南山咖啡室

營業中

休息中

見到有芝士汁撈公仔麵都好想試，今日食lunch一試就後悔了。（灰瑜珈褲個位應是老闆娘）第一宗罪，大排檔環境污糟係明白既，但老闆執好枱比我地，抹枱時係抹左兩下，真係兩下……我地再用濕紙巾抹先可以至少將上一枱食客留底既殘留物清去。第二宗罪，老闆娘落錯單，撈公仔麵可簡芝士汁/咖哩汁，我想試左芝士汁太耐太耐啦，比錯左咖喱汁我，佢仲要聲大夾惡：「可能係我聽錯啦，但係咖哩汁一樣啫，你食呢個啦，如果唔係要倒左去，重新整過，要等好耐架！你等唔等到呀？」同行有比較驚青既女仔朋友係驚……覺得不如唔好換。但我禮貌地請老闆娘換，佢一言不發一野拎走兜野倒哂，好似我做錯咁第三宗罪，我叫左份千島芝士汁撈公仔麵碗雙蛋同漢堡扒。（冇影相，太核突，難食賣相又嘔心🤮）撈好哂之後食麵都覺得一般，寧願食番公仔麵本身，直到食漢堡扒，竟然係壞酸臭架！我地同老闆講，佢話：「咁你想點？換個塊比你！」我話唔食漢堡扒啦…….未講哂，佢一野就搶走我碗麵拎番入廚房，放左兩舊咖喱汁雞翼比我……如下圖：（碗邊有我吐出黎臭左既漢堡扒；又有我抹枱抹到黑哂既濕紙巾……）我見到呢碗野，我真係食唔落，好想嘔……老闆見到我唔食，個樣好想嘔，佢送左個杯冰底（我

平平地，去南山村有乜好食可能個個都會去品香樓。我就食得太厭，而且想試下附近啲大排檔噉就來咗呢間大排檔試試佢個茶餐。西多茶餐唔算貴廿零文有交易。件西多中間夾咗花生醬配上甜醬。真係好鬼肥咯。膽字配上凍飲都係廿六元。算係超值。但係大排檔嘅質素同環境又扣返d分，所以合理啦。總括來講，冇嘢做坐喺度吹水都可以但係就唔值得推介囉。下午茶時段有好多個套餐抵食夾大件最啱窮食一族嘅我。服務員都會好殷勤介紹食物所以唔使擔心唔知點減。

呢排要經常黎石峽尾做野, 好難得地南山邨領展當年睇唔上眼, 無收購到,如是者, 冬姑婷同其他餐廳小店能避免加租/強制翻新/ 殺掉的命運。南山咖啡室係南山冬姑婷其中一間餐廳,雖然南山的品香X係坐得幾舒服, 但如果唔想成日去(又或免得佢獨大), 其實南山咖啡室都係一個幾唔錯的選擇。今日叫左個牛肉蛋通, 牛肉要預左有小小鬆肉粉ga la, 但隻蛋係煎得唔錯,通粉有少少淋gam la,但杯熱奶茶都幾不錯, 茶香奶滑,要求唔高, 價錢又唔貴, 都可以接受ga :-)

放假走去石峽尾逛逛，開open rice見到舊式既咖啡室，姑且一試。沒有冷氣，但陣陣風吹黎不太熱，點了干炒牛河和栗米牛肉飯。味道不是特別出色，但係黎呢到係食屋村既味道環境。所以抱住落樓下食餐飯醫肚的話，就無問題喇👍🏻

琴日去食下午茶，俾芝士撈丁吸引左。睇餐牌嘅時候，好熱情咁樣叫我地入去慢慢睇。入到去態度又唔係特別好。佢有咁多個菜式想慢慢揀佢就不停吹我哋。都估到係中伏㗎啦。之後上菜仲樣樣都搞錯晒。芝士撈丁俾咗咖喱撈丁，芝士蟹鉗雞翼飯冇芝士，以為係個蟹鉗裏面，一滴都無。不過算啦都唔係真芝士。本來想share試下，間鋪係冇碟嘅，只有墊住啲杯嗰啲好核突嘅碟。但係佢好好意思咁樣飛一隻俾你。之後去第二間食返個甜品舒緩返。講完。

經常聽哥在南山邨冬茹亭吃口水雞，這晚等哥和嫂下班，便跟他們一起去那邊吃晚飯。一走進冬菇亭，第一檔便是南山咖啡室，紅色字的招牌加上綠色的油漆鐵閘，感覺很懷舊，雖然是一間看來很有歷史的大排檔，但店面出奇地乾淨整齊。我們8點多來到，大半座位都坐滿了，相信其中一些是城大的學生。我來到當然要試試哥常吃的口水雞。辣汁加上雞件上的秘製醬料和蒜泥非常惹味，雞肉鮮嫩肉厚，吃著吃著非常開胃，套餐配一大碗飯、一小碟菜，還有飲品，三、四十元，難怪吸引那麼多學生來吃。另外，我們點了紅燒半筋半肉麵，很有台灣風味。用上了我喜愛的上海麵，牛肉很軟而且有兩大件筋部，我加了點口水雞的辣汁更加好吃 套餐的小食配了茄子，茄子很乾爽，不會很油。咖啡室的外面排了一條隊，原來是等賣雞蛋仔和糖水的流動小販開檔，實在是有一陣子沒有看到賣雞蛋仔的流動小販了，當然不能錯過! 我們買了雞蛋仔和格仔餅在咖啡室坐著吃，店家也沒有阻止，這些就是我們久違了的街坊小店的人情味了，當然我們也識趣快快吃完不佔著座位。

不知何時開始，南山邨不只是一個屋邨，而是香港人呃like熱點！放假沒什麼事情做，便決定拿著相機到南山邨走走乘坐地鐵到達石硤尾站，再走五分鐘便到達了目的地！邨內看到很久沒見的「冬菇亭」，內有一間間富有香港地道特色的餐廳。在云云食肆中，我選擇了「南山咖啡室」！叫得咖啡室，證明它亦陪伴了南山邨一段相當長的日子。「唔該～一份常餐丫！要雪菜肉絲公仔麵，多士烘底，凍奶茶」五分鐘後，就有嘢食啦！雪菜肉絲偏鹹，幸好公仔麵的湯底味道味道淡能把兩者中和味道，脆脆多士塗上牛油後非常可口，奄列的蛋呈半生熟狀態，凍奶茶甜度適中，有茶味埋單$32［原本$29，烘底加$1，凍飲加$2］價錢貼地，到南山邨時不妨一試

是日去又一城睇戲, 睇之前梗係要搵食啦...由於又一城商場只係得d 連鎖0野, 所以我地都寧願行遠少少, 去南山村食冇計, 我地對本地小店係有一種講唔出的情義結~~~我order左咖哩牛腩撈公仔面 配奶茶而女友呢, 就order 左芝士牛扒撈面配茶走一個字: 正!!!!!!!!!!!!!!!!!!!咖哩牛腩撈公仔面, 好好食, 牛腩勁入味芝士牛扒撈面, 雖然個芝士汁只係一般, 但牛扒炸得剛好奶茶超級濃滑, 茶走勁好飲又平又好味, 睇黎以後去又一城, 唔洗再頭痕食咩lu!

平靚正豬扒餐$34配炒蛋或煎蛋由包又可轉鷄扒或吉列魚柳多款正下午茶二十元粉麵包飲品十二時半就有比其它舖早有得食早餐又可至到中午十二時比奇它舖時間長些夠曬方便任何時間都有着數學生餐總勁中學或大學生餐只係19元包冷熱/飲品或紅豆冰或波蘿冰平通南山邨唔講妳唔知總有好多好多餐只係25元包飲品勁平平平又正各位去試下就知

和女朋友去美荷樓之前來南山邨逛逛，在冬菇亭繞了一圈就來了這間南山咖啡室。點了雪菜麵和肥牛出前一丁。點菜稍為猶疑了一下就被霸氣老闆大聲呼喝，就算我倆看起來不似是街坊也不至於要受氣吧？說好了的食評呢：女朋友的雪菜麵先來了，是上海麵加上凋零的雪菜，女朋友話冇味嘅喂？從未見過不嗜辣的她如此瘋狂任性地加辣醬。女朋友炸型話冇餸呀就追加了一份炸雞翼，炸雞翼deep fry野一般好難可以出事，不過30蚊一份就真的killing me softly了。出前一丁都沒有甚麼好評價，就是麵煮得太淋。凍檸茶一般沒有檸檬苦澀味我都黯然收貨。埋單90蚊，臨走一刻發現我那位等找錢的女朋友型態確實很美，我細心欣賞完拿起相機想snap一刻還沒按下快門霸氣老闆又馬上來阻止了，不，是喝止才對，我也不想跟你辯論何謂公共地方了。想感受屋村情懷見識性格巨星體會香港好客之道的朋友可以來試試。

中學最難忘的日子，就在石硤尾的南山村渡過。當年是窮學生，午飯就只有越平越好，而冬菇亭可說是平靚正首選，團團轉的有車仔麵、粥檔、雲吞麵及咖啡室，總有一間啱心水。今日重回舊地，一切都彷彿回到昔日，時間都停止了。沒有冷氣，有的只是四周吹來的自然風，空氣中夾雜了食物的香氣，實在誘人。翻看沾滿了油漬的餐牌，就來一碗午餐肉公仔麵，午餐肉略為煎過，絲毫沒有過火，反而將油香逼出來，而公仔麵淥得軟韌適中，多年來保持水準，每吃一口都勾起了絲絲記憶。凍檸檬茶雖然還是老問題，實在太甜了，但茶味夠香，不錯。近年不同屋苑的冬菇亭開始變身，在大家喜歡集體回憶的一刻，可曾記起「他」！

中學時期在附近渡過愉快的歲月，偶爾都會刻意重回舊地，重溫那昔日的氣味，品嚐往日的食物。原先打算食車仔麵，但太早未開門，轉去另一邊的咖啡室。沙爹牛肉麵以往常遇到的老問題，就是麵條根本未淥透，但今次可能人少少，老板有心機慢慢煮，效果截然不同，只不過牛肉都是毫無味道，都給沙爹味蓋過了。餐肉蛋配方包蛋是煎兩邊，但又沒有弄穿，中間位依然是流心，幾好，方包又夠軟熟。凍檸檬茶有茶香，不錯。老店有老店的立足點，雖然味道沒有出眾，但年青時的回憶，又豈可用其他東西代替 ?

南山村位於石硤尾村附近,距離新屋並不遠,只需步行約5-10分鐘便可到達,還有一至兩星期就要搬來了,所以當然要到處熟悉一下環境.是日中午,從新屋開始出發,不久,走到了南山村.南山村的環境雖然看似非常舊,卻足滿了人情味和親切感.首次在南山村選擇了大排檔的南山咖啡室用餐,這種類型的大排檔在香港已經很少有,可能是中午的時段,因此學生的人數特別多,但是負責樓面服務的只得兩個人,人手不足,所以招呼速度也相對極慢我要了一份特價粉麵餐,兩餸一麵($23),加$3要了枝裝可樂等了十多分鐘,連一枝可樂,還沒送來,真是等得令人發火最後,要我三番四次提醒才奉上可樂,之後還等了許久碗麵才送上先喝一口可樂,一個字「爽」雞翼腸仔米線:雞翼和腸仔有先煎過,而且雞翼很大塊,雞肉亦很嫩滑,米線十分彈牙,湯底不會有「死鹹」的味道雖然服務不太良好,幸好食物質素不差,才可原諒

我份人好怪，大熱天時都夠膽坐街邊食野，好多人可能會覺得我傻的。三十三度的下午，身在南山村的我，仍沒有揀有冷氣的茶記，而選擇了街邊的南山咖啡室。沒有什麼選揀，都是麵餐來的。咁就要回最傳統的沙爹牛肉麵，飲杯凍奶茶。公仔麵算是渌得幾爽，牛肉亦有點咬口，只是沙爹汁不夠濃郁。奶茶夠晒冰凍，奶味大於茶味，而且味道偏甜，不是很好。

陳某帶我食南山。好鍾意坐大排檔，雖然琴日係熱左D，但南山咖啡室真係坐得幾舒服，所以熱得好開心。食左好鍾意食既五香肉丁米，陳某就食沙嗲牛肉紅腸冬菇米，唔算話係好驚喜既好食，但我試左一塊沙嗲牛肉，係冇用粉醃到林哂果隻牛肉，好食好多，五香肉丁米雖然間間食都差唔多，但因為環境舒服既關係，所以覺得特別好食。加埋食到尾段既時候突然有幾陣涼風吹過，果下真係覺得，一個字，爽。