南記飯店 (已結業)

昨晚3個人9點先去食晚飯, 叫2人套餐另加紅燒牛腩, 蠔烙咸菜胡椒豬肚湯- 很夠胡椒味, 冇乜味精,豬肚幾爽口咸雞- 冇乜味家鄉炒麵- 麵落左很多肉, 唔太過粉重, 蝦都幾新鮮潮州芥菜- 落左好多油, 好肥後加菜:蠔烙- 蠔夠多, 冇乜粉, 口感幾好, 不過要趁熱食紅燒牛腩- 非常普通的一道菜最後個個飽到攬個肚其實細食的話, 2 人餐己夠３個人食

胡椒豬肚湯好夠味, 亦不會太多胡椒. 蠔烙就多油得滯,不太健康.凍蟹,好鮮味,好正.蠔仔肉碎粥,唔食就唔好黎.椒鹽九肚魚,好香好脆.潮洲春菜,好味,但太油.

因太太很想飲好的胡椒豬肚湯, 故經一輪食評搜索後, 星期六晚便到九龍城去搵呢間南記.好難搵!因為:1. 名稱錯: 應該只叫"南記飯店";2. 地址錯: 是4號, 唔係14-15號.網主請更正.(編按：已更正)當晚除了叫胡椒豬肚湯外, 還叫了墨魚拼紅腸, 沙爹牛肉炒芥蘭, 豉椒炒蜆.胡椒豬肚湯好夠味, 蜆好新鮮, 太太十分滿意. 9歲個好則好鍾意食D芥蘭.下星期會再去食多次.

最近同友人再次幫南記,發覺已經冇以前咁多人等位,不過如果繁忙時間光顧,都係預先訂位會好啲。南記嘅 菜色有一個特點,就係好食唔好睇。賣相唔得,其貌不揚,但味道非常好。今次我哋叫咗啲大路兼傳統嘅菜色:鹹雞併鵝片,豆腐併墨魚,蠔烙,胡椒鹹菜豬肚湯,鮮茄大眼雞魚湯,凍蟹,木魚炒芥蘭,潮州春菜。冇食甜品。南記嘅滷水,老實講,一般啦!味道偏淡,比較依家市面好多以’澄海老四’自稱嘅滷水店差咗一大截。所以鵝片只算及格。我鍾意食雞,對雞嘅要求比較高。呢個鹹雞嘅整法正宗,但係先天不足—冇雞味(呢個亦係大部份食肆嘅弱項,泉章居亦唔例外)。豆腐併墨魚,豆腐一般,理由同上(滷水唔掂,豆腐有幾滑都冇用)。墨魚就幾好味, 軟韌適中又入味,同一般所謂’打冷舖’嘅整法唔同,唔會’實轟轟’,點埋甜醬一齊食,送酒一流。蠔烙冇特別評論,不過不失,記得趁熱食。胡椒鹹菜豬肚湯(加送豬腸)啲味道好平衡,唔會過辣又唔會一陣內臟味,啲豬肚洗得好乾淨,冇異味之餘又保留到豬肚味。鹹菜嘅鹹淡適中,又夠爽。鮮茄大眼雞魚湯非常鮮味,一定要試,條大眼雞滾完湯仲有鮮味,鍾意食魚嘅朋友唔好錯過。凍蟹,都相信係佢哋其中一味招牌菜,佢哋用嘅係肉蟹(各位看

前排同朋友幫趁過一次南記﹐當然有叫最出名的鹹雞同滷鵝﹐呢兩樣唔需要多介紹﹐的確幾高水準﹐而我自己就比較喜歡個鹹雞多少少。另外叫左﹕胡椒豬肚湯- 正﹗重料胡椒﹐重料豬肚(仲有少少豬腸)﹐味道香濃﹐係比較正宗的潮洲口味﹐如果只飲慣廣東湯的朋友可能會覺得太重味﹐但係正宗應該如此的。如果冬天飲就真係一流。炸蠔餅- 炸得好香脆﹐蠔仔份量足﹐好大份﹐但亦都好油﹐食左三份二就已經滿口油食唔落。雖然炸蠔餅用油炸﹐有油都正常﹐但如果上碟前先用紙索一索D油應該會好D。鵝盒- 雖然係“特別食品”﹐但係食落都無咩特別﹐口感有D似炸芋泥﹐但味道就香口些﹐因為應該係用左五香粉﹐不過我個人不太欣賞。南記炒飯- 呢個唔錯﹐炒得香口乾身料又多﹐值得一試﹗其實南記價錢唔算係好經濟一類﹐但味道總算係不錯的﹐算物有所值一類啦...伙記態度唔算好又唔算差﹐反而收銀處的阿伯(應該係老闆﹖) 就非常好招呼又有禮。

叫了一個紫菜海鮮粥, 好多材料, 湯底唔錯, 唔覺有味精, 沙律煎鷹鎗, 好味! 墨魚豆腐, 豆腐比墨魚還精彩。豆醬炒菜仔, 好大碟! 呢餐有特價, 又無咸菜,茶錢, 唔加一, 好抵食! 個老細叫我們下次記得試下炸春卷...

"沙士"效應，以前o黎親南記都要等位，E家入去就有位坐o刺，D阿伯侍應招呼都好o左。冇叫到鹹雞；只係叫o左滷水鵝，豉油鵝腸同咸菜豬肚湯。個滷水鵝唔錯，肉質幾鮮嫩，不過味道唔係好濃，可能滷得唔夠入味。咸菜豬肚湯E舊好味；不過個鵝腸冇起到肥膏，食落口D肥膏有陣"so"味，好肥肥肥肥~~~食o左幾條之後已經頂唔順，仲有D攪肚tim。以前o黎呢度都試過佢個水瓜烙同凍蟹，味道好一般，可以不吃。

我地兩個人叫左一個蠔仔粥, 砂鍋魚頭煲, 牛肉炒豆苗, 仲有一枝啤酒, 埋單百幾蚊.<br>見到都有好多人等, 咪試下..其實我唔太鍾意係呢種環境食野..<br>個呀伯都好冇禮貌, 不過我都預左..<br>食物方面果個砂鍋魚頭煲簡直唔掂, 我從來都冇食過咁差, 炸得唔夠, 炸粉還炸粉, 魚還魚, 真係好失敗!!仲有一d 都唔野味...<br>肉碎蠔仔粥就真係唔錯, 料又多又幾好味..<br>牛肉炒豆苗就一般貨仔, 不過份量都幾多!<br>我就唔會再泥食啦~呢區咁多選擇!

I've ordered the 潮式鹹雞, 凍蟹, 蠔仔粥and 胡椒豬肚湯All of them are very good, especilly the 蠔仔粥.

若以創發及南記比較, 我一定會選南記. 因為佢價錢合理而且係家庭式經營, 味道方面好過創發好多. 我去食南記, 有幾樣野係必叫0既: 潮式鹹雞: 好有雞味, 雞皮爽口, 加埋薑蔥直頭一流, 係我計泉章居以外0既唯一選擇. 不過家下禽流感.....唉~~ 蕃茄鹹菜豆腐大眼雞湯: 好多芹菜芫茜蔥, 鹹菜下火, 蕃茄加埋大眼雞0既湯好鮮甜. 潮洲野唔係淨係得鹹菜胡椒豬肚湯0既.......椒鹽骨: 細細粒0既椒鹽骨, 好香口好好味又唔鹹. 送酒最好. 欖菜四季豆: 欖菜鹹香, 配四季豆最好, 清清淡淡. 其他季節性食品仲有一種潮洲蜆, 叫做"薄殼" , 響九至十一月至會有(唔知有無記錯) 好肥好鮮甜, 加入豆醬, "九層塔" 蒜蓉, 辣椒黎炒, 最好襯熱食, 不過食唔慣0既人會覺得好累, 我有d朋友就曾經食到"好眼訓" 皆因細細粒, 好傷神咁話喎....... 下次去食潮洲野, 唔好叫d "行貨"，　試下第二ｄ喇~~~

食物真係唔錯~椒鹽九肚魚--- 好好味~ 薄薄一層粉炸香, 正!!!!!!椒絲腐乳通菜--- 幾香~煎蠔餅--- 好好味呀!!!!!!!!咸蛋蒸肉餅--- 好滑!!!!! 個咸蛋黃漏油o架!!!沙嗲牛肉粉絲煲--- 依味最差~~~~~~~~~每碟平均$50, 好抵食~不過二樓個阿叔服務態度勁差~

菜好

跟創發比較,各俱特色