半熟工房 (德輔道中) (已結業)

半熟工房出名嘅就係芝士撻，撞啱出爐經過門口就會有一陣陣嘅撻味飄出嚟。經過真係忍唔住想買個黎食。今次就食左個焦糖半熟芝士撻，行到個櫃一望，點知無既😞，好彩多口問吓佢，原來係即叫即整，嘩！正吖，不得了，咁梗係即買啦。不負所望，暖暖既半熟芝士撻加上焦糖脆皮面，真係好好味。 咬一啖的芝士流心咁流出黎，然後個撻皮鬆脆唔硬，唔係好似的曲奇皮咁，甜度恰好，並唔會因為個焦糖面而變得好甜好溜，成個比例都好好，下次一定要再試下其他口味。