南方 (已結業)

此店已開了一段時間, 終於有機會試到了~留意叫餐程序是: 先在收銀處點餐及付錢 -> 取單及到店內坐下 -> 憑單上號碼取餐, 這跟其他食店不同。今次點了 三餸面餐:  咖喱魷魚 + 雞翼尖 + 烤焗豬頸肉 + 粗面 + 珍珠奶茶 ($43)。餐盤用木盤, 好文青風- 湯底 : 牛骨湯底, 雖然牛骨味不濃, 但味道亦不錯。- 咖喱魷魚  : 有咖喱味, 不太辣, OK,  魷魚都爽口, 但不太有魷魚味。- 雞翼尖  :  炆得頗 "林", 但豉油/滷水味不濃, 亦唔覺有雞皮味。- 烤焗豬頸肉 : 有烤焗味, 頗香口。但口感算是軟身的類別, 不適合喜歡爽口的我。豬頸肉厚度適中, 一碗大約有6片, 都算充足- 珍珠奶茶 : 有點似茉香奶茶味, 但珍珠"林", 無黑糖味, 下次還是飲大路飲品較穩陣~不過價錢相宜~

睇戲前行過肚餓，諗住食個下午茶，未食過依間南方，又見到無人排，就入去試下啦，點知就中伏！試左個車仔面，推介流心蛋，其他正正常常，朋友食左個肉燥飯，d肉燥還可以，但豬頸肉好難食。飲品，一字記之曰，劣！奶茶好似水咁，冇味，仲要加買蚊，珍珠有淋有硬，薄荷朱古力冇簿荷，水吧呀姐第一日返工？服務不錯外唔會再黎！間野仲要自己出去買野食，拎野食。原本都諗住冇人serve 架啦，不過個職員就有幫下手拎，唯一就讚下職員服務態度幾好啦！

Cosy interior and I love the range of seatings available- spacious common tables, side stools for lone retreat and partitioned booths allow some private. Greeted by a very polite staff (apparently her first day).Will come again if I need a quiet place to read alone or catch with with a friend or two.Don’t recommended the food or drinks though- noodles were soggy, pork soft bone was greasy; radish cold. Tapioca pearls in the bubble tea was also super mushy and the drink was room temp though I ask

和男友落荃灣搵食，本身都鍾意食車仔麵，見這一間是台式車仔麵，走進入去坐下來試一試，怎料！環境裝修都很好，沒想到味道卻是這麼的比一般更一般，我叫咗一個油臉，臉質還不錯，但豬手同豬軟骨真係好普通，無肉吃.....我擔心最大問題係老闆覺得甘係正常，但其實真係吃完一次吾會再吃既車仔麵+送

叫左個豬軟骨肉燥飯，但係底下好多油，浸曬落d飯到！要另外叫多個白飯先食到°但豬軟骨同肉燥飯就唔差，如果佢可以少油d 就會更加好 ...................

又出荃灣揾食, 知道有間幾靚嘅車仔麵店, 簡約嘅門面, 一大張menu好有條理地將各種食材分類: 有經典類, 懷舊篇, 餃丸類, 仲有照顧到素食嘅朋友好貼心❤️落order好簡單, 喺cashier俾左錢憑收據上嘅number等pantry嗰邊嗌就可以去拎👍🏻•車仔麵三餸餐 (HKD39)米粉, 豬腸, 肥牛, 韭菜餃, 辣汁單係麵類已經有油麵, 幼麵, 粗麵, 上海麵, 米粉, 河粉咁多款Typical都有供應, 唔止呀想食拉麵或者烏冬加多兩蚊就食到😋. 我揀左最愛嘅豬腸, 肥牛, 韭菜餃, 豬腸切得好大粒而且洗得•非•常•乾•淨•, 一咬係有種軟林林嘅感覺, 係熟悉嘅豬腸味! 肥牛有好多片, 可能食安, 淥得好熟(但並非over的), 個人則喜愛生生地嘅肥牛🥩. 至於韭菜餃可說是bonus好味, 食出新鮮包出來, 皮薄餡靚多韭菜🤩•熱柚子薑茶薑味夠哂重同埋無太甜柚子, 健康😌•保留傳統車仔麵嘅風味, 同時又俾到人舒服乾淨Lunch環境, 好抵食呀🥳小插曲係後面枱好似有樣餸出錯左, 老闆(個仔)二話不說即刻換返, 勁專業!!!

Very nice looking and stylish restaurant.Staff are very polite and friendly.Food is very disappointing, not even close to passing standard. Soup was salty, chef recommendation on the menu was not surprising at all. tried the 豬頸肉 and 雞翼 as recommeded. 分量小之餘, 轉咗拉麵但D麵林到呢. One of the worst 車仔麵 ever!!!!!

落單叫野食程序極之混亂！一時話出去收銀果度落單比埋錢，一時又話有人過來落單其實邊個方法都唔係大問題，最重要係職員態度！除左個應該係老闆ge態度友善，個樓面呀姐態度勁差，做野又慢，自己撞嚨都算，落單ge時候唔聽清楚仲可以話返客人！碗麵放左勁耐唔去拎，自己諗住去拎佢又突然拎左碗湯麵擰転身倒落黎！仲加句你做乜企響我後面？痴線！乜態度？如果你想貼銭買難受，你絕對要幇襯呢間野，會一會呢個樓面呀姐！真心推介！！！

星期日晚睇戲前食車仔麵叫左三餸車仔麵。幼麵勁淋冇咬口。冬菇有酸味。所謂的溏心蛋係全熟勁硬隔夜蛋。只得雞翼食得落肚！夜晚仲要加三蚊！湯底有燶味。好難食！好難食！好難食！講三次都唔夠。以後都唔會再食呢間車仔麵。唔明點解仲有咁多人去食。好驚一陣肚痛睇睇下戲要搵廁所！點菜伯伯好慢，慢都唔係問題。食物堅係好難食！

見到新開 諗住試下 點知就中伏難食到忍唔住要打食評 希望唔會再有無辜ge人中伏 真係唔知店主哪來的自信咁多類型食肆唔開 偏偏揀車仔麵莫非佢覺得自己真係好拿手整車仔麵？湯 水咁 咖哩汁冇咖喱味 齋鹹 辣汁唔辣麵 勁淋瑞士汁雞翼 冇色ge 一d瑞士汁味都冇咖喱魷魚又係冇咖喱味醬炆香辣雞 簡直係垃圾 仲要係舖頭推介 一d辣味都冇 極度普通鞋口炆雞 仲要得一舊我真係諗唔通點解佢咁ge水準要學人開車仔麵店好懷疑佢根本未食過好食ge車仔麵唯一可以讚係裝修都幾別有用心ge 同埋杯柑吉柚子係好飲ge但似乎投資錯誤lor祝佢好運la

本人好少寫食評。。。。。。。。。。。。今次真係忍唔住。。。。。。。。。。。。湯太咸！！！咖哩唔香！！！辣汁唔辣！！香辣雞得一舊🤦🏻‍♂️成碗完全唔似車仔麵。唯一讚既係樓面個伯伯好有禮貌。。。但係。。。始終。。唉。。。唔知下次開咩🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️

一開始被店舖設計吸引而選擇在這餐廳吃晚餐，民青風加上🚲主題頗為吸引。客人以快餐形式需自行點餐拎野食，但由於整個過程不算順利使我認為尚有進步空間：1. 點餐時員工不算熟習電腦系統花費很多時間。2. 我相信純粹是我個人經歷，經過一輪等待入機過程到收錢時，比左$200卻話只收到$100幸好後面等待點餐既客人看見才解決。3. 餐具是自行拿取，有分堂食跟外賣的。我看不到任何堂食筷子🥢便拿用外賣的，卻被店員用較強硬語氣說「請支持環保用個邊堂食個啲啦」一手搶去我手上的筷子。後來他知道堂食筷子用光便遞回筷子給我並連忙道歉，雖然我能明白但終究感觀不好。食物方面，味道較為清淡。我點了生菜貢丸豬頸肉粗麵，個人建議吃米粉和油麵較好。飲品上頗有驚喜！我點了熱柚子薑茶喝，薑味濃郁，有夠辣係正既！整體而言，追求食物味道較清淡既朋友可一試

平時都有食開車仔麵，對車仔麵有地要求，咁今次咁岩係荃灣路經呢間野，見佢間野好似都幾正常，又講到秘制乜乜咁，咁咪試試佢。但食完之後，完全失望😑米粉質地好差，湯底完全不吸引（同普通湯無分別），仲好意思話自已「牛骨」高湯，似普通味精湯多啲車仔麵賣成40蚊，正常都expect中上水準。呢碗嘢？值20蚊左右啦個人覺得蘿蔔係車仔麵既精髓，雖然佢無渣，但完全唔甜。總括黎講，所有項目都唔合格，完全唔值得試，伏！

今日難得同男朋友來荃灣食野，又唔想食太貴，見到有車仔麵就入去試下。到左中午食飯時間，入到去都唔算太多人。一坐低，侍應就俾餐牌我地，我地就叫左3個餸一麵。我就叫左咖哩魚蛋、豬頸肉、菜心，小辣汁，上海麵，湯底無咩味道，又唔夠辣，真是好小到好似bb辣咁，上海麵份量唔夠夠，食完都唔太飽。而我叫左柚子薑茶，入面一d柚子果肉都無而男朋友就叫左漢堡扒、豬頸肉、豬腸、油麵，咖哩汁，佢本身入面已落左少少咖哩汁，另外再俾一碗咖哩醬你自己唔夠再落。d餸嘅份量還可以，但麵嘅份量真係好少，我男朋友食完係好似無點食過野咁，真是一d都唔飽(可能男仔大食d🙈)價錢就唔算貴，但係湯底過咸，搞到食完返到屋企，都仲好口渴，要不停飲水先得

其實都有一段時間冇試荃灣嘅新餐廳，點知一試就中伏，收工經過見到應該係新開就入去試下，兩個人每人叫左一碗車仔麵加一碟生菜食，三餸39蚊，由於星期六日關係，所以要加多3蚊，包嘢飲，凍熱同價！今時今日仲有凍飲唔加價嘅餐廳確實係少見，侍應服務不錯，呢兩點係呢間餐廳唯一可讚之處！叫左芝士魚皮餃，牛肚同豬軟骨，魚皮餃真係食到芝士味豬軟骨碎到見唔到啲骨咁制，食落似食緊牛腩多啲牛肚算爽口，但味道好麻麻另一碗冇影到相，叫左豬腩肉，辣雞肉同龍蝦丸豬腩肉唔多肥肉，食落似食緊瘦肉辣雞肉冇乜辣味，勝在多肉龍蝦肉勁離譜，咬落個心凍嘅因為佢煮燶左嘅關係，其實成碗車仔麵我只食到燶左嘅味，侍應換過啲龍蝦丸比我地，都費事叫佢換埋成碗嘢，唯有住咁食！