南小館 (已結業)

芝士芒芒好飲同啲芒果味溝埋左好絕配，蔥油餅煎得啱啱好唔會太油，亦都唔會太窿 金沙南瓜 都很好不止外型吸引，而且味道也是剛好 ，係我鍾意嘅口味 冷盤入面，兩款雞我都好鍾意 ，口水雞好好食！ 唔會太辣但又唔會完全冇辣味，味道岩岩好！！！大至上都很滿意！芝士莓莓我就覺得相比芒芒會好喝多點！上海春卷都好！好食 雖然外型睇落去好似唔多掂 但估唔到佢放到落口又OK喎，加埋個黑醋，又真係唔錯嘅來呢度食晚飯都係一個唔錯嘅選擇價錢又唔係好貴，食物質素來講相俾個價錢我都覺得合理，大致上都好滿意

今次係第二次嚟食南小館，環境好大光亮而且坐得好舒服😌員工都好細心👍🏻一坐低到食完員工都好勤力頻密斟茶值得一讚👍🏻啲茶好好飲🍵今次試了陽春面、生煎包、炸豬排同上海粗炒 首先先講下陽春麵湯味濃郁但面可以再入味多啲🍜相比起上次今次生煎包俾到驚喜皮薄多汁咬落去啲湯汁出晒嚟👍🏻炸豬扒來講正正常常都幾juicy唔會太乾🥩最後就係上海粗炒🍝今次覺得上海粗味道香濃但略為些少鹹 但總體黎講都好好食 下次會再光臨 見到推出左好多新嘢賣相精緻吸引 下次再黎試😋

好耐冇食南小館個今日去咗食入到去環境都係咁好啲招呼都做得好好擺位又好睇 入嚟就嗌咗 一份芝士龍蝦,仲叫咗午時一人套餐,蝦肉雲吞湯麵,送嘢小食招牌生煎包還送咗一杯五穀薏米水仲用優惠價加咗15蚊一份甜品桂花蜜拉糕兩件桂花蜜拉公桂花你很重外觀幾吸引,蝦肉雲吞蝦肉好大粒好新鮮,招牌生煎包,皮很脆煎得好香看見很多優惠畀佢吸引 又有買手調飲品買一送一,芝士龍蝦避風塘龍蝦做特價88元。以八十八蚊食到龍蝦這個價格很優惠 仲有年糕在龍蝦的底部

很少入香港仔，難得入去找朋友，朋友未到，睇下有咩餐廳，發現注入新潮的新上海菜，裝修簡約又不失上海風味，可以喺度傾計談心好地方，就決定入去食。 坐下店員即送上一炋熱熱的玄米茶，好貼心。我們點了小籠包，d湯汁鮮甜，皮薄、肉及湯汁鮮味。蘿蔔絲酥餅，新鮮剛炸好，酥香蘿蔔甜。上海菜肉餛飩湯，肉餛飩更加出色, 建議大家都可以試一試。超抵呀!! 見佢飲品買一送一，同朋友一人一杯，我就叫了杯芝士四季春，奶蓋有濃濃的芝士奶，茶味清香。

一直很少前往香港仔, 今天因工作關系外出到香港仔. 在午飯時候, 沒想好就周圍揀下. 眼見附近的餐都很劃一, 走過就算. 原本想食快餐算, 點知忽然被一店的宣傳套餐所吸引, 細看原來是南小館. 心想, 套餐價68-88, 總比食快餐划算, 可以一試. 入店之後, 要求比較靜的位置來用膳, 店長很好, 立即滿足我的要求, 給了內裏雅座, 自成一閣, 第一印象已很好.本想點過套餐, 點知店長又很落力推他們的新菜. 給了我菜牌, 心想反正公司數包底, 可以比自己多點選擇. 最終叫了串串香 /避風塘龍蝦, 其他的上海菜必食就不多說. 串串香本來沒有了解包含那些食物, 怎料有我最喜歡雞腎 和蝦, 有這兩樣食物已十分滿意, 雖然雞腎 /蝦不算正宗上海菜, 但好味最緊要, 又夠辣, 加上夠熱, yummy.另外的避風塘龍蝦, 可說是對得住個價錢, 我就是用食光所有食物來反映我的滿意. 

食左咁多次，終於佢地有lunch set喇！今次一行五人，分別叫左5個午市套餐…好抵食呀…我地點左 蔥油開洋拌麵+鮮肉小籠包重慶擔擔麵+生煎包蝦肉雲吞湯麵+蔥油餅大白菜肉絲年糕+外婆紅燒肉燒賣上海粗炒+金網窩貼原來仲有飲品送添非常之好著便服既姐姐話主食同正價份量係一樣架 …多左送小食 ，飲品，及免左茶錢 加一服務費Wow抵食到呢👍👍一個人埋單$68咋，因為我地冇要前菜仲要好很飽呢 …午市套餐仲有小炒餐 配白飯及酸辣湯下次再試埋先得 好開心呢我地食完之後。行出門口 見到有同事翻左個牌原來仲有下午茶添更加抵食呢價錢都係大概在42-52 又係免茶免加一架都係有飲品送嘩～～ 下次晏就肚餓要外賣先得 食飽飽咁係要精神地開工啦南小館幫襯咁多次都冇令我失望佢地仲有好多分店架大家一定要去試下至得

前天下午，同家屋人再度光臨南小館。呢間鋪頭我食過幾次 入到去環境大 坐得舒服😌嘢食都好食 價錢又唔會太貴 屬於平民價 第一樣就係讚餐廳環境大 舒適 第二就係員工會不停幫你斟茶 收咗你唔需要嘅碟 跟住要讚下佢啲飯 好好食 特別係黑松露炒飯 黑松露味好香 蝦仁爽口彈牙 我地仲點左清燉牛展湯 湯好好飲 雖然有少少咸 啲肉好嫩 仲有鳳尾蝦卷 呢個好好味丫 好鐘意無錫小籠包 湯汁好鮮甜 好濃味 也都好喜歡仲有好多嘢想食 不過眼闊肚窄 唯有等下次再試下其它野喇 我會再度惠顧

今日我初次嘗試南小館 南小館環境很大很好. 座位舒服 服務態度好 會幫你不停，加茶 這一餐我覺得最好食係翡翠水晶蒸餃 金網生煎鍋貼 ......水晶餃咬口煙韌 蝦味突出 而金網山煎鍋貼 賣相非常靚 好吸引 😍 咬落外皮脆厚 而入邊肉汁鮮甜 肉好嫩我同朋友 仲叫秘製黑豚肉配滷蛋 .帶子鮮肉小籠包 蔥油開洋拌麵 首先講左豚肉配滷蛋..醬汁好好食滷得非常入味 但是比較多肥豬肉 整體來說都好食而帶子鮮肉小籠包 湯和肉汁鮮甜 還可以帶出帶子嘅鮮味 簡直好味道爆🥰 當我哋吃蔥油開洋拌麵時 服務員看見我們夾得有點狼狽 就主動攞鉸剪過嚟幫我哋剪 我哋下次仍然會再次光臨

今次再一次過來享用午餐我鐘意呢一間鋪手因為乾淨 企理 舒服 員工也主動 積極 我今次order左 招牌生煎包 及 白豆漿 及上海粗炒因為得我一個人用餐 不能叫太多只能叫最想食的😆招牌生煎包：是我最愛❤️包底好香好香、肉質嫩滑、食完仲好想繼續食🙈白豆腐同出面吾同，好滑上海粗炒：是因為聽到隔離枱客人說好味一定要試，我偷聽叫的😆下次要再試試其他先得出品👍環境👍服務👍大致上都好滿意出品中規中矩服務上主動積極添茶 而且都是年輕人為主值得欣賞的👍👍👍

星期六 難得約埋成班損友一齊去玩咁係吾放過要享受美食的時光喇今日我地來左 香港仔南小館呢間係上海菜… 其實望下meun都有好多吾同菜種選擇對於我呢啲眼闊肚窄既人來講同成班人黎食野係最好不過😂因為可以叫多啲美食 又可以每款試啲試啲哈哈 😄呢間鋪我來第二次喇上次係同媽咪黎食 今次帶埋成堆人一入間鋪已經有種好新穎既感覺開左幾個月仲好似新開張咁 感覺好舒服同好乾淨入門口 就有專人帶位 安排左我地沙發位一坐低已經有人倒茶俾我地好香啊 啲茶… 我真係好鐘意係蕎麥茶丫同時仲提供小食前菜… 好開胃好開胃呢我二話不說立即點左蝦肉紅油抄手因爲我鐘意食 🙈第二個最愛就係松子魚🥰松子魚炸過及拌起啲汁真係好美味🥺其它既都由朋友去點 … 分別仲點左 招牌生煎包、鮮肉小籠包、外婆紅燒肉燒賣、等等 太多喇… 就不一一解說啦總括來說：這間鋪的美食 及服務 環境都一流進食期間員工仲不停為我地添茶 …👍出面好少餐廳會有咁主動的員工架啦讚讚讚丫下次我都會再來架🥰🥰🥰

食物質素非常普通，小籠包、花雕雞味道太淡，糖醋骨太「鞋」，只有松子魚叫做還可以！但最令人氣憤的是服務態度，我哋啲嘢食唔晒，叫侍應俾個外賣盒，佢話收一蚊，我話好，佢俾咗外賣盒無俾膠袋，我問佢攞，佢話要收多一蚊！咁我覺得奇怪，所以問另一個侍應，如果喺度叫外賣你哋係收一蚊定兩蚊，佢答我收一蚊！咁我咪問：叫外賣你哋都唔會俾盒唔俾袋㗎啦，點解我要袋又要收多一蚊？跟住佢就好晦氣答：咁我俾你囉！然後攞咗個袋掟落我張枱度講：呢個唔洗錢㗎！我心諗你當我乞衣呀？其實一蚊定兩蚊唔係重點，我只係奇怪點解外賣加一蚊有袋有盒，我堂食食唔晒打包反而要收兩蚊！估唔到問多句就換嚟咁嘅對待⋯

午飯時間試左呢間係香港仔開左無耐既南小館，午飯時段人流唔算多，兩個人叫左個弄堂醬鴨，蔥油開洋拌麵，菜肉麻醬抄手同埋一個甜品拼盤，弄堂醬鴨，味道還可，偏甜，鴨肉較韌，蔥油開洋拌麵，雖然有好多蝦米，但蔥油唔夠香，有少少偏苦，可能蔥油炸得過火，麵質亦唔特別，因為唔想食辣，所以無叫紅油抄手，叫左呢個菜肉麻醬抄手，抄手皮夠滑，但醬汁食落較膩，一般最後甜品拼盤選左紅豆糖不甩，細沙南瓜糰，茉莉花茶凍同埋芒果凍布甸，最好食係紅豆糖不甩，南瓜糰唔好食，布甸就正常。相信其他分店會比較好，試過一次就ok。

今日下午同媽咪去食一間新開嘅鋪頭，入到去就點左鮮肉小籠包，同鍋貼，第一次食呢間小籠包嚇親我，小籠包啲皮厚到不得了，裏邊有冇汁，至於鍋貼，裏便啲肉又好實又係冇汁，之後我就再叫咗個菜肉吞面，啲雲吞有冇味，整體呢間啲食物一啲都唔達標，而且又貴，嚟一次就夠啦，以後都唔會再幫襯，希望佢真心改善下啦

香港仔有新野開都係有同一個cycle , 新屎坑⋯⋯⋯（自己諗埋）開頭果幾日，係要排隊架， 出面銅鑼灣都要拎飛，我去食果日竟然係唔駛排，入面又唔full 叫左呢4樣野帶子鮮肉小籠包，黎到時係係凍凍地，皮有點兒厚呢碗麵還可以，都幾夠辣雞絲粉皮醬太多 而粉皮份量又唔夠入口漿住漿住 個人麻麻地拼盤係ok ge 由於入面人唔多，坐得都幾舒服，唔趕客架，香港仔好難得開一間可以坐得耐少少Ge 餐廳架！但係最出名Ge 小籠包真係好失望呀，希望下次黎食時有改善啦

雖然南小館已有多間分店，但一直都無試過，既然佢開到自己樓下，又咁啱同屋企人食飯，一行七人，點都要公平一試。唔知係我地大食定佢d食物份量太少，單點份量少到好似出面迷你拼盤咁，佢D拼盤可想而知！不過味道都算中規中矩，食物味道樓上D post都講得好好，我唔再評論。如果你想食清淡嘅上海菜，呢間可能適合你。環境方面都好乾淨企理，傾計慢食都唔錯。但可能係設計定習慣問題，成日都會接到枱腳，因為你坐得埋，佢就係正你兩腳中間，其他都無乜問題。服務方面，女待應都服務態度都唔錯，阿經理哥哥又唔係唔做野，但只係唔係好想做啫！其實食肆人多嘈係好平常，但廚房入面炸歌炸到我以為自己去咗Disco，經理們可留意吓。