南亭 (士丹頓街) (已結業)

6月尾一行13人(可訂房但要min charge $4,500), 食得好開心兼暢快,該店主打串燒而最好味必order 雞中亦, 鵝肝(大約$100 1 串),安格斯牛柳(大約$50 1 串)及牛脷. 其它食品都好味但可在其它店可吃到, 只有以上4款極出色.但亦極貴, 冇飲任何飲品13人普通飽都要$5,200, 每人平均消費$400.

南蛮亭既食評小得出奇﹐所以小弟決定加一個。數個月前去過一次﹐但以忘記試了什麼﹐只記得這裡既串燒很不錯。相信這裡依然係香港數一數二既居酒屋。

2月2日晚大年初五，和一個好朋友敍舊兼利是，到了中環Soho的南蛮亭食飯。踏進店內便很有"地度"的感覺，地方雖小，但感覺很親切，可能和侍應生的親切服務態度有關。日式串燒之前都吃過，但此處的串燒的確與別不同，很natural feel！沒有太多調味，純卒鹽燒，出奇的驚喜！當晚嘗了安格欺牛柳、蠔、牛脷、雞翼、粟米。每一款都很有水準，金黃色的雞翼，皮脆肉嫩。燒蠔也不能錯過，入口即溶，實在令人回味！粟米愛好者更不能錯過燒粟米，爽口清甜。兩個人吃了四百多元，雖然很奢侈，但回味無窮！！

呢度本來在現址對面，沙士來輪結業，最近又開番。現在舖面裝修與往時一樣，只是面積少了一倍，但居酒屋，係暗暗地細細間至入型入格。檯看似幾好坐，但張似乎就太低了一點。尋日約了舊拍檔來食飯，一點幾都唔算太多人。午市餐牌同以前舊舖好似分別不大，仍有幾款便當，同個雜錦串燒定食，見有好幾款十蚊串燒，所以不叫雜錦串燒，我們就叫了個燒牛肉便當及牛利便當，加多幾串串燒，有白果、蕃薯、青椒、雞軟骨等。便當份量都算足夠，飯一堆，米黏性高，也算不差。燒牛肉兩串，燒汁濃濃的，牛肉肉質不算很好，還是牛利好味一點；幾串串燒都是鹽燒，仍能保持以往水準，吃得出年青的師傅手勢不差。其中尤以甜美的蕃薯及白果最正，十蚊一串都食得過。連味噌湯及餐後的雪米滋，埋單二百多。食物有水準，好傾好坐，值得一試。