半熟工房 (德輔道中) (已結業)

成日行街都會見到呢到細細舊嘅半熟芝士蛋糕🍰真係好可愛 估唔到朋友買咗盒送俾我試👀佢嘅口感係日式輕芝士蛋糕咁 鬆軟得來又好綿密 芝士味濃郁 甜而不漏 食落好輕盈 細細舊 一食真係會唔小心食晒成盒！

琴日突然間心血來潮好想食芝士蛋糕搵哂成個元朗都無啱食點知見到yoho mall有半熟工房pop up store仲有我最鍾意食嘅檸檬芝士蛋糕口味😚😚識落檸檬味唔算好重 超濃郁芝士好好味🤣絕對會回購😙

琴日放工經過半熟工房想買D芝士蛋糕返屋企食 但係見到前面個位客人買芝士撻就買返半打試下先～依家做緊promotion $90六個 價錢就唔係特別平啦 不過每款口味都幾好食 值得一試😋▪️原味▪️焦糖芝士▪️抹茶▪️朱古力個人最推薦焦糖芝士🥰上面既焦糖好似平時食焦糖燉蛋一樣香脆 不過就比較甜🤣如果大家唔係太好甜 又想試下其他特色味道 會推薦食朱古力或抹茶 食到芝士味之餘仲有其他味道點綴😋 我自己就放左入雪櫃第二日凍食 都唔錯！

今天(20/5) 在中环分店买了两个卷蛋，回到家要吃的时候才发现两个卷蛋都已经过期（最佳食用日期是19/5）🥲 还有今天在同一间店也买了个蛋糕，付了钱再计算，发现店员竟然算错及收多了钱。惊讶！

半熟工房嘅cheese cake同芝士撻好多人都鍾意食，今日食嘅係少d人comment嘅卷蛋。有唔同味道選擇 - strawberry, chocolate, matcha, coffee... $12就有一件，我食嘅係咖啡味，每件獨立包裝得靚靚嘅☺️好味過平日食開嗰d卷蛋好多，食完1件忍唔住要再食多件😁

經過半熟工房，買咗件火焰芝士蛋糕同半熟朱古力撻。火焰芝士蛋糕用北海道特濃奶油芝士，配搭日本幼滑麵粉同法國鮮香牛油製作，芝士味濃郁，質感軟滑，上面係脆卜卜嘅焦糖片，真係好好食！不過半熟朱古力朱古力撻就麻麻地，試下就算了😂

上次試過焦糖芝士撻，今次就試吓其他口味，抹茶芝士撻。抹茶芝士撻先講外表，係吸引人買嘅尤其是鍾意抹茶，會令人對佢有種期待，然後就係試食報告，口感同芝士撻係一樣，creamy軟滑，而撻皮依然鬆脆，但係味道就有啲失色。抹茶味唔夠濃，芝士味都問夠香濃，甜度適中，可惜味道唔夠，而且個撻皮都比較油，成張牛油撻紙都係吸滿晒油，所以整體來講都係一般。始終暫時都係覺得原味最好食，佢仲有其他口味，藍梅芝士，榴槤芝士，朱古力芝士，下次再試其他口味，再同大家分享

半熟工房出名嘅就係芝士撻，撞啱出爐經過門口就會有一陣陣嘅撻味飄出嚟。經過真係忍唔住想買個黎食。今次就食左個焦糖半熟芝士撻，行到個櫃一望，點知無既😞，好彩多口問吓佢，原來係即叫即整，嘩！正吖，不得了，咁梗係即買啦。不負所望，暖暖既半熟芝士撻加上焦糖脆皮面，真係好好味。 咬一啖的芝士流心咁流出黎，然後個撻皮鬆脆唔硬，唔係好似的曲奇皮咁，甜度恰好，並唔會因為個焦糖面而變得好甜好溜，成個比例都好好，下次一定要再試下其他口味。

用openrice app外賣自取，十分抵食~60元就有半打火焰焦糖芝士撻，40元就有5件火焰焦糖芝士蛋糕。因表面有層焦糖食時有點麻煩，中間芝士很易爆出，但論味道就十分出色。。抵食。

半熟芝士撻很濃的芝士味，一個蛋撻都很飽滿’剛岀爐都係熱的’蛋撻趁熱吃最好食。 曲奇餅底，不是酥底，蛋液很滿，而且特別嫩，比jelly口感重要好一啲，整體有一點點甜，但真係好食。

第一次食呢款焦糖芝士撻, 一試難忘~~~面果層嘅焦糖好脆, 芝士撻好好味👅👅👅用OpenRice 自取優惠預先訂購, 好抵食‼️好方便‼️平靚正之選‼️下次會再幫襯🤤🤤🤤

今日有同事lasr day派餅我要左哩舊 - 半熟 芝士蛋糕我勁鍾意食，雖然價錢貴左啲，但真心好味之前系鑽石山見到有，不過依家好似冇左但系系黄大仙又見到，仲有似多左好多野，下次再去睇下先蛋糕表面好似有輕微焦焦地，下一層就系幼滑口感嘅慕斯再下一層就系鬆軟嘅蛋糕我覺得好味嘅地方同食法(兩款都試過)口感細滑叮熱10秒食又得會較突出芝士香味，蛋糕層更鬆軟凍冰冰甘食又得口感較豐富，似凍餅果層慕斯 真心我一個人可以食一打

平時行過半熟工房通常都係人頭湧湧，但今日同朋友行街街經過竟然唔使排隊，咁就梗係即刻買啦，雖然仲係好飽但都係忍唔住買咗幾個芝士撻回家分享，30分鐘車程回到家仲係熱的，清甜軟滑感覺非常滿足。

放工口痕，想食點甜品，經過呢間蛋糕店，忍唔住就買咗個朱古力蛋糕啦！之前我都有朋友請過食呢間店嘅芝士蛋糕，今次就一於買個朱古力味試吓啦，朱古力味嘅口味冇芝士味咁膩，更加容易入口

由於要派餅所以諗起呢度，發現佢有期間限定既package，包左獨立包住既布雪同芝士蛋糕，而布雪都有好幾個唔同既味可以揀，牛奶呀，芝士呀，抹茶呀等等。呢個package既好處係，每次派餅都總有人話好飽，唔想食住。咁佢地可以要個獨立包裝既布雪，想食先拎出黎。我要左兩個set之後加左啲芝士撻。芝士撻同芝士蛋糕都係搶手貨，質素相當不錯。最後派完淨左一個蛋糕。自己開心食左！佢細細個，岩岩過到口癮。蛋糕係好moist，芝士味淡淡地不過好香，正！