影片
附加資料
最後落單時間：9時25分
營業時間
今日營業
11:00 - 22:00
星期一至日
11:00 - 22:00
*最後落單時間：9時30分
以上資料只供參考, 請與餐廳確認詳情
係油塘同朋友行過大本營，離遠見到依間日本餐廳咁多人排隊。我地又八掛想試下，平時日本野好貴，但係睇佢個menu又好似幾貼地。【金龍蝦皇飯卷】炸蝦好脆，新鮮，價錢唔貴，性價比高！【鰻魚炒飯】同茶餐廳一樣價，但環境好好多。每一啖都有鰻魚夠足料，日本珍珠米，讚！【明太子燒芝士卷】明太子同芝士原來都幾match，芝士一啲都唔孤寒，非常多。【芝士炙四味】有四件炙壽司，帶子﹑蝦﹑蟹柳﹑三文魚，質素正常，以價錢取勝。【燒鵝肝卷】燒鵝肝啲邊邊脆卜卜，充滿油香味但係又唔油膩，好味！整體人均二百蚊內，抵食！下次再黎！
繼續閱讀
只要住油塘嘅人都會知道十勝牛餐廳，前一排裝修冇機會去食，依家趁住假日我終於得閒可以去食啦，我就比較大食，叫咗一個鰻魚炒飯同埋芝麻雞翼，在另外再叫咗杯西瓜汁嚟飲。講下個鰻魚炒飯先，鰻魚炒飯上菜嘅時候就唔係非常熱，但係入面嘅鰻魚粒就非常之多，個炒飯就唔係好乾身，好黏口。但係佢個鰻魚汁就幾好食。而芝麻雞翼就一般發揮，不過我就叫咗侍應嗰個沙律醬畀我點嚟食，即刻好食咗好多。西瓜汁就非常之好飲本身就好甜，咁落去好順口同埋冇西瓜嘅渣。
繼續閱讀
好耐無嚟呢個商場喇，之前都有喺呢間餐廳食下午茶。今日帶小朋友嚟玩，喺商場食埋晚餐，原來晚餐咁多人，都有二十幾枱等緊位，我哋大概等咗三十分鐘左右。食物味道麻麻，不過價錢係平嘅。餐廳可以用Qr code落單。上左起：赤蝦壽司，海膽壽司，帶子壽司下左起：火炙三文魚腩壽司，火炙三文魚壽司，黑松露火炙左口魚群邊壽司海膽壽司麻麻，其他可以。北寄貝壽司。特長鰻魚壽司，真係好大塊。牛舌串，有啲韌。醬燒豬軟骨拉麵。海膽炒飯。
繼續閱讀
是日家長日👩👦見完家長搵下有咩好食🥢黎到大本型根本覺得冇乜好食「十勝牛」係個好選擇午市選擇多🤔真係好多野都想食網燒牛扒附珍珠白米牛扒夠淋，平時乜都嗌un嘅細路都食到雖然$46，但都唔會得三兩塊牛燒石頭蒜香牛肉飯好鍾意食石頭飯，因為夠哂熱🔥可惜我唔鍾意飯面果啲芡好似比啫喱蓋住咁就係個芡汁失色咗整體性價比雖然午市要收加一但其實計埋加一都係40幾50幾蚊有啲餐仲要包埋前菜、麵豉湯、冷熱飲品🥤而家香港地好少哩個價錢食到個咁豐富嘅午餐味道就普普通通唔係話特別好食不過我覺得合格㗎喇價錢親民完勝
繼續閱讀
去玩完阿仔話想食日本野行下行下搵到啲間見都有唔小人等位，應該唔會太差掛餐牌真係超多野食！價錢都好平民化所以不知不覺叫左好多😜🔆日式豬軟骨拉麵豬軟骨夠曬淋，湯底濃郁，拉麵彈牙。🔆日式牛日湯烏冬應該係日式豉油湯底，烏冬夠彈牙，牛肉岩岩好！ 🔆玉子壽司、龍蝦沙律軍艦、蟹籽沙律壽司飯夠味、質素不差！🔆日式小食三併（八爪魚、螺肉、中華沙律）勁大份，超抵食！🔆軟殼蟹手卷軟殼蟹炸得好脆口，配埋沙律醬，好好味！🔆串燒元貝🔆雜錦串燒🔆串燒八爪魚蘇串燒有得揀鹽燒或者醬汁燒，我選擇咗醬汁燒，醬汁濃郁有味，唔會過鹹！🔆日式炸蝦天婦羅天婦羅蝦有六隻，炸得酥脆可口，食唔停口！🔆椒鹽雞軟骨雞軟骨大大粒，食起上嚟唔淨止得骨仲有少少肉連埋一齊好好味！🔆照燒牛仔骨燒汁做得好好，甜甜地牛仔骨都大大件好有咬口！整體野食都不錯！ 而且價錢仲好貼地！
繼續閱讀