南龍冰室 (已結業)

昨天同朋友去完瑪麗探病，落返堅尼地城，已經1點非常肚餓，所以都系以前食開蛇竇附近一間比較貴的餐廳試下。地方幾大，喜歡暗有氣氛都可以接受，午餐都系幾個可以選擇吾多，所以兩個人都系一起點同一個餐焗龍利意大利粉($69)—  因為話即整，所以都要等差不多10分鐘，來到亦真系熱辣辣，幾香。—  個面焗得幾香脆，打開都有一大塊魚，但食落吾厚，魚味普通。— 意大利粉吾算Al denti,但可以說中上，吾錯啦奶茶味道一般檸檬水正常同旁邊蛇竇比較系貴D,做坐得舒服d,

嚟呢度每次都一定要食菠蘿油，脹卜卜嘅麵包，脆卜卜嘅菠蘿皮，凍冰冰嘅牛油(唔算好厚)。今晚連假晚市有啲手忙腳亂，影響上菜嘅速度（平時客唔多上得好快），但唔影響食物嘅質素！叫咗個非常之普通嘅常餐，叉燒意粉火腿奄列菠蘿油，再叫咗個焗雞扒飯。我好欣賞佢個湯底係青紅蘿蔔粟米湯，唔係味精湯，第一次食湯粉會飲晒成碗湯，一滴不留。意粉口感幾好，叉燒好瘦好硬，不過味道夠甜。焗飯等左廿分鐘先到，期間有staff主動行過嚟話幫我哋催下（我個湯意都就黎食完）。不過個飯一上枱，即刻有種「值得等你咁耐」嘅感覺！新鮮出籠香到隔離枱都聞到！面頭係滿滿芝士，熱辣辣嘅泡泡好似仲煮緊咁，啲芝士拉絲架！Staff平均年齡比較後生，服務同態度都幾好，冇「港式茶餐廳」嗰種壓迫感，甚至有笑容，同啲客講下笑添。

本身我都無諗過幫一間茶餐廳寫食評，但見到啲人留言話佢份量少又話服務差咁樣，全部比1粒星，我覺得好過份，亦係我睇唔過望要寫番兩句的原因。我係堅尼地城街坊，正正住喺度，平日收工後我每星期都會幫襯兩至三次，唔係話佢特別好食，只係覺得食物質素同價錢合理。晚餐食過咖哩牛坑腩，好味：下午茶食過雞翼西多，好食過隔離嘅x興；呢晚我去食鐵板川椒回鍋肉，一樣好味，跟飯，有湯，凍飲，$71，cashier旁邊有疊coupon，早、午、下午、晚市各有優惠，晚市減$5，埋單$66。我覺得做人公道啲，以茶餐廳/冰室嚟講，呢個價錢，呢個質素，係好合理，唯一比餐廳嘅建議係，入面冷氣好凍，可考慮關細啲，我就係怕凍所以成日坐出面果位先生。

今日同一班同事一齊食lunch 就諗住試下啦 咁我地就叫左蛋包飯食 本身就滿心期待 點知個蛋包飯黎到 真係好失望 首先係個份量 個份量少到如果唔講 我以為我叫左個常餐 黎左個跟餐奄列黎 比少左個面 其次 個味道又唔好食 個蛋同個飯都完全冇味 成個蛋包飯 得個茄汁味 我自己買支茄汁撈個白飯都好食過佢 仲要收我60蚊 食到火都黎 第三 侍應態度超差 我地就叫左三杯凍奶茶 一杯少甜 之後我地問個侍應邊杯少甜 佢竟然答我地 你覺得邊杯係就邊杯 我地真係勁無奈 如果我對甜度冇要求既 我唔洗叫少甜啦 最後結論 用餐體驗超差 永不錄用

被門面雀籠吸引、所以入去食返個下午茶餐先！豬扒包沙律餐：豬扒就一般般！好彩個包夠脆👍雜果沙律令到個餐加咗少少分！芝士肉醬焗飯：芝士份量足。可惜肉醬偏鹹！熱奶茶餐飲

中午12:30嚟到一個人唔需要等位，入到去望真個餐牌嘢食款式都唔錯，不過就比起其他茶餐廳稍為貴幾蚊，心諗入到去點都試一次呀。叫咗個焗葡汁雞扒飯，想枱賣相到幾靚，不過都係傳統茶餐廳做法炒飯底林汁放芝士最後用火槍燒。味道唔錯，份量亦都大份👍👍 佢仲有個送完即止嘅餐湯羅宋湯今日大約送到12:30就話冇晒啦。個湯都幾多料起碼唔係滾水湯😂😂，另外加分位就係櫃桶餐具充足亦有紙巾提供👍不過座位來講就坐得有少少迫，同埋有少少食物殘渣喺梳化同枱面。埋單$6x好食指數：⭐️⭐️⭐️性價比：⭐️⭐️⭐️

This is new cha chaan teng in Kennedy town. The environment inside is pretty cool. Outside the bird cages are really interesting. It is imitating the old fashion hong kong cafe. We were too late to order the breakfast, therefore, we did not get the breakfast set. The only difference is only $2 more. We had ordered two noodles with omelette and beard. It is very considering that we can choose the beard you want, like pineapple bun. We also ordered the peanut butter toast. To be honest, they all t

食嘅係懷舊嘅味道。食物味道同之前差唔多。物價高左。現在多街坊幫襯。裝修有諗過唔點解食評要最少 80 字？ 我之前叫開，炸菜肉絲公仔面餐，但今日叫忘了，叫左五香肉丁。 不錯。最鐘意佢地塊跟餐多士。本人唔會主動食包，但呢個會食。竟然要寫夠 two hundreds words 先可以 比rating, 我太難了 （普通話）。。。。。。。。 待應應該都係街坊中年人士，但幾有禮貌，每次收野都會講唔該。 隔離枱有個熟客又會吹下水。。。。

見到餐牌個扒餐好似幾吸引，於是叫左(1) 西冷牛扒配漢堡扒飯 & (2) 鰻魚配煙肉薯角。原本以為個餐會好似餐牌咁有個鐵板，點知放上檯嘅時候發玩原來係碟頭飯，塊牛扒薄薄的，明明係薯角又變左薯條。向店員查詢後，得到的回覆係餐牌圖片只係參考，呢個餐無鐵板嘅。事實上佢個餐牌只係寫全日扒餐，又無寫有鐵板，不過既然個餐無鐵板，就唔應該要放一幅鐵板扒的相誤導顧客。對比大x樂、大x活等連鎖快餐店，呢個餐嘅性價比甚低，不建議各位光顧。