卜卜餃子店

營業中

休息中

岀到黎深水埗買餸，聽講西九龍邊有間餃子店，就買兩包試下手工餃子，每日新鮮製造，無添加防腐劑味精，使用本地黑毛豬雙拼豚肉餃子🥟甜梅菜+芹菜芫荽西洋菜+菠菜當晚煮麵食試左pack 甜梅菜，芹菜芫荽甜梅菜，感覺似食緊梅菜蒸肉餅🤣變成餃子，好有創意芹菜芫荽餃子🥟勁香，鍾意食芫荽朋友就唔好錯過😆值得一讚餃子皮薄，size剛剛好另一盒就擺咗入冰箱，留返下次食另外，店家有素菜餃，食素人士，食清啲人士都啱食👍🏻

今日去深水埗做嘢咁啱經過見到呢間新開嘅專賣手工水餃一於買返屋企試吓，餃子有好多款味道而且啲配搭全部都好似好吸引一次過買咗三款味道全部煮完出嚟都晶凝通透皮薄餡靚，中間啲餡料仲要勁Juice調味又啱啱好一啲都唔會有味精嘅感覺，食完都唔覺得口渴

聽講呢一間餃子係人手整，而且冇味精亦都冇防腐劑咁開心嘅食品，搞到我即刻就去咗買兩盒依間店就係西九龍中心，好近地鐵站買嘢都好方便而且最估唔到嘅係，佢餃子有得拼唔同嘅菜我就買咗一個四拼豚肉餃，除咗豬肉之外，仲有配梅菜，皇帝菜，芝士粟米，同芹菜芫荽同埋叫咗個雙拼豚肉餃，拼西洋菜同椰菜，無論你鍾意食邊一款菜，呢一度都可以拼，選擇超級多，勁開心而且呢度亦都有素餃同埋辣味餃，無論你係鍾意食辣，定係鍾意食素，依度都有適合你嘅選擇🥰🥰

早兩日行經西九見到有間餃子店隱藏左係9樓，真係唔行入去都唔會發現，本人其實幾中意食餃子，見佢款式好多味道又特別，所以就買左兩盒返去試下分別係麻辣旺菜豚肉餃同四拼豚肉餃，都係出面少見既味道，比較少餃子產品會做到四拼，啱晒我呢D選擇困難症既朋友由於唔係急凍水餃所以大約水煮5分鐘左右就煮熟，餡料好足，而且調味適中，就算麻辣都只係有果陣香味而辣味並唔重，以後再見到會試埋其他口味，推薦比各位中意食餃子既朋友