔥油涼皮呢個係唔辣，花生脆口，涼皮爽口。5分加$8.00要支竹原本諗住唔係辣，但都係辣嘅，不過好彩唔太辣，支竹口感啱啱好。4分$38.00嘅紅燒肥腸米線BB辣呢個係老公嘅，佢俾啲肥腸我試，可能老公俾面上面唔多辣油嘅我，覺得唔太辣，又幾好食。4分$35.00嘅清香蹄花唔辣呢個就係老公講嘅豬手湯，附上辣油，店員亦醒目地自動俾幾個碗仔同膠匙我哋分嚟飲。而每碗都有兩舊豬手，豬手夠腍亦冇豬毛，個湯鹹淡適中，ok。4分$20.00嘅酸辣木耳BB辣大大碗，唔太辣口感爽，但唔多食到酸味，不過食到下面嗰啲就好辣，個個都唔敢食喇。4分

荃灣最近新開的一家食店，店裡裝修簡約：水泥地和牆、實木家具，整體風格舒適樸實。點了重慶涼皮、一碗香辣米線及重慶口水雞，全部小辣，味道不錯、製作不馬虎，涼皮和米線彈牙，口水雞由於用了辣油可能會感覺較油膩，但配有青瓜和青沖中和了油膩感。服務員態度很好有禮！

喺附近接老公收工已經好耐冇嚟荃灣 但係都勁多小店，天氣凍凍地，好想食辣嘢就入嚟呢間試吓, 環境絕對比附近其他小店嚟得骨子同整潔！大贊一入到嚟就附上兩杯冰綠茶 超級解辣同老公每人叫咗一碗招牌重慶涼麵 同埋乾拌麵，兩水個都叫咗BB辣，但係都對於我哋嚟講有啲辣😂但係就非常惹味，味道冇得輸.另外叫咗紅燒肥腸同埋蒜泥白肉味道中規中矩，還可以 反而面非常出色，超級煙靭有筋道！調味都冇得輸！另外加配嘅蓮藕都非常之正爽脆！早知小食就叫佢😂.樓面小哥，比較靜，但係有問必答，細心有耐性！會有下一次：）

今晚落單麻辣口水雞、蔥油涼麵、招牌涼麵、酸辣木耳，今次來到非常驚喜，種類多了更多選擇，入到去哥哥仔已經交上餐單以供選擇，B B辣好唔錯，對不吃辣的我好好味，食得入口，麻辣得來可以吃得到，並有繼續進食的心情，不需食下停下唞飲啖水，份量亦足夠，店舖很企理丶乾靜，環境很舒適還有音樂聽，仲有兩杯茶送，上次堂食可以添加真係街坊平價版！祝你生意興隆💪🏻哥仔好有禮貌，師傅煮的冷麵口感好好，讚👍🏻再會惠顧及介紹朋友支持！今次又係蒜泥白肉沽清又食唔到

位於荃灣荃豐中心的十八梯是重慶風味特色美食裝修風格簡單卻又不失中國重慶的味道深色木凳木桌，也是很有身臨在重慶小店的感覺店面雖不大，可是人流量並不少足以證明店内的美食有多吸引人先說說我進店内坐下來的感受吧店員小哥先端上一杯免費的綠茶就先說這杯茶，茶底清香，口感濃厚，回甘十足再說說店内小哥的服務精神真的很有禮貌，細心單憑禮貌這點，就奠定了我還會有第二次的光臨不開玩笑，我真的隔天就又光臨了本店餐單上最最吸引我的就是清香蹄花價格是港幣＄35這價錢真的是絕了夾起蹄花軟爛脫骨入口即化，軟軟糯糯的湯頭濃稠，膠質滿滿白芸豆已經燉煮的軟綿附贈的香辣蘸水沾一下更為蹄花增添了風味不過在蹄花的處理上可以在細心點豬毛需要再處理乾淨其餘近乎完美冬天可以來上一小碗的清香蹄花真的很不錯推薦指數4.5顆星乾拌豌雜麵 價格是港幣$30這妥妥的性價比啊麵體可以自由選擇自己喜歡的麵辣度也是可以選擇的我當然選的是重慶小麵整體是不錯的肉醬碼份量是多的唯一我沒想到豌豆是乾的如果是豌豆煮成豌豆蓉會更好整體口感不會到那麼乾推薦指数4顆星蔥油涼皮 價格是港幣＄25這碗的美味程度麗贸有點騖艷到我了涼皮屬於清爽的口感伴著極度加分的長條絲狀的

口水手撕雞是一道令人垂涎欲滴的美食！雞肉鮮嫩多汁，經過特殊的處理方式，手撕出來的肉質更加細緻。每一塊雞肉都充滿了濃郁的香氣和鮮美的味道。配料方面，搭配了蒜蓉、辣椒和香菜等，增添了層次感和風味。口感上，既有肉質的嚼勁，又有配料的鮮香和微辣的刺激感。整體而言，口水手撕雞是一道美味又開胃的菜品，非常適合與朋友一起分享。不容錯過的小食！每人會送一杯茶水解解辣，好貼心！