南亞冰室

營業中

休息中

同家人出旺角看中醫，想吃平些的餐廳，阿嫂建議在旺角熟食中心吃，因為有很多選擇，不用遷就任何一個，就選自己最想吃的。我偏好西式焗飯類，有兩間選擇，我選這間因為比平和有幾位客人在等候，相信不會差吧！落單後等了約15分鐘才可取餐，比預計多了5分鐘。焗海鮮飯 - 很多材料，不是隨便放幾粒「海鮮」就算，基本上鋪滿整個焗飯，雖然不是新鮮海鮮，這個價錢已經超出我期望了，飯不會又濕又淋，炒飯底，不錯，如果多些芝士就更棒！配熱杏霜，很飽足呢！

今日又想去食返個咖哩包，不過原來間舖無開咁又廢事行返去朗豪坊入面食，就唯有隨便揀返間舖頭啦，行行下就揀左呢一間「南亞冰室」啦！其實呢間舖唔算係有一個特別之處去吸引我既，我朋友就叫左碟海南雞飯，肉量就唔算多，而且咁岩又無哂油飯，飯果方面就稍為遜色架啦～因為呢碗飯其實係用左油飯既果種米，食落就硬係好似差咁Ｄ咩咁，而Ｄ雞就都係咁上下啦，不過不失，整體黎講，其實就無咩特別之處。$40我就叫左碟炒貴勺，因為太耐無食啦，忍唔住就去試下，整體黎講都唔錯，咖哩味就無落得太重手，如果重少少就仲好啦另外Ｄ蝦都唔係新鮮果種，不過都無阻既，我最後都食哂全部$37整體黎講個價格都算低，而且我覺得佢地既服務態度都唔錯，會特登叫我地去拎餐個婆婆好可愛另外，網上面見到好多食家話等左好耐，但我地叫左兩碟野，前後都只係等左５分鐘，價錢亦都唔高，如果有興趣可以試一下

食得多蒸飯都會悶嘅，今日就試下隔離個間南亞冰室啦。見到有個炒飯叫甲乙丙炒飯，又幾得意咁，就食D款啦。同姐姐講要咩，之後就會比張牌你等佢叫no.  咁大概等左10分鐘左右就出左我個餐。原來甲乙丙係指豆角/肉碎同咸魚。個飯炒得幾好，熱辣辣又粒粒分明，可惜冇咩肉食，另外咸魚味唔太出，而且肉碎真係冇乜幾粒，感覺上好似只係食左個豆角炒飯，有小小唔係好抵咁-0-。雖然個湯都幾甜，但係就冇咩料咬下，真係得啖湯飲。總括黎講，雖然都叫做OK食得落嘅，但係同場咁多間，我諗唔會再encore佢。

平時很喜歡去旺角熟食中心食平正晚飯，這間南亞冰室亦光顧過不少，他的$23星洲炒米都不錯，但今晚想轉口味，叫左個$27的干炒豬扒意粉，點知中晒伏，炒出來的意粉很濕不好吃，而且最激氣的是整碟意粉得個4,5條又幼又薄的豬扒條(總共3隻手指長闊都無)，走去同個亞姐投訴，走出一個亞叔同後生仔，個亞叔原本想幫我加番D，但個後生制止個亞叔重要好寸咁話"我地D份量不嬲都係咁"，我就話 "人地碟豬扒會意粉都有2大塊，呢碟唔係咁呀"(因我見到之前有人叫，都係$27)，個後生就話"邊個叫你叫呢樣，份量係咁多嫁啦"，講到呢個份上我都費事哂口水，因為就算講羸左我都驚佢同我加料，最後我同佢地講 "得，你地咁做生意，我以後唔會再幫襯"。 今晚真係食到谷氣，呢間野永遠Black List!

世事沒有兩全其美，當要顧及錢包的應付能力，味覺便要作出妥協。旺角熟食中心有十數檔，門面大同小異，而今次我選擇南亞冰室的原因只有一個：價錢便宜。$23可以吃一碟星洲炒米，附送例湯或熱飲，加$2可轉凍飲，加$3更可轉為紅豆冰，實在很「抵食」。付款後要拿着籌等待，正好可以找找座位。整個熟食中心座位算多，顧客亦多，「搭枱」是無可避免的，環境較嘈雜和擠迫。等約五分鐘便可以開飯了！星洲炒米份量合理，色澤尚可，味道較淡，略嫌沒有辣味，配料有蛋、蝦、火腿，質素普通。至於紅豆冰，味道尚可。由於太滿的關係，攪拌時冰塊不停掉到杯外，正好解決冰太多的問題。總結而言，南亞冰室可以列入「糧尾餐」之一。

今日, 又過了馬路, 本來打算來尋幽探秘的, 不過, 臨時決定了行行朗豪坊. 而找食地點, 本來打算在四層, 不過臨時又想起隔條天橋的熟食中心. 於是, 最後的目的地, 就變成了這個熟食中心的其中一檔, 類似茶餐廳咁經營的食店, 方便的, 食個午餐.不太想吃炒粉麵, 兩餸飯類型的午餐. 也不太想成日食燒味飯. 行到呢一檔, 叫做南亞的檔位, 有焗飯食. 於是, 就別問了, 一於叫一個焗豬扒飯, 可是, 由於是即叫即焗, 搞到沒有時間, 行行上層的朗豪坊了. 不過不緊要, 我換來了美味的一個午餐.鮮茄焗豬扒飯, 炒底. 非常傳統的用一個鐵兜盛載. 等待的時間大概為15分鐘. 所以是真正的即叫即做, 出來的焗飯是香噴噴的, 看得出是傳統快餐店的手藝, 醬汁半乾的鋪滿了飯面, 帶有豐富的蕃茄味, 燴汁味道濃香, 再加上炒底的飯, 令香噴噴的味道一再加強. 帶骨的豬扒, 預先切開的, 夠熟夠腍, 成個焗飯, 夠熱, 夠香, 夠味....不過萬事, 欠了足夠的芝士.街市食肆, 往往是美味的根源, 所以不要睇小呢一D cheap cheap地既檔仔呀!

叫咗一個好多人都會食嘅焗豬扒飯（黑椒汁），等咗廿幾分鐘。終於都等到，不過...難食嘅嘢唔駛講得太多，去相～～～單睇外表已經唔開胃，表面完全燶嗮，乾“淨 淨”不特止，個哥仔（相信係老闆）仲要笑笑口咁話“咪幾好，你睇下，焗耐啲，香口啲嘛”。冇汁，飯乾，豬扒冇味，“鞋”就不在話下，食到一半已經盡哂人事...將心比己，我相信任何一間有良心嘅食肆都唔會俾啲咁難食嘅焗飯客人食。食物質素及服務態度從嗰位哥仔口中可想而知～講真，廿零三十蚊一餐都唔會有太多要求，但都唔好咁離譜嘛！！！

乾炒朱扒公仔面 $22 $2 涷可樂無咩味，好難食，我食到有魚味==可能個穫未洗乾淨，加上上一手係煮魚掛....得2，3條朱扒，同樣好難食........似隔夜有咁難食既野，襯托出罐可樂好好飲平野難有好味道/.\

同朋友三人到熟食中心食下午茶 我在這間叫了一個海南雞飯等左差唔多成十分鐘先有貨出黎 望一望碟飯已經想反台得幾舊細到無朋友既雞肉 食落口仲要凍 連個飯都係好普通既白飯都唔知點解仲要等咁耐 仲衰過我朋友D廿蚊飯 要佢地比番小小(送)我轉頭 black list

10月20日, 喺旺角又再次搵平野食, 上次瀨咗次新世紀foodcuourt, 今次去上海街熟食中心~ 食過農夫包嗰間係好好味, 今晚試食個碟頭飯, 左揀右揀就揀咗呢間~::: 茄子班腩飯 + 凍檸茶 ::: $24 + $2即叫即整, 都等咗十分鐘下, 果真熱辣辣, 不過飯就好大對比, 凍冰冰嘅, 仲有d硬添… 講番茄子班腩, 班腩就有d太粉, 唔夠新鮮, 而茄子就有d硬, 不過味道尚算ok, 個獻汁都幾濃~凍檸茶偏甜, 冰都過多, 好在夠凍~以咁嘅價錢食個快嘅頹飯都唔太差, 下次可以試下d炒野~

唸住冕就買盒平靚正既飯食.....而且唸住要快, 誰不知叫一個炒貴刁....要等成半個鐘,發現原來佢地儲單...一追佢地..就應人：得啦得啦得啦,....等到發脾氣盒飯先黎...味道仲要係無味..真係得個平字$25....唉！下次都係唔好貪平..食麥當勞都好過佢呀！

食左4,5次好多時行開去朗豪坊果邊, 又諗唔到食咩就會泥呢度!開頭都會食澳門翠園ge, 但食左10幾次~之後試過呢間, 就多一個選擇啦!推介:菜遠牛腩炒河 $24菜遠牛腩面~$24佢d面呢, 係炸左, 脆卜卜果d泥架~加埋上面d汁, 就好正啦, 唔會太脆太硬吉口~!缺點係多油左少少!飲紅豆冰都係加3蚊炸~平價之選!

與女友有點事要到旺角，辦事前要吃點東西才有力氣，就來了平靚正的熟食市場吧，本想吃南京好味的，怎知道元旦日，未有開門，就選了這間冰室試試，由於女友有點不舒適，熱氣的焗飯不吃，而且胃口又不佳，所以最後點了一個海南雞飯分吃，餐包一杯飲品，不喝奶茶了，要了一杯喝得大家喉嚨舒服的檸蜜吧。等了五分鐘才有得吃，除了切雞之外，就是油飯，而跟來的醬料除了沒有我最愛的黑豉油之外，最可怕的竟是用上港式的薑油及豆板醬，真的是不可思議，真的想不到何解店家稱自己是南亞冰室。先吃雞肉，幸好我們那一份也是肉多的脾，脾厚肉但肉質就不是很嫩口，是浸雞的功夫不太拿掐得準確吧，另外肉也不是太肥美，但令人意外的是雞肉竟然沒有雪味，而有雞味，蘸點港式薑油吃，當是吃切雞飯吧。為何當它是切雞飯？因為雞油飯不是太油，但奇怪的有頗強的雞味，是下了雞粉來煲飯嗎？這所謂的油飯真的不太行。最後的檸蜜是用上本人不喜歡的菜蜜沖的，但甜度適中，帶點檸檬的酸，平衡得不錯，而且非常夠熱，在冬天來說，真的是暖身之選。雖然質素真的麻麻，但以這個價位來說，比心目中好吃的地方又是便宜了一大截，這個OK臉，正好反映這一點。

近期已經食過兩次咖哩農夫包, 今日好想食焗意粉. 本來諗住幫襯番翠苑, 不過見佢無呢個餸.... 行到見到呢間有, 就決定食呢間.我叫左個焗番茄豬扒意粉, 我個frd就叫左個焗椰汁鮮雞飯.... 俾左錢之後要等十分鐘先有得攞. 雖然我好想快d有得食, 不過聽到佢要我等都好, 起碼話比我知我係order左佢先ling去焗, 唔係整好晒, or 求其焗一間就叫焗飯焗意粉.....不過唔知係唔係我肚餓呢? 等候時間好似長過十分鐘..... 不過見到我自己碟野既時候就覺得等十分鐘係抵等, 因為佢個面焗到乾身, 仲有d燶燶地. 色水好靚. 食物既用料就唔好有咩要求, d意粉同豬扒都唔係特別好. 不過佢個汁好味~~~ 但係我食到底既時候, 所以佢成個碟底都反晒光, 有一層紅色既油..... 連坐係我對面個frd見到都不禁話睇落去好似好肥咁喎....至於我個frd嗰個焗椰汁鮮雞, 黎到既時候我同我個frd見到佢個汁稀到好似水咁都幾驚嫁, 不過食飯又發現夠味嫁喎. 都ok啦... 包杯野飲都係廿幾蚊, 抵過去茶記啦~~~~

尋晚食左個焗椰汁雞飯,雖然等左好耐,起碼十五分鐘,但係好驚囉,d汁係好稀好稀架,完全唔似焗過咁...雞肉都ok既,有少少鞋口,不過唔多肥膏,椰汁唔重椰汁架,又唔係好香,好在我唔係好椰之人啫!其他配料都無乜...唔算好抵食!同埋,等得太耐喇!