博多拉麵別天神 (已結業)

放工同朋友食拉麵，雖然鋪頭得10個位左右，好彩我同朋友早左少少喇，等左一陣就入得😆😆😆.呢度門口有部購票機，要預先買好想食啲食物，我同朋友分別揀左別天神套餐同蝦味噌套餐～🥳🥳.我就食左蝦味噌拉麵🍜，有兩大片既叉燒，糖心蛋，粟米同蝦花蝦乾，湯底好香濃，充滿濃郁既蝦同味噌味，鮮味十足！日式叉燒幾好食，軟腍味濃，麵條軟硬適中，份量都好多，最中意係食糖心蛋😍😍.豚骨湯拉麵係朋友叫既，湯底呈乳白色，飲到有豬骨味，都唔錯架，佢覺得都幾好食😋😋.小龍蝦蟹籽沙律，好特別，好似雪糕球呀🤣🤣🤣龍蝦肉爽口鮮甜，味道幾開胃，用紫菜包住食，口感幾好呢😋😋.餃子煎得岩岩好，唔會太燶，點埋餃子汁食好正呢😝😝