協奏坊西餐廳 (已結業)

不是第一次來，考慮到評語必須盡量客觀，多試幾次才決定寫。何出此言？因為第一次來的時候，長腳蟹出了問題，味道不好！供應商交來的貨不好，酒店也莫奈何。試多幾次，證實了不是經常出問題，就可以放心。以這個價錢，在今天來說可以算是價廉的了，但大部分的菜式味道不錯，款式的確是少了些，但我覺得這種安排，仍然可取，款式多但大部分不好吃的話，多又如何？所以再三光顧，也不覺厭倦。有些不起眼的菜式，例如：壽司和素麵，質素都比預料中要好些，甜品也不錯，炸蝦這種平凡又難搞的，也頗美味，環顧四周都是香港人多，間中有洋人，不算吵鬧。

同朋友預祝生日諗住去食酒店Buffet，咁岩見到尼間有做7折優惠所以去試下。竟然有冰鎮鮑魚食~!!!!雖然味道一般，但都係驚喜~ <3D野食雖然唔多但好好味~!!!個即煮意粉好好食~!!!(有芝士啊黑松露啊帶子啊~~之類(,,・ω・,,)好食~又有蟹~ <3 ヽ(∀ﾟ )人(ﾟ∀ﾟ)人( ﾟ∀)人(∀ﾟ )人(ﾟ∀ﾟ)人( ﾟ∀)ﾉ

掃食蟹腳會本😛 母親節帶母親食餐好❤️去酒店食海鮮自助餐 最重要媽媽食得歡喜就好👍餐廳環境乾淨 座位寬闊 待應服務親切 整體觀感不錯🤗 而且一入座每位先送上冰鎮日式磯煮鮑魚🤤 現場有廚師即場烹調芝士帆立貝黑松露意粉😍成磚芝士😛意粉芝士味重 creamy🤗仲有燒安格斯牛 肉味重😋 中西日式樣樣都有D 甜品十多款 有movenpick🍦*而家訂位仲有7折！抵食！========================協奏坊西餐廳 (大角咀)大角咀大角咀道86號九龍珀麗酒店2樓

為咗紀念同另一半既日子，四周圍搵下睇下有咩好食，機緣巧合見到呢間，打電話去book位訂枱，職員叫我上openrice睇下，有無優惠卷，咁我就打印出嚟去食啦！食既時間係晚上6點半，其實間嘢都比較難搵，加上自己唔熟大角咀，都係比原定時間遲咗十幾分鐘，去到人就唔多，坐下休息咗陣就開始食嘢，海鮮總類唔多（有龍蝦，蝦，長腳蟹，麵包蟹但無咩膏，青口，魷魚），飯類得一種（西班牙飯）都尚算ok，餸唔係好多選擇，湯有蓮藕湯同忌廉湯炸物都有幾款，意粉得一款，壽司得4款，刺身3款，冷麵，熱飲品得3款（奶茶，咖啡，檸茶）無其他飲品，雪糕有movenpick有雪條，有自制pancake好好味，甜品都ok，不過整體來講，價錢ok，但食既種類太少，應加些飲品（例如汽水，豆漿等等既飲品，飲水太寡了），食到無嘢啱自己食，所以食既份量好少，平時食自助餐都會食好多，但今次有啲令我有少許失望

雖然五月一日是勞動節，但是，為食的我卻沒有讓口舌腸胃休息下來，相反，還跟家人親戚一行12人到了大角咀一間酒店的餐廳大吃大喝一頓自助午餐。餐廳不算大，座位估計約有百餘個，尚未到自助午餐開始時間，座位已所剩無幾，客人亦整裝待發，蠢蠢欲動了。在這 “暴風雨” 的前夕，一切 “風平浪靜”，我當然要把握此刻良機，讓手機拍下食物的美態。沙律吧的佈陣是圓形，方便多位客人同時拿取食物。多樣的食物是以冰鎮著，能保持食物新鮮。熱葷有: 西冷牛扒、鱈魚柳、炒時蔬。燒物、炸物有: 燒春雞、春卷、咖喱角、炸雞件。還有炒麵和燒賣。有驚喜的是，竟然設有一部自助 pancake 機，按掣後，等一分鐘就有得食，好先進喔! 不知道將來會否發展到應用至其他菜式，例如生炒排骨、椒鹽鮮魷……呢?甜品款式有: 杏仁茶、布丁、各式蛋糕、豆腐花、花生糊、切粒生果、雪糕等等。當然唔少得咖啡、紅茶。正午12點，開動! 場面墟憾! 客人紛紛湧去拿取美食，讓口舌腸胃勞動一番。咦! 走漏了眼，竟然發現有魚生! 唔客氣了，叫師父給我吞拿魚、希靈魚各三件。好新鮮，好鮮美喔! 原來希靈魚的質感是很特別的，黃色的部份好似魚籽一樣，是卜卜脆的。自製沙律

今次上網睇到呢間位於大角咀既珀麗酒店，係Openrice做緊優惠，所以就一家人去試下佢既自助餐，係餐廳座位不太多唔算迫；食物雖然款式不多，但呢個價錢都算係咁……刺身只有三文魚、呑拿魚同埋希靈魚，仲有長腳蟹食，而熟食方面，其實都係同一個櫃枱既燒牛肉&燒三文魚；因爲個櫃枱長期得一個廚師，所以其實都有啲驚佢同時間處理生熟食物，好易會交义感染，同埋每次只係可以攞得好少，因爲個爐好細……總括而言，呢個價錢食到呢個質素都可接受既……

之前都係黎呢度食半自助午餐多，一百蚊到就有交易，食物質素唔錯，所以真係幾抵食！今晚就約左朋友黎食自助晚餐，三百幾蚊一個，正常價錢。今期做緊 意日情迷 ，所以有pizza、ham、大芝士意粉等菜式。每個人會有一只凍鮑魚！幾大只！炆到好林，但林得黎好爽口！沾埋個鮑汁食超正！海鮮bar有五款海鮮，種類幾多，包括有青口、長腳蟹、龍蝦仔、蝦同蟹。新鮮同幾多肉！refill得都幾快，隨時夾都有貨！平時自助餐一見到長腳蟹就要出去搶甘濟，但呢度唔洗，可能因為好快就加反貨，所以無必要甘做長腳蟹肉質實淨，幾好肉，可以成條肉取出，唔會梅晒！少少既咸味，唔錯！熱食有魚塊、雞、關東煮等。相中前方既東波肉做得唔錯！炆得好入味，又林。有肥肉，但又唔會成舊都係！我最中意食既就係呢個鐵板燒！有安格斯牛同三文魚。師傅即叫即煎！企係度等都文到超級香！因為煎需時，師傅會叫客人坐低等，煎好送過黎，服務好好！安格斯牛火喉控制得好好，剛好熟，帶少少紅色，食落好林，咬落有肉汁，好香牛味！超正！！有個自制班戟機，少見，一禁就自動煎同出，味道唔差，好鬆軟，可以玩下車輪芝士北海道凡立貝黑松露忌廉煮意粉。個意粉先係平底鑊加材料同忌廉煮熱

周三晚上，睇到openrice優惠幾抵就過左黎食自助餐喇。晚上嘅7點，人客比較少。好中意近門口好似雀籠嘅位置。感覺就似坐係小型包廂裏面。呢度食物款式唔算話好多！冷盤：麵包蟹、長腳蟹、蜆、青口、凍蝦熟食：特式d 嘅有東坡肉、關東煮、pizza、日式吉列咖哩等。甜品區：蛋糕類有4款，仲有仿燕窩布甸、橙味啫喱、提拉米蘇杯、時令生果、movenick 2款（雲呢拿&咖啡）仲可以自制pancake關注微信或like fb, 送蜜桃蘋果茶一杯！開始食喇！每人送隻磯煮鮑魚。鮑魚入味夠稔、面包蟹蚶肉厚。莎樂美腸、芝士都有供應。熟食方面：東坡肉外皮黏黏充滿骨膠原。關東煮口味比較甜，南瓜湯味有點不夠。Pizza 類焗得幾香脆。專人即場整芝士忌廉意粉，放入大磚芝士內好吸引。星期一、二晚嘅buffet有個估下個芝士有幾重嘅活動。估得最接近嘅客人就可以有多兩張免費buffet 送番俾你！仲有即燒嘅鐵板牛扒，要加埋秘製醬汁ga!甜品方面：最好味嘅係brownie 、橙味啫喱。我係菠蘿怪菠蘿都非常甜，食左一大碟呢度有部1分鐘嘅自助pancake ，任意加topping。movenpick 雪糕有兩種口味: 雲呢拿/

早起的鳥兒有蟲吃，雖然依家早起都係為左番工，但食野方面小妹都肯花少少時間去準備的今次見到提早book有折，搵左位可靠唔會放飛機既朋友試下呢間由於朋友平日先得閒，呢日收工6:30太早過黎無乜人，不過食自助已經好放肆，早d食多d時間消化，罪惡感可減低（好似係）！訂位每人送隻鮑魚仔，幾彈牙 譏燒既甜甜地，不過唔係好明點解做頭盤，可以食左沙律先再食鮑魚～據聞個主題係意大利風，所以有水牛波波！細細粒好Q彈，嚼嚼下有淡淡既芝士味；之前上網睇完水牛芝士製作過程覺得實在太有趣，對佢既愛有增無減但唔明點解明明外國賣得咁平但香港要咁貴-_- 其他既頭盤如火腿/菇菇等都唔錯，但水牛波波可能俾我呢類人食得太多之後好似無refill.. 要食就快手xD海鮮類係友人至愛，竟然有小龍蝦！舊公司曾經有一班為小龍蝦瘋狂既內地同事，剝殼速度好似剝瓜子咁⋯但本人超龜速所以驟然放棄⋯ 青口係細細粒果種，好似法國餐廳食過既細粒青口咁，肉雖小但較甜；其他多殼類海產由於太懶淨係淺嘗左少少。shrimp cocktail 用高杯裝，靚得黎份量岩岩好，有紅菜頭/車厘茄等多汁蔬果配上熟蝦（即隔離海鮮既剝殼版），最後想食多杯xD 意式主題

協奏坊西餐廳現在正進行「意日情迷」這個主題的海鮮自助餐。當中有個芝士 x 意粉好吸引！(๑>◡<๑)雖然食物款式不算很多，但由頭盤、海鮮、熟食到甜品都會有，而且沒想到惠顧自助餐的話，每人還會有一客原隻日式磯煮鮑魚頗有彈性～中間的部份比較柔嫩。而且吃下去還有一種甘甜的味道呢既然是海鮮自助餐當然少不了冰鎮海鮮喲 有麵包蟹。不過個人來說偏好蟹腳和蝦多一點，吃起來很鮮甜還有藍青口亦不錯，只是殻有點硬身～弄開時有點困難就是喔～倒是蟹腳的殻較軟身！其他的冷盤還有自選沙律吧！也有一些是已準備好的沙律 - 西西里柳橙紅菜頭沙律這個沙律很清新，還很清甜多汁的喔！作為自助餐的開胃菜來說不錯另外還有意式前菜拼盤~ 兩款的火腿，可配芝士一起吃，或是配野菌來說也可以。那個牛肉配芝士的很鹹香 ( ~っ~) 也有小小的胡麻冷豆腐熱食方面相對來說選擇會比較多～還有一些炸物！另外說到意大利美食當然還有薄餅吧！話說對一直用火熱著的那四個鍋很感興趣，走過時還聞到很香的味道。沒想到竟然還有東坡肉推薦大家嚐嚐- 冬陰公海鮮湯～ 湯的酸辣度剛剛好，喝起來十分惹味。還有- 關東煮，鰹魚湯很清甜。雖然在自助餐中看到這

好奈好奈冇食過自助餐，因為近年食野太揀擇同埋真係食得唔多，所以唔會揀自助餐，但係同屋仁企人食又唔同，因為佢地可以食埋我果份，突然覺得抵返～揀呢間酒店，除左因為近呀媽公司，仲係因為佢係openrice 有早鳥優惠，今次10日前book都係＄288一位，真心抵，食完之後都覺得性價比真心高，黎睇下點解：前菜送你凍食鮑魚仔一隻～先係佢自打既海鮮頭盤，係凍麵包蟹呀！仲有長腳蟹呀！麵包蟹啲膏真係實的的架～仲要啖啖都係膏，食到唔肯停，基本上一人都食到一隻，好很抵！長腳蟹好鮮味，唔會一味死係鹽味，淨係食多幾舊呢2樣都抵返啦～沙律種類都好多，有一杯杯既日式冷麵沙律，亦有自助式既沙律菜，仲有撈好既ceasor，抵讚！熱盤個甜酸魚我覺得幾好味，粉菜類都多既而且很綠很新鮮！熱食其實都真係幾多選擇，佢仲有關東煮，幾得意好少自助餐會serve呢啲，而且味道幾好，係有甜味既～pizza系列得到男士青萊，麵包非常脆身，完全唔係放左好奈好淋果種。安格斯牛肉同三文魚即叫即燒，係肉汁呀！大愛三文魚！食左好幾轉真心正～甜品不算多選擇，但有movenpick雪糕就夠了，你食多2球又抵返晒～然後我很欣賞呢個自助pancake機，

小編之前去過大角咀嘅九龍珀麗酒店食過幾次自助餐， 因為價錢幾抵食，周不時有優惠， 而且食物質素又唔錯， 咁啱有親戚係加拿大返黎， 餐廳又做緊海鮮自助晚餐優惠， 所以就帶佢地黎食啦～ 早10天前預訂， 平日就可以優惠價成人＄288或小童及長者$208享用原價＄368的自助晚餐，仲要包埋一，好抵呀！😍👏🏻 5天內book枱，都可以有8折優惠。 餐廳環境以簡潔的白色為主， 人數較多會被安排坐到私人梳化位， 中間的餐桌都有適當的距離， 不會太逼迫，出入攞野食都幾方便。 光猛燈光令食客可看清楚食物的模樣和整潔度， 去食自助餐最怕環境昏暗， 連食物的新鮮度都睇唔到， 而「協奏坊」在環境上就給我良好印象。 這裡的☕️熱茶咖啡都是可以任飲的， 其他汽水、果汁都要額外收費＄28。 還有🍺1664生啤供應，＄48杯，價錢都算合理。 今期九龍珀麗酒店的海鮮自助晚餐主打海鮮薈萃， 每人可獲贈半隻波士頓龍蝦配芒果沙沙， 已開邊熟龍蝦，蝦頭帶蝦膏， 龍蝦肉質鮮甜，蘸上酸甜開胃嘅芒果沙沙一起吃，鮮味更突出呢！😜 由於係冬季關係， 酒店還推出一系列不同國家嘅特色地道煲仔菜， 為冬日添上絲絲暖意。 ☀️ 羊腩煲嘅黑

喜歡吃自助晚餐的朋友一定被包羅萬有、各色各樣的食物所吸引，食物種類應有盡有，最後還可以捧着肚子帶著滿足的心情回家。但每次想讓腦海回味一番當日的自助晚餐時，總要被那種類繁多、雜亂無章的食物而記不起自己吃過什麼。唯獨協奏坊的自助晚餐，才可以讓我在惱海中不斷回味再回味。協奏令我印象深刻的除了食物是以質素非量取勝外，更不時推出主題海鮮自助晚餐，整晚大部份的食品都會圍繞著主題發板，自然會容易記得食物的內容與質素。今期的海鮮自助晚餐主題是《意日情迷》，顧名思義該自助晚餐除了海鮮外，意大利及日本食品會是另一個賣點向大家先報一報價，海鮮自助晚餐由晚上6:30至9:30，而費用分2個時段收費：逢星期一至四 - 成人$368 / 長者或小童$238逢星期五至日、公眾假期及其前夕 - 成人$398 / 長者或小童$268⚠️注意，協奏坊做緊3大優惠，仲可以而優惠價享用該自助晚餐：1. 生日之星於生日月與3位成人同行可享免費自助晚餐2. 於十日前訂座並在openrice列印優惠卷，星期一至日成人每位只需$288，而長者或兒童則需$2083. 使用匯豐、恆生或中銀卡結帳可享有八折優惠———協奏坊位於九龍珀麗酒店2