南記粉麵 (已結業)

係銅鑼灣食果陣平均一碗麵都過＄２０～去到香港仔食竟然相反！不過款就香港仔少ｄ～係呢間野食，收錢果個ｄ態度時好時壞，仲慘過天氣！唔好果陣，你要佢等一陣ｄ眼神就差到加零一～好果陣等幾耐都無事。明明同收銀果個講左走青佢都要落，真係唔知想點！太多人既時候，上樓上果層食，食完無人執野！上層可以話ｆｒｅｅ到喊！一個人都無～樓下叫咩ｎｕｍｂｅｒ都聽唔到！～

我細個黎食果時..d野真係好好味...果時仲未改革仲係坐台有侍應ser你果d普通粉麵檔格局以前d湯用牛朋煲ga..好好味宜家就不知所謂牛丸同春卷既水準由開始到宜家都無變抵讚-.-b其他就每況越下....d麵好重鹼水味d河粉落左湯之後又影響左d湯咪所以推薦都係食米粉好d(唔係米線)...

行過見勁多人，入去要自助式買飛挪野，重俾亞姐笑唔識規矩。要左小鍋米線同牛丸米，米線好一般，反而牛丸幾好食。

都有一大排冇食了，但食番總有親切感的彈牙魚肉春卷(話晒獨家有得食)，湯底仍是味精，仍不失為一個又平又好食的下午茶呢！$15元連豆槳或汽水。

同事成日都話南記春卷好味，今日終於可以一試！的確同出面食既春卷唔同，好味！小鍋米線好正！！夠酸，但少辣就真係太少辣啦~LUNCH 唔早D去都冇位呀~一定會再去多次！

又係另一間由細食到大既麵店, 謝記同南記, 我會揀依到多, 因為春卷好好食. 不過亞媽成日話佢湯底唔好味, 所以捉左我去謝記.見依到愈黎愈多野, 第一次試個小鍋米線加春卷, 嗌左小辣我都覺得太辣, 不過我自己本身都唔食得.另外我覺得送唔算多, 尤其是我最愛的腐竹, 只得兩片.其他可以嗌兩送, 但除左春卷真係諗唔到食咩.所以有成四條春卷好好味.不過試過個小鍋就唔會再嗌, 一來辣二來唔知點解等勁耐先有.普通單拼或雙拼俾單佢就即上, 好快.ps. 其實我覺得依到d牛丸都好食, 不過兩者比較我鍾意春卷多d

以前香港仔兩大粉麵店之一,最出名的是魚肉春卷,往後分店開到四圍都系,特色粉麵多了,質素反而下降,真可惜!每次尼食都叫小鍋河,旨在每種"食送"都有,加埋一杯豆"將",食飽算數. ^o^

個日去食LUNCH, 小鍋米線$20好大碗, 米線又腍, 我選酸辣湯底, 好好味, 酸菜同芽菜都好多, 食得好飽, 唯一唔好就係個春捲裏的魚肉太少, 好似齋食腐皮咁,但係其他都OK, 地方又比舊鋪清潔, GOOD始終都係南記好食過謝記

前兩日的傍晚,我同肥安娜到左呢度食下午茶(嚴格來講應該係第一餐),其實自己都唔多想再來,只是肥安娜話肚餓,惟有順她的意.自己原本想食酸菜豬腩肉米線,但加左價唔抵食,惟有跟肥安娜一樣叫春卷牛腩,只差在她要河粉我要米粉,另加兩杯下午茶時段送的汽水.在放下托盤後,自己先試左一口湯底,依然係多味精,好渴,要即刻飲汽水.春卷係魚肉製的,味道跟往常一樣,而牛腩有筋有腩,試左一口牛腩,幾入味,再食牛筋,好腍,同食喱的感覺差不多.而米粉只係普通貨色,唔知係咪無胃口,罕有地我係食剩差不多三分一碗米粉.都係那句,如果唔係肥安娜叫到,我未必會再去

昨天中午,王小虎同肥安娜點左我去買外賣,大熱天時做外賣妹,都咪話唔辛苦.王小虎要叉燒牛腩米,肥安娜要魚餃牛腩河,而我要酸辣豬頸肉米線,另再叫一份魚肉春卷.湯係我要求分開裝的,要加錢,但起碼唔怕d粉浸得過腍.返到屋企即時開餐,肥安娜發覺佢o個碗牛腩極少,好唔抵.我碗米線煮得跟正宗意粉一樣,個芯都未熟,d料都ok好食,不過個湯底勁油同多味精,食完勁口渴.講真那句,若非王小虎同肥安娜要買來食,我都唔會再食呢度的麵,十零銀的麵,在香港仔有大把選擇,好過呢度的多的是.

係南記食野一定要飲野, 因為0的湯底真係好多味精, 同時都會覺得0的汽水好飲0的!呢度只係春卷和牛丸好味, 其他丸和凍肉鋪買到的一樣, 但價錢這麼平可食到好味的春卷又飽肚, 都算不錯了.......推介係紫菜春卷牛丸瀨!

係平囉! 但勁多味精,少食為妙!

自己住呢頭, 呢間既粉麵真係唔係咁好食. 湯有幾多味精, 牛丸難食, 魚旦都唔好得去邊, 墨魚丸只係食到一堆粉, 最掂既應該係春卷, 但都只係好普通, 所以好多時寧願食其他都唔食呢間!

人人話佢地o既魚肉春卷同魚旦好食，但其實咪係四海出品，你係超市都買到啦，我就覺得係人云亦云，所以先至咁多人話正，要食正粉麵係香港仔都未論到佢。自助購票既快餐式經營我個人認為少左一d親切感，同埋你留意下班煮麵師父都不大專業，可能係快餐店式既特色，同傳統粉麵店始終爭d。

呢喥最出名就係"魚肉春卷", 試過當然就係名不虛傳啦!! 不過如果你想坐得舒服d 就比較難喇!!!!!!