南亞冰室

營業中

休息中

今天中午去了這家南亞冰室🤓當然理解食堂的環境不會太好🙃但看到價錢也真是比外面便宜😂我叫了個魚香茄子炆米🫠也炒得很香，份量也算大份，但醬汁多了一點但還算可以價錢是$37👍🏻而且選擇也很多💕

呢到咁多間餐廳，點知揀左間最難食 ＃南亞冰室，中伏見佢寫招牌海南雞飯，咪去試下真定假，好唔好味招牌海南雞：凍既，熱都唔熱，微波爐叮都無，呢個係咩招牌，又無雞味，又唔滑，又有大舊骨飯：配白飯，吊，正宗海南雞唔係油飯咩，算微溫，唔係凍飯湯：呀姐話無碗，無湯裝俾你，俾杯檸茶你飲無下次，唔會再食，blacklist左好彩無加一服務費，dllm又唔飽，食屋企樓下2餸飯都好過你，仲要貴過2餸飯我覺得食白切雞白飯，隔離燒臘店賣30蚊可能仲好食下次食隔離間咖哩包仲好

經過旺角，諗住平平地食下熟食中心。第一次幫襯呢間南亞冰室，見佢多選擇，原本仲見隔離店六寶寶飯好多人食，差d叫咗。但望到佢又有咕嚕肉飯，呢d屋企難煮到，就出街食下，點知就中伏。一黎得個5件咕嚕肉，見佢$38連凍飲，算數。個汁就普通，點知食一件咕嚕肉，完全咬唔入，明顯未完全解凍就煮，睇真d，原來入面仲係生既，紅色的，仲要之後幾件同樣係咁，明顯並唔係咕嚕汁既顏色。5件肉無食過，只食飯且同飲品。我有影相，但要warning，費事post。呢間以後black list。

係網上見到有檔做得幾好，於是冒風雨前來一試。其實依度有好多檔，有幾間食過唔錯，最重要係夠抵食。港式扒餐要雞扒拼腸蛋，蒜茸汁。一見到個樣，差咁遠晚！點解同網友介紹完全唔同樣🤢 「粉不可以貌相」食咗先啦😇 意粉無味白烚預咗，雞扒好薄，蛋煎熟晒，汁見到好似好化學🤥 係得條腸OK..不論賣相，味道，都唔得💔$40 係同場算偏貴，跌錢。。。之前已經係度叫過乾炒牛河，淡而無味仲要唔熱🤥再望真d，原來去錯鋪😓鬼叫自己未訓醒搞錯晒咩😴

行得攰攰地，想坐抵休息下，MK就冇乜地方或者公園俾你坐下，除非你識路啦，從朗豪坊1F有條footbridge可行到小巴站樓上的熟食中心，地方闊落整潔，冷氣開放，又有嘢食，shopping 完，又唔想同人係Langham food court爭位坐，可以consider 下的，坐抵係南亞order咗個火腿三文治連杯奶茶$23。件sandwich 都整得唔錯，方包軟熟，入口綿綿軟軟，不是隔夜貨，煎蛋夠熱刚好cover晒件包，火腿就细小小啦，僅及方包面積的一半，似乎有些偷工減料，過手工也不錯，至少件方包没有手指印😅😅😅奶茶茶味偏濃，奶味就不足，將貨就價，但咁嘅價錢都冇投訴了。

話說近排係旺角返工，唔想日日食$30-40的早餐，就試下近近地朗豪坊隔離個熟食中心買份三文治。18蚊份餐蛋治，加5蚊就有熱飲，$23一個早餐，又幾抵玩。上到公司一開份三文治，只有3分1有餐蛋，仲要牛油都無搽。以為只係無闊度？原來深度都無。雖然唔係難食，但三文治不會encore，完。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

👍🏻椒鹽肉排飯 $35肉排煎得香口，份量都幾多，不過肉質比較瘦用生蒜同蔥花炒香，而唔係用炸蒜，蒜香味都幾重😙加$3有紅豆冰，但麻麻地，淡而無味，紅豆味奶水咁🤭送既例湯就正正常常，清清地唔算勁鹹勁重味精整體味道不過不失，係行抵食路線🤣味道：6/10性價比：8/10-📍#南亞冰室旺角上海街557號旺角綜合大樓2樓旺角熟食市場13號舖

尋日朋友陪我去左旺角買嘢，行到咁上下就去揾嘢食，我地決定去街市揀，因為多選擇，可以挑選任何自己想食的嘢食或泰式食物等，幾個人去都可以互相夾到，本來我地想食泰國嘢，但係因為好多人排隊，所以我就轉左揀南亞冰室的炒貴刁配例湯。其實我第一次食炒貴刁，因為一直都好辣，所以都會揀返乾炒牛河個啲，但係今次就即管試下，其實佢的味道係有啲似星洲炒米，都係黃黃地的咖哩粉味，只係唔係米粉，而係河粉，所以都好好味，而且佢的辣度我覺得可以接受，唔係太辣，所以都幾令我喜出望外。例湯方面，今次的湯係中式南瓜湯，都幾好味，同埋可能有啲南瓜蓉融入左但湯到，都會有飽肚感，所以幾正。32蚊有火喉十足的炒粉加例湯，真係算不錯。以下評分以5⭐️為滿分推介⭐️⭐️⭐️

有時去食旺角熟食市場主要都係食個幾間，都會想試下新嘢，但舊個幾間又好好食喎，加上望左幾間的menu，今次都係想食鹹菜牛柳炆米，所以最後都係食返南亞冰室。我叫左一個鹹菜牛柳炆米，不過我今次覺得個炆米比起之前鹹左少少，可能本身鹹菜已經鹹㗎啦，加上調味有機會落重手左少少，所以啲米粉就無平時咁好味，但係都值得一讚就係，佢的炆米，除左炆到佢可以令到米粉入味之外，已經佢都兜到佢變得好乾身，呢啲未必可以間間炆米都做到，而且牛柳條都唔少，三十幾蚊嚟講，都已經算唔錯。以下評分以5⭐️為滿分推介⭐️⭐️

今日約左讀書時的好朋友，因為由細識到大，食咩都唔介意，所以我地又去左朗豪坊熟食市場食啦，熟食市場終於裝潢完，換左新枱櫈、照明、冷氣，令到成個街市都比以前舒服更多。有幾間都係我平時的最愛，諗左好耐，最後決定左食南亞冰室的洋蔥雞扒飯配熱奶茶，由細食到大，呢家都只係加到33蚊，其實都真係算係咁。叫左食物之後就要等叫號碼拎食物，等左大約五分鐘就有了，不過見到佢的洋蔥汁超橙同"杰"身(印象中以前唔係咁，不過近幾年叫炒粉麵多，唔太記得)，但係食落去個味係ok㗎喎，同一般洋蔥汁分別不太大，不過個人而言，略嫌洋蔥少左啲，同埋洋蔥味都係唔太夠，但味道係ok的。雞扒比起以前好似細左，每塊有約半隻手掌大，有兩塊的所以都唔錯，呢家有附埋刀仔方便客人切。奶茶方面都係正常奶茶，雖然未稱得上好滑，但都無失準，不過不失，都係我最愛的飲品之選。

有時去旺角，都會去食下啲大眾食品，我就最鍾意去朗豪坊熟食市場食，因為有好多平靚正的選擇。今次揀左南亞冰室的鹹菜牛枊炆米，大大份，又好味，牛柳又唔太韌，而且值得一提，佢同乾炒牛肉的牛係唔同㗎，而且連餐飲或湯，我就揀左港式奶茶，真係好香醇，始終都係茶餐廳呢類型的茶檔沖得比較好飲。

呢間南亞冰室, 除咗抵食, 就只有抵食。不過預咗咁嘅價錢, 唔會期望食物質素太高, 但佢亦都唔算差, 亦唔可以話難食。叫咗一個午餐 - 31蚊嘅<乾炒豬扒公仔麵>, 加<熱奶茶>。佢嘅乾炒公仔麵好似炒到有啲似乾燒伊麵咁, 其實都唔算差嘅, 不過有啲怪怪哋啦。濕咗少少, 唔夠乾身, 味道淡口咗啲, 冇乜色水。(應該係為咗食客嘅健康著想。) 而豬扒... 過得去啦, 起碼冇醃肉味, 亦都唔會太乾、太硬。熱奶茶, 都算ok過到關。講返價錢, 31蚊喎, 「性價比」高到嚇死人啦!!

旺角熟食市場位於旺角中心地段估唔到有三十幾蚊一個晚飯， 茄汁豬扒飯，豬扒係即叫即煎十分香口，而且兩塊豬扒份量足夠什有口感， 蕃茄汁算係標準餐廳口味但係佢都有加返幾塊 鮮蕃茄 喺度做下樣，味道都算唔錯。 由落單等到有得食都係幾分鐘如果你叫咖哩牛腩嗰類甚至乎叫完就即刻有得食。又唔使等。 飯量亦足夠一個大男人食， 從環境嚟睇確係一個男人食堂， 衛生環境就有如一般街市上嘅熟食市場不過叫做有冷氣， 而且仲有呀姐幫手收拾碗碟，熟食市場來講算係可以接受。 飲咗杯凍華田味道比較淡。

第一次黎到哩個熟食中心食野，見到呢間幾平，普通炒粉麵$31，加杯紅豆冰都只係畀多$3，就係呢哩買左個星洲炒米加杯紅豆冰，阿姐落單然後俾個牌仔我，等嗌No.就有得食過左五分鐘我就行過去等，見到廚房同阿姐都做到無停手，係咁搞啲外賣同堂食。再等多五分鐘，見到我之後黎既人落order叫既干炒牛河都已經炒起，諗住我個份都應該差唔多，阿姐見到我企左係隔離都一段時間，都問我咩No.同叫左啲咩，答完佢之後，等多兩、三分鐘先見到第一碟星洲炒米，之但係原來唔係我架喎，又係遲來先上岸，俾另一個人拎左，阿姐都見到唔對路，應該未到佢架喎咁既樣，就即刻叫廚房整左個星洲炒米先，最終我當然係拎到我碟野啦，但係前前後後等左三個幾四個字先有，咁既速度真係無下次！

今日係公司叫外賣，因為而家返工唔方便落街食既緣故。睇外賣紙揀左呢間叫，之前落過樓下都知係邊間，見個價錢幾抵咁，叫黎試下先。我叫左個茄子班腩飯跟湯，外賣加一蚊，總共$36。叫完都幾快到，可能因為就係樓下掛，大約15分鐘左右送到。跟飯既湯係*青紅蘿蔔豬骨湯*覺得都足料，飲落味道都ok，飲個陣仲好熱下。個飯份量都多對我黎講，好多餸，有d韭黃同雞髀菇做配料，唔單調。茄子都幾大舊，而且煮得剛好。魚塊都係偏大舊，數落都有成5-6件，而且粉一d都唔厚，只係呢d魚塊一般都比較淋身，仲要佢炸粉唔勁，算係ok架。茨汁方面，唔會話勁重生粉結踢踢咁，味道適中。結論係：lunch可以再嗌呢間😄