南記粉麵 (已搬遷) 新店位置

愛辣的我，自然是點了酸辣小鍋米線，牛筋加魚蛋。關於要多少辣，第一次嘗，還是小辣好了。大概七分鐘，米線上盤了。湯第一口的感覺，酸味強烈，湯底是挺厚的，配菜雖比譚仔少，但不影響整體。米線比較幼身，吃上來亦較沒彈牙感，份量可以更多，畢竟自己胃口是大一點。牛筋燜得通透，軟腍腍，入口嘴嚼一會已融化，不錯。魚蛋亦非那種差勁的例子，吃得出有魚味。另外，辣度比想像中弱。大家可以放心的點上一級中辣，應不會太難應付。要形容的話，店子的米線，酸辣兩者都配合得不錯，是均衡的比例，價錢算是便宜。

好似我哩d港奴番工食lunch要平靚正有咩揀呀, 南記一定有份哩間分店有2層, peak hour黎都唔驚無位不過就要行下樓梯~ lunch time時間無論學生, 西裝友同OL都好多, 今日就決定買外賣啦~仲記得以前南記(未轉新logo前)用既舊式餐牌, 而家已經轉哂電子mon, 果然係隨時代進步呀。仲有埋自助8達通機, 但係唔知點手每次去都見到排哂長龍但無人用。招牌河 $29平時多數會揀酸辣湯既雙餸米線既, 但今日有d喉嚨痛就食個招牌河清清地。2條南記名物招牌春卷, 2粒牛丸2塊魚片, 29蚊無得輸, 平靚正稱號無比錯佢啦!唯一覺得可惜既係, 以前食南記枱面上會有一樽樽辣菜寶, 當時好多人都因為哩個菜寶去食佢架, 慢慢南記改下改下無左依樣野, 點解呢? 講起都好懷念呀

每次嚟到南記都一定必食腩肉春卷酸辣米線，佢哋啲腩肉好獨特，薄薄一片，好入味，唔似其他腩肉咁半肥瘦，食落口唔覺得肥膩。魚肉春卷肉煙煙韌韌，嚼落魚味好鮮甜。米線軟硬適中，配搭酸辣湯底，十分開胃

縱使南記有很多分店，但我覺得最好食的非銅鑼灣怡和街分店莫屬。 雖然南記的裝修不是很奢華，每當星期六或日更有很多菲傭聚集，但也不會減低我對進食南記春卷的喜愛。辣豬肉小鍋米線 $38致愛小窩米線，皆因鹹酸菜非常惹味，再加上小辣的豬肉碎，令湯底酸辣的味道顯得更濃郁。米線軟硬適中，份量足夠。豬腩肉醃製得很入味，肉質嫩滑。單點春卷 $29單點有6條春卷，春捲口感柔軟，有魚肉味。如果是米線春捲只有4條春卷，對於超級愛吃的我是不夠滿足的。南記價錢算便宜，味道好吃，最適合享用一個簡單快捷的午餐。

每個打工仔去到月尾都要就住就住黎洗面南記就係每個打工仔嘅糧尾恩物，因為真係又平又抵食<雙拼米線$28> (好味:3.5/5) (抵食:4/5)依家閑閑哋出街食餐飯都要百零二百，就算食碗米線都要五、六十蚊，但係南記就係窮人恩物，皆因你唔嗌一啲特別嘅湯底，一碗米線30蚊有找對於大食妹呢啲小資女，佢哋月尾又係幫襯南記嘅時候喇今次嗌咗個清湯魚肉春卷冬菇米線米線一如既往都係咁Q彈冬菇咬落去就食琴冬菇嘅香味，又淋又好大粒，兩粒啱啱好魚肉春卷一向都係大食妹嘅最愛、去到南記點可以唔食佢嘅魚肉春卷魚肉味超級香，炸到好香口，浸落清湯食最正

其實我本身多年嚟都幾鍾意食南記，但最近呢幾次，我去親銅鑼灣佢唔係比錯送就好似今次咁比錯湯料！我本身麻麻麻辣，但好鍾意酸辣，一食成個麻辣湯底！但耐可lunch time趕返工，所以轉唔切！上次就要肥牛變咗豬頸肉！！！真係幾失望！但聽聞灣仔個啲分店係無呢啲問題，雖然我知銅鑼灣一向多人！但都真係要正視下！唯一欣賞佢今次送紙巾，因為麻辣太辣，無紙巾真係唔ok!!!!但我諗暫時唔會再比機會銅鑼灣呢間分店！！！

廣告睇得多，自然心思思想試嘅🤦🏻‍♀️見唔係好多人排隊，就叫咗一碗艇仔粉轉米線試吓⋯題外話counter姐姐都幾無禮貌同急🤭外表同普通嘅清湯粉面冇咩分別，但佢有特別嘅魚湯同蝦湯底，不過我覺得好鹹，上面嘅配料多咗幾片叉燒，預咗唔好味🙈🙈少少蝦米魚米粒，好多生菜，平時食開嘅魚片，佢比少咗兩條魚肉春卷😒我都係見相先知道有。不過呢間成日都俾漏野，食過一次唔會有第二次，仲非常後悔試咗🙄🤗🤗所以大家都係平時食開嗰啲啦🤗🤗

3月16日晚上十點半到怡和街分店食野,1樓要搭枱 所以上左2樓,當時樓梯並沒有被封 (沒有用「暫停開放牌」攔住),樓上亦有兩枱客,坐下不久 一名東南亞裔清潔呀姐,用好串既語氣問我: 樓下無位喇咩?我: 有呀, 咁點?佢: 我要關冷氣喇!我反問佢: 你唔想人上黎做乜唔封左樓梯?佢無答我, 行開左,係我食緊野既時候, 佢不斷故意製造噪音,更過份的是, 佢不斷開關2樓既燈!當時唔只我一個客係2樓,直至我望住佢, 佢先停手, 走入廚房。佢又無封左2樓, 仲不斷搔擾上左去既客人,呢樣係我最嬲!以後食譚仔好過, 起碼人地D姐姐有禮貌。

Lunch time繁忙時間簡單快吃點了魚肉春卷清湯河，諗住飽肚啲；仲有多青食開米粉還是覺得配米粉好，口感較清爽叫多青果然比平時Standard份量多幾倍不過唔知係未繁忙時間，碗河粉好似未淥到散開一條條就趕上桌所以吃時啲河粉仲係一團痴埋下次配返米粉先不過春卷仍然好吃，香口，魚肉十足每次必點

南記係由我大專一直食到依家都唔厭既餐廳，由當年得清湯同酸辣，到依家多左麻辣既選擇😍😍😍麵粉配料既質素都無降低！次次出黎銅鑼灣食lunch既話總會心思思想黎食南記。呢度必叫春卷，真係超好味，入口啖啖肉！！！愛辣既我每次都會叫麻辣小窩米線，呢度既米線比其他餐廳會偏幼身小小，但好有趙口，咬落時煙煙韌韌。另外佢既魚片頭又係必叫既餸之一，魚片頭好彈口😋。但呢間唯一缺點就係叫凍飲好貴呀😭😭😭😭

已經成日食呢間南記平時喺銅鑼灣一唔知食乜嘢就會嚟食南記雖然唔係話真係好好嘅餐廳但係以快餐店來講真係比大家樂嗰啲好好多我最鍾意食嘅係酸辣小窩米線平時會揀兩條春卷加牛筋呢個配搭 價錢唔太貴先$40左右大家都知南記嘅春卷係好好食雖然係一堆麵粉但係唔知點解我都覺得佢有種魅力食極唔停除咗春卷之外佢啲牛筋都好好食大大嚿又好入味 不過我最鍾意嘅始終都係佢嘅湯底酸菜同埋啲米線嘅配搭 另外一定一定要叫中辣呢個配搭我食過好多好多次超級好食

南記我最鐘意食佢既春卷😍佢既春卷真係好特別，就算佢唔係茶樓果d春卷咁樣趣卜卜！放入湯一齊食都好好食！我今日叫左春卷墨丸米！但係佢既米線我自己覺得唔太好食！有d煮得太淋😥下次都係叫返米粉算😂

每次去開銅鑼灣IKEA，又唔想食咁貴諗緊食咩好既時候...🤔就會諗起南記既辣豬腩肉小窩米線 🍲平靚正其實佢好多選擇 有清湯、酸辣同埋麻辣既米線可以自己選擇大中小辣🌶🌶🌶我通常會選擇小辣或者中辣 睇心情啦🙊🙊佢座位旁邊有調味料吧，唔夠辣可以自己再加辣椒油😆間間南記嘅味道有少少唔同，呢間都OK佢有兩層坐嘅位置所以成日冇咁易出現無位嘅情況最怕諗住食個快既晚飯但都要等。。。🙈🙈唔知幾時冇左辣豬腩，變咗辣豬肉🙈🙊不過都仲好鍾意食最開心係個選酸菜粒❤️❤️魚片頭🐟呢個好好食！抵讚👏🏻👏🏻但一定要趁熱食因為仲係熱嘅時候佢好軟熟❤️豆漿🥛都ok, 但如果濃味d會在好飲d

南記實在係童年回憶，由細食到大，由當年十幾蚊到依家差不多三十蚊一碗，漲價不少，但我都依然周不時會掛住南記個種味精的味道，每次都食同一款，就係招牌河。以前得香港仔店，依家開到香港、九龍、新界都有，好神奇。銅鑼灣店可以自助用八達通點餐，如果不想排隊可以試試。今天睇完醫生諗住食清清地，就叫左招牌米，點知都係河粉好味d。有三款餸，招牌春卷，牛丸，魚蛋。春卷係招牌，每次必點，除了南記的春卷其他的也不是太愛吃。牛丸好彈牙，味道香，是我至愛。魚蛋比較軟身，有少少腥味。加上南記辣醬令整碗麵的味道也提升了。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

年三十晚原本打算夜晚去行花市，但係覺得夜晚一定會好多人，所以決定改咗晏晝去行。行之前去咗南記食少少野先叫咗個招牌米線，有魚蛋、牛丸、同埋招牌春卷。首先個湯底好清嘅，米線煮得啱啱好，有咬口得黎又唔太淋。魚蛋好彈牙而牛丸就好有牛肉味。重點係個招牌春卷，真係得呢間餐廳先有得食，係魚肉春卷嚟，應該係油炸過，係又唔覺得油膩，強烈推介