南龍冰室 (已結業)

番左成日工，放左工總要想抖一抖位於銅鑼灣的南龍冰室已有數多年歷史中央的大雀籠就是其特色之處，不知為何看着大雀籠就會有身心放鬆的感覺喊左一碟炸雞脾配多士 $38雞脾炸得色澤金黃，咬落去肉質尚算嫩滑而且仍有肉汁的，惟大隻番少少就好啦多士切成小方型形狀，表面炸至起小泡泡外脆內軟，非常之香口，配上蜜糖一齊吃，口感更加美味炸雞脾配多士，或者呢樣簡單的食品就夠是男人的浪漫了

之前成日o係到食早餐都無乜野，但d服務態度愈黎愈差。o個日我同太太返完教會過黎食lunch一入門口d阿姐係咁催我地"上層啦上層啦"但明明好多卡位都只係坐左2個人行多2步見有卡位而坐對面pair情侶話無人我地同阿姐講"我地想坐呢到"個阿姐好似上左身咁發爛咋"你想坐咪坐飽佢囉！"個下即刻一句辣著左我同佢怒目對望左幾分鐘明明坐低左我都堅持要離開費事佢加料都唔知呢d係咩服務態度！以後都唔會再幫襯南龍！你話唔駛錢都係咁話！

黑白多士 $14黎到懷舊嘅冰室 當然試下啲懷舊野之前係第二間食過嘅黑白多士真係好正黎到呢度又見到 重要係用朱古力醬咁當然忍唔住試下啦點知原來係好求其嘅一份多士求其落咗啲朱古力醬同煉奶都算啲朱古力醬重要係好難食 完全無朱古力味我同同行有人都試咗之後真係覺得唔知係咩醬唉 心諗啲冰室真係要做好啲 keep好啲水準 先會多人幫襯總之係好失望好失望嘅一件多士

由於買了多張團購飛，半年內去了三次，但一次比一次失望，今次真的是最後一次了。記得第一次試了他的名物金磚焗飯，感覺如mandyman在其食評中所描述，第二次去食下午茶的炒粉面餐，覺得是將貨就價。今次第三次，覺得他有欺世盜名之實。今次點了ㄧ碟豉椒班腩炒面(46)不包飲品送到檯上覺得非量超細，只得五塊比姆子還要少的所謂班腩，其實祗是值十多元ㄧ斤的鯰魚柳。再說說味道，炒面是一般做法，用油炸，食入口油份極重，而且味道又咸，食完碟底仍有大量油漬第二味是XO醬茄子牛仔骨連忌廉蘑菇湯，白飯及凍O茶(81)先喝湯，是一般茶餐廳貨式，再看牛仔骨，份量還滿意，但看不見更吃不出傳說中的XO醬，跟着便吃了一口飯，真的不吃尤自可，一吃把幾火，這裏連一碗飯也不知所謂，飯溫全無，全碗飯都是一嚿嚿，簡值難以下嚥。再說回那牛仔骨，四個字形容，油重味濃(是不好味)，不噤令人歎息食店業者應留意社會的潮流及口味，才可以長久生存的

店名：南龍冰室地址：銅鑼灣敬誠街1-3號地舖及1樓好味指數：8/10價錢：黑椒牛柳煙鴨胸鐵板晚餐 配餐湯及飲品金磚焗鮮茄豬扒飯 配飲品（右下）中湯（右上）唂咕（左）凍奶茶 凍飲加$3中湯味道鮮甜，味道很突出。唂咕味道有點像朱古力，但沒有朱古力那麼甜。 店名：南龍冰室地址：銅鑼灣敬誠街1-3號地舖及1樓好味指數：7/10價錢：$88黑椒牛柳煙鴨胸鐵板晚餐（黑椒汁）配意粉黑椒汁是另上的。鐵板不夠熱，所以淋汁時沒有炸炸聲。煙鴨胸只有兩塊，味道是可以的。至於牛柳有兩大塊，味道挺嫩滑。牛柳不是十成熟的，切開時看到有點生的，我想這就是牛柳嫩滑的原因。店名：南龍冰室地址：銅鑼灣敬誠街1-3號地舖及1樓好味指數：7/10價錢：$79金磚焗鮮茄豬扒飯滿心期待這個招牌菜，最後卻失望而回。這個大方包裏面盛著茄汁豬扒飯。豬扒有大概兩至三塊，而飯只得大約一小碗。蕃茄汁另上了一小碗，原來麵包裏也有少許，但不能滲邊在麵包內，甚至那兩三啖豬扒飯也不夠汁。豬扒飯的味道非常一般，加上不夠汁的關係覺得份外差劣。至於麵包，一點鬆脆感覺也沒有，沾上蕃茄汁吃是可以的，整個金磚就是要把麵包塞飽我們。 

店名：南龍冰室地址：銅鑼灣敬誠街1-3號地舖及1樓好味指數：8/10價錢：$39(下午茶) 配熱飲一杯，凍飲加$3星州炒米星州炒米份量很少，配料豐富，有叉燒，火腿，雞蛋，蝦仁，芽菜，洋蔥等。味道帶點辣，惹味極了。店名：南龍冰室地址：銅鑼灣敬誠街1-3號地舖及1樓好味指數：8/10價錢：$39(下午茶) 配熱飲一杯，凍飲加$3干炒牛河干炒牛河份量很少，河粉爽滑入味，牛肉鮮嫩。配合店內提供的辣椒油，非常好味。店名：南龍冰室地址：銅鑼灣敬誠街1-3號地舖及1樓好味指數：8/10價錢：$37(下午茶) 配熱飲一杯，凍飲加$3炸雞脾配沙律沙律有薯仔，青瓜和紅蘿蔔，夠凍且味道不錯。炸雞脾炸得脆脆的，肉質尚算嫩滑，味道挺入味，算是不錯！ 

昨天剛從日本回來, 最想吃到的Comfort Food 就是茶餐廳食物。但在茶餐廳的選擇永遠都是A/B/C 餐, 唸起都覺得悶 。除非一些非一般的餐類我是有興趣的, 所以很多時會選擇散點。南龍是我經常光顧的茶記之一。最欣賞它們的出爐麵包 , 蛋撻, 雞批等 。但今天選擇了 沙嗲牛肉包, 熱奶茶。用上軑身芝麻餐包而且經過烘底, 所以份外香脆, 不過可以再烘濃小小。沙嗲牛肉大墟頭, 一邊吃一邊流出來。只可惜牛肉只有室溫, 即時令食慾同時降溫。還好是牛肉軟腍但未至於有過份的鬆肉粉感覺 , 整體可以接受。熱奶茶如常地奶味豐富, 茶味平均, 而且夠度十足, 水準保持得很穩定。

見到無咩人排隊嘅時就入離食早餐。叫咗個火腿庵列,凍檸茶. 火腿庵列無咩特别，份量不大，而多士是厚多士，抵贊！不過轉多士要加一蚊！反而我最like係凍檸茶，好有茶味，適當地甜！

食物剛好是個下午茶的時間，所以選了個套餐。熱杏仁霜老實說以後我還是自己買粉自己回家沖好了。不論去到那裡，杏仁霜都是沖得像水一樣稀，這裡也不例外，只聞杏仁香，不聞杏仁味。下午茶的主菜是粒粒西多拼炸雞脾。西多是很普通的蘸蛋水炸，沒有很香的蛋味和花生醬味，可能是細件的關係，上到檯時已經不是熱。炸雞脾也是沒有甚麼雞味的炸脾，除了皮炸得很脆之外就沒有特別。環境店內以百子櫃、舊式冰室的階磚牆和一堆鳥籠堆砌出懷舊的時尚感，地方頗大，有二樓，位與位之間也算寬闊，坐著也挺舒適。衛生以茶餐廳來說算是乾淨，不過地上有點小水滴，有點髒。服務茶餐廳的快狠準都基本做到，不過侍應回應人的時間就有點長。總結傳統老店以新潮的裝潢洗走以往舊式茶餐廳的老氣的確令人耳目一新，而食物亦引進了一些台灣食物如棺材板，但食物水準卻沒有維持著舊式冰室的高水準，實在有點可惜。

又做獨行俠, 今朝食咩好? 其實無咩所謂, 一個人只要快就好! 記得附近的南龍開左咁耐都未朝聖過, 不如就趁機訪一下衝著金磚而來, 但款式也挺多, 有豬, 牛, 雞, 海鮮, 我最後要了個金磚焗豬扒飯大大的一份, 正好給午餐也沒吃好的我, 豬扒略嫌硬了點, 但非常足料, 性價比還可接受

好耐未試過周末7點起身食早餐啦，為左過黎銅鑼灣接女朋友返工黎到銅鑼灣，女朋友都仲未搞掂就先係茶餐廳食個早餐先環境同普通茶餐廳一樣，無咩特別叫左個沙爹牛肉面就眼見牛肉都算多，肉塊都幾大塊，唔會得D肉碎飲左一啖湯，沙爹味好濃郁，帶有陣花生醬的味道面就有點軟，我就比較喜歡硬身爽口D食完買單，女朋友先ok

近期懷舊概念嘅茶餐廳開完一間又一間，南龍係其中之一。正如之前嘅眾多食評所講，南龍嘅懷舊裝修係值得一讚，但作為餐廳仲有其他好重要嘅因素要注意喎！晚飯去南龍叫咗健康餐，侍應亞叔話餐飲嘅樽裝奶賣晒，揀其他飲品啦，我揀凍鴛鴦，佢話凍飲加3蚊，我話加就加啦；事後睇吓餐牌，樽裝奶賣18蚊而凍鴛鴦亦係賣18蚊，南龍亞叔咁都要多收我3蚊雞，嚡！等緊餐嘅時候，有新客尼到，侍應要我轉枱讓位俾新客，我諗南龍有兩層樓咁大，e 個時間冇可能滿晒座，跟住發現唔知幾時開始南龍晚市唔開上層; 但淨係開下層，邊夠位應付晩市呢?? 後來，又有新客到，今次就叫另一張枱嘅人兄轉枱，咁佢就面黑兼投訴喇！南龍你上層嘅租就已經俾咗，但係就唔開，要坐低咗嘅客人轉枱，咁嘅行為係趕客，真係要不得！講完服務就講食品 :個餐嘅多士係完全唔熱嘅! 凍多士梗係唔好食啦，放涼太久，多士變淋，唔趣囉!而個蛋加沙律就更加係凍到雪櫃雪咗一排咁嘅溫度，咁"冰感"嘅沙律遇到味蕾，味覺就會有些麻木+遲頓，結果呢蛋就冇乜蛋味，沙律亦冇乜沙律味!至於個蕃茄通粉，顏色就紅得好靚，但係茄味就好淡! 符合邏緝嘅解釋似乎就係 : 好靚嘅紅色主要唔係來自蕃茄，而係醬料；通

、某日同三五同事到此冰室用膳，鄰近有位食客被編座位混亂，還被一位無着制服疑似老闆那男士蝶蝶不休，說過不停😬此人無見識令在座食客極之煩厭😠😤講到食物水準一般😒咖啡太多奶😫到此一遊……大家決定不會再光顧

裝修不錯，環境舒適，要了奶茶，菠蘿包，多士，其它的不說，只討論奶茶，奶茶不香，只有奶味，奶多過茶，沒有茶香，奶茶是茶餐廳的靈魂，奶茶管理不好，其它東西也不用有大的期望!

 臨近月尾, 又係窮困既日子!同朋友係銅記行完街...平平地去左間茶記食晚飯, 估唔到又好味又抵食!餐廳牆上掛左七八十年代既圖畫，又有雀籠作為裝飾成間餐廳培添懷舊既風味!!點了個常餐…豬排鮑片公仔麵+熱狗+火腿炒蛋三個字可以形容: 好好味!!!!!!公仔麵湯地香濃, 麵又唔會太”林”炒蛋同奶茶亦都好香滑!!朋友就叫左個豬排炒公仔麵, 鑊十足!!!正!!!晚餐每人大約都係50蚊,但已經又好食又好飽了!中意食茶記既朋友一定要試唷!!