南小館 (已結業)

今日lunch time 三人行去左南小館食.之前已幫襯過幾次，每次都唔使等位，而侍應們無乜反應感覺無乜禮貌就一向架喇。叫左三樣野食，首先黎既係188蚊的酸菜魚，好大碟下！夠酸夠辣惹味有驚喜！比起西灣河個間以酸菜魚做招牌的魚x爺爺更好食仲要平dd。下面有d紫色既粉，整個夠晒開胃然後黎既係呢碟牛肉炒米粉，米粉非常碎濕濕，唔知係咪特色黎？ 可能食左濃味酸菜魚關係，整個米粉無乜味，無乜特別。最後黎的是五色小籠包，無記錯係80定90元。奉勸大家食番最平既鮮肉小籠包就夠，因為根本除左肉眼上顏色有分別外，食落去分別不大。好似帶子小龍包就真係多左粒帶子，但其實唔會好食左。。。最期待的黑松露同蟹粉小龍包直情食唔出有乜分別。。。。總括已言比較失望。

星期日晚上，一行三人去食晚飯，叫咗六個菜，賣相差之餘，大部分食物既味道都非常差。首先，最過份既係松子魚(＄188) ，份量偏少，而且非常腥😨，可以話係難以入口，最後都食剩咗。擔擔麵(＄48) 既湯底完全冇味，只係得少少辣味，麵質太冧，第一次食咁差既擔擔麵😨。雲吞雞(＄108) d雞肉好鞋，湯底亦只係味噌水。。。葱油拌面(＄45)既麵質亦係太冧，而且非常油！其他菜式都係非常失望，絕對冇下次，總共5百幾蚊，性價比低，絕對有更好既選擇！

今日心血來潮想食上海菜，老婆帶我同仔仔嚟南小館，穩打穩扎冇特別驚喜。蔥油開陽拌麵$42，蔥同大蝦乾都炸到黑蚊蚊，唔香又唔脆🙁。拌麵雖然唔油膩，但就過鹹。鮮肉小籠包$45，外皮厚薄適中、肉餡較細、湯汁只有1/4湯匙😩。南小館四小併$80：四喜烤麩、木耳秋葵、糖醋排骨、口水川雞，全部都味道平平，毫無驚喜難忘。蒜蓉菜心$42，蒜香味濃郁，甜美爽脆，可惜有部菜太大棵，可以切開一半就更好，呢道係我全晚最滿意嘅菜式。炸銀絲卷$26，外脆內軟，食包最緊要係夠熱夠軟。呢間上海菜館食物水準一半，但價錢的確係實惠，份量亦都唔算少，偶爾可以嚟食下。

門口都等咗大概5分鐘等咗5分鐘啦可以入座餐廳嘅大小大概可以坐都50個人而且睇落去都幾闊落坐低之後就會有一部金色嘅茶壺裝嘅茶，同二碟小食。我哋叫咗三樣嘢，一個南小館四小拼有：口水川雞- 口水川雞系新派嘅口水雞，唔似以前果種有辣油喺面頭涼拌豬耳- 做得唔錯豬耳爽但唔會un金瓜絲海蜇 - 金瓜絲同海蜇兩樣撈埋一齊口感唔錯糖醋排骨 - 糖醋骨做得幾好，唔會太甜同埋夠冧鮮肉小籠包五件 - 小籠包就做得到就失色皮太厚，相比起上海姥姥甚至鼎泰豐就失色一截。老上海酸辣湯麵一碗 - 湯麵個湯中規中矩，酸而不速，無乜特別，唔點亦無損失埋單$236全程無甚驚喜，職員服務態度一般，食品只到合格水準

我第一次寫食評，因為太憤怒。呢間嘢幫襯過不下數次，初時覺得都唔錯，後來越來越普通，今次係疫情後第一次去，可能生意難做，食物質素下降，點完菜幾乎立即上菜，令人懷疑係整定嘅，生煎包嘅底又黑又硬，咬都咬唔落，蝦多士唔似係新鮮整嘅，似係叮返熱畀你食，連個雞絲粉皮都又乾又硬，唔知擺咗幾耐。茶水9元一位，但一啲味道都冇，完全冇茶味，成世人最憤怒嘅一次，平時我食剩嘅嘢唔係咁好食都會打包，今次例外，攞返去都係垃圾。

回鍋肉超難食，好甜，辣味唔夠。招牌炒飯個味道奇怪到唔知點樣形容，整體價錢又貴，$42嘅酸辣湯同碗碗仔翅差唔多大。到最後送左一碗糖水，但係我地三個人，其實糖水成本又唔係貴，一個炒飯都賣到$88，送一碗糖水點樣三個人分？一定冇第二次🤢

我喺疫情第三汳爆發後第二天在這裏進食晚餐， 其實食物服務一切正常， 所有服務員都有戴好口罩， 唯獨店內生穿藍色恤衫的經理一直沒有戴好口罩， 而且我睇到佢隻手掂完口罩之後再見其他餐具， 有欠衛生。 令我對其食物衛生產生疑慮。

今日去左新蒲崗一田超級市場 行街，聽到朋友話一田大減價 ，所以就去咗一田超級市場， 真係好彩，原來商場做緊 網上登記有50蚊現金券，我哋每人登記一個電話號碼，每人就攞咗一張50蚊現金券，於是入到一田超級市場，就看見好多貨品都大減價，我們買了好多東西，然後就回家放低東西，再約一回去食飯，今晚食乜嘢好，好耐冇食過上海菜， 就去咗太古城康山，南小館食上海菜， 我們點了四小碟，還有海蜇頭，小籠包，上海粗炒 ，生煎包，水煮牛肉，蝦多士，海蜇頭好爽口，小籠包好多汁非常好食，水煮牛肉，蝦多士，就有點難食，價錢都算公道。

首先好鍾意衣度D茶，飲完好舒服。今晚叫了四小碟，揀了雞、秋葵木耳、海藻同烤夫。另加了菜肉雲吞。四小碟每樣份量頂多可兩人食，多過就應唔夠分。味道四樣都唔錯。雲吞味道可以。

區內較少吃小籠包、湯麵的地方，所以算是獨市沒競爭。食物質素普通，價錢偏貴，最離譜的是服務很差。侍應們多數站在一起，感覺已經麻麻，而且態度看得出是很不願意沒有誠意工作。在這經濟環境下，應該更加殷勤服務，起碼其他餐廳近來的服務質素都已經大大改善。這間店開張了好幾年，幾年前幫襯過一次，覺得感覺麻麻。隔了這麼久想再試一試，結論都仍是一樣，應該沒有第三次了，寧願跨區去其他食小籠包的上海菜館。唯一好處，是座位比較舒服，枱與枱之間的距離也充足，地方乾淨。

我同朋友都叫咗豐盛拌麵($68)，見佢係王牌，應該都好食掛！上海麵配一塊好似日式叉燒嘅肉同半熟蛋，加埋茶樓會見到嘅酥炸蝦同茶餐廳嘅墨魚丸同菜心，整體感覺怪怪地。雖然話唔係難食，但就同上海野食好似拉唔上關係，感覺更似大雜燴。再講個麵底，由於上菜時，油已經沉咗落碗底，所以個麵餅仍然係好痴身，要用筷子慢慢攪番開。頭幾啖覺得調味唔錯，但食落無耐就開始覺得油膩，我朋友食到一半就已經手停口停。雖然係咁，店面裝修得簡單而開揚，係會令人想坐低傾計休息嘅地方。既有傳統風格嘅水壺、餐具同小食，又有現代化啲嘅傢俱。不過就睇下大家用呢個價錢係想有環境定有好味嘅野食喇。

第一次寫食評, 原因是真的不滿意今時今日還有這樣的服務態度, 本人坐下後, 一位戴黑色粗框眼鏡, 身穿白色恤衫及西褲的侍應/Manager(未能看到他的名字, 只看到得3,4個英文字的名)來招呼, 我問他有沒有二人套餐, 他的答案居然是: 「無, 今日咩都無!」 , 這樣的回答, 倘若你身為客人, 你會有甚麼感受呢? 或許你是經理, 但間餐廳就是敗在你這種服務態度上。另外, 沒有給前菜, 張單卻有收前菜的錢.論食物質素: 南小館四小拼, 生煎窩貼, 小籠包, 很不錯, 但上海粗炒, 沒有什麼料, 只得粗麵, 幾塊mushroom, 幾乎看不到的肉絲, 擔擔麵都是一般.

比較晏食午餐系附近既商場 隨便搵咗一間入咗去食 點左好多種菜呀 已經好肚餓 食力全開 包括開胃菜拼盤 南小館四小平拼、 餃子、 擔擔麵、甜點同 珍珠奶茶（ 餐單有相睇 都揀左啲賣相吸引嘅）餐廳擁有一個舒適既風格裝飾 總體價格份量都合適嘅上海餐館 唔錯唔錯

帶住為食怪又去食好嘢,今次想試下上海菜。 因為冇乜機會食過, 佢呢間又係sale年輕嘅上海菜,應該會比較合年輕人嘅口味, 比較喜好食點心, 就專攻叫咗幾款嚟試下, 幾款都唔錯, 下次再帶住為食怪再食好嘢

Used to go to their elements branch weekly and decided to try out their taikoo branch - what a disappointment! Ordered siu long Bao - one strand of ginger in vinegar, dam dam mien tasted of white pepper, spare ribs were dry, SHANGHAI fried rice cake was so sweet, barley water was just like water, blueberry yoghurt was so small, peanut cucumber and rice flour had no taste and the drunken chicken had watered down wine. Never been so disappointed.