影片
更多
2022-09-01
413 瀏覽
係佐敦番工，發現依到都唔少泰國菜餐廳，仲有唔少舖頭都有賣海南雞飯，夠哂方便快捷。入鄉隨俗，今日lunch time都同幾個同事去咗依間南洋食下海南雞飯。南洋舖頭細細，不過佢人手都相當唔夠，見住幾位阿姐都周圍騰，睇怕公司都係時候加下人啦！入番正題，佢地依個海南雞飯份量適中，唔會太大份之餘男士們都相當夠飽。佢地碗湯相當夠味，大家真係記得飲！雞件夠滑夠味，不過就有個扣分位，廚師要留意下會唔會有雞毛殘留，食食下見到黑色一粒粒真係會差啲！三款醬汁任點，薑蓉撈飯一流，酸辣汁夠醒胃，中間嘅醬汁就較為普通。配菜都絕不馬虎，紅白蘿蔔酸酸甜甜，食咗就唔怕膩。同樣價錢，算係合理嘅性價比，聽日lunch又多個選擇！
入鄉隨俗，今日lunch time都同幾個同事去咗依間南洋食下海南雞飯。
南洋舖頭細細，不過佢人手都相當唔夠，見住幾位阿姐都周圍騰，睇怕公司都係時候加下人啦！
海南雞飯套餐
49 瀏覽
0 讚好
0 留言
入番正題，佢地依個海南雞飯份量適中，唔會太大份之餘男士們都相當夠飽。
佢地碗湯相當夠味，大家真係記得飲！
雞件夠滑夠味，不過就有個扣分位，廚師要留意下會唔會有雞毛殘留，
食食下見到黑色一粒粒真係會差啲！
三款醬汁任點，薑蓉撈飯一流，酸辣汁夠醒胃，中間嘅醬汁就較為普通。
配菜都絕不馬虎，紅白蘿蔔酸酸甜甜，食咗就唔怕膩。
同樣價錢，算係合理嘅性價比，聽日lunch又多個選擇！
張貼
