卓記粥麵小館

營業中

休息中

101落車位, 從來沒有發覺的麵店, 可能今天早收工, 天尚有少少光, 又加上等燈過馬路, 轉一轉身便發現, 見無嘜人, 食多次下午茶啦, 一碗水餃麵只收十三元, 實在太平了, 沒有甚麼期望, 可能正正如此, 反而有些驚喜, 麵身比想像中要彈牙, 碗內三隻水餃, 內裡加了些少木耳, 亦算爽口, 少少簡水味道, 蔥花切得不夠幼細, 湯沒有胡椒味, 但收這個價錢, 算合理了

舊區想環境好，可能真係難難難！呢晚都係人迫迫，好彩能夠搭到枱。由於趕時間，唯有食得簡單啲：叫咗牛腩麵、水餃麵牛腩雖然幾肥吓，不過就好入味，肉質亦幾腍。水餃大隻、足料，味道就冇特別。麵帶有少少梘水味，加少少醋會好味啲。整體本來係中上，加埋$13呢個價錢，即刻變成上上！p.s. 唔知係咪搬過嚟，位置其實响寶暉大廈至啱

剛好去了一個不可能吃得飽的飯局…好讓我有機會來這裡試試…是夜本身不太舒服…但吃不飽讓我心裡更加不舒服…所以我就在土瓜灣之友極力推介之下…跟了他去多吃一頓”正餐”…看到別人的粥好像很不錯似的…但感覺上好像吃粉會比較飽…所以我點了…紫菜墨魚河…食友點了雲吞麵…另外我們還要了魚皮和蠔油韮皇…韮菜類的我都很喜歡吃~本來是想要韮菜花的了…可惜沒有…我還是頭一次看到有人拿韮皇當油菜的…所以沒有不叫的理由哦~可能是太肚餓的關係…一拿上檯就吃…完全忘了要拍照這回事….結果我只拍了魚皮和韮皇的照片…魚皮薄薄的…不算是十分脆…不過好的是沒有油益味…當然比我吃過最好吃的謝記炸魚皮還差很遠啦…至於韮皇…白灼再加蠔油是沒有不好吃的道理了…所以我吃了很多…哈哈哈~食友的雲吞麵先上…他應該是很喜歡吃雲吞麵的…因為幾乎每一次他都會點雲吞麵…專一得很…我嘗了一粒雲吞…雲吞不大不小…裡面蝦和肉的比例一半一半…味道不錯的~但我還是喜歡吃多蝦的雲吞…而我的紫菜墨丸河呢…墨丸有點實…不夠彈牙…墨魚味不足….紫菜份量多…但口感不是我喜歡的那種…有點鞋口…不是滑滑的那種…不過在肚餓的時候吃…加上潮式的辣椒油…我覺得可以給一個OK啦

太座於公司開完會已是差不多九時。外面寒風凜冽，沒有一件事比吃一碗熱粥進肚子更好，今晚的晚飯就這樣決定吧從家裏走到這兒，快一點的腳程都差不多要十來分鐘。本可以去近一點的九龍居或七喜買的，但小弟未曾吃過這兒的粥品，所以寧願走遠一點，也不太計較...蠔豉肉丸及豬潤滑牛各一碗。心中正在盤算是否來多個炸雲吞之際，忽然想起食評提及它的份量極大。時間已不早了，不想太夜吃太多油膩的東西，還是留待下次吧....拿回家時，粥還是熱的。用匙羮掏一下，感覺粥底頗綿及厚身；失望的是吃進口時，師傅味便徐徐而來。豬潤片得很厚，也挺爽口彈牙；滑牛真的很"滑"，但那是用上鬆肉粉的結果肉丸應不是自家製的，肉汁及肉味甚缺；蠔豉size很袖珍，少了那種甘香之感，很平平無奇....水準只屬一般，但不至於很難吃，但應不會有下次了

雖然唔係住果頭,但久唔久都會同女朋友去果度食野.最鐘意佢既炸鯪魚球,雖然製作需時但水準不俗,試過外賣,用發泡膠原封不動放響冷氣房攤左成兩,三個鐘,咬落去d魚肉都重暖暖地.粥品方面,豬潤真係整到好靚好滑,又係外賣拎走,攤左成個幾鐘先食,d豬潤都唔會覺得老同鞋.魚腩大大舊,滿足我呢d鐘情於口感既人

住係佢附近，唔想行就會想起佢，一落街就有得食....水準無減！！最愛他的"牛腩"河，有時會雙拼"牛腩雲吞or水餃河"加辣油同多醋....正 =.=v我男友就最愛牛肉粥加油菜

卓記係唯一一間會令我一再回味嘅粥麵店!雖然環境唔似新式粥麵店咁企理乾淨,但裡面嘅裝潢好親切,亦唔似一般粥麵店大吵大鬧至於食物,佢嘅粥底應該係加咗魚肉同魚骨,所以食落好鮮好甜,唔似一般粥麵店落味精~而豬潤好爽好甜!我更加試過買外賣放咗幾個鐘啲豬潤都唔會老佢地嘅炸醬麵豬手麵都係我至愛,味道適中,冇味精,豬手非常入味!但我最愛都係佢地嘅炸鯪魚球,五十蚊一碟,但係有成隻蒸魚碟咁大!至於味道同口感真係好好!皮煙韌,肉彈牙,又熱辣辣!炸鯪魚球係即製嘅,所以都要等幾耐,但我覺得等係值得嘅!愛嘅地方有好多,但都令我惋惜...上次去到發覺價錢不加反減, 老闆話生意難做...而且老闆年紀大了,似乎都未見過後生嘅落場整炸鯪魚球...有點青黃不接嘅感覺..

兩間卓記粥店,一間在西環,一間在土瓜灣高山劇場附近的橫街.同樣為老字號,後者就比較多選擇.除粥品之外,也有麵食供應.相比之下,粥品比較出色,其粥底軟綿綿,味道清甜,沒有下味精.這個豬腰魚片粥,豬腰沒有異味.魚片肉質亦佳.不是一夾即散之貨色.其他的魚腩粥,就沒有佐敦幾間老店做得好.不過在土瓜灣,其粥底是區內最佳.希望這等粥店,並不會如友人所言,漸被邊緣化.

放工後到土記做面,先吃個一人晚餐,外遊前相當要留前鬥後.路過此店子見坐滿街坊,二話不說擠進小小店子覓得一個一人座,街坊小店裝潢沒甚講究.點了即煑生滾粥,生菜魚腩蠔豉粥$25,等了良久粥品方能上臺,粥的份量不算多,幸好粥底算綿且略偏稀身,食味鮮甜;反而蠔豉雖的的骰骰,份量卻至少有十數粒,食味屬一般.至於魚腩肉質挺滑而鮮,不錯不錯!服務平平.$25,合理價錢!食得過!