南대門

營業中

休息中

尖沙咀韓國街嗰頭都好多餐廳叫呢個名，大家去嗰陣千祈唔好去錯🤣今次介紹嘅呢間餐廳食物都幾多元化，除咗燒肉仲有芝士豬肋骨同炸雞，打卡一流😳因為近排食得太多韓燒，所以小編決定試下新嘢😗.🧀芝士炸雞拼豬肋骨 $350份量超級超級多，足夠3-4人share😘炸雞嗰邊另外有薯條墊底，豬肋骨嗰邊又有年糕墊底，所以真係好飽肚🫢豬肋骨超級惹味而且啖啖肉，啲芝士年糕再加埋個醬真係不得了😆至於炸雞嘅雞皮特別香脆，雞肉仲好多汁，一啲都唔會鞋口💯.💰人均消費～$300.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

一向好鍾意食韓國菜🇰🇷特別最近天氣開始涼今日約左朋友又食韓國餐，朋友介紹左位於尖沙咀既南대門📍-這家感覺好地道的韓式店，店員都以韓文/英文為主🔎食物方面以唔同韓式食物為主 一坐低先有韓式拌菜送上🥢主食方面，我地叫左烤牛肉火鍋🥘超滿既一鍋材料好足，有牛肉、蔬菜🥬、餃子🥟、年糕等 值得一讚湯底入味 又唔會太咸✔️份量好多 2個人食都真係太多不過價錢就唔算最平❗️-我地再點左甜辣醬炸雞（6件）🍖經典之作仲配些粗薯條🍟，啖啖肉又邪惡同熱氣😂-飲品就點最基本燈汁同蘋果汁🧃 解渴之選-好暖胃既既上 地道韓式風味💡略嫌2人份量多 但選擇不多‼️地點不算易搵呢⚠️

想係香港揾到正宗嘅韓燒其實唔難😗只需去一轉尖沙咀韓國街點都會搵到見南대門一條街 點都有啲信心保證😎😎舊照點完餐都會送上拌菜酸辣酸辣開左個胃仔先🔥❣️牛肉拼盤 소모듬구이 $560包左好幾款牛牛同湯🐂牛肉眼🐂牛肋骨條🐂肩胛肉🐂板腱肉一次過試曬唔同分佈同牛質而唔同部位可以有唔同食法💁🏻‍♀️牛肋骨條就最適合包生菜一齊🥬其他單獨食都好正正～🥣泡菜湯keep住食 keep住都係好熱💨天氣凍啲食泡菜湯都係唔錯嘅選擇👍🏻👍🏻又辣又熱完全暖到胃仔果然韓國人整嘅都係正宗好多除左落泡菜 仲有切開一條條嘅五花腩🐷❣️石鍋拌飯 돌솥비빔밤 $95食拌飯就緊係要食石鍋個種❕夠曬熱 點食都可以暖粒粒同之前係韓國食嘅味道一樣🇰🇷記得加入辣椒醬🌶️味道會更更更昇華

Namdaemoon Cuisine: Where BBQ dreams come true! BBQ Lunch SetBeef x 1 / Meal x 2 / Drink x 2 牛肉x1/主食x2/飲品x2 $320Beef 牛肉-Chuck Flap Tail (160g) 板腱肉Tender and rich in flavour, offering a delightful grilled experience. The meat's quality added a premium touch to the BBQ lunch set. 板腱肉肉質鮮嫩，肉質好優質，風味豐富，提供了令人愉悅的燒烤體驗。Meal 主食-Korean Bibimbap with Stone Pot 石鍋拌飯The rice crisped at the bottom of the stone pot, enhancing the overall dining experience. The dish was well-balanced and authentically Korean.石鍋底部

今日同朋友仔係尖沙咀搵食，搵到呢間韓國菜🦞蒜香龍蝦 $320-兩隻龍蝦尾拆好肉放係殼上味 微微蒜香牛油搽係龍蝦肉上 將龍蝦肉放上鐵板 隨即發出「滋滋」聲響 香味滲出 龍蝦肉彈牙鮮甜無雪味 🌶️辣海鮮年糕鍋 $280-海鮮當中包括魷魚、蝦及蜆 當中魷魚較為出色 飽滿而彈牙-大醬湯底個味道調得好好 鹹香帶辣 相當惹味 年糕煙韌份量多 其他配菜都好入味 吸收哂湯底精華✨每枱都附送隨機嘅韓式小菜 甜酸鹹辣都有總括嚟講，味道可以，難怪成條變咗韓式街😂

天氣開始涼好岩食韓燒😍金巴利道韓國餐廳林立，今次去左南大門食烤肉☺️餐廳抽風系統非常好，食完烤肉一定會成陣油煙味，但呢到係無呢個問題🙈護心肉 $160護心肉係豬最珍貴嘅一部分，每隻豬只產出手掌大小，口感比較有韌勁，但又唔會太過油膩，用生菜🥬包住食口感就更豐富，有爽脆感☺️甜辣醬炸雞 $190一份12件炸雞，價錢唔貴，炸雞每件都好大件，仲有雞腿部位，唔會太厚粉，食落啖啖肉，配甜辣醬食非常惹味😋😋炸醬麵 $170大大份嘅炸醬麵係2人份量，落左大量洋蔥、豬肉，帶點甜味，麵條好煙韌彈牙🤤泡菜湯 $90味道好正宗，有滑豆腐、豬肉、大量泡菜，味道酸酸辣辣，配白飯食一流🤤

📌南大門餐廳由地道韓國人主理🇰🇷食到正宗韓式風味入座後店員送上泡菜、芽菜西蘭花等韓式前菜，味道正宗燒肉款式選擇有牛、豬、雞肉、海鮮等🥩仲有炸雞同韓式主食🥘🔖［豬肉拼盤 $430］拼盤有醬烤豬肉·傳統辣醬醃五花肉·梅花肉·薄切五花腩加上泡菜湯私心推薦醬烤豬肉，食落甜甜哋肉質嫩滑幾好味😙辣五花肉味道微辣，口感唔錯梅花肉以海鹽調味，反而肉香更突出，幾有驚喜而肥瘦相間嘅五花腩油脂豐富🥩 燒完之後特別香，配上生菜、泡菜一齊食，唔會有油膩感🔖［ 蜜糖牛油蒜蓉炸雞 $130］炸雞好香口，伴碟有波浪薯條夠晒正👍🏽配上蜜糖感覺上無咁熱氣🍯🔖［紫菜包飯 $68 ］經典韓國美食，裡面有青瓜、蛋、紅蘿蔔絲配上開胃酸瓜，加上麻油提香，味道更有層次

嗌左BBQ午市套餐♥️燒板腱肉好好味喔，肉質嫩、脂肪多，夾帶著筋，嚼啦佳，用黎BBQ就十分適宜，肉汁juicy❤️❤️生菜包住熱辣辣嘅燒肉真係好好食😍石頭飯，其實就係韓式撈飯，整法就係將飯同菜絲、泡菜、牛肉、雞蛋同韓式辣醬喺熱辣辣嘅石頭煲入面撈勻，最啱天時涼涼地既依家食既♥️仲有飯焦好吸引架♥️韓式牛肋骨湯，牛肋排骨經過長時間熬煮後，湯頭看似清澈，但飲起來卻是相當醇厚有深度，好岩秋冬季節飲用😘😘雪濃湯，是將牛頭、牛蹄、牛膝骨、牛胸肉以及內臟長時間熬制而成的。燉制出來的乳白色湯汁香醇濃郁、味道格外鮮美，我特別喜歡👍套餐仲包左飲品🥤好滿足好飽肚好好食♥️

好耐冇去食Korean BBQ🥩叫左個Beef BBQ Set A，牛肉都有一定厚度 特別係圖3，睇落好厚，燒完後圖4再剪到細細塊食，入口後好軟綿真係意料之外，完全唔會覺得難咬😋真心推介好食👍🏼再叫左個韓式傳統石頭鍋飯Bibimbap with Stone Pot😋我自己好鍾意食飯焦，仲有其他蔬菜撈埋一齊加少少辣椒醬口感豐富👍🏼另外仲有個海鮮大醬湯🍲鍾意嘅可以撈埋飯食，身邊嘅韓國人都鍾意咁既食法👍🏼

🐮🥩牛肉拼盤($560)，其實價錢唔算貴，因為出面所謂燒肉放題👩🏻‍🤝‍👨🏼兩個人都差唔多，但肉質可能都係食緊最基本。而哩到嘅牛肉油脂充足😋，牛味濃郁！拼盤包括牛肉眼扒，牛肋骨肉，肩甲肉、板腱肉。跟餐可配🥘泡菜湯、🥘大醬湯。個人覺得湯品非常忠於原味，相比港式泡菜湯更濃味，可能撈埋牛肉一齊食！😃❤️燒肉拼盤跟埋嘅韓式醃菜有椰菜、泡菜、薯仔，魚糕片、西蘭花，小妹就鐘意用生菜包埋牛肉同佢地一齊食，中和油膩感覺😁🥬🥓🐷◻️泡菜炒豬肉配豆腐($170)，新鮮滾熱辣上枱，同剛剛講嘅一樣，泡菜醬味道比較濃郁，有唔少泡菜同五花腩片，豆腐唔係大家食嘅百福豆腐口感，佢係相對多豆渣嘅質感，食完係有野落肚嘅豆腐，生酮友可以考慮下😉☝🏻

見韓國街有好幾間都係叫南門，個名好似有少少唔同但唔係太知個分別，就隨意行左入哩間。環境都係傳統韓烤格局，乾淨企理。Order完就上哂前菜，都有成6-7款，個泡菜同茄子都好好食☑️叫左個牛仔骨（$200），無乜肥膏但煎到出黎好香，口感彈牙但唔會韌👍🏻另外辣醬烤豬肉（$160）微微香辣好惹味，煎到燶燶地邊最好食👍🏻主食叫左一湯一飯，石鍋拌飯（$ 95 ）味道就淡d，主要靠加醬汁落去調味。人參雞湯（$180）熱滕滕出哂煙真係好正，湯頭清甜，雞肉煲到軟爛可以拆哂出黎食，哩個天氣一涼左d就好岩飲。整體野食都唔錯，個人比較喜歡烤肉，下次試埋其他分店睇下有咩唔同先~

天氣涼涼地舊同事話想去韓式燒烤；今次去金巴利道嘅韓國餐廳 - 南大門Cuisine，餐牌主打韓式燒烤肉類、鍋物、拉麵飯類等；韓系裝潢同特多卡位，坐得濶落又舒適！呢度嘅韓式前菜有齊晒泡菜、蘿蔔、生菜沙律、醃青瓜等等，每一款都酸酸甜甜，好正宗又開胃！🧀 芝士春川炒雞 $350 太掛住喺韓國食過嘅芝士春川炒雞，見倒呢度餐牌有立即點啦！上枱大大鍋嘅春川雞，等佢滾起先再撈勻；雞肉鮮嫩多汁，配上香辣味嘅春川醬汁同芝士嘅濃郁香氣，簡直係絕配！每一口都有香辣同芝士嘅完美結合！配料有年糕條、泡菜、蘿蔔、洋蔥等，十分豐富又飽肚！🥩去骨牛小排 $180 牛小排色澤亮麗，切得厚薄適中，口感軟嫩，燒完肉肉汁豐盈；口感帶點韌勁；配埋生菜🥬一齊食更滋味！🍻食韓式燒肉梗係要點韓國啤酒解解膩 ！南대門 (Namdaemoon Cuisine)地址📍：尖沙咀金巴利道75號東南大樓地舖

안녕하세요~~~ 黎到韓國街梗係食地道韓國野，呢間店全由OPPA同豬媽打理~揀緊食物時已上曬6道前菜 ，夠曬正宗呢!韓燒有牛肉同豬肉套餐拼盤，家姐唔食牛肉，於是就揀咗SET A的豬肉拼盤（$430），再叫多個炸醬麵$170就岩岩好喇。 豬肉拼盤包括有五花肉、護心肉、豬頸肉；仲隨餐附送炮菜湯底大醬湯畀你。我最鍾意切成簿片的護心肉醃製後入味得黎燒香後油分又唔多，口感好爽滑彈牙。 炸醬麵的醬係黑豆做，淋係麵上，又香又滑順，麵口感Q彈，而醬料好吃又不膩；愛吃甜的我覺得這款炸醬麵唔錯喔。 韓國飲品就$18一罐，食住BBQ飲真係精神為之一振!

📌 南대門 Namdaemoon Cuisine - 尖沙咀金巴利道75號東南大樓地舖🗓(13/10) 星期五 ⏰ 晚上6:30左右 💈特式：而家天氣開始轉涼，但又未涼到可以戶外BBQ，所以揀間多人攞介嘅韓式燒肉餐廳就最明智了。🥩🍔🌭🌮🥗🥯🥘🍲🍝🍣🥟🍤🍱食物：餐廳主打都係韓式食物，但亦有不少其他韓式傳統野食，例如炸雞/石鍋飯/人蔘雞湯/大醬湯等等，而家等我同大家講下🇰🇷🔥味道先。BBQ豬肉拼盤 $4️⃣3️⃣0️⃣ - 呢個豬肉拼盤入面有五花肉/護心肉/豬頸肉/醬醃薄切五花腩，呢個價錢仲包埋一份大醬湯，所以價錢都幾抵食。個拼盤份量都好大，睇落都唔止夠兩個人食，入面4款豬肉嘅口感/味道都有所不同，燒完嘅肉亦唔會好油膩，而且仲可以包生菜同餐廳3款秘製醬料一齊食，食落就比較清新無咁膩，咁就食多多都唔怕。個大醬湯都同正常散叫個size差唔多，入面配料有蝦/蜆肉/豆腐/翠肉瓜等等，味道香濃得嚟又唔會太咸，仲帶有微微辣，好惹味。牛舌 $1️⃣6️⃣0️⃣ - 另外仲散嗌左一份牛舌，因為唔知份豬肉拼盤會咁大份，如果唔係唔洗特登加野，差d食唔晒。不過都好彩有叫到，因為佢呢個牛舌真係唔錯，牛味香濃，又唔會太薄，性價比唔錯

想食韓國野就會諗起尖沙咀韓國街呢間南大門餐廳由韓國人主理一入到去環境好舒服 無咩油煙味👍野食方面除左燒肉 仲有芝士骨、鍋物、炸雞同埋好多特色韓國料理 超多選擇🤍一坐底先上前菜 個醃蘿蔔同埋泡菜好惹味酸辣到岩岩好 食完仲可以refill用黎夾生菜燒肉一齊食 層次更豐富😍今次試左 牛肉拼盤有手板咁大塊既rib eye、肩胛肉、牛肋骨肉 同板腱肉性價比好高👍rib eye 可以剪到十幾塊每塊都係雪花好平均 成塊燒完先剪仲可以鎖住D 肉汁係入面因為無醃過 所以食落牛味特別重咬落無筋 肉質好滑 煎到外面少焦內軟點少少秘製醬汁 加埋生菜包住食肉汁流到成手都係 超正！🥹肩胛肉同板腱肉肉都好有咬口食落Q 彈👍拼盤仲送泡菜湯或者大醬湯我地㨂左大醬湯 一上枱仲係滾住熱辣辣豆味帶咸香 再凍d 食應該勁正另外叫左個海鮮豆腐湯 湯汁既泡菜味好濃唔係好似出面咁用粉溝個湯食得出係落足料 湯仲有蝦、蜆、豆腐同蛋 配埋飯食吸收哂D 汁同燒肉係最佳配搭🤩