南丫海景民豐海鮮酒家

營業中

休息中

我個人最注重飲食, 唔介意花錢食一餐值得回味既!!!不過這一間店跟本係開天殺價, 相信係專劏d第一次來, or 好少來的客, 2 個人食600幾一d 都唔貴, 不過d食物一d都唔值,覺得被騙....又少又唔好食又貴, d 店員又古惑, 各位...三思

1, 炒硯, 因為係例牌, (屈唔到人)只收$582, 蒜蓉牛油中蝦, 開頭我話要蒜蓉粉絲蒸,佢\話要加錢, 我話計來睇下, 出來後, 居然答我無粉絲, 又話蒜蓉蒸唔好食, 好貴etc.... ok ....蒜蓉牛油中蝦....我話半斤..佢\話...下???!!!! 最少都1,2 斤la....! 1 斤都好平下, 咁.... 問佢\幾錢... 佢\話轉頭計出來.... 之後同我講$13 一兩, 13x16... $ 208 好貴wor...結果張單係$252.......3, 炒花蟹,手掌大只有2隻, 同我講一斤8 , 又係轉頭講幾錢....$16 兩, $16 x 24 = $384 , 我立即答, 唔要,根住佢\入去話睇下劏左未(我心諗....一定話劏左)之後即有個似黑道人物走過來, 話劏左點可以唔食..... 之後我同佢\理論.... 我唔食又無話交易ok , 唔通拉我etc ... 之後佢\地俾單我睇, $264.......平左成舊幾...

諗住難得入到南丫島, 一定要食返個海鮮至得! 點知d 完全唔得!! 叫左三個....西蘭花炒魷$68d 魷魚係冇魷魚味既, 好明顯係急凍貨! 仲有$68 呢個價錢仲貴過出面d 酒家!!! 豉椒炒蜆$58d 汁好唔知點咁... 同個蜆好唔match, 而且一d 椒味都冇lor!!! 好失望! 得個濃味!! 應該純碎係d 蠔油汁... 碟面有幾條椒絲....賣單成$230, 我即刻忍唔住叫佢比張單我睇下, 一碗飯$8, 我地叫左兩碗, 再加埋一, 但係我點計都計唔到有$230 lor, 今次比人搵左笨!!!!!!!服務態度: 差!! d waiter 唔會點理人, 好高高在上咁咖!!!!!!!

唔好信d waiter. 佢實同你講唔夠食.盡量自己出去秤. 因為你無見過樣野好易俾佢乎大個數..是日叫佐3隻x尿蝦,個waiter 話兩個人差唔多.仲問我地會唔會唔夠食..叫佐一個小菜,一個炒聖子.一個炒蜆. 一支啤酒.total 竟然要七百幾..本身我都係預五百幾左右.最唔開心係佢幫我地秤完之後講一講就走佐..我地叫返佢返轉頭想cancel 個x尿蝦..佢即刻就話切佐. 係唔係吹脹.梗係切佐啦..原來淨係x尿蝦440.三隻. 大家真係一定要食呢間就真係要自己去秤啦..小心小心..不過其實有其他選擇者.. 呢個價錢..出去食返呢個質數..一定唔只呢個量..唔好貪佢起係第一間..

來南丫島, 怎樣也要吃一餐海鮮才像樣, 見這裡人最多最旺場, 便選擇了這裡。海鮮是自己出去魚缸選的, 千挑萬選, 菜單如下:1. 蝦醬炒深海墨魚- 好吃, 但吃不出深海墨魚跟平時吃的墨魚有什麼分別($70)2. 豉辣炒蟶子- 份量不少, 蟶子也很鮮甜,不錯($70)3. 椒鹽瀨尿蝦皇- 9 兩重, 鮮甜, 但沒多少肉吃到, 很不伐算($16/兩)4. 蒜蓉粉絲蒸扇具: 很大隻, 也非常的鮮甜, 裊不錯, 但有點貴($100/4 隻)另外加了兩個靚仔, 飯後還有很不俗的蕃薯糖水送, 滿意的一餐, 但再一次重申, 實在是有點貴。

It is said that the sea food in Lamma is cheap and delicious. So I went there with my friend yesterday and had supper in this restaurant. The food is common while the price is scared!I wondered whether we are eating the sea food or the sea food are eating us~!!!!!!

第二次幫襯,照舊叫左個牛油蒜蓉中蝦~上次亂咁放,今次d蝦就排到鬼咁靚,不過唔知點解就冇咁好食....叫左京都骨(唔知點解突然想食..)d野起得都幾快~又熱~價錢同水準成正比~~是次2人消費約:200左右

琴晚突發奇想, 就同男朋友搭船入南丫島食海鮮...本來諗住去索古灣, 因為多選擇d, 但船時間唔夾, 所以去左榕樹灣...咁因為想趕早d既船返港島, 就o係最近碼頭既呢一間食喇...咁兩個人, 叫左一碟炒蜆($58), 一碟蒜蓉炒西蘭花($50), 同埋兩隻賴尿蝦($14一兩)...豉椒炒蜆唔太辣, 幾好, 唔會俾d調味料蓋過海鮮既味, 同埋d蜆真係幾正, 冇沙架...跟住碟西蘭花, 佢既蒜蓉係用南丫島特產-- 炸蒜蓉蓋面, 我幾鍾意佢呢個炸蒜蓉, 不過除左o個d炸蒜蓉之外, 個西蘭花都只係清炒, 冇乜其他蒜蓉味...之後個賴尿蝦, 我地係叫椒鹽既, 但上台既就係好多洋蔥同蒜蓉... 咁因為趕船, 所以都冇問個waiter (同埋又諗住, 可能呢個就係佢地既椒鹽煮法)...真係好好味喎, 好大隻, 每隻賴尿蝦都有個前臂咁大, 又多肉... 同埋真係好鮮甜, 因為我未食過賴尿蝦係咁甜架...可能因禍得福, 如果真係椒鹽, 太濃味反而蓋過左蝦既鮮味呢... ^^不過就真係好貴, 呢碟蝦都要$270...所以食完呢餐, 呢個月都要節衣縮食...total食左$470左右

昨晚去完，價錢ok，只有瀨屎蝦超貴，佢話無細隻的，只有大隻，所以要成750 元，但其實味道唔算十分好味，因為到第二天我已經唔記得我吃過什麼了，只記得帶子就好大隻，好ok，不過我估作為一間地點咁近碼頭的正舖，佢仲可以再好d。

味道一般, 海鮮so 貴. Suggest not to go there again... Waiters lie...

第一次嚟，好似好多人一樣，本來諗住洗$500，結果就洗咗$1000。比預期多成倍！但老實講，又的而且確係幾好味！我哋(2人)叫咗蒜蓉蒸開邊蝦、豉椒炒蜆、蒸扇貝(6隻)、椒鹽巨型賴尿蝦(2隻)&一個小菜，仲有d飯、汽水同啤酒…多謝埋單$1000-雖然係幾貴，但勝在好鮮味，海鮮好新鮮！最主要係d海鮮煮得一d都唔鹹，調味料恰到好處，能帶出海鮮嘅鮮味，但又唔會"搶"咗d甜味！食完一d都唔"頸渴"！建議不用叫飯，將海鮮當小食咁食，飲噃杯啤酒…正！！！P.S.最衰就係冇冷氣(雖然係海邊，但夏天真係好熱！)

前日同男友去渡假, 諗住俾個短短地既畢業旅行佢就同左佢去呢度食海鮮, 但係勢估唔到呢餐會咁貴因為之前睇食評兩個人食$400, 都可以order 3 至4樣野,本身我個budget係300拎蚊, 但係終於係食左個double, 埋單要成$620...確實我地係連俾貼士既錢都冇..好彩仲有八達通搭船走我地只係叫左兩個送1. 蒜蓉中蝦--$16/ 兩我地想要半斤, waiter就話要10兩啦, 咁就叫左, 都ok好味, 牛油同蒜蓉味好夠2. 蟹煲--$12/兩因為得兩個人, 我都唔知應該要幾多, 就問個waiter, 佢話大約係一斤, 兩斤啦(我心諗一斤同兩斤個分別好大架喎, 因為個蝦都已經成$160啦), 見到我地面有難色, 佢就話order左轉頭再覆我地有幾重--最後秤左足足兩斤俾我地--都有肉食既, 但係味道一般本身仲order左個炒蜆, 但係計過都係唔夠錢俾, 所以即刻cancel左仲問我地要唔要飯食~~~我地梗冇叫啦, 已經唔夠錢最後要我男友再去提多$400先夠找數以後真係唔會再去

我係一個不嬲都唔鍾意食海鮮0既人，但我有一次同屋企人去食飯...0個度係食海鮮0既，心諗：「死啦！肯定無啖好食喇！」點知...嘩！好好味呀！我勁0係度食喎...咩都食呀！我Ｄ屋企人都好驚奇呀！我真係不嬲都唔食海鮮嫁！但真係好好好好味呀！但講真0個句....好貴呀！但無所謂啦，Ｄ海鮮又新鮮..用料十足，味道仲一流！一定要食蟹煲呀，招牌菜絛呃你，真係好正！服務態度又好！我比佢９５分呀！（雖然無冷氣，但真係我覺得係最好味0既海鮮酒家呀！）

要了一客豉汁炒大蟶子和半斤白灼蝦。炒蟶子：98元五隻，豉汁少辣，送飯是不錯的！由於不清楚斤兩，半斤白灼蝦，大概有二十隻，都唔知是否足枰。十元兩，計起來160元一斤，很貴啊！計埋茶五元位，花生十元碟，加一小費。都唔知是否因為是由碼頭行起的第一家酒家，所以這麼貴？