南記粉麵 (金寶大廈)

營業中

休息中

食過雲南米線、譚仔、上海麵都有唔同嘅獨特湯底同口味，雖然南記粉麵係好平民嘅食物，但佢嘅湯底係其他地方冇嘅🤪有時都會掛住南記嘅酸辣湯底🤤張媽媽點餐👧🏻 $47 辣豬肉春卷小窩米線(小辣)評分（10分滿分）：7️⃣辣豬肉都幾大片，一碗有六片左右。而春卷就有兩條，係條狀嘅魚蛋。阿張點餐👦🏻 $37 菜雲吞小窩米線 (小辣)評分（10分滿分）：6️⃣兩碗都係酸辣湯底，有酸菜、芽菜同韭菜，食落都幾惹味😋菜肉雲吞就麻麻哋，無乜菜肉味。個湯同個麵分開裝，唔會索水，抵讚👍🏼順帶一提，嗌外賣10分鐘前打定電話去，到店後唔洗排隊行埋去講外賣單就可以比錢，快捷方便！

Let’s try out this Guangdong style restaurant with their famous Fish dumplings..beef brisket, fish roll, beef, rice noodleAll are so yummy 😋 .fish roll, meat balls, dumpling with fish meat skins, seaweeds 😋 .P.s. the fish roll and dumpling with fish meat skins is a must eat item, my favorite 😋

今晚冇煮飯，家人提議食南記，順家人意，連續食兩天南記，沒所謂，我喜歡食麵食，連續幾天食粉麵都可以接受點了一個主食及兩個小食和家人分享來食，一打開個招牌米線，見到清湯底偏米白色加有泡在面，平時一直食都係清底，今次令人失望，米線又有啲硬有啲軟，今次一般冬菇有兩大粒，厚身，淋，生菜爽口炸魚片頭加咗少少鹽或胡椒吊味，第一次食，幾好

沒頭緒吃什麼好，於是近近的去了南記買外賣，舒舒服服回家吃，裝修了的南記除了外觀及內在環境看起來比較時尚以外，其他的其實沒什麼區別我一向都吃習慣了它的清湯，這次嚐嚐它的酸辣小窩米線，點了雙拼，分別是春卷和魚片，其實魚蛋才是我的最愛，因非常彈牙，但可惜休魚期間，南記暫停供應魚蛋，唯有點魚片過過口癮南記的酸辣小窩米線非常適合我這些吃不了辣但又想吃辣的人，因它的小辣是完全不辣，只有酸，附上一包辣醬任食客自由調較辣度。酸菜和芽菜非常多，配菜份量與米線份量也不相伯仲，整體份量很多，質素與裝修前沒差別

南記係我近搬左黎西灣河之後，最常食既一間餐廳平時叫野食的侍應都冇咩特別，唔係特別有禮貌又唔係特別冇甘。但上一次去，有個男侍應幫我點餐，佢係我係南記如果最好最有耐性態度最好的所以不得不提一提！講返野食先，我最中意係佢的春卷，無論搭啲咩餸或者係咩湯底都一定要加！最最最重要係要加佢的辣椒油！本身我都唔食得太辣，所以加小小我已經覺得好辣！不過都一定要加因爲佢真係好香！加左之後成件事唔同哂！蕃茄湯底都係我最愛！因爲感覺健康d

最鐘意食南記嘅蕃茄米線 最岩我呢啲唔食得辣嘅人 佢地嘅春卷亦都係招牌選擇之一 每次食都必嗌！真係好出色 豬頸肉都係我會揀嘅配料之一 而且大大份 一定夠晒醫肚每次諗唔到食咩都會去食南記！另外，清湯河廿幾蚊都係實惠之選

不經不覺光顧咗南記超過 7，8，9 年。由之前在公司附近的上環店開始，基乎一個禮拜食足五日 (五天上班）。 之後最常幫襯的是銅鑼灣店。每次其實都係食同一味「招牌春卷腩肉小窩米線 」（4條春卷個隻），由以前食開的大辣到而家轉食小辣口味，酸辣嘅湯底都係同樣地惹味。 今次係第一次來西灣河店食我的最愛，店內氣氛感覺很不錯，由收銀員到取餐部姐姐以至清潔的員工同事都笑容滿面。 招牌春卷嘅爽朗同夠咬口嘅腩肉永遠冇令我失望。感覺個酸辣湯底同銅鑼灣店的有啲唔同，但味道仍然處於我愛的範圍，完全收貨。鑑於疑似湯底味道不同，計劃盡快返回銅鑼灣店進行驗證。😉

罕有地路經西灣河，正值下午茶時間，見到南記，本來想入去食個下午茶，但見佢今期推介艇仔粉，決定一試。等了十分鐘，碗粉都幾大，內裡有河粉，生菜，义燒，小魚乾，魚片，馳名春卷和比錢時收銀姐姐給我的一包魚皮。河粉 - 不算滑，但很有質感，相當飽肚生菜 - 不過不失义燒 - 厚實小魚乾 - 香，不硬，但我忽然覺得我是一隻貓魚片 - 爽，滑，好味春卷 - 我去南記的原因，如常地好味魚皮 - 硬還有一杯雙檸樂 - 沒什麼特別，還可以只是不明為什麼叫艇仔粉，但以五十三個大洋來說，還可以啦！

長期糧尾的我，要找一間抵食的午餐，十分重要。南記是我由小到大最愛吃的粉麵店，招牌魚肉春捲味道一流，吃了這麼多年，也沒有一點厭倦，比起坊間很多的米線店舖，南記最好吃，清湯不會口渴。 招牌河只售28蚊，有兩條魚肉春捲，兩粒魚蛋，兩粒牛丸，誠意十足，細胃人士份量剛剛好。假日太放肆，偶爾也要清淡一下

正 今次外賣南記，估唔到又幾快，分開湯同粉，唔驚浸淋哂。我叫左蕃茄湯肥牛米線🍜加杯豆漿另外叫左個二人套餐 另外加左個墨丸都好夠飽 米線唔會好淋 幾好 我覺得個湯都好味 下次懶得落街嘅 我都會左叫

南記的早餐款式很多，最近試了一個叫「蕃茄仔」的一餸粉麵早餐，還有一杯熱飲或豆漿或汽水送。今次我叫了貢丸粗麵蕃茄仔，飲熱奶茶，價錢是$23。蕃茄仔湯底的蕃茄肉佷多，味道濃郁，貢丸彈牙，還有一些腐皮絲。不過要注意的是，這只是一個輕量早餐，如要吃份量大的早餐，就要叫回正常份量的蕃茄湯底粉麵

1點半 。。餐廳比較多小學生同上班族。。我就叫左雙拼。。墨丸拼魚片。。都okay呀。。係要等10分鐘左右。。凍豆漿應該叫大杯會好d。。食河粉成日食到個底都冇哂湯。。 墨丸十分okay食完之後味精太多。。好想飲水。。

完全不給予協助！今日本叫工人姐姐去幫手買外賣，但工人姐姐途中跌左張紙，諗住去到叫佢聽電話我叫啦，個好串嘅男人覆佢話唔得閑聽，仲叫個姐姐寫紙，如果佢識寫中文就唔洗叫你聽電話啦！亞先生！真係好勞氣！如果佢係香港人叫你聽就話啫，叫個工人姐姐寫紙？係咪寫左你識睇先？聽一聽咁少嘅忙都唔幫，呢啲咁嘅服裝態度真係好！幾好食都假啦！態度咁差！比呢啲人做衰哂！做飲食除左要野食好食，仲要有好態度，唔係要你做到狗咁，但最起碼嘅服裝態度係應該要有，你好聲好氣話唔好意思，我地唔聽得電話，我接受囉！唔係一句唔得閑呀！你寫紙啦！你講前都望下咩人叫你吖！

南記由最初一間係香港仔，做到今時今日全港九都有分店，由最普通既魚蛋粉做到而家酸辣湯底蕃茄湯底什至火鍋配料都有，肯定有佢既魅力所在！我同幾個同事平均一個星期都會黎到公司附近呢間南記食lunch。環境：呢度多數都係2人同4人位，想自己一個人靜靜地食野又唔想同人搭枱既，呢度都有一排對住舖面既單人位，坐位安排照顧周到啦。服務：雖然係快餐店式自助取餐，但侍應呀姐好主動執枱收餐，係繁忙多人既lunch time絕對發揮到作用，同埋呢度既呀姐好有禮貌，次次黎到都小心前唔該後。衛生：正如上面講左，侍應呀姐收餐抹枱快手快腳，另外餐具跟餐一齊上，有別傳統粉麵店放係枱面任攞，感覺衛生d。味道：其實我每次黎都係點春卷魚蛋清湯米線。春卷係南記招牌，就算我平時少食煎炸熱氣野，但黎到每次都會點春卷，因為真係好好味好彈牙，魚蛋都係我另一至愛，好滑同好爽口，配清清地既米線同湯，清淡得黎好滿足。不過值得一提，呢間南記既清湯愈黎愈唔清，成碗都係油，有d嚇親！抵食：新一年南記又加左價喇，兩餸麵加左1蚊，但今時今日27蚊食到兩餸麵，價錢上其實都算抵，最緊要仲要係好味丫嘛。

今日路過西灣河，見有d肚餓，就入左南記食個靚下午茶， 呢間南記地點亦都好近西灣河地鐵站，位置都算方便，入到去見到座位好闊落，咁岩係afternoon tea時間，叫咗碗招牌河，仲有嘢飲送，都只係$25,勁平！春卷好有特色，白魚蛋夠彈牙，同埋好香魚味，正！牛丸keep 到水準，清湯好鮮甜，加上辣椒油之後，真係連湯都飲埋呀！以咁樣嘅價錢來講，真係超值！豆漿嘅味道，講真就唔係太重豆味，不過用黎解辣真係一流呀！