千羽堂 (已結業)

早幾日行過見到新開張…… 今日 終於走去試咗 ！網上見到 有人話 海膽三文魚丼 ……好食 今次一於試下！上次行過 有 職員介紹 柚子蜜 同平時都柚子蜜係唔同，係自家制柚子，一於試下！海膽三文魚吞拿魚蓉當$148海膽夠新鮮、 吞拿魚蓉 好味 又鮮甜 、三文魚一般 、D飯同醋比例恰當，但份量少……柚子蜜味道清新，有別於一般即沖柚子蜜，跟餐價錢加12蚊抵飲……店舖環境開揚; 店鋪跟快餐店形式差不多，門口有自助點餐機 、自助提餐 、食完自己放回退卻口……金鐘食肆價錢……唔算太貴

早前呢間鋪頭嘅集團顧問(翠華集團)邀請我地到新店做壓力測試。今晚，我地一行六人到呢間新店做壓力測試(即免費試食)。餐牌簡單，選擇唔多。首先睇睇佢地個刺身吧，種類唔多。集團顧問親自示範落單方法。我地六個人叫咗六個餐，一齊分享。落單後，好似快餐店咁等號碼顯示去取餐。呢個 “特上雲霧雜錦壽司拼盤” 有支針筒。打啲水入盤內就會有煙出，好仙境啊！“葱爆吞拿魚溫泉蛋丼” 好多葱啊！唔食葱人士勿點喇！“海膽三色丼” 有三文魚同生牛肉，加埋溫泉蛋一齊食，我一個人嚟食飯就最愛點呢個餐。“飛驒和牛漢堡咖喱定食” 就浪費晒啲牛肉，唔應該做漢堡。我覺得呢個 “岩鹽燒鯖魚定食” 就最失敗喇，食入口無特別驚喜，仲好似喺吉X家食緊佢嘅鯖魚小吃咁！最後顧問拎咗兩個小食畀我地試下，“三元豚蓮藕夾餅” 食落唔錯，蓮藕爽豬肉香；“野菜豚肉餃子” 就被朋友食晒，食唔到無得畀評語。