南龍冰室 (已結業)

行過見到好似有啲懷舊feel，就走入去食下，點知食咗一個近年最難食嘅早餐！先講下碗沙嗲牛肉通粉，碗湯只係暖暖地，啲牛肉直頭係唔熱嘅，大家見到啡色一嚿嚿嗰啲，就係瓊咗嘅沙嗲汁，放左落啲湯度都唔識得溶，你就知啲湯同埋啲沙嗲牛肉有幾咁熱啦？感覺上，我真係以為呢碗野係隔夜拎出嚟未整返熱呀大佬！好啦輪到舊麵包，睇吓佢餐牌寫乜？係話乜乜乜自家製嘅麵包，自鬼自馬咩？搣開見到中間散修修，一啲都唔軟熟，感覺完全都係一個隔夜麵包！食到呢度，隻煎蛋都已經冇乜心機去食，睇真啲隻煎蛋其實都唔係咁開胃，真係求其食完，俾錢就算！呢間咁嘅鋪頭你都唔使旨意我再返嚟食，真係拜拜你條尾，嘥晒我啲錢！嘥晒我啲quota！喺度扮晒老店，完全冇heart！

這天有朋自遠方來，餓底帶著一個韓國朋友在銅鑼灣鬧市搵地方聚舊。韓國朋友說她N年前來過香港，飲過鴛鴦，覺得好特別好好飲，所以她說想去茶餐廳，餓底於是上openrice 搜尋，來到這間天花掛滿鳥籠的南龍。下午三點三，餐廳未滿，二人坐進了下層的六人卡位，非常闊落舒適。點了兩杯鴛鴦，一凍一熱，菠蘿包&雞尾包。鴛鴦好飲喎，咖啡奶茶既平衡做得非常好，可列入餓底飲過好飲的鴛鴦頭三位！韓國朋友也非常喜歡😌。至於麵包，正常發揮啦，少少空氣feel😅幾抵食，一個麵包一杯野食，每人只係$20左右，性價比不錯！

星期日去大球場睇波，去附近茶餐廳食野，朋友介紹呢間就去試下，叫左豬扒蝦醬炒公仔麵，菠蘿包，榨菜米粉，奄列炒蛋，牛油多士，凍檸茶。先食豬扒蝦醬炒公仔麵，好好味，好有鑊氣，又唔算太油。豬扒都好好味。跟住食菠蘿包，個皮好脆，個麵包好好味好有以前麵包舖的味道。至於榨菜米粉，啲粉唔算好淋，個奄列好好味啲蛋唔係熟曬，好鍾意食。多士係厚厚的👍🏻。個裝修都比較懷舊，d伙記一般，快既，坐了上層，冷氣夠凍。會再去食。

兩層樓，我坐上層，埋單時收銀員態度十分差，大聲夾無禮叫我返上樓拿單，我去過咁多食堂，受到咁既服務，一向從不留言在網上評論既我真係要發言。很希望餐廳老闆能認真改善。

午餐有時係為了飽肚多過食物味道，好好味嘅嘢但係份量不足，遇到這個情況真是很難捱到晚飯時間。就算是茶餐廳，現在也有些的食物份量也變少了。今日食的這間就分量十足了，餐牌都是大路茶餐廳的出品，我就點了茄汁雞排煎蛋飯加凍鴛鴦，先來飲品，年紀漸長，不能吃太甜了，所以每次在茶餐廳叫飲品必須要少甜，而且最開心的地方就是茶咖啡比例剛剛好，而且不會感覺到奶味太重的感覺!當食物上的時候感覺十分好，因為感受到他滿滿的飯在碟上，可愛的煎蛋完美地鋪在飯面。雞扒煎得很香，配上茄汁很好下飯。吃畢，滿足感很大，再飲一口凍鴛鴦，完全是本地人才能感受到的享受。

銅鑼灣超多美食，快餐也非常多也擠滿了遊客！要快、靚、正食個晚餐🥣一定是這家了！不過服務就唔好咁高期望哈哈^^！不過茶餐廳係咁架啦！我接受到喎⋯⋯入到店內很多特色鳥籠，裝修帶點懷舊味道！因為是放工食完便回家故沒有叫很多食物！點選了常餐鮑片豬扒麵、凍奶茶、火腿奄列和菠蘿油！菠蘿油好食，熱辣辣皮脆鬆軟加了牛油，香噴噴口感不錯配埋奶茶都幾正！港式風味濃！另外的鮑片豬扒麵不過不失、略嫌個豬扒淋芝芝無乜味，火腿奄列炒得太油，不是太岩本人口味！

近年冰室在香港開到有點氾濫的現象，但很多冰室往往是虛有其表的，除了食裝修和價錢不實惠外，食物質素普遍低落。直至有次打完boxing與友人晚餐時，發現了這間南龍冰室後，便一直幫襯到現在。印象最深刻的除了焗豬扒飯外，就是這個豉椒班腩炒河。班腩足料又不會太多粉漿在外，再配上豉汁的微辣，簡直一絕，如果洋蔥和青椒再炒得熟d既話就更完美。而另一個就是XO醬香茅雞翼炒公仔，香茅雞翼是炸得很鬆脆，口感不錯的，而份量亦比炒河大，但濃味的我略嫌XO醬炒公仔麵的味道偏淡，所以建議配以辣油食用。

喜愛食呢度嘅麵包，會陣中買來做早餐或下午茶。打電話去叫外賣自取，戴眼鏡果位收銀阿姐一般都好灰氣。無禮貎同成日鬧客，令我越來越少去幫襯。最近一次光顧係另一位收銀阿姐，我叫外賣波羅油，收錢見收平左，我再講多次話我要波羅油問係咪收少左錢，佢第一時間大聲話：「咁你頭先又話波羅包！」我只係淡淡地回一句：「我係要波羅油」佢跟住叫個年青侍應改單，一路改一路鬧。我就行左出門口唔想聽落去。無論食物質素幾好，無禮貌唔尊重人，真係令人好反感。我以後都唔會再幫襯。但仍希望餐廳會作出改善。

呢間南龍冰室在銅記都算出名😂今朝來到銅鑼灣做野，早來光顧下試下佢個早餐先裝修係特別既⋯有古式茶記味道早餐係多款式既，價錢係「銅鑼灣」價啦😂食物份量都唔算少，抵食就唔算得上，味道都OK不過侍應態度係要改變的，有d趕客

係銅鑼灣行得耐見肚餓，求其入左呢間茶餐廳嘆返個下午茶，完全係舊式茶記裝修綠綠地既枱面同地磚。侍應姐姐既態度唔算差但就好趕時間，未嗌完野食就走左去🤓下午茶既價錢都幾抵食，有得嗌兩款餸仲包野飲，另外單嗌左個西多士。食物質素就普普通通，冇咩特別，尚算過得去👻

上次食完晚餐，琴日試下佢個早餐先～7點幾黎到唔駛駛排隊有位坐，叫左set極品早餐，黎到面前～wa非常豐富，大食男都夠飽，熱狗/菠蘿油，奄列+仿鮑片丁麵，45$非常超值，味道亦唔差，最讚係佢杯奶茶，好重茶味，10分應該有8-9分，要彈既地方可能顆記d態度有澳牛既味道，遞左手好耐睇到都當睇唔到咁🍂

吃的還可以，但是價值觀真的讓人生氣！我在香港生活過两年，离开后也來過香港無數次，一直對香港很有感情！但是因為一件看似很小的事很傷心！今天下雨，我和老公借了旁邊酒店的雨傘，來這裏吃飯。進門的時候店員要我們把傘放到傘桶裏，我們套了塑料袋在傘上，插到傘桶里后，就上樓了。吃完下來結賬到門口，結果發現傘桶里并沒有我們的傘。分別找了三個店員反饋情況，前兩個沒有給出任何解決方案，第三個男店很大聲的對我們說：“你們自己放在那裏，我們不負責的！我們不會看著的！” 這不是在推卸責任嗎？如果店家不負責，那為什麼要我們進門一定放在傘桶，我們完全可以自己看著的！如果不負責看著傘，為什麼不提前告知顧客，而要顧客去冒著丟傘的風險？最讓人無語的是，這位男店員走到傘桶這邊對著其他顧客的傘跟我們説，“你自己拿啊！” 這是什麽邏輯？？？我們的傘被別人拿走，所以我們就該也拿別人的？？這不是偷嗎？？我真的難以接受，這就是一家1961就開的老店應該有的“情懷”嗎！雨傘雖是小物，不值幾個錢，但是這種不負責任，不解決問題的態度和錯誤的價值觀讓人心寒，讓人看低！顧客在你們店裡丟了東西，連一句起碼的道歉都沒有，真心希望商家做生意前，先做

南龍冰室見餐牌的食物種類多而且價錢可接受 就同朋友入南龍冰室叫外賣。朋友叫完外賣就幫其他客人收$,到我去叫餐個時,我講咗兩次H12 吾細聲的。我朋友都有幫我講H12仲疊聲。之後問我係咪xxxx 我地聽收銀員講栗米飯 我就話系。之後就叫我地出去門口等外賣。5-10min後就拎到外賣,一望個盒冇個系粟米飯,有個似系星洲炒米飯,就入返去換。有個待應負責我嘅單 知道我要系粟米飯就去處理。收銀員就話我問咗佢系咪星米,佢仲答我系。我心諗換咗就算啦,收銀員一直講一直講 ,我朋友就話我地講咗兩次H12但你仲覺得系H2 ,收銀員反駁我朋友 話我都怕聽錯所以問佢系咪星米 而且叫餐通常講個名啦 ,一直表示系我問題。我朋友話咁個餐編號有咩用,之後大聲講我地系客人 比D尊重 落錯單仲一直話人。收銀員就話落單個時都咁大聲就好。我地對收銀員的服務態度表示吾滿意。👿😠吾建議大家去,因為吾想又有人比收銀員咁對待。😣想測試自己可以幾受得氣可去南龍冰室(我同朋友就試过 吾系好受得氣)。系嘅 冇睇錯 銅鑼灣 南龍冰室

收銀嘅大嬸落錯單都算，仲要畀面色消費者睇、話中帶有刺，完全系好無服務態度！ 唔會再次去間店買野食！ 同時都唔建議網民去（服務態度認真差,食物質素又一般）如果網民想睇人面色，可以不妨去下

琴晚同個fd係銅鑼灣諗左好耐都唔知食咩好，跟手我個fd問我食唔食茶記，我話ok~之後就帶左我黎呢間門面舊舊地，入面型型地既茶記,我地叫左個套餐，158$有湯有菜有士汁蒸倉魚/胡椒豬肚雞煲，係2杯野飲，係銅鑼灣個邊，真係抵到爆個胡椒豬肚雞好香，係d雞少左d真心讚做得唔錯士汁蒸倉魚就普通啦，因為我覺得蒸既野都係咁上下味道