南대門

營業中

休息中

放工要趕去尖吵咀上堂，呢間南大門韓國料理係有位同學以前食過，覺得唔錯，所以就帶我地黎食。喺尖沙咀港鐵站行過黎１０分鐘左右，都幾方便。我地７點前到餐廳，無乜人所以唔洗等位，正！入到去環境幾舒服，細細間店鋪，座位唔會坐得太迫。望完Menu 我地就好快落單，員工態度唔錯，有禮貌。落左單之後即刻上左前菜比我地食住等。有芽菜，南瓜肉，翠玉瓜，泡菜。我幾鏡意佢既芽菜同泡菜，食落好開胃，泡菜又唔會太辣。話咁快就上菜，我點左一份韓國雜錦拌飯，加埋少少韓國辣醬撈黎食好正，份量足，一個成年男性食完都好飽肚!食左一陣，個芝士年糕終於黎啦! 最驚喜係上面塊芝士，好香口，又煙韌，蓋過左啲本身無乜味既年糕，啲配菜都好食過啲年糕，同枱既朋友都一致認為塊芝士係呢個菜最值錢既部份!另個一個朋友就點左韓國泡菜炒飯，不過上菜有啲慢，我地前面啲野差唔多食哂先黎。我地每人試左一啖，覺得都幾辣下，好在餐廳有茶水供應，即刻飲番啖茶解解解辣。

朋友介紹，幾次經過都冇入嚟，的起心肝試吓。就由lunch 開始✌🏼喇呢度食物水準好穩定，最怕係去到啲餐廳一時就好食一時去又唔好食，離呢度就一定食到你心目中想要嘅味道，特別係牛肋肉煱，牛肋好鬆化又勁juicy~~（唔係淋，係鬆化），有肉又有根仲有骨連住，絕對冇因為佢係set lunch用cheap 野求求其其。牛肋煱裹面仲有啲韓國粉絲超正（諗起都想食）😋👉🏼，呢個set只係收幾十蚊，我喺隔離韓國街淨係買材料都唔得喇，呢度成條韓國街如果你係比幾十蚊嘅話，應該淨係食到一碟韓國快餐店凍冰冰嘅碟頭飯。呢度堅正👍🏼👍🏼👍🏼like💕我見到隔離枱嗰啲炸雞都好正，兩個女仔叫左一大半炸雞+一大盤芝士炸雞😱，搞到唔係好鍾意食炸嘢嘅我，見到都流晒口水😋服務都好好，正如其他食友所講好親切👍🏼冇乜人嘅時候佢成日問你要唔要加Kimchi要唔要加Kimchi👍🏼😋。多人嘅時候就要主動叫侍應加，不過佢地都好樂意既（唔似其他店咁小氣）一個天氣好好嘅周六就有一餐好好味嘅午餐開始☀️💕😘happy life🌈* 薯仔Kimchi超好食（但係成日好早都冇晒。）

吃貨又出動，今次同一班朋友黎左呢度食燒肉，因為多人，所以有book 到枱，唔洗等位。入到去傾左陣計，佢就放低d 前菜 (芽菜，泡菜...) 比我地，我地就嗌左幾樣野，食物都好快到，5-10分鐘就到晒牛肉同豬肉，都冇雪藏味，仲有店員幫手燒同剪開d 肉，所以都幾快有得食。仲有燒饅魚，佢本身已整熟左既，只係我地要再放係個爐燒熱d d 再食，都係店員幫我地燒，店員話要用生菜墊好個底先可以放饅魚上去，結果真係幾好食，小小辣，新口味，唔錯。仲嗌左大醬湯，同牛骨湯，兩個都有配白飯，兩個湯都夠濃，但d 料少左d d 甘。炸醬麵都唔錯，醬都夠多，夠入味最後嗌左個炸雞，個薯條好夠脆，仲有炸年糕，外脆內軟，口感不錯。個炸雞既雞肉都幾滑。最後埋單都係每人150蚊左右，都算抵食

同朋友係尖沙咀行完又到晚飯時間，咁岩大家都想食韓國野所以就去左韓國街附近睇下有咩餐廳。行韓國街途中都有好間餐廳都有人係門口招客。行完咁多間後，我同朋友最後決定入呢間試下，因為呢間有齊我地想食既燒肉同炸雞😋可能當係平日所以唔洗排隊就有位比我地👍🏻前菜有4款任無限添加！睇過餐牌我地叫左份燒牛拼盤同甜辣炸雞一上份炸雞我同朋友同嚇左下，雖然只係份但都好大碟😳，炸雞每一塊都好大而且外皮炸得脆又唔會過左火，味道甜甜辣辣😋😋，薯條就略遜色，薯條太淋，咬落去已經唔脆。☹️牛肉拼盤分量都ok，有店員會幫手燒。燒肉附送既蔬菜新鮮乾淨，肉質普通，有d咬落去較"un"

唔追韓劇嘅我偏偏喜歡吃炸雞😅試過好幾間炸雞店普遍質素都唔錯。今日又試另一間貪佢地點方便、環境舒適。自從喺韓國食完星星炸雞都愛上醬油味😋醬油炸雞$160 - 大大份，配上炸薯條同年糕。 炸雞嘅皮相當脆，有肉汁，醬油味恰到好處，唔會過鹹。炸薯條一般反而年糕面層脆脆哋質地煙靱，個人好喜歡🤗怕唔夠飽再多點一客牛骨雪濃湯$100 - 味道普普通通，只覺係牛𦟌湯飯一碗而且湯底頗淡。唔太啱口味😑下次叫多幾個朋友食豬手😚

1️⃣) 牛肉雜錦🐮 (💲3️⃣8️⃣0️⃣)比原價 呢個份量係好正常，話晒都接近💲4️⃣0️⃣0️⃣啊嘛😳😳😳 而且呢個牛肉🐮既質素的確唔錯🤤🤤🤤 我地係首先食晒呢盤野先😂😂😂 呢盤就無浪費到既✌🏻✌🏻-2️⃣) 烤鰻魚 🔥🐍🐠 (💲1️⃣8️⃣0️⃣)呢個真心比我想像中大一倍😂😂😂😂 佢個汁係泡菜汁 所以係偏辣🌶 但都咸左少少🤔🤔 不過整體都唔錯🤗🤗🤗呢盤係第2️⃣樣到，見到佢，我就已經想cancel之後其中1️⃣樣，可惜已經太遲了🤢🤢🤢 所以繼續頂硬上🙈🙈-3️⃣) 牛油蜂蜜炸雞 配炸薯條炸午糕 (半份) (💲1️⃣1️⃣0️⃣)呢個諗住叫半份實無死啦，點知半份都好大份😂😂😂 呢個炸雞個皮好香脆又唔粉，蜜糖味都岩岩好🍯 肉都唔乾👍🏻 推介👍🏻-4️⃣) 蔬菜煎餅 (💲7️⃣5️⃣)呢個價咁平又係好大份😂😂😂😂 煎餅唔油，內裡既蔬菜仲有香脆感喎竟然😳😳😳😳 好驚喜😳😳😳

塔塔子係一名偽韓妹，韓食係最愛菜式之一同一班朋友聚會，有朋友提議食韓燒仲話帶我試新野！塔塔子當然話好啦！呢間南大門有韓燒亦有韓食，好多選擇五花腩肥瘦分明，亦唔會太肥，份量亦非常足夠，燒香左充滿油香，肉質鮮嫩，包住生菜令到邪惡感減低少少啦上面係牛肉，非常新鮮，而且肉質入口即溶，唔會鞋口，份量充足，讚而韓食方面，塔塔子最鍾意食泡菜煎餅，呢度嘅煎餅非常足料，有煙肉泡菜仲有辣椒，不過就略嫌煎得唔夠脆，如果有少少烤焦嘅感覺就更加好啦塔塔子喺香港一直都食唔返韓國炸雞嘅味道，估唔到呢間鋪頭嘅炸雞有少少驚喜，佢嘅外層有少少似韓國嘅炸雞，唔會太厚粉朋友揀咗呢個係西檸味，比較清新，但係就有啲似大排檔嘅西檸雞囉可能其他味道會更出眾呢個只係半份炸雞，但係份量都好多，仲有薯條炸年糕，真係好抵食下次一定會再黎

Walk-in 之下到了這間南大門。原來分開了兩間，一邊BBQ，另一邊韓菜。地方一般，都係果種韓式燒烤店。前菜係泡菜，味道👌 原本想叫部隊碢，不過大部分都係辣，為了小朋友忍一忍😑第一碟韓式豬肉什錦，大大塊肉，有服務員姐姐專人剪開及燒，豬肉加菜加蒜頭加醬，不錯👍👍👍第二碟係烤牛肉，呢碟好正，牛肉很香甜，汁都唔嘥，拌飯吃，白飯都正還吃了冷面，不過BBQ店始終唔係食冷面之首選😌食過$500，以特價吃一大碟炸雞，今次要打包 味道不突出，食炸雞都係要返去專門店😏也叫了一碟煎蛋角，味道一道，要另外付錢，因為從另一邊店叫😮。 整體價錢👌la，不算貴。原來係去咗金巴利道果間石牆道，不過那間店不斷要求我地叫貴野同多份量啲😩😤結果拉大隊走人😤。估唔到黎咗呢間，結果不失望😋

下午在尖沙咀覓食，由金巴利道一直走，也沒有令人想停下來的餐廳。走著走著，突然被一個韓國大叔攔截，向我們介紹他的餐廳，眼見他盛意拳拳，我們也就試試吧！點好菜後，韓國籍店員奉上熱麥茶和泡菜小食十足韓國風味。6款當泡菜小食當中，我最喜愛的就是小白菜，顏色翠綠，爽脆清甜。第二款我比較喜歡的是泡菜，跟我早前在釜山旅行時，吃到的一模一樣。紫菜飯卷第一樣來到的菜式是紫菜飯卷，跟我預期的 差一點，用料不如韓國般新鮮豐富。餡料主要有香腸、醃蘿蔔 、新鮮紅蘿蔔、雞蛋等。不過配上芝麻，還是很香。 辣炒年糕辣炒年糕的賣相，跟餐牌中的差很遠，配料只有年糕、魚糕和半隻雞蛋。而炒年糕的醬料甜甜辣辣的，跟我們在韓國吃到的，也差不多。這家餐廳的菜式品質尚算可以，價錢亦不算很貴，是很地道的韓國菜，可以滿足一下，我們的韓國癮。

尖沙咀金巴利道嘅韓國餐廳多不勝數 簡直令人眼花瞭亂 其中一間有兩個侍應企係門口用韓文夾英文 加埋肢體語言 向途人介紹佢地間餐廳 見佢地咁熱情咁真誠 我地就揀左呢一間.我叫左花蛤刀削麵 盛惠72蚊 一離到已經聞到好香海鮮味 嘩 忍唔住即刻飲左一啖湯 真係好鮮甜啊 應該用左好多花蛤熬 又或者加左魚 奶白色湯底味道濃郁 去到尾我差不多成碗湯飲曬.花蛤係韓國人最鍾意食嘅貝殼類水產之一 廚師吐沙吐得好徹底 一啲沙都無 肉質好彈牙唔霉 味道好甜美 可惜數量就唔係好多 不過呢就有好多翠肉瓜同埋紅蘿蔔片.麵方面 質地好彈牙煙韌 唔會太淋 雖然係刀削麵 但係粗幼又幾一致wor 加埋湯一齊食真係好美味 推介.鍾意食韓國野但係又想清淡啲唔辣 呢個一定啱曬你心意

復活假期前夕，去咗尖沙咀睇醫生。之後就經過諾士佛台行咗去韓國街睇吓有咩好嘢食。之後我就被熱情嘅韓國叔叔感動左入去食呢間韓國餐廳，係3号店喎。門面唔算靚，入邊都唔算好大，不過就好有韓國感覺，細細地都幾warm。叫完嘢食就上咗五小碟前菜俾我哋，有泡菜、芽菜、翠玉瓜、白菜仔同節瓜蝦干。全部都好味！味道一流嘅豆腐海鮮湯！第一件事當然係飲咗啖湯先啦，一入口係濃濃嘅海鮮鮮味，比出邊食開嘅豆腐海鮮湯真係鮮味好多。入邊嘅海鮮都唔差架，有蝦有鮮尤有蜆仔。而豆腐佢真係比成半盒超級市場買開嘅家庭裝豆腐落去，都幾足料。不過當然有不足嘅地方啦，就係佢啲蜆吐沙吐得唔乾淨。但係淨係計個湯來講，佢真係贏晒。食完個又鮮味又辣嘅海鮮湯，就上牛肋骨湯。相對來講我真係覺得好淡。雖然你見到有落紅棗，有少少人蔘，但係真係出唔到牛肉味，紅棗味同蔘味。對呢個有少少失望喎。我決定下次再嚟食佢有Best 字樣嘅菜式，希望下次唔會失望喇！

記得上次去tst 食完野經過, 見到有個韓國大叔係南大門前招客🙈 今日終於過左來試下~ 南大門主打燒肉, 韓風冷卻後kimberly road 一帶餐廳都少人左, 呢間都唔例外😂韓式牛肉雜錦燒烤 $380Assorted Beef無用過醬料醃過, 所以無想像中咁惹味. 牛肉都夠腍身既🙈 但淨係得生菜有d失望.水冷麵 $80Buckwheat noodles with cold broth個人覺得食燒肉最岩就係搭番個水冷麵😗 冷麵有口感, 加上碎冰同酸酸甜甜既湯底好fresh, 最鍾意係入面既雪梨, 爽又香甜甜辣醬炸雞 $190Sweet and Spicy Crispy Chicken炸雞真心唔多掂... 肉好嚡, sauce 完全無辣味. 朋友話KFC 炸雞仲好食wor😂😂 一邊既係炸餃子同炸蕃薯米酒 $100Korea Brew Rice Wine用碗裝酒又幾得意既, 酒精濃度唔高, 比起beer 少左d 苦澀味, 更易入口整體普普通通, 3個人埋單每人ard $300, 記得有promo order 夠650就可以用優惠價買炸雞, 但最後佢地無計我地呢個優惠...好彩我地有che

睇rm見到光洙系甘話雪濃湯好味所以一直想試點知個日系韓國街搵食見到餐牌上面有雪濃湯即刻決定入去試因為我同朋友都系食肉獸，所以叫左個牛肋骨牛肉量一般但夠大塊牛肉味好濃，食落口好正既牛油味全部肉系5肥既，5會咬落口成舊肉，亦都5需要切走肥膏，因為0肥膏甘濟，成舊都可以食落肚呢份$138左右，價錢系有d貴，勝在肉質好。之後就系我地最期待既雪濃湯湯味道好濃，仲有好濃肉味，幾好飲，我諗似系牛肉湯甘。配料有超多肉！食到底都勁多塊，肉既味道都不錯，好足料阿仲有d細細既麵線好得意既配搭不過飲到底個陣個湯好重味精，有d敗筆但大家都可以試試，大概$78，有埋個飯

今日係尖沙咀工作，午餐走了黎依間南大門食午飯。三人各自點了一個餐，分別係有牛肉的飯，辣辣年糕同辣海鮮麵。牛肉配飯好味但太多菜了，辣海鮮麵麵條剛剛好但虾未除腸，但整体滿意。最後就係辣辣年糕麵⋯⋯完美，年糕有口感又辣辣地配麵條一流⋯⋯

尖沙咀韓國街這餐廳我經常來到中午都好，不過我今次食晚市，由於金錢所限只order一碟豚肉雜錦拼盤 嘩………黎到果時同相片完全不苻，睇落好似要再order其他食品，個拼盤有咩我都唔清楚食這些肉會夾好多香料，醬，泡菜圖中四小碟之類，所以味道已很足，員工有時幫我地燒埋，服務一流，另提一提果四小碟應該可以添食，因為我都添食了一轉，這拼盤原來都好飽，兩人都夠食