十分幸福 (已結業)

走進這家台灣餐廳，彷彿回到了那個溫馨的過去。裝修風格懷舊，幾何圖案的地磚、深色的木質家具、繁複的中式掛飾，每一處細節都充滿了故事和情感，彷彿讓人置身於台灣的老街小巷。服務方面，他們更是做到了超出期待的水平。在我點了一杯凍飲後，我發現收據上寫的是熱飲。我向服務員反映了這個問題，他們立刻以非常專業和友善的態度處理了這個問題，將我的熱飲迅速更換為我原本點的凍飲，讓我對他們的服務印象深刻。至於食物，這家餐廳準確把握了台灣地方特色的精髓。他們所提供的菜品烹調精良，既保留了台灣菜的地道風味，又在其中融入了獨特的創新。每一道菜都彷彿在訴說著台灣的故事，讓人彷彿置身於台灣的大街小巷，感受著那裡的人情味和地方特色。總的來說，這家餐廳提供了一個懷舊又現代、獨特又地道的餐飲體驗。無論是裝修風格，服務態度，還是食物口味，他們都讓人眼前一亮，難忘回味。

唔係住係附近，有日約人經過，感覺裝修好有感覺。打卡位唔少，好有台灣的感覺，室內環境亦乾淨企理，令到我望一眼就決定入去食個lunch。(雖然真係好少人......)然後見到菜式，都係好地道的台灣系，名亦算吸引，價錢亦算合理。先叫咗2個午餐先，一個必食的鹽酥雞+肉燥飯，另一個亦算係必食的牛肉麵。先講個鹽酥雞+肉燥飯先，賣相十分OK，先試個鹽酥雞，發現炸粉好厚同埋雞扒唔夠多汁好味，最得意的是......有蔥油！肉燥飯就未見有驚喜，小朋友食2啖就無興趣再食了。其他配菜相比下就好少少。然後台灣菜就一定要配珍珠奶茶啦! 賣相十分OK，但飲落......好淡......，真係失望。然後到牛肉麵，都係無驚喜地質素好一般，個茶感覺OK (應該都好難唔OK)。等到朋友嚟，又再叫咗2個下午茶餐，好難得平均地都係唔好食，飲品水準KEEP住係失望。結論係: 硬件條件真係好OK，但味道實在令人食一次就夠，希望日後有所改善啦!!!唔好浪費左個場。

見呢度負評多都有d擔心😅但又想打個邊爐咁就試下啦初頭估緊藥膳雞湯以為得湯無肉最後都有3-4件雞有兩粒牛丸兩粒墨丸，兩條腐皮卷，蘿蔔，粟米，一碟5片左右既牛食完都幾飽最後加$5要冷泡茶下次想打邊爐都會考慮再去

仲以為自己樣衰俾收銀大哥寸，睇番啲comment原來我不是孤獨一人，有前人都係度受過氣，真正M底專用餐廳。成餐飯都好地地，食物黎講其實無乜問題，就係正常台灣野，堂食服務都無乜問題，點知埋單就出事。其實間餐廳啲付款系統壞晒，都唔使咁惡既，機器故障，又無人怪你，真係無必要惡左先既。望到餐廳隻碗寫住「生活很難，為你加油」都有小暖心，殊不知連餐廳門口一關都咁難過食完餐飯食完雖然感受唔到幸福，不過一定一肚氣咁飽

食物質素差，原本叫咗兩份牛128元和108元，結果都冇貨。淨係得返88元豬肉同牛肉。餐廳主打都冇貨點知啲肉肥膏多過肉。十分差員工態度又差，揮手當睇唔到。答問題啲態度又好似發脾氣咁仲要幾個圍埋一齊喺背後指住張枱講個客人壞話。唔係以為客人會唔知道八點入座食火鍋，九點已經催埋單。想趕客走例如:喺客人附近講:收工啦收工啦，同埋（特別用啲大聲執嘢，收碗碟等等方法）但係食火鍋邊有得快，淨係第一次等個煲滾起都15分鐘（仲未計落單上菜時間)食得唔自在同好急速。第一輪都未食完已經催埋單。建議餐廳八點開始唔好做火鍋最後因為兩份128和108牛無貨，改了88的豬同牛。+1服務費竟然沒有更改，要出聲提醒收銀更改。收銀仲要問返我扣翻幾多先啱。你公司有電腦系統，我做客人要自己計埋條數？

叫“十分幸福”外賣自取，一直待接單，等咗十幾廿分鐘，諗住佢唔接單又會取消訂單，因為佢唔係第一次，終於見到佢接單了，仲要話即刻可取餐，訂單已完成！誰不知去到餐廳仲係製作中，服務員話炸緊塊雞扒，我於是走去百佳買啲嘢，番轉頭仲未得，服務員見到我就同廚房講話仲爭個外賣雞扒飯，如是者又等多十幾分鐘，我見勢色唔對，走上去問佢得未，個“服務員”竟然大聲同我講：“得啦先生”！嘩，咩態度？大大聲唔好意思都無聲，結果我係餐廳門口等咗27分鐘，頭尾order用咗57分鐘！差！

放假落街慢慢歎個早餐，十分幸福！位於海怡西商場的台式餐廳十分幸福，一行入餐廳，裡面的裝潢好有台風，猶如置身於台灣一樣！座位都好寬落，環境舒適！台灣雙丸米粉一碗米粉有兩粒花枝丸兩粒香菇貢丸，花枝丸Q彈可口，食到一粒粒墨魚粒，香菇貢丸，口感彈牙有嚼勁，香菇味十足，米粉係台灣新竹米粉，加埋秘製蒜油，超香，即刻令成碗米粉提高一個層次，台灣腸辛拉麵普普通通的辛辣麵，➕上嫩滑微甜嘅台灣腸又變得唔普通，而且每個餐都會有多一個餸同牛油竹炭多士，佢嘅竹炭牛油多士，大概係索滿牛油再焗翻脆，所以入口有超濃的牛油香，真係會忍不住食埋隔離個塊歎完個早餐，再行下海旁真係幸福感滿滿❤️❤️

今日同阿媽覆診完 ～落到海怡就見到一間 紅色字"十分幸福" 的台灣食店！ 第一次入去試下啦環境方面: 裝修真係好似台灣啲小舖～有天燈丶台北火車站丶郵筒亦都有打卡位，所以 整間食店都幾特別！🕋🚉💈🚧🚦🛤️因為我哋接近中午及下午茶時段之間，地方 闊落丶冇咁多人流丶好多位等住我哋坐！ 職員態度都好好！ 帶我們入座 ！ 又有禮貌！我同阿媽叫咗兩個午餐，我加8蚊飲凍胚芽珍珠！ 啲珍珠好軟！ 欠缺煙韌度！阿媽叫咗個酥炸排骨飯+ 熱青檸柚子茶！🐷🍚 排骨飯仲有兩件細炸豆腐給一隻荷包蛋🍳我就叫左阿婆炒米粉～ 我哋再加一個竽泥肉鬆蛋抓餅！ 這個蛋餅味道好特別丶甜甜地！好味呀我和媽媽都食得很開心 希望有機會再來試下其他美食

見到裝修好有台灣嘅風格，引起我想食台灣菜嘅心情。見到個個都叫火鍋，就特登試試台灣美食。點知就中曬伏。。。紅燒牛肉麵湯底超級清淡，唔知仲以為食緊港式牛腩粉。真係食左幾舊牛，就無心情繼續食。魯肉飯味道正常，但分量真係少得好過分。總之就裝修好吸引，但係食物有好大嘅進步空間。。。加油

晨早流流去咗鴨脷洲整Dyson吸塵機😂 平好多喇嘛，半個鐘後可以攞返㗎喇👍等嘅期間就搵間餐廳食下嘢啦😋見到呢一間餐廳超級特別寫住十分幸福，已經好吸引㗎喇😍見個外表巳忍唔住要入去試，Woo門口已經好特別喇❤好幸福嘅感覺囉💯坐低咗啲嘢食唔貴喎💯仲可以飲珍珠奶茶😋但係我冇飲到呀😅我飲佢啲一樽樽嘅清茶座👍餐牌都好sweet㗎💯十分幸福早餐❤見到個餐牌都覺得好幸福好特別呀❤我叫咗個台灣腸辛辣麵配炒蛋同埋有多士，加三蚊可以換芋泥多士，芋泥多士未食過。。所以試下先😋跟住就可以揀茶啦😍我叫咗個冷泡茶係高山翠綠冷泡茶👍嗰樽仲真係可以攞返屋企重環再用 👍用嚟沖自己喜歡嘅茶💯服務員好窩心咁樣同我講話呢一個茶個樽你可以攞返屋企用❤記住唔好用熱水喎冷泡茶呀👍👍等咗一陣間個麵嚟啦❤辛辣麵又真係好辣喎😋好似屋企食嗰啲咁但係就彈牙好多，肯定煮得叻啦😅😅，台灣香腸好好味呀😋好耐冇食過啦😋😋 個炒蛋都好滑添呀💯最特別嘅地方梗係佢嘅芋泥多士👍👍第一次食原來咁好味㗎💯💯令到我有意欲想再食多次芋泥多士，可惜只係得一間十分站店咋。。仲未有分店希望佢會越開越多啦💯💯

同事叫左個阿婆炒米粉，勁咸。紅燒牛肉麵個湯底係鼓油加水最正常已經係香酥排骨飯，香酥排骨suppose 應該係炸，但得一片煎嘅豬扒，仲有大圈肥肉。仲有隻油淋淋近全熟嘅蛋，一舊豆卜，大舊白飯但無其他餸可以一齊食。service 好麻麻，枱上有餐具但搵唔到匙羹。所以問經過店員，但男店員黑臉拉過個餐具盒就扔係枱上，一句話都無講。後來我哋自己再自己搵先發現係攝左係最底下。如果係繁忙時間我理解，但餐廳都唔係多客人...

海怡半島食店不算多選擇，見到新開食店，以台灣菜作主打，店名十分幸福，就比次機會試一試味道如何先，反正其他都食到厭，睇睇有冇驚喜。見到餐牌選擇還可以，今日又不太肚餓，所以lunch就揀2個小食試吓，叫了台灣夜市名物之一，亦係我到台灣必食嘅"大腸包小腸"同埋餐前涼拌小食"皮蛋豆腐"相信係因為太耐冇去旅行，都滿心期待個必食名物，可惜期望比實際高太多......一打開個盒，見到2件超迷你嘅東東，中指長度同分量嘅糯米，夾住片條狀嘅''小腸"，條小腸仲要係圓柱體由頭開嘅4分1條......有野多嘅，葱多，haha。食材上脹都吾系咁囉，份量小都算，味道超普通，仲要有一件嘅糯米係整到硬掘掘，食吾到收成38蚊㗎。(相影得比例大咋)涼拌皮蛋都估到佢咩料，果然皮蛋加埋半隻，豆腐都係3分1盒百x豆腐咁囉，味道normal。總括可以一試，不會再試建議餐牌可註明迷你或輕量等字眼，雖然價錢可反映一切。