南대門

營業中

休息中

點了一份薯仔豬骨湯，賣相本來不錯，但是食的時候發現豬骨過熟，豬肉非常乾，所有豬骨幾乎沒有肉。我們向那位韓國男老闆提出的時候，老闆娘也一同過來解釋說是食材商供應的問題⋯⋯男老闆連耐性都沒有去解釋，就非常沒有禮貌地大叫幾次Cancel逼我們取消！當我們在想要不要取消的時候，男老闆已經將我們在桌上的食物倒進鍋裏，還說了一句韓國粗口，當我們聽不懂。完全破壞了整個氣氛和食慾！

食韓燒，當然係喺尖沙咀韓國街搵食，路經見老闆係門口sell，結果係第一次食咁差嘅韓燒出品！食得韓國燒烤，當然要飲番支韓國啤酒去配合番呢種風味，但餐牌只有兩種韓啤選擇，咁求其揀左一支，老闆居然話無韓啤，結果又係揀左 青島啤酒（細）30蚊，失望😞今晚主角 牛肉拼盤(HK550)跟泡菜湯（無飯）賣相幾靚仔，點知一燒就出事，個朕牛肉酥臭味出晒嚟，咬落係有牛味，不過都係韌同酥臭味囉。👎👎👎👎👎👎👎👎👎👎👎其實牛有酥臭味嘅原因自己認為有兩個可能：一係下價牛，或冷凍出了問題牛舌（HK120）無酥臭，可能我小食，但係每一片都係有瘀黑色，店員話係無問題喎，咁唯有食幾見留番半碟囉。👎👎👎👎👎👎👎👎👎👎👎👎呢間都多人排隊，但肯定無下次！

星期日人少少就嚟過韓國午餐，諗住食番過豐富既部隊鍋同泡菜煎餅。懷念下韓國。食左十幾年韓國菜未食過咁差既煎餅，咸到唔使點汁。仲有只有4片簿簿的午餐肉。幾條又係簿簿的腸仔，3粒韮菜餃，10片年糕同一碗仔泡菜。(唔知點形容我心情).......絕對唔會再嚟。

大部份員工都係韓國人，聽到韓文加上個環境當去左轉韓國前菜有泡菜，蘿蔔，薯仔。蘿蔔同薯仔無咩味，應該無落調味料。同其他韓國餐廳唔同，尼間啲腌蘿蔔無味，泡菜有啲辣同鹹。平時燒肉通常燒左啲多肥膏嘅肉先，尼間燒左蔬菜先牛肉油脂分佈平均，肉質嫩滑五花腩啲脂肪食落唔油膩，有咬口，好彈牙鐵板好快焦，燒兩round左右就黑泡菜湯湯好足料，好多蔬菜，微辣，似飲緊羅宋湯泡菜炒飯食唔到辣嘅我覺得好辣，有啲鹹同好油牛小腸小腸好韌，少啲牙力都咬唔開，似食緊香口膠😂拌冷麵湯汁甜甜地，好開胃，仲可以中和下啲辣味，面彈牙。

一開始啲嘢食都中規中矩。食韓燒食咗大概1/4，有塊板 (應該係老鼠膠）係天花板啲橫樑吹左落嚟，撞到枱角再揩到朋友隻腳，上面黐住咗十幾隻死咗嘅大甲甴同一隻仲郁嘅老鼠 。我哋同隔離枱啲食客即刻嚇到尖叫同彈開，有個職員嗱嗱聲拎走塊板，老板娘亦當冇事發生。我哋同老板娘投訴，佢道歉都冇句，仲叫我哋去收銀到埋埋成張單 。我哋當然唔肯 ，佢話塊板跌落地下到，問我哋咁塊板有冇揩到啲嘢食？經過一輪爭論 ，最後態度極差咁打發我哋走。

The BBQ set is really enough for two, it has meat and soup, as well as pickled vegetables like kimchi for free! Food is nice but it’s quite hot inside.

第一次嚟幫襯， 首先叫咗一個牛肋骨， 好似舊石頭咁完全咬唔開 然後海鮮餅還可以， 海鮮豆腐湯還可以， 再叫一個什錦石鍋飯， 食食下之際有一隻大曱甴出現， 上菜又上錯咗枱 不老實

一個向來唔鍾意食韓食嘅同事今日居然提議食。其實主要都係因為唔洗等位而且坐得闊落。但嘢食麻麻，價錢偏貴⋯ 我覺得今日嘅飯一般 唔夠粒粒飽滿 有d黏黏的 尚有提升空間～餐牌上少有嘅較為清淡之選。同事話呢個辣味ok 唔算太辣 能夠接受。同事話呢個一般 唔算太好味。呢個睇落好吸引 但唔記得問好味與否。🙈其實menu都幾多選擇下 而且都配有圖可供參考。 但唔知點解 兩次lunch時間去時都唔多人 得二三張檯。可能呢邊嘅韓國餐廳實在太多～

原本同朋友開心地享受野食，忽然朋友發現有1隻大曱甴係我旁邊既牆在爬行中，我們即叫職員過來，見到佢地幾個圍在收銀位置背著我們,等左一陣才有個年約40以上的女職員過來，同佢講有曱甴並指比佢睇,但女職員見到曱甴既後表情係皺眉兼一面厭惡既樣竟行開，再等一會，剛才走過來的女職員帶另一位年輕戴眼鏡講英文的男職員來到我們附近，女職員同佢細聲說話並手指有曱甴的位置，然後男職員走近我們,我再次指比佢睇曱甴係邊，男職員睇完笑著同女職員離開,等左好耐都沒有再過度來，完全沒任何表示，沒人來問使唔使換枱或捉走隻曱甴。我們極度生氣和不滿職員既態唔會有第2次幫襯。

食lunch時間嚟到呢度食韓國嘢都比較多人需要等大概5分鐘就有得坐 叫咗個部隊鍋辣味一般 有午餐肉蛋同紫菜味道就正正常常個面都算係韓國麵嚟相當足料 不過呢度冇lunch套餐所以叫嘢飲要另外加錢咁我就冇叫到啦

同屋企人去食，見唔使排隊，入到去啲服務都正常，佢係圓枱，一張又唔夠坐，就比左兩張我地但未開始食，已經見到有隻細小強，咁諗住餐廳有都唔出其啦，而服務員都無安排調位，但就係咁企係旁邊想捉隻小強，但最後都捉唔到，咁算啦點知食到一半，又一隻，爬左入枱底，一望枱底，有3-4隻，職員用火槍燒佢地，走哂落地下，就咁踏死佢地就算，點知另一邊圓枱又有，職員就係咁捉，我地就企係到睇佢捉，之後我問可唔可以安排調枱，職員話可以，但都係繼續捉，最後啲小強爬埋上枱，個類似老闆既人先話安排我地調枱，但已經無咩胃口，仲要啲小強接觸過啲食物最後我就話埋單了，我地食左個石鍋飯，啲燒烤食飯都只係食左一半埋單計我地既石鍋飯同3罐飲品

伏到爆炸叫左個烤牛肉同八爪魚鍋等左好耐先上 等佢滾都等到2046個年八爪魚居然要自己剪成個煲都得幾塊肉同一隻八爪魚但咁就350hkd仲要冇咩味 係大家樂叫個啲邊爐都好食過呢個之後叫左個蜜糖炸雞啲肉老到我以為炸雞難食極都有個限度但呢間店真係刷亮我對眼肉老 又係冇乜味Overall最好食應該係佢開頭比嘅前菜伏到爆炸

難得假期外出鬆一鬆，諗住去食下韓國菜，見到成條街有咁多間睇睇水牌先，突然一個用韓國口音講英文嘅中年男士向我地打招呼介紹對面間鋪頭又平又正！由於佢太熱情我地都唔好意思拒絕佢，就試試喇！入到去先有泡菜、芽菜等幾款细細碟嘅前菜招呼你，我地揀咗炸醬麵$56、韓式手卷$65、海鮮辣豆腐湯配飯，炸醬麵有好濃豆䜴味但就冇咩肉碎、而韓式手卷有雞蛋、青瓜及腸仔味道👌🏽喇，冇咩驚喜！而海鮮辣豆腐湯配飯朋友都話👌🏽，整體味道可以，但侍應就有D黑面，感覺麻麻！結帳$206，試一次就算，都覺得有D中伏！

朋友們為我慶祝生日，餐廳環境寬敞的，我們點了醬油蟹、芝士豬肋骨配炸雞、海鮮年糕辣鍋及飲品。食物出來，第一樣是醬油蟹，誇張到不能相信，竟可給2隻完全未解凍既蟹俾客人，全是冰，我問店員怎吃（全店是尼泊爾店員），他的經理解釋說，你先放5分鐘後再吃，我反問：那為何你不放5分鐘才上枱，那不是更好嗎！我不想破壞慶祝生日的氣氛，所以我們只好等冰溶化才吃，但當然不只等5分鐘！芝士配豬助骨炸雞，那芝士少得可憐，炸雞完全是KFC口能及味道，又一個伏，最後的海鮮鍋....更是意想不到，一般都會用黃芽白做鍋底，他們用了椰菜，我們都喜歡韓國料理，實在失望到極點

天氣又變冷，又不想打邊爐經過看見這間韓燒餐廳不用等位-車子又可泊在門口猶豫不決吃韓燒還是牛肉鍋之下便走進去了地方整潔衞生不感擠逼，選了牛肉八爪魚鍋加韓麵賣相不俗，牛肉略嫌韌了些少，八爪魚新鮮麵自然難以出錯，必定好吃是次adhoc 韓餐沒有planning 之下都算ok👍🏻