南記粉麵 (已結業)

店名：南記粉麵地址： 香港仔香港仔大道208號好味指數：7.3／10價錢 $23叉燒魚餃河清湯底味道鮮甜河粉又薄又滑店名：南記粉麵地址： 香港仔香港仔大道208號好味指數：7.6／10價錢 $31春卷魚片小鍋米線自從南記出左小鍋米線之後，幾乎每個星期總有一餐係南記食。小鍋米線有小辣，中辣和大辣之分，我每次都係叫中辣，但係每次辣度都唔係好統一，有時超辣，有時唔辣！ 

店名:南記粉麵地址：香港仔湖南街8號地下好味指數：8.3/10價錢：$31春卷魚餃小窩米線(大辣)香港仔有兩間南記，不過我通常都會選擇去較少人的那一間，坐得舒服點。今次朋友專程到來，當然帶她到最原始的那一間店。平時多吃中辣的我今次選了大辣，果然很夠辣，味道跟另一間店同樣好吃，水準一樣。 

米線食肆品牌越開越多，令到我將南記遺忘了一陣子，良久沒吃南記的酸辣米線，是日心血來潮，再訪該店。惜日掛在牆上凌亂的餐牌已電子化了，以往放在餐桌上的任食客加進米線的冬菜，亦聲稱因為來貨品質不佳暫停供應。是日點的菜肉餛飩春卷米線，售賣$41, 價格上漲了不少。雖然味道依然好，酸菜帶出淡淡甜酸，但肉碎份量比以前減少了，令米線湯底濃度不足，整體水準下降。

如果住過香港仔的人，無人不知南記，我在此處長大，都永遠掛念此地，南記春卷是我常常都會食之春卷不是非一般的春卷，不是脆的，而是軟諗的，腐皮包着魚肉炸的，好鲜味，軟硬適中，加上自家制的辣椒醬，獨中的味道，無人不知，辣度夠，不要放太多，在別店找不到，而味道無變和三十年前無分别，只事装修不同。

南記，是南區的標誌，以前聽說南記是南區獨有的離開南區多年，那天經過，拉老公去試試。點了：1.墨丸春卷河可幸春卷仍是那麼美味可口，別看它軟軟的，吸收了湯汁的它十分鮮美。墨魚丸也是水準之上2.牛腩春卷河最精彩的當然也是春卷，牛腩一般它的辣椒醬也是甚具特色，可是很椒。而麵底，河粉的話個人覺得一般般。緬懷它那13元一碗的日子，但願它一直味道不變。

同小豬兒仔同d同學行完山, 本想去吃魚皮魚蛋名店, 但冇晒魚皮, 而有位朋友又嚷著小豬兒仔話要吃南記, 便吃了.成日叫佢做 香港仔南記, 但我只在灣仔中環銅鑼灣吃過.難道香港仔這家就是原店!?又係冇偏見, d米線都正d,原因是:幼細d!街邊車仔面or普通吃面店, 都是粗的, 或普普通通的而大角咀的巴蜀, 和這一家南記, 都用上幼的米線, 特別有嚼頭!春卷當然又是一流.同學幫忙買單, 意外的叫了小辣, 但亦不算十分辣, 較香濃!正

往日支持南記既係因為一段情!一個情意結....老回憶幫襯左咁多年,今晚想食翻碗AB河加色姐...(春貢河)點知收銀冇打加色,之後再同櫃面講..佢話冇腩汁~過左唔夠兩秒,煮麵果個人將腩汁倒去第二碗道唉...幫襯咁多年!!唔洗咁呀?好失望!衛生再差都盲目左,仲要提翻既係之前加裝左閉路電視,現場直播每個食客一舉一動!!冇裝電視比d客睇無線亞視都算....點解要播食客一舉一動?保安真係要咁嚴密?所有既舉動直接鼓勵我去隔離既香港仔魚蛋粉環境乾淨,一部大電視..唔係播食客一舉一動!!係播無線如果食粉麵的話...何不"過檔"貴一蚊(十七蚊)有服務有環境...有所謂既魚湯希望能喚醒南記laa,不要令街坊,熟客,食客失望!!!!

一直都是南記的粉絲,從我諗小學開始己吃.而每次來這裏,都指定吃春卷墨丸河.即使現在有酸辣大腸米,每次也很想試,但總是捨不得我的最愛.外賣可要湯另上(只加$1),但這次忘記了.幸好駕車路程不太遠.香港仔店的墨丸比銅鑼灣店的爽口,魚肉春卷雖然炸過,但一點也不油膩,極好.在南記裏,最愛的還有它的"冬菜",外賣的小包實在不夠用,自行加了很多很多,但太貪心了,所以有點過咸.小豆漿才賣$4,香滑,解渴,但外賣放在湯河附近,變暖了沒那麼好喝.

雖然住南區, 日日都幾乎經過南記,但都好一排無食過, 最近返去叫返春卷試試!春卷叉燒米粉($16)真係....已經好難再搵到呢個價錢而且仲唔錯的粉麵吧....春卷都仲係好有口感, 食過銅鑼灣間覺得好削, 還是原店的好~不過呢度真係無服務可言, 衛生亦無乜進步過....只係地下比多年前多左張地毯無咁跣吧吸引人的地方唯有佢好味.........

香港仔南記都有2間~一間係塔小巴去水灣~一間係近住st. peter~我最鐘意係近住st. peter o個間~就算行遠少少~少d位都要黎呢間!次次黎親都一定要叫佢既豬腩肉小窩米線~要中辣!佢d米線真係軟硬適中~豬腩肉又多~湯又勁好飲!真係可以成碗湯清晒!即使自己o係銅鑼灣番工~都可以食到南記~但點都食唔番呢一間南記既味~俾南記縱壞晒喇~而家去第2間餐廳叫酸辣米線一定覺得唔好味!因為呢一間南記實在太好味!$25 可以食到自己最鐘意食既野~真係好幸福^^當然佢既招牌春卷都好好味!

由於香港仔魚蛋粉檔愈開愈多，還有潮苑/謝記夾擊下，好幾年都無食南記。不過佢收得夜，偶然去食，發覺春卷好好味~ 同粉面舖/百佳賣的質感不同~ 佢地既小窩米線亦係我既最愛，兩個人叫一碗加一碗春卷就夠了~ 可惜買粉面無得加幾蚊有飲品，所以通常自己帶水~

細細個住係香港仔嘅時候已經食,加上中小學都係香港仔讀,耐唔耐都會食次次都會食春卷墨丸河,不過依+D墨丸無以前咁好食,都唔彈嘅,春卷就ok,招牌keep 唔住就慘啦.

十年前搬o左入香港仔之後，就開始食南記。最近呢五年都係外國住，返到香港都無食過南記。今天，無端端朋友仔話好想食南記，所以放工就急急腳返香港仔(仲要鬼死咁大雨添)。同以前一樣，我叫o左义燒春卷瀨。今日D 义燒好瘦，我最鐘意瘦义燒，食咁多次都係好肥o既，就算叫佢要瘦o既，平時都無。今日有咁瘦o既真係好意外。呢到o既春卷，當然唔係飲茶o個D 炸春卷，而係好似魚蛋咁o既。係其他地方食唔到。我覺得好好味。碗瀨粉好大碗，食到我飽到食唔到晚飯。加一蚊有豆漿，不過，佢一D 味都無o既，又無豆味，又無甜味，飲完都唔知係咩。唔知係咪有下午茶時間呢，所以加埋飲品都係15蚊。坐係o個到食o既，好似返返去中學時代咁呀。我好老呀~~~~~~

這半年去南記, 次次都係吃佢的豬腩肉小窩米線, 因為最欣賞腩肉又淋又入味, 再加上芽菜, 韭菜和腐竹等配料, 真係好豐富.我次次都吩咐走辣和走酦菜, 不過, 我走辣唔係因為我怕辣, 而係我嫌佢的麻辣湯汁混有好多肥肉碎, 而且那些肥的肉碎唔係太新鮮, 味道亦有點怪怪的. 所以我會自己加佢枱上自家製的辣醬, 而且仲會落好多呢! 因為我都好吃得辣呀!不過, 我次次都係晚上放工才去吃, 大約是晚上點半, 那個時間真係好多人, 仲有好多人買外賣. 所以都要等10 分鐘先有得吃. 次次都係要等好耐, 這點我唔係咁滿意.小窩豬腩肉都係配米線最好吃, 先後都試過配幼面, 米粉和河粉, 但都係米線較 match.

同友人黎食lunch,話呢間好出名同多人食~鐘意試新野既我,今次黎到香港仔搵食,便一口答應~睇下佢出名d乜!一去到例牌見到好多報紙雜誌既介紹貼哂係門口既當眼位~入到去真係好多人,座無虛席!排隊叫0野食之前問左友人呢到出名食咩0野!佢話多人叫既係春卷!咁就黎個"春卷小窩米線(小辣)"+一杯豆漿小窩米線既份量真係幾多!但都等左好耐先有!都唔明友人又係春卷米線,我都係0姐!但就因為多左"小窩"兩個字,就要等多10分鐘?!有咩咁特別呀?眼見係多左d配菜(肉碎,酸菜,豆芽...)個所謂既"春卷"只係一塊腐皮包住d豬肉蝦,再去炸之後放湯~唔係特別好食,可能人人口味唔同啦~環境又係比較逼,有2層!但住d咁熱既湯面走上走落都幾危險!我今次係樓下滿座而坐上層~