南洋 (已結業)

今日黎到佐敦主打星馬菜既南洋餐廳，店舖面積唔大，但非常乾淨企理，牆身亦有代表星加坡既油畫可以打下卡✨✨岩岩過左 lunch time，佢地有唔同既 tea set，我就點左香茅豬扒斑蘭椰漿飯 $48，豬扒都醃得幾香煎得岩岩好，而且肉質好淋但又唔係話用梳打粉那得好勁個種，不過下午茶果然係份量都幾細下😂😂😂我當正餐黎食就唔係好夠飽，不過勝在都好食既😝朋友就揀左海鮮喇沙摻摻 $45，個湯底都唔太味精或過咸都可以飲，有人種麵撈埋一齊，麵既份量就岩岩好夠女仔食，面頭有蝦，蛋，魚蛋，蟹柳，豆卜，都幾豐富既〜服務就正正常常，如果食物呢個價錢多返少少會開心啲😆晚市見到單點有好多唔同菜式，或者搵日都可以再挑戰下

係佐敦番工，發現依到都唔少泰國菜餐廳，仲有唔少舖頭都有賣海南雞飯，夠哂方便快捷。入鄉隨俗，今日lunch time都同幾個同事去咗依間南洋食下海南雞飯。南洋舖頭細細，不過佢人手都相當唔夠，見住幾位阿姐都周圍騰，睇怕公司都係時候加下人啦！入番正題，佢地依個海南雞飯份量適中，唔會太大份之餘男士們都相當夠飽。佢地碗湯相當夠味，大家真係記得飲！雞件夠滑夠味，不過就有個扣分位，廚師要留意下會唔會有雞毛殘留，食食下見到黑色一粒粒真係會差啲！三款醬汁任點，薑蓉撈飯一流，酸辣汁夠醒胃，中間嘅醬汁就較為普通。配菜都絕不馬虎，紅白蘿蔔酸酸甜甜，食咗就唔怕膩。同樣價錢，算係合理嘅性價比，聽日lunch又多個選擇！

今晚跟朋友在附近忙點事情 結果後餓了 不知道去哪食 剛好路過這間店 看到有肉骨茶就馬上果斷進去了 進去人也挺多 店有卡位 坐得挺舒服的 坐下後看到有晚套餐 就點個海南雞飯套餐 雞很滑 剛剛熟 醬汁也不錯 配個肉骨茶 性價比不錯 朋友有選擇困難症 不知道選什麼 叫個店長推介今日有咩好介紹 佢就推介左個大蝦粉絲煲 d蝦好新鮮 粉絲吸晒d汁唔乾身 好難唔好食 兩個人剛好滿足的一餐 下次再試其他 兩個人食不了太多 食完行多兩步去澳牛食燉奶甜品 結束美好的一天

平時都唔點寫食評，今次都要寫黎提提大家勿中伏。雖然有同事食過評價一般，但在某平台看到有折扣優惠，又落雨，於是決定親自一試俾次機會，去到問可唔可以用優惠，侍應話要等另一個侍應前來認證，結果紅衫女人話我地知，老細話要晚餐夠＄500先可以用優惠，找均所有條款都不見有咁寫就算要我每樣計正價都算，咁細間舖，咁既餐牌，我真係想像唔到點樣先食到＄500，其實唔想俾優惠咪唔做，係香港未遇過啲咁既事，老實做生意會好啲。食物方面，肉骨茶味道都尚算ok，但飯同埋油條就簡直驚嚇麥，隔夜味.sorry，係唔知隔左幾多夜，硬之餘仲有味，飯仲有雜質。然後最期待的奶茶都係唔得的，好澀好鞋口，差！侍應應該知道我地唔滿意，係我地個枱行行企企眼望望，放底餐具就面濃濃地即時收走餐盤，好想人即走咁。咁既質素加當香港人傻的服務熊度，難怪冇咩人幫襯，正常的！

Was looking for a quick lunch in the Jordan area around 3pm, craving for ramen but all restaurants were taking a break unfortunately. Walked past Nan Yang and they offered laksa so why not.Price is from $45 for a tea set. My friend ordered a pork chop rice but the portion was a bit small. Only 3/5 piece of a normal pork chop was served along with a small amount of rice. It was cooked nicely though, tender and not dry. My seafood laksa tasted pretty good. The soup was pretty dense, at least it s

昨天下午5:45經過見到門口有下午茶的介紹便想入去試試, 但侍應卻說只供應至5:30, 然後拿走門口的下午茶牌.但我都無問題仍然想試試, 我和朋友兩人叫了蝦餅, 海鮮槮槮, 軟殼蟹沙律, 串燒和薄荷青檸梳打落單後立刻發覺打錯單, 侍應打了軟殼蟹米紙卷, 然後通知她更改. 問題便開始 - 當我和朋友吃完其光3樣食物, 最後才來了米紙卷, 但我說我order的是沙律, 單據亦巳更正, 等了大約10分鐘再送上軟殼蟹沙律. 但極之馬虎, 沙律用上大量泰式鳼醬, 所以極之甜和滑潺潺, 軟殼蟹已軟掉和凍的, 明頭是從米紙卷再拿出來的. 整個餐真係無一樣及格1) 蝦餅 - 很實無蝦味, 似舊粉2) 海鮮槮槮 - 兩係假蟹柳就像粉條, 個湯只係暖3) 串燒 - 豬牛正常, 但鳼串無味兼乾4) 梳打 - 塊薄荷又巢又梅埋單$290 ( 勁伏!!! )

才說電影院開了在下也沒得進結果今天公司消息需要所有員工打第三針唉所以自己幫自己提早下班去打針順便打針前吃點東西只是意想不到的這附近可能是因為開的餐廳不多所以有開的都滿滿人附近走來走去發現有越馬餐廳便進來了因為在下想要喝肉骨茶啊因為肉骨茶 令在下小了很多選擇困難症肉骨茶拼海南雞飯 $70他們的飯不是白飯這讓人感覺更有營養肉骨茶暖暖的 只是味道好像有點淡還是在下失味覺的日子要到了？茶裡的肉肉質比較實不過如陪同小小肥肉一起入口口感會更佳還有2顆豆腐卜有點乾乾的 吸點肉骨茶味會更好然後是那隻雞雞是雞脾位置耶 🤩很多時都是雞胸來皂雖然雞肉沒有很滑 但也覺得好開心旁邊的紅白蘿蔔漬也合在下口味淡淡的酸味和爽爽的口感這個餐裡在下最喜歡的是那碟三味的汁醬以在下的記憶海南雞飯好像是沒有醬的？中間那個味道有點像蠔油也是最野味的一個而旁邊2個就被在下用來送飯始終在下是那種很不喜歡乾乾食物的人啊什麼都得有汁雞雞吃著吃著..發現雞毛 😅吃慾會被大大降低廚師..有那麼懶嗎讓在下本來都已經嫌皮肥現在直接去皮吃..或許是幫在下健康點吧（誰知道🤷‍♂️）飲料是牛油果..沙冰 $22一看到牛油果就點了又是一個衝動的教訓店員落

滿足了視覺，滿足不了味覺。#燒春雞口感乾柴，應該滑脟脟嘅雞脾，變到好似鬥緊牙力，要點醬先吞得落肚。唯一可以接受係沙律入面啲餣蘿蔔🥗酸酸甜甜，幾滋味。#香茅豬扒摻摻扒上面啲肉唔多，炸咗加香茅外觀顏色好黑，麻麻哋，味道同價錢不成正比。#什菜米卷一夾就散！🤯食得好輪盡，碟太細嘅關係，啲菜跌出枱面唔食得，搞到要搬去雞嗰邊，逐條逐條叉嚟食，體驗唔好。#套餐包嘢飲菜蜜同美祿，合符期望。但自問就不會再光顧了。

今日下午時間約咗朋友喺佐敦，周圍搵下有咩地方可以坐下食個 late lunch。 門口掃 code 入咗去。入到去無客，我哋喺其中一個卡位坐低，個阿伯（定阿叔）侍應（定老闆）行埋嚟話掃針卡，我安心冇入針卡，因為費事變相實名，所以攞張針紙出嚟比佢掃 code，點知佢話唔得，我話度度都可以，政府都冇規定一定要喺安心app 加入先有效（平靜語氣），點知個阿伯跳制咁（應該係堅實腦殘，好似滿肚子氣果種，莫名果隻），咁我哋知道此地不可久留。後來去咗對面街嘅泰式餐廳食。今次冇食過所以俾唔到食物評論，比唔到笑喊臉。但都想大家知道間嘢有個咁嘅阿叔。大家有興趣可以去體會下。

其實俾客前，自己後廚老闆有無試食過或者睇下自己出俾客係咩？碗湯啲油多到，而且係咪雞腳豬肉無出水？無味但好腥，係成碗好似出水嘅血水咁。海南雞，無雞味，油飯都係無味，全部都好似無調味咁個老闆其實服務唔錯，可惜真係食物已經唔得嘢飲杯越南咖啡唔夠粉，齋飲都無味道。我問佢拿鹽嘅時候佢仲好吃驚，我其實我更想要味精。走時候都忍唔住同俾緊錢叫外賣個位女士講，堅難食。要食清淡佢真係贏. 我見好多人都叫豬頸肉，我估我叫錯了

又係諗唔到之下行下睇下，好耐冇食海南雞飯，見到呢間南洋有就入去坐低啦～下午茶時段，餐廳空無一人！記得之前食過一次算唔錯，應該唔會伏掛！南洋招牌無骨海南雞配油飯$56份量正常，賣相都OK～雞肉食落幾嫩滑，味道唔錯！油飯爽口，唔會油淋淋漿口！三款醬汁都正常！旁邊啲酸蘿蔔正喎🤭我好鍾意食…熱檸茶OK好飲！總結食物幾唔錯，環境都闊落！下次lunch想食雞再黎啦～

佐敦真係出咗名好多唔同嘅美食，今次就試咗呢一個泰國同埋越南菜！呢一間餐廳最出名嘅一定係金沙骨肉骨茶！呢一個肉骨茶真係名副其實，超級足料，呢個肉骨茶都好熱辣辣好香！而且呢度嘅骨亦都係煮得啱啱好！食得好滋味！

Lunch time亂入左去，點次就咁囉…入去有唔少吉位 ，但落單混亂…..佢地好似唔知碟飯係邊枱叫嘅咁…..結果我催單啦，到最後坐左大約30分鐘先有野食…..我叫但叫咗咖哩，可能係冇人嗌嘅餐啦，味道我諗係我自己喺屋企用咖哩磚都煮到😀😀😀食完一次冇下次。😀今次係我第一次寫呢d食評，原來要200字先比到評分，真心覺得唔值得去

叫了二人餐，$288, 有肉骨茶、串燒、炒飯、春卷、海南雞，加兩杯飲品。肉骨茶沒有胡椒味，串燒是炸不是燒，還要加孜然，海南雞少而味差，春卷很柴皮，連凍檸茶都不是味道。沒有一樣掂😠

今日第一次來食下午茶。老公叫咗肉骨茶配飯（$50）同越式春卷一條（$12）。我叫咗越式燒春雞拼雜菜（$55）同半份炭燒豬頸肉（$26），仲有兩杯跟餐飲品，我地要左熱檸茶。個人覺得性價比好高。首先炭燒豬頸肉真係好好味！雖然份量唔係好多，但係下午茶來講係好夠。然後，越式燒春雞拼雜菜好大份，熱辣辣上碟，老闆亦非常細心，有俾刀叉我之餘亦都有俾手套我。肉骨茶老公就話唔係佢食過最好味既，比較咸同埋肉係未煮得夠軟身。春卷都係熱辣辣，但得一條就有少少唔夠喉～所以嚟呢度叫野食就要識得揀適合嘅食物。整體來講，服務好好，野食又OK。兩個人埋單都係143 ，仲想點？如果係生酮飲食，或者低碳飲食的話都適合來呢度食飯！🤩🤩🤩🤩🤩 五星推介！