南記粉麵 (寶明大廈)

營業中

休息中

南記粉麵為區內名店，以魚肉春卷、牛腩及滷大腸等成名，卻一向有不少街坊支持，因為價錢平，份量多！每到午餐時間，一位難求，所以一向都係電話落單，之後自取拎走😋😆我每次都必定單點的魚肉春卷👅春卷是南記的名物，用腐皮包裹魚肉而成，其聲稱每日在店鋪內鮮炸而成😋😋其次選擇就係牛筋，佢哋啲牛筋炆得入味，👍🏻軟硬程度適中，但有一樣野好奇怪，每次都要出餐位同廚師姐姐講聲係要淨牛筋，否則就會有一半牛腩出現😂😂佢哋啲牛腩我都食左好多次，但水準一般，每次都有啲柴皮甘樣所以到而家我就放棄了牛腩🤐🤐提示，食南記必須要多葱😂😂

我買左一個麻酸辣魚蛋米線， 本身黎講食南記，今時今日真係唔係因為佢好食架啦！都係貪快同平。我本身都見到其他食客拿外賣既時候，要問返個阿姐有無呢樣有無果樣，原來真係執漏野，我自己都無睇清楚，畢竟我只係要左一個餸，同埋唔想係疫情期間係咁多人既地方打開d 野食，點知返去真係見到入面一粒魚蛋都無，失望到呢！不過算啦，食南記真係因為平同快，唔通我落返去追討返5粒魚蛋咩... 希望大家係呢間南記買外賣既時候記得check 清楚有無執漏野先走。

今晚買左南記外賣，因為好耐都冇食到，但今次食完估唔到有意外驚喜，因為比以前好食左好多，由其杯仙草凍奶茶，因為好好飲，而肥牛都幾好食，不錯👍🏻👍🏻叫左酸辣小辣湯底，都不錯👍🏻

呢朝早我特登請咗半日假，先去領事館，再落銅鑼灣搵醫師把脈。本來好想返公司見下我一班好同事，不過返到去又過哂lunch時間，咁我一於趁仲有時間，喺附近食少少嘢，再去快閃shopping先返工。路經 #波斯富街，我又不期然咁走咗入 #南記， 不過聽講最近 #南記 比第二間公司收購咗... 唔怪得風格都唔同晒。#古靈精怪 到居然出咗個 #沙嗲牛肉米線套餐（取名為肥牛沙嗲仔），雖然有啲格格不入，不過$30有碗 #米線、#牛丸紫菜湯、仲有 #凍豆漿，用 #雲閃付 俾錢仲可以扣$10，真係抵到爛。講到食物，如果呢度係一間 #茶餐廳 我覺得冇問題嘅，#沙嗲牛肉米線味道 好濃，#紫菜牛丸湯 就爭咁啲 #左口魚，唔夠香、唔夠鮮味😅 不過$20同一當lunch... 大家一試無妨😃

今晚晚餐唔知食咩好。就揀咗食南記，本身諗住平平地食一碗粉面，但比佢個套餐既餐牌吸引住，套餐有幾款不同比你選擇，我就比佢個D2套餐吸引住，食粉麵無理由唔叫埋杯野飲架。佢個套餐D2係單／雙拼自選清湯套餐加魚片頭一份（5粒）及1 杯飲品。自選單／雙拼1 碗自選清湯麵（可以選擇一至兩款配搭），可選擇湯底、 麵底、 配料及飲品。我今晚就真係食得比較多，我食咗4條春卷+3粒墨魚丸既米粉+魚片頭一份（5粒）及1 杯大豆漿。食麵最重要就係有南記不一樣既辣醬，別有一番風味，真係勁豐富及勁滿足既晚餐。

銅鑼灣南記最近搬了新舖，環境比之前更好，至少在地舖，不用行樓梯了。每逢2:30pm, 每天都大排長龍，收銀都忙到無停手，下午茶當然要食招牌米線，有魚肉春卷．魚蛋同牛丸，仲跟野飲，真係好食又抵食，加上佢嘅辣醬真係好好味，難怪任何時間都是坐滿食客😋

香港仔南記粉麵嘅分店已超過20唔間，行開銅鑼灣見肚餓就走入去幫襯下。可能假期關係，接近下午3點都要排長龍比錢而店內亦有多人幫襯。雖然長龍，但職員收錢確係快，等咗陣就好快比錢等攞嘢食。1. 清新滋味套餐(魚肉春卷，魚腐，竹笙，木耳河粉)連飲品 ($45)，魚肉春卷保持一貫水準，好味竹笙爽口，吸晒啲湯美味。2. Shake 脆脆粉連海苔椒鹽($23)，魚肉春卷，即叫即炸熱辣辣，連個紙袋比你放埋海苔椒鹽落去shake 幾吓，粒粒春卷面都有海苔味，確係吸引。

又到Causeway Bay ,shopping 大灑金錢之後 。當然食嘢就要慳番少少啦😣😣好在有經濟實惠之選， 清清淡淡可以去南記食個套餐。雖然嗰套餐而家加咗一蚊， 但係都只係41蚊啫。😚😚😚套餐可以 選擇生菜或者牙菜，二選其一。跟住可以揀一款兩餸嘅粉麵。 跟住再揀一杯嘢飲， 汽水或者豆漿。我同朋友各自要咗一個套餐，我哋要咗生菜同埋牙菜各一個，我就要招牌春捲 河粉，朋友就揀咗，招牌春捲魚片頭米粉。真係好鍾意食佢哋嘅招牌春捲， 外皮香脆內裏煙煙靭靭， 點呀秘製嘅辣醬就更加好食。 河粉滑捋捋好好食。不過衛生就差咗少少啦有啲烏蠅仔， 但還可以接受的。 間間食肆都有㗎啦.。

如果南記同譚仔比，我會揀南記。次次嚟親都食佢個招牌河，清清地得嚟份量夠大。春卷出名係有佢原因，係幾好食。而且我個人比較鐘意河粉多過米線，南記夠多選擇，又平又好食。多啲支持下佢咁就可以開多啲分店係香港其他區。

「南記」對於 #小秘書 嚟講可為童年回憶，小時候嘅我由外婆湊大，爸爸媽媽要做生意，所以佢哋只會假期過嚟搵我🥳 細個嘅時候我都幾可愛㗎，所以啲 #舅父、#阿姨 都好鍾意帶我去街、有時仲會帶埋我跟佢哋啲新相識嘅男女朋友見面... 後來大個咗先知原來佢哋係搵我做掩飾，免得外婆識穿佢哋拍拖😅諗返起，細個嗰時成日要跟 #阿姨 入 #香港仔 㗎... 而家先知佢應該搵我借橋😅 不過算啦佢哋都會請我食啲好嘢嚟慰勞我嘅，而「南記」就係我記憶最深嘅一間餐廳，而「南記」#招牌河 就係我嘅 #童年回憶🤪呢日我叫咗個 #大雜錦湯米線 跟 #豆漿，唔好以為 #小秘書 生咗 #大食積 呀！我只係貪佢有唔同嘅配料，所以我係寧可要少啲河粉，都要keep住各種各樣嘅配料。#什錦湯米線 裡邊有 #春卷、#牛丸　#魚皮餃...呢幾樣都係「南記」出名嘅食材，我就鍾意以清湯底配搭，口味又唔會太濃，牛丸嘅鮮味跟湯底好夾味，係我食極唔嫌之選👍🏻「南記」波斯富街新店開咗之後，我已經好少再返去怡和街分店，一來唔使行樓梯，地方又無咁迫。貪新忘舊咪就係我囉🥳

今日係勞動節小編當然要響應勞動節啦所以一早起身就去呢度食早餐然後開始我既yoga day小編已經係第二次黎呢度食早餐、對上一次都只係上個禮拜、食過佢地既艇仔粉確實唔錯，今日8:40到達發現佢地都有賣d港式茶餐廳feel既早餐，見到有個叫做沙爹仔既物體當然吸引到小編既視線啦因為小編係沙爹fans、最愛係元朗永x既沙爹麵，今次見到有沙爹食當然不能夠錯過。佢地既沙爹仔麵可以選一款單拼或者肥牛、小編唔食牛梗係食佢地既超有名春卷啦、配米粉，野飲可以選豆漿、奶茶或咖啡不用加錢、如果其他飲品就額外加5元，其實都好抵，小編選擇熱既桂花烏龍茶另加5而成個餐都只係30元，都真係非常抵食。抵食之餘仲要係非常濃厚沙爹，絕對絕對不是其他茶餐廳d hea野清水沙爹，係完全好似打邊爐沙爹湯底好濃厚ｏ個d味道，真係食到小編lam曬脷，真係勁回味，我打算明天返工去中環間鋪都試下個早餐睇下係咪一樣咁濃厚先，小編今日真係爆開心，食到好味濃厚沙爹、以後唔洗入去元朗咁q遠，可惜呢個係早餐啦，否則小編我夜晚都可以食到打邊爐沙爹麵

是日同同事去呢間南記度食lunch， 由於太餓既關係，所以我叫左個蕃茄湯珍寶米線，份量足，餸有招牌魚蛋、牛丸，春卷同魚皮鮫墨丸，個蕃茄湯加左腐皮真係幾好味，個人黎講喜歡酸d, 下次會叫多茄汁，但唔叫佢都係夠味既，正

呢個期間限定艇仔粉真係不得了呀，唔食過唔知甘好味，據稱用大地魚做湯底既，小編覺得D湯比正常南記湯底係比較濃D既，最好味就係佢用D魚仔蝦乾仔做配料真係好鬼惹味，個艇仔粉套餐好似大約40元，確實唔算好抵，但勝在足料，菜又多，配料除左魚仔蝦乾仲有兩條春捲，魚片，叉燒，仲配埋雙檸可樂比你，個雙檸可樂都好鬼正，堅飲到青檸味，小編雖然一向唔太LIKE正常可樂嫌佢甜左D，但呢個青檸檸檬可樂真係幾好飲。翻兜指數極高！

食南記食過好多次，呢間南記比係另一間係銅鑼灣既分店環境舒服d，木造枱椅，環境都光猛。每次都係叫 魚肉春卷魚腐酸辣米線❤️佢既配料全部都好好食，無論係腐皮、酸菜我都好鐘意。魚肉春卷同魚腐都好味，感覺新鮮，再吸埋湯既精華，酸酸地好開胃。今次既湯底我覺得比之前失色左少少，鹹左d，食完好口乾，不過佢既酸辣湯係會令人上癮的！ 佢係我食過咁多既酸辣湯米線入面算係比較鐘意既味道！ 埋單38蚊，呢餐晚餐價錢好抵亦好飽！

銅鑼灣食南記梗係要來利舞台對面嗰間，真係明顯地比怡和街嗰間少人好多。今日中午過嚟排隊買埋都唔使5分鐘👍🏻👍🏻今日突然想食辣，所以點了B-招牌滋選小鍋米線,分量非常好,又多餸，最緊要就係有我最鍾意食嘅豬腩肉，春卷同埋冬菇😋😋😋😋再配埋一杯冰凍嘅可樂，真係非常豐富滿足嘅午餐😋😋