南記粉麵 (謝斐道)

營業中

休息中

天氣熱熱地又想黎南記食辣野，如常地好多人排隊，但落單俾錢都好快，亦唔多人堂食，所以幾分鐘內就買好野坐低左。今次照舊叫左三牛米線小辣，坐低左睇返張單先發現好似貴左，上次印象中係$45，今次一樣組合就$54，單據寫既買法係三牛河粉 ($42)轉小窩米線 麻辣小辣。 睇完成個餐牌都唔太明白只係湯底同麵款唔同左點解會貴左$12。牛丸牛展一如以往咁彈牙、嫩滑，今次唔知點解冇俾牛筋，牛腩亦好鞋，質素唔太穩定，但湯底依然好味。

自從南記推出蕃茄湯底之後，覺得細細碗蕃茄通粉都幾適合做早餐，所以經常朝早買肥牛蕃茄仔通粉，但唔知幾時開始冇得揀通粉，惟有食返米線啦。蕃茄仔套餐 魚蛋蕃茄米線 ($23) 配凍豆漿手打魚蛋爽口彈牙，外皮冇炸到感覺好健康。 今次個蕃茄湯底唔知點解好稀，近乎冇味，明明買個時只係8點半左右，咁快就用水溝稀，有少少失望。 米線比午市少左一半，其實份量岩岩好，但早餐食米線始終有少少唔夾。凍豆漿細細杯都好夠凍，唔會太甜，豆味濃。

呢間南記，好細間但人就不得了，啲姨姨叔叔淨係叫咪拎麪都未停過。冇計啦，南記真係好抵食，而且平均質數又唔太差，LUNCH真係好多人。今日一去到竟然見到有一張4人卡位冇人坐，於是決定堂食唔外賣，不過坐低左先發覺真係好逼好窄，其實呢D係咁設計??真係坐得好唔舒服，自問都係一個100磅左右既人都坐得好辛苦，唔怪得之呢個位冇人坐。不過算啦，快快脆脆食完走人。叫左個~雙拼小窩米線~要春卷+墨丸~酸辣湯底~走韮菜~呢個係我經常既配搭，通常都冇死，HAHA!!今日個湯底唔夠辣!!春卷同墨丸都係平時既水準，春卷係必點！不得不提佢既酸菜係做得好好，好好味~夠酸夠爽。不過今日米線份量太少，好快就食完。全程食米線都係聽住叫咪，其實都幾煩，下次都係外賣拎返公司食。

食河粉應該冇人唔識呢間la, 日日lunch都超多人排買外賣， 佢d河粉真係好好食， 四寶河簡直係招牌菜， 加埋紫菜一流， 真係排隊係值得排嘅， 因為講真好食d嘅係lunch時間， 個頭有邊間唔使排 haha

灣仔自己一個快食我多數會食麵，但老牌雲吞麵近年風評一般我唔敢試，米線界別唔洗排咁耐又食得滿足既我會揀南記。午市永遠大排長龍，外賣自取為主。 食過咁多次，我其實覺得招牌春卷冇咩特別，最喜歡既反而係牛腩牛展，所以揀左三牛米線 麻辣小辣 ($45)，有牛腩、牛展同牛丸。呢個組合十分足料，牛腩同牛展分別有三大件，牛丸亦有四粒，連埋肉碎、芽菜、韮菜等配料好滿足。 麻辣面頭有一層辣油，香辣濃郁，最鐘意加埋台面既南記招牌辣醬，食到一條都冇剩。

好多人呀！lunch真係好瘋狂多人！本身諗住堂食，但真係唔會等到位，好多位都已經有人係旁邊等緊，我地唯有決定買返公司食！我叫左個招牌春卷配牛腩 麻辣湯底 小辣 盛惠$43唔知道佢有冇分湯服務，唔記得左問，因為阿姐都好趕下，但好可惜拎到返office啲米線真係林左好多！滿心期待既南記，我真係幾中意食南記，但今次個湯好似平平時油！但係春卷依舊！真係好好味！牛腩大太舊，一開三就美觀好多。雖然係小辣，但一啲都唔野少，我食到出晒汗，同事仲話我食到個頭都亂埋！哈哈！我食完真係開左個風扇仔吹下自己降降溫。

例牌叫咗個中辣小窩春卷加辣豬腩肉，習慣落勁多醋。好少食灣仔呢間南記，通常都係食旺角同中環，比較起來我覺得中環嘅分店最好食。但同旺角分店唔同，中環同灣仔分店有個優惠套餐係收銀個牆上方，50蚊一樣有春卷同豬腩肉，但多咗二至三款其他配菜仲包一杯野飲。呢個抵食啲，希望我下次記得叫呢個套餐。呢間分店暫時冇米線買，個牌寫住三月中先會再有米線供應，啲豆漿唔知點解會淡啲，接近無糖。Btw叫號碼個姐姐幾好人叫號碼把聲勁宏亮，好西利😂負責收拾碗入返廚房嗰位姐姐，個樣成日好囂張😂

好耐之前係灣仔返工，個時己經成日食南記星期六去會展前食lunch, 灣仔南記呢間真心細，同埋環境比較迫，不過真心覺得食酸辣米線黎講，我覺得佢地好食過譚x，無他，因為我中意食春卷同雲吞😂😍春卷牛腩酸辣米線小弟唔食得辣，不過但又愛食，一路流住汗一邊食😂，酸辣對我黎講適中，唔會太辣，酸菜同肉粒好好味，好開胃春卷可以，不過不失，牛腩都好好味，撈埋啲湯好開胃😋 yummy !希望佢地可以係新界同九龍區開多啲鋪啦，我覺得好食好多😍

今日約左朋友仔係灣仔，順便喺灣仔食嘢，朋友仔話呢間南記春卷好好味，心諗咁就去試下啦～～去到叫左個招牌麻辣，入面有辣豬腩肉 （呢個我覺得幾好味佢係無肥膏有小小甜味）春卷（係招牌野當然好味啦）冬菇 （入味同好滑）魚片 （正路野無特別）最後個麻辣湯底我叫左小辣味道都幾香～唔會因為係小辣就無左麻辣香

LUNCH 諗五到食咩, 行行下見到附近間南記有咩人排隊,可能今日早左出去, 所以入左去買外賣,南記以前成日食, 係灣仔來講, 南記算係平得又好食既代表!之前裝修完之後食過一次好淡味, 又五酸又五辣, , 難食左好多, 所以好耐有食佢!今日叫左春卷小鍋米線中辣, 水準好番好多, D 味春卷好好味, 又彈牙, 米線又索晒味, 正!

今日想食得清清地嚟到灣仔即刻諗起南記一來又夠平 二來又好味男朋友叫咗碗大雜錦嘩 一望勁多餸又魚蛋 牛丸 墨魚丸 魚皮鮫仲有最最最愛吃既春卷$46真係抵到爛！😍😍不過對於愛蔥既男朋友 啲蔥就少咗啲！我就繼續食招牌河以前唔識嗌會叫2餸 但無招啤河咁多粒😂再加多杯豆漿2份share 不過食落今日就覺得淡咗少少加咗好多辣醬啲味都好似唔係好出到咁下次應該要嗌蕃茄湯試下先我呢碗就$27加埋豆漿我哋2個又唔洗$100出到門口喇太好喇！值得一提 呢間分店裝修咗 舒服咗

通常想快平食晚餐都會想起南記，對於不太愛吃飯，又想吃湯麵的我來說，南記是不二之選。晚餐時間的南記也不少人，唯有買走吃。我通常都吃酸辣小辣，春卷冬菇。南記春卷一向好食！份量不少，有兩條。平常不太好冬菇的我，都幾喜愛南記的冬菇，好滑，而且不un！酸辣湯本身的配菜有酸菜，肉碎，苟菜，腐皮，芽菜。所以吃到尾也不會淨吃麵。我自己覺得南記的小辣的程度好像減低了，要加埋辣醬先夠🤔

$41湯底偏咸，夠辣但麻辣就一般，牛腩不過不失，春卷就普通貨色無特別。個碗好大，太多湯，碗嘢上檯時只見到湯，米線太少幾啖食完，對真係鐘意食米線既我非常晤夠喉。明白灣仔區舖租貴，但我情願食貴少少係飽嘅，而唔想唔平又唔飽。大豆漿$10好飲

好耐無過灣仔，以前係度讀書，成日係呢邊揾食，而南記曾經係我讀書時期最多幫襯既舖頭。今日過到尼做野，順便食返個遲來的午餐。下午三點多，可能下午茶時間，都幾多人等位，不過多數係外賣，所以都係等左一陣就有位。招牌湯河  - 魚蓉春卷兩條，魚片兩塊，牛丸兩粒加埋罐可樂，先係$25，係灣仔呢區真係好難揾到間平過佢。可惜，份量太少，河粉兩啖就無哂，魚蓉春卷好似溝左好多粉咁，同以前唔同哂味，完全唔彈牙，牛丸最差，完全無味既湯底一如以往都係味精水，完全同以前無得比。不過價錢平，都無咩要求。

南記係朋友介紹我黎食, 話南記既春卷好食咁啱一個人黎灣仔做野, 就去南記試下見到單併/雙併都係$33咁抵?  一於要碗春卷米線中辣企係到等拎餐時, 阿姐就係咁叫人坐低啦, 覺得好似阻住佢, 阿姐態度麻麻, 少少黑面我碗米線終於有啦, 係要自己拎餐, 又要自己搵位, 自己一個人食係麻煩D米線湯底係橙紅色, 酸辣底, 夠酸夠辣, 辣度比我想像中刺激左, 要邊食邊飲野春卷, 包住既魚肉, 幾有魚味, 幾彈牙不過我覺得叫應該叫腐皮卷, 雖然外層經油炸過, 但已經唔脆米線整體不過不失啦, 不過未覺得春卷超好食, 下次試下其他偀餸先