博多拉麵別天神 (已結業)

今日去sogo行街 之後去銅鑼灣食dinner去左一間平時見好多人嘅拉麵大約7 點鐘 要等15 分鐘因為餐廳好細 應該得10 多個位選擇其實沒有很多我們各叫了不同款的set蝦味噌set餐-$115配了個餃子蝦味噌味道濃郁 很有淡淡的蝦鮮味玉子也很出色 叉燒也不是太薄 不錯！餃子就不會不失 不會太差別天神set-$105跟一個小龍蝦蟹子沙律比起蝦味 我更愛這個這個湯滿滿濃濃的豬骨味喝得出沒有味精 因為喝完也沒有口渴感加上很多葱 減少了很多油膩感 太好吃了！！我覺得比起一蘭更值得蝦沙律也很特別 很少吃這個真的有不少蝦肉！不錯店內也有不少調味料可自由選擇店員服務也很有禮貌 上菜很快！一定會放在我拉麵list入面！

前兩星期去左呢間拉麵店，位置唔算多，但都要早D黎，唔係會無位！座位後面牆壁有好多留言，主要都係對近日香港人事件表態支持，難得有食店可以畀香港人寫上心中所想所求！絕對支持！餐牌選擇唔多，拉麵只有兩款。分別有豚骨拉麵及蝦味噌豚骨拉麵。揀左後者！比起豚骨拉麵濃郁得多，有濃濃海鮮味。櫻花蝦畀左好多，啖啖都食到。麵底係幼麵，煮得比較軟身。本人鍾意食爽麵，比較硬會好食D! 但麵底都比較大，食完會幾飽！叉燒有三片左右，味道唔錯！另外小龍蝦蟹子沙律味道唔錯，做小食非常好！

秋高氣爽既季節下，放左工即刻食碗暖笠笠既拉麵就真係無得彈啦🤪相信大家都聽過別天神啦！到左門口等位果陣就見到有部自助售買機，係大家等緊位既時間可以睇定想食咩同直接order定想叫啲咩食！仲可以用八達通比錢添！今次我試左蝦味噌同別天神套餐！咁佢分別就係蝦味噌拉麵加4件餃子，同豚骨拉麵加小龍蝦沙律。先講拉麵先，兩碗拉麵個湯底都好濃！唔係好似街出面果種死味精味。 我個人鐘意蝦湯底多啲，因為鮮蝦味好重，仲有櫻花蝦係上面。我好鐘意🤪啲豚肉都好入面好林！佢地仲會有好多啲配料比你自己選擇加落去，好似牙菜等等。至於龍蝦沙律，我自己覺得幾特別幾好食！佢係可以用啲紫菜包住啲沙律咁樣食，外脆內鮮甜！而餃子外皮就好脆，入面有啲白菜係入面，食落中和啲油膩感。

自己一個毒毒地，地又想食啲特別野，可以去下呢間拉麵店，我留意到佢有個自動販賣機，仲未到你入去餐廳食嘢嘅時候可以喺呢度點餐，裏面清楚列出每個拉麵嘅價錢另外原來佢哋呢度都有套餐架，但係就冇酒類飲品因為仲未有酒牌，哈哈。食咗個蝦味噌豚骨湯麵，湯底顏色非常豐富，因為櫻花蝦大有紅色橙色嘅感覺，仲有少少粟米，味道香噴噴，睇落真係令人胃口大增。唔記得講其實佢仲有其他小食，我見到職員匆匆忙忙將餃子一底一底咁煎好，一連半打，加上少少喼汁，我同朋友都唔客氣啦，真係好想encore。飲品方面我冇另加，反而飲咗佢呢度嘅預設左嘅凍水，涼透心呀。

超多人排隊嘅拉麵店，大概等左半小時左右，企到腳仔軟，有啲時間觀望下四周，覺得佢嘅裝修好別緻，有點類似日本大阪吃到的拉麵店。大概等左20分鐘，比我坐到店裏面嘅最佳位置，我遞上我剛才在出邊預先購買的拉麵收據🧾，我食咗豚骨湯面，鍾意佢夠原汁原味！塊叉燒好厚切，感覺似港式叉燒，但係個外表賣相就似日式叉燒，感覺好特別啊！呢度仲有好多調味料可以自行調製隱藏口味，我哋都試咗，果然有啲諗頭啊。龍蝦沙律就用匙羹整成一個個雪糕球大小的波波，配上紫菜一塊塊，慢慢品嚐，大快朵頤！

今日岩岩係景隆街睇完寵物野 朋友話好想食拉麵 就去左博多別天神到食 7點幾去到已經有d人排緊隊 由於餐廳座位太少 我地要先買左飛再被安排入座 我地分別order左兩個拉麵🍴蝦味噌豚骨拉麵($85)賣相睇落唔錯😋 有好多小蝦乾🦐 令到成個麵湯底好香 而且有成隻糖心蛋 唔同平時個d得半隻 叉燒好厚身好有口感 值得一讚係佢個麵個質感好彈牙爽口 唔會太淋 原來幼拉麵都別有一番風味🙊🍴別天神套餐($105)套餐好豐富 多到我食唔哂🙈 1️⃣餃子 餃子就普普通通 但都係即嗌即煎 熱辣辣好味道🤪2️⃣小龍蝦蟹籽沙律 個人極推小龍蝦蟹籽沙律 一來夠凍 配埋紫菜食更佳 成個口感好creamy 好fresh 份量at least有半個拳頭咁大😆3️⃣豚骨湯拉麵拉麵湯底冇出面既咁濃味 我反而幾中意依個湯 唔會太咸 飲左大半碗都冇口渴既感覺 依碗比蝦味唔同就係有木耳冇蝦乾 仲有大量蔥花 岩哂我口味 正🤪

記得三五七年前來食過個豬骨湯底做得好好 好濃郁但今次去食 湯底明顯退步了😢豬骨湯真係冇豬骨味😑不過麵條同配料仍然係做得不錯的佢地既小龍蝦蟹子沙津仍然保持到水準😍去試既朋友記得要點佢食呀!

別天神喺全港有9間分店，今日就同大家試下位於銅鑼灣亦都係佢地個喺香港第一間開嘅店🤣。銅鑼灣店係用自助點餐機落單嘅，支援八達通、mastercard、VISA、JCB 等等嘅payment method🤑非常方便依到每一樣食物都係即叫即整，今日我就叫咗兩個餐，分別係別天神套餐配小龍蝦蟹子沙律，同埋一個蝦味噌套餐配餃子嘅😍坐低五分鐘到就已經上咗沙律同埋餃子，依兩個小食作為開胃菜真係非常好！餃子又熱又多肉汁，沙律作冷盤但係又唔會有唔新鮮嘅感覺，兩個小食用黎做appetizers都係非常好嘅選擇😋食到七七八八嘅時候，我地嘅拉麵都啱啱好送到黎🤤🤤湯底唔會話太濃，食落又唔會覺得好假好重味精，佢重有提供唔同嘅調味料，想濃啲又得，想清啲又得高度推介依間拉麵店比大家

想食好耐，但永遠都好多人排隊，今日唔趕時間所以就決定等，等咗差唔多成個鐘但大家都好有耐性，香港人抵讚！佢有部機買嘢食，跟著就排去另一條隊，等入座，大家記住啦！食物種類唔多，店面似足日本拉麵鋪，得兩個店員，真係辛苦晒啦！我同男朋友各嗌咗豚骨湯拉麵同蝦味噌湯拉麵個湯底真係好濃，乳白色架，男朋友差唔多飲哂佢既湯佢主張冇味精架，而我地食完都唔覺得好口渴！豚肉佢會燒過，香口好多，拉麵軟硬適中，偏爽口！蝦味果碗真係好多蝦好入味！ 我鍾意食辣，跟佢自製辣配方真係好正

看似普通的一碗日式拉麵，其實當中蘊含了不少的學問，由不同的湯底到佐料配搭，都沿用了久經硏究的相對製作方法，這亦體現了日本人對食材的執著與堅持。早前筆者就來到了銅鑼灣一間屬於「元祖」級的拉麵店，說是「元祖」其實是因為這店算是於香港拉麵風還未盛行時，已在默默耕耘著的一羣。創辦人專程飛到了日本拜師學麵，將傳統的日式拉麵帶到來香港，創立了這個拉麵品牌，由最初只在銅鑼灣的一間小店，到現時已發展至近11間分店，遍佈香港、美國和法國。而店家為了確保品質，多年來一直只專心製作兩款拉麵，實行貴精不貴多。以香濃的豚骨湯作為拉麵的靈魂湯底，堅持採用歐洲直送的優質豚骨，每天以海量的豚骨和純水在中央工場新鮮熬製獨家湯底，再分送到各分店，保證完全不含任何味精、防腐劑或奶類製品。小店裝修簡約中見東洋風，店內佔地較少，窄窄長長的吧座只有約十餘座位，坐落較狹隘但亦正好跟日本的拉麵車仔檔風味相類似，加上木系裝潢更讓人有置身日本的感覺。吧枱雖不算大，但亦放齊了不同的調料與用品，芝蔴、辣芽菜、薑絲、蒜蓉、七味粉、紙巾和冷麥茶一應俱全，更放有說明指導客人如何自行調製出隱藏口味，有夠貼心和創意。而店門外亦增設了自助售票機，活像在

放工同朋友食拉麵，雖然鋪頭得10個位左右，好彩我同朋友早左少少喇，等左一陣就入得😆😆😆.呢度門口有部購票機，要預先買好想食啲食物，我同朋友分別揀左別天神套餐同蝦味噌套餐～🥳🥳.我就食左蝦味噌拉麵🍜，有兩大片既叉燒，糖心蛋，粟米同蝦花蝦乾，湯底好香濃，充滿濃郁既蝦同味噌味，鮮味十足！日式叉燒幾好食，軟腍味濃，麵條軟硬適中，份量都好多，最中意係食糖心蛋😍😍.豚骨湯拉麵係朋友叫既，湯底呈乳白色，飲到有豬骨味，都唔錯架，佢覺得都幾好食😋😋.小龍蝦蟹籽沙律，好特別，好似雪糕球呀🤣🤣🤣龍蝦肉爽口鮮甜，味道幾開胃，用紫菜包住食，口感幾好呢😋😋.餃子煎得岩岩好，唔會太燶，點埋餃子汁食好正呢😝😝

香港人真的很累，一至五忙於工作外，現在連六日也要忙著抗爭...在這動盪的時代，幸好還有一班良心食店撐香港人，而我這位小小的香港人能夠做的就是努力地去懲罰他們🤡店鋪位於告士打道，面積不算寬闊，大約能夠坐到十人，但店內的裝潢都跟在日本的拉麵店差不多，店家還貼心地在檯下和牆上提供掛勾供客人排他們的袋或大衣。除了裝潢，下單方式也是用上日本的自助售原機豚骨拉麵套餐配餃子 $105蝦味噌拉麵配小龍蝦蟹籽沙津 $115前者湯底非常濃郁，本身已有大量木耳絲，還可以按照個人口味加入七味粉和辣芽菜😍大大增加了食用時的口感👍🏼蝦味噌則加入大量櫻花蝦，配上香濃的豬骨湯，味道更是一絕😋不得不提的是厚切叉燒，肉質稔淋，不會太肥膩，大滿足！餃子煎得十分香口，肉汁豐富沙津配搭也比較新穎，小龍蝦肉加上蟹籽，每一口都令人回味無窮，還可夾於紫菜中一併食用

依間以前食過，最近先知係黃既！💛日本拉麵種類好多，「別天神」同鼎鼎大名既「一蘭」，其實同為「博多拉麵」種類。但小編更鐘意依間，平啲、食得舒服啲得黎，各方面都夠正宗。當晚7點半去到，keep住有人龍，但好彩翻桌率快，排左20分鐘左右就入座。同以前唔同，門口新增左一部電子餐券機，好似日本拉麵店咁自己點餐，入店交飛後就可以等師傅上拉麵。全鋪就得兩款拉麵揀， 豚骨拉麵 ($75) 個湯底勁重豚骨味😍好似煲左好耐既老火湯咁，飲落稠滑微黏，勁正。每碗跟1片叉燒，舊叉燒半肥瘦，軟腍又入味。博多拉麵既細直麵通常好易淋，第一次食都覺得個麵好淋，幸好今次個麵質好返好多😋蝦味噌豚骨拉麵 ($85) 就比較清淡，唔係好夠蝦味同味噌味啫。最正既係佢檯面有勁多款配料比你加落去調味，有紅薑、辣芽菜、拉麵胡椒、七味粉、芝麻等等，夠曬正宗！小編最推薦「拉麵胡椒」。😍不過食完、返去fc完之後先醒起，點解佢無比到蛋我既…!???

聽朋友介紹黎到呢一間位於銅鑼灣既別天神，七點就大排長龍 等咗30分鐘先入到去食！拉麵底得兩個選擇，一係豚骨，一係蝦味噌咁梗係一人一個，嗌晒佢啦配料有我最愛既芝麻同蒜蓉！呢個隱藏口味好似幾正，可能試吓咁加餃子煎得幾香，一口size啱啱好小龍蝦蟹籽沙律特別欣賞呢客小龍蝦蟹籽沙律，超多小龍蝦肉，融入曬好綿滑的沙律醬汁，面層仲加入蟹籽，豐富口感！店內寫住話豚骨湯既材料只有『豬骨』同『水』兩種，絕不含任何味精、防腐劑同奶類製品奶白色既湯底，加埋叉燒、木耳、紫菜、蔥、半熟蛋幼身拉麵似一蘭個款，湯底比想像中淡但係有豚骨味既 冇落味精黎講已經算好出！叉燒燒得幾好食，唔會話好乾柴半熟蛋ok啦，不過個蛋白就生咗小小蝦味噌大致上感覺同上，係換咗蝦味噌口味姐！

已到此店光顧了數次，今次在此平台介紹一下。到此光顧數次的原因，總離不開美味濃郁的湯底，是快速方便的一餐。我們今次分別點了蝦味味噌湯麵餐及豬骨湯麵。兩款湯麵我也喜愛，但一定要我2選一的話，我會揀豬骨湯麵。這裡的豬骨湯特點是沒有加奶及味精，真材實料熬製而成，安心享用。再拌上席前的辣芽菜，及芝麻等等調味，個人覺得更美味😍另外，我很喜愛這裡的小龍蝦蟹籽沙律，拌著紫菜吃，回味無窮！這裡的日式餃子，也不錯！