南龍冰室 (已結業)

半年前先寫過「南龍冰室」，今日想寫下我的麻甩三點三下午茶。呢期做緊黑白奶promotion, 客人點杯凍飲可以儲蓋印換杯仔。入場費只須雨個印仔。返正未喺南龍飲過紅豆冰，即管試試。大大杯紅豆冰賣 $22 絕不過份，我至愛的紅豆佔了差不多半杯。紅豆軟稔有咬口，有紅豆香，甜度剛好，很好吃，相反奶味不算太濃就合我口味了。出爐麵包好像比之前縮水，但還是那香軟皮脆的菠蘿紅豆包，又不會太甜，如果多小小紅豆蓉更出色。 暫時「南龍冰室」還是我心目中的十大。題外話：可能是近來天氣太熱阿姐相當燥底，我只問多兩句，已經被插一野。於是我叫佢唔使咁勞氣，佢解釋自己係大聲並唔係勞氣, hmmm.... ok la 。

平時都食開南龍早餐都吾錯，今日去食佢午餐，以$45黎講都抵食又有飲品係銅鑼灣，今日仲要吾洗等位就有得去食咁好...我食左一個茶餐，炸菜肉絲意粉太油，同冇咩味有點失望，幸好份量都正常，面包太淋身，蛋炒得吾錯，而飲品我叫左檸檬茶，因為茶底太濃關係所以感覺上太苦。同事叫左雞扒炒公仔面用XO醬，但醬冇咩味似豉油炒出黎咁，雞扒只有輕微味道同太多肥膏，份量都多，同事都飽肚。可能佢其他野食會比較好食吧，如果以這2個黎講係有失望到。

同事每日都買南龍我就問真係咁好味？佢話奶茶吾錯，我話找日幫我買啦，今日終於買到但沒有同事喜歡的雞尾包而轉左食菠蘿包。早餐菠蘿包奶茶 $23：講真這價錢我覺得吾平，但同事講到咁好飲當然要試啦，奶茶茶膽偏濃，奶味偏少，吾係人人岩，最後我仲要落包半糖先比較好，不過整體我就覺得吾錯，但只係吾夠滑身。包都好大個而皮脆面包軟熟吾錯。這間其實係中午時段都吾少人排隊，而家食左佢早餐覺得吾錯。諗住下次試下佢午餐先……

早上見完客才回公司，看看錶，約定的時間還未到，於是到了客戶公司附近的冰室吃個早餐。小人點了一客豪華早餐：有豬扒/雞扒/牛扒、火腿/腸仔的選擇，此外還有煎蛋、麵包和餐飲，豪不豪華不太清楚，倒覺得是很豐富的港式茶記早餐。豬扒不是很大塊，肉質結實，幸未至於鞋，有少許汁，味道不錯。鹹鹹香香的腸仔與甜軟的麵包一起吃，仿如吃著一個腸仔包。煎蛋屬於有焦邊的；可能有人會較喜歡太陽蛋；但就小人而言，對於這隻傳統荷包蛋已大感滿足鳥。叉完電，即有力量見客去。

南龍冰室，懷舊的裝修，茶餐廳食物。平時星期六、日經過時常見到人龍，但我今次黃昏約6:15來到不用等位，但見樓下也坐了半滿。要讚的是：他們的下午茶餐供應時間是由2:30至到晚上7:00的！最適合早吃晚飯的朋友，而且下午茶餐並非只有多士、炸雞翼、三文治等，更有飯和炒粉麵！我點了豬頸肉星洲炒米，$41連飲品，國際慣例：凍飲加$3。雖然$41一個下午茶餐聽落覺得有點貴，但如果當作晚餐來看待，就覺得便宜了😉。看到食評説職員態度差，我又唔覺，或許是個別事件吧。

以後都唔會再嚟呢間店。 因為平日中午吃飯時間比較多人，叫完嘢食之後話要讓位畀遲來的客人坐，但係点之食物又畀咗遲來的客人， 問服務員又遭到無理的對待，話啲飯要多啲時間煮，又話啲飯唔係佢煮，叫佢去跟進又好不願意， 完全唔知道點樣做生意。食物質素又一般，比較難食， 食到一肚氣。。。。。。。。。。。。。。。。。。。。。。。。。。。。。。。

我一向有光顧南龍、一向食物同環境服務問題無大問題！但今個星期五照常光顧、我早到左30分鐘、一入門口已經問過待應樓上有位置、便上樓拿左一張二人座位、等朋友、但大約等了20分鐘、朋友差不多到、竟然被樓下一入門口那位待應問、order 食物未？我話等朋友到一齊 order !再等10分鐘、那位待應又衝向我枱、問究竟妳有無朋友到、😧😧😧😧😧😧我心諗：如果我無朋友到、入餐廳坐為嘜？又唔係公園🙀🙀🙀🙀🙀🙀🙀好奇怪又無禮貌既問題我答：有朋友就到（有好有禮貌、忍住道氣）待應再問：妳如果無人、出面好多人等位呀！我再答：我有朋友到架！😵😵😵😵待應就行開😳😳😳😳究竟發生嘜事、我2人光顧坐2人位好正常呀、等朋友好正常、我都係食飯、甘態度簡直趕客、如果唔想人一早入座、可以設客人到齊先可入座、但又無、我又無霸佔位置、我又係食左1.5小時、遅少少落單、拿位等朋友、我又唔係乾座！😡😡😡😡😡係咪要座低、立即 order , 立即食、立即走、究竟個位男待應嘜態度、其實得佢一個、一向都無禮貌、今次超離譜😡😡😡😡😡😡😡😡😡

I was still hungry after dinner and this was one of the shops that was still open at cwb so tried it because I haven't tried it before.Sweet tomato pork rices.This is nothing like it but i like the rices they have used especially the  sweet tomato sauce which are soft and fall at the whole rices.

每次叫外賣阿叔態度都好差，問佢有冇散硬好差語氣同理直氣壯話:冇喎！上次已經打去投訴過，要佢找番錢，跟住到下次再送，找十幾蚊佢俾左全部兩蚊同一蚊，我好好禮貌問佢有冇紙幣，佢仲要大大聲同我講話:冇喎！兩蚊都係散硬呀！我再打去投訴，講哂成件事，並且要求唔要呢個阿叔再送外賣上黎。跟住到第二個人送上黎，佢不嬲送開外賣都好好，我好欣賞，但係我兩次投訴後，再次見到佢送外賣，佢冇啦啦話:我地好麻煩，成日都要找散硬，其他人都唔係咁。我同佢講如果你唔想可以同公司講唔好上黎送外賣。到下一次佢找21蚊，個21蚊全部都係兩蚊同一蚊。作為顧客，餐飲業要找錢俾顧客我覺得係應該，每次俾錢食野仲要受氣我覺得真係太過份！差評！

同一家茶餐廳，試過早餐，非常好。午餐来個炒飯，好吾掂（看以前食評）。今天又試吓下午茶。炸雞肶沙拉： 上碟一看，就感觉到炸乾了，過火了。吃落雞肉又鞋又乾，又冇味道。沙拉：夠大碟，沙拉酱太多，所以有点酸，又糊住个口，不爽！焗咖哩牛脷飯：炒底飯，咖哩汁比較thick, 可能是焗的關係。有椰奶和咖哩香，不過就吾夠辣。試過早餐，午餐和下午茶；早餐好吃，午餐難吃，下午茶一般。总体只是一般，名過其實！

外表望落去好懷舊，入到去就係一間，富有懷舊裝飾嘅新式茶餐廳！大約兩點鐘去食客都尚算多，我都係一個人搭枱坐,打開個Menu都幾多選擇，當見到隔離食客，食緊意粉(仲要係全碟清左)我就叫咗個巨人吉列魚柳扒意粉（可配飯），我揀咗洋蔥汁(可揀黑椒汁、燒汁丶洋蔥汁、茄汁或豉油汁)，凍咖啡。落班唔夠幾分鐘，先來杯凍咖啡(少甜)，有咖啡香味但係唔算濃，茶餐廳來講算係合格。再過一陣，主角意粉終於到喇，果然係大大碟，賣相就唔算靚，勝在夠熱， 魚柳都幾大塊，先撈一撈意粉同埋個洋蔥汁先，醬汁均勻之後先試第一啖，醬汁濃淡適中，洋蔥同意粉唔會煮得太淋，之後一口咬落塊大大魚柳，好香脆肉質唔錯，除將好薄好脆口，最後呢碟意粉嘅結果係...俾我清晒銅鑼灣茶記來講，午餐＄51有大大碟意粉，（+$3）凍飲，沒有加一，價錢都算合理。（下午茶時段，數款炒粉麵都係40幾蚊左右，就更抵食！）聽隔離枱食客講，炒粉麵味道仲正，真係要下次再嚟試吓先！

自從裝修之後也未來過,今天心血來潮想來吃個早餐。裝修後掛著很多裝飾用的鳥籠,是為勾起昔日茶記的回憶吧?但他又不是傳統的那種鳥籠,感覺上像街頭的大型裝置藝術品,靚到完全唔覺係一間茶記。平日早餐時間想不到也滿座要等位,但可能人人趕返工,等了十五分鐘便可以入座。早餐也是一般茶餐廳出品,唯獨一杯熱奶茶一試難忘。奶茶茶香十足而不會有苦澀味;淡奶方面,用了大多茶餐廳選用的黑白淡奶,奶茶茶香奶滑。飲下去十分順喉,讓人精神為之一振。一早飲到杯美味的奶茶,可以叉足電精精神神返工了!

16:40到達，一共二人，侍應話由於2樓只開到17:00，故只能坐樓下卡位，更被要求要坐一邊卡位 (即要同人搭枱)。三文治饀料有：炒蛋(熱辣辣)、餐肉、一片芝士、一片鮮蕃茄)當然芝士及蕃茄都係普通貨色，多士烘得夠脆食落感覺很普通，不過連熱飲只需HK$40，都算係咁。由於茨汁太多，令到個麵大部份都已腍哂味道很清淡，蘑菇有點爽口，雖然係下午餐，但份量都唔算很少，不過碟嘢上枱時都唔係好夠熱杯奶茶，茶味都夠濃，啲奶都夠滑，算OK

作為銅鑼灣打工仔， 得嗰一個鐘頭食飯，又想十個八個兄弟吹吹水，選擇真的不太多 。如果餐餐飲茶又好鬼貴，所以茶餐廳基本上就係我哋嘅唯一選擇！銅鑼灣茶餐廳咁多，南龍d裝修的確很有特色,而且有好多劇集同埋電影都搵呢間餐廳取景。南龍餐牌都換過好幾次，除咗價錢有變外，而家本餐牌色彩繽紛好搶眼！ 夜晚黑食飯又有套餐又有小菜又有煲仔飯都有幾多選擇。 不過今日我哋當然係點過午餐你食啦 ，呢度平均消費就大概60蚊一個午餐計埋凍飲。因為今日有幾個兄弟一齊食，所以我哋叫咗唔同餐可以一齊share食，咁我又可以試多幾款味！如果嗰日冇炒粉麵飯揀，通常我都會order黑椒雞扒飯或者意粉,啲汁又夠多,雞扒通常都幾好食,所以呢個係我冇選擇之下嘅穩陣之選。 不過今日有炒烏冬梗係揀個炒烏冬啦， 有牛肉有洋蔥有配菜炒落去都幾香，有冇燶，又唔係太咸幾好食！至於個粟米肉粒飯就好似係啲白汁罐頭湯再加少少肉落去,撈飯幾好但係都係罐頭菜囉!

今日去銅鑼灣搵個朋友，順便陪佢食個午餐，好彩佢放飯時間係3點，冇咁多人，朋友話佢平時會去冰室，話下午茶都有飯食，又平平地，始終銅鑼灣食個午餐都真係幾貴。入到去真係好有懷舊感，天花上的雀龐真係好正。雖然已經係3點幾，但係都好多人，入到去都要搭枱坐。由於我12點時已經食過午飯，於是我點了個下午茶餐，熱狗配凍檸樂。熱狗賣相吸引，香腸唔係白烚，有煎香過，唔錯。朋友叫了個焗豬排飯，多汁，佢話豬排都好香口，新鮮，有少少燶燶地，係即焗，美中不足係少了一點芝士，同埋份量較少，不過下午茶餐其實都唔會係好大碟了。熱狗餐跟凍檸樂：$32焗豬排飯跟凍飲：$45