卷之屋

營業中

休息中

今次叫左個火炙芝士三文魚反卷第一次食係朋友介紹佢話有間好正既手卷反正經過又再食下個反卷係即叫即整既,三文魚上面鋪左厚厚既芝士,再見到老細用支火槍仔係咁係上面燒食落會有陣陣既火炙味 d三文魚食落都新鮮味道我俾4/5個星等待就大約5-10分鐘左加啦呢度d小食店都係以立食為主咁啦總結CP值:4/5

呢間啲手卷係我暫時食過最平但又最多料嘅一間手卷店。次次去都係點佢個三文魚手卷，因為就算係好普通嘅三文魚手卷，佢都整得好好食，塊三文魚好大塊，啲魚腩好均勻，食落好香三文魚味，啲壽司飯仲有少少暖，好值得去食！

軟殼蟹手卷 - 好很正！佢寫話有半隻蟹 食落都真係唔細件 成舊都熱辣辣 好新鮮整 都只係20蚊到 好抵芝士玉子又係好味 本身以為只係得舊蛋 但原來係仲有舊飯🤣炸蝦卷.. 同元x果啲完全無得比 食完之後我地仲要番轉頭encore左次😂

每次行葵廣真係第一時間上三樓食卷之屋，食到上癮咁，又好食又抵食！芝士厚燒玉子係最愛真係一路打一路回味緊，佢個蛋好甜好厚大大啖真係好滿足，中間夾住少少暖暖嘅飯，再加個層芝士燒，再有d醬，都只係$17，邊到搵🤤有時都會食下反卷，今次就食左芝士火炙吉烈蝦反卷，都幾大舊飯，相對地芝士都好多，一份4件就用晒一條蝦佢d芝士真係好正😋，但朋友就試左無芝士嘅軟殼蟹手卷，都有半隻蟹，唔算細隻，都炸得好脆。朋友第一次食，食完行左陣都忍唔住話要翻轉頭encore 佢地仲好好人 食完會幫你掉埋垃圾🤣

每次嚟到葵廣當然要食我最愛嘅卷之屋葵廣都開咗唔少手卷/日本料理嘅舖頭但試哂咁多間之後最深得我心嘅依然係呢一間-而家呢一間位於3樓嘅巷仔入面要花一段時間先搵到星期六嚟到都好多人排隊但係師傅手腳都好快手 等咗唔使5分鐘就攞得～-平時成日食好足料嘅海膽三文魚手卷今次就試吓佢嘅熟食我見好多人都嗌呢款火焰芝士系列就揀咗呢個火焰芝士炸蝦卷：果然冇令人失望食落芝士味超級濃郁 入口即溶 有拉絲再配埋新鮮炸起嘅炸蝦🍤味道好夾脆卜卜咁 口感鬆脆下次會試埋軟殼蟹朋友就試咗玉子燒佢對呢個玉子燒嘅評價都好高食完職員仲主動幫我哋dump咗啲垃圾總括嚟講 呢間無論係魚生手卷定係熟食都係咁好食特別推介呢個火焰芝士系列 ～-整體評分：4.5/5

葵廣不嬲都係掃街勝地🤣我最鍾意就係食三樓嘅手卷 每次掃街都要食🤤🤤🍣三文魚手卷 $16好大舊三文魚😍而且超厚切 好滿足🥰🥰紫菜唔會淋 啲壽司飯都唔錯 仲可以自己落wasabi 豉油😛 三文魚好有油脂 厚切大大舊 食到底都仲有 大家黎葵廣掃街記得要試下😎😆

每次去葵芳掃街第一樣要食嘅就係卷之屋嘅手卷😋我嘅推介係海膽三文魚手卷同軟殼蟹手卷😋海膽三文魚手卷一咬落去啲三文魚油就爆到成個口腔都係好滿足😋啲海膽又夠新鮮一啲都冇腥味同苦味👍🏻軟殼蟹手卷夠唒香脆,加埋沙律醬一齊食好滿足啊👍🏻👍🏻👍🏻

呢間卷之屋係葵廣都開左好多年叫左兩款野食三文魚手卷 （$18）佢好抵食原因係佢三文魚真係好大舊足料到食到底都仲有亦會加埋豉油比你一食就已經好夠味 一啖咬落去咁大舊三文魚亦好滿足另外呢度整野食都好快手唔駛等好耐就已經整完可以食得所以我都幾推介大家架

因為要等葵廣2樓嘅手抓餅，我同我嘅朋友一齊上3樓食啲小食先，大家都諗起卷之屋嘅反卷，因為一份反卷一齊分享啱啱好，又唔會太飽，又可以滿足一下口腹！上到3樓，目測都有十幾人等緊嘢食，我哋排隊叫咗一份蟹柳反卷$15，雖然材料好簡單，但老闆整得一啲都唔馬虎，仲好好人比兩對筷子我哋。只不過等左一兩分鐘，蟹柳反卷就整好喇！沙律醬嘅份量恰到好處，不多不少，加上青瓜絲增添左一份爽脆嘅口感，令到蟹柳反卷食落有清新嘅感覺。一份蟹柳反卷有六舊，同朋友share就剛剛好！下次同多啲朋友嚟仲可以試多啲唔同嘅口味添！

壽司🍣手卷周圍都有啦，葵廣都有幾間，點解一定要黎依間🤔？火炙芝士系列嘅手卷反卷就唔係間間都有，卷之屋就有啦，究竟依間火炙芝士系列壽司有幾好食呢🤔？————今次我叫左火炙芝士三文魚手卷($22)，其實係依間食咗好多次，不過次次一拎就一口食左一半😅，所以次次都唔記得咗影相食先。睇到張相就明㗎啦😉，好大誘惑⋯⋯依間鋪頭雖然唔係好突出，係葵廣3樓TOP世界入面嘅鋪頭(直行到入再轉右入面)，但係都好多人去食。唔係住附近或者少黎葵廣掃街嘅就唔會識走入去TOP世界掃街，不過我都算葵廣地膽嚟架😂⋯⋯火炙芝士三文魚手卷($22)，相已經表明一切😋，價錢合理，賣相唔洗講啦，睇到都流曬口水啦🤤，即叫即做，放好紫菜同飯，然後一大塊三文魚放喺鐵製板上，再將一塊芝士🧀放係三文魚上面，然後用火槍燒芝士，令到芝士急速溶化，最後卷埋一齊⋯⋯食第一啖係最好食😋手卷底底都食到芝士三文魚，唔似其他店咁😌，得第一啖好食，底下淨係得紫茶同飯，依間之前都係咁，依家卷得啱啱好👍，抵讚，幾年淨係加左一兩塊價錢咋⋯⋯————其他手卷反卷都食過，不過都係無影低😅，見到忍唔住即刻食⋯⋯火炙芝士三文魚反卷同樣出色，貴幾蚊可以有個兜裝住食，鰻魚

卷之屋有好多款手卷，佢地嘅反卷都好吸引，例如三文魚、吉列豬扒、鰻魚、炸軟殼蟹、吉列魚柳、吉列炸蝦、燒玉子、蟹柳。我買左火炙芝士三文魚反卷。$30一份有6件，大件夾抵食壽司即叫即製，芝士係你叫完先即放即燒既，所以食既時候上面D溶左既芝士仲係暖暖地。芝士經火炙之後好香。卷物一口size，加上超超超肥美既三文魚, 厚切之餘，油脂好足。搭配熱溶芝士同沙律醬，醬汁夠多，再慢慢流落飯粒度。味道好夾, 極邪惡,但又不能抗拒!

呢輪都好少去葵廣，雖然不時有新嘅餐廳、小食店，不過行左一圈，好似特別多川式野食咁，我地又唔係好有興趣，結果都係去番卷之屋。除左多款手卷，佢地嘅反卷都好吸引，例如三文魚、炸軟殼蟹、鰻魚、吉列豬扒、吉列炸蝦、吉列魚柳、燒玉子、蟹柳等。平時就多數點火炙三文魚反卷，大件夾抵食今次試下點其他野，揀左火炙芝士鰻魚反卷，價錢係$30，一份有6件，上面鋪滿芝士，經火炙之後好香。卷物一口size，裡頭嘅鰻魚較為遜色，除左細骨較多，亦偏瘦，下次都係食番其他配料。

實在太棒棒了，軟殻蟹很有蟹味，幾乎與日本蟹一樣有蟹味，食一遍就似親身去到日本旅行吃日本料理。再配上暖暖的飯！嘩！實在太美味。更正的是手卷上的沙律醬，完全將軟殻蟹的鮮味帶出，每咬一口，感覺就似在日本汪洋中坐著輕舟親手捕獲軟殻蟹，留下刻骨銘心的回憶。更值得一提的，是手卷師傅的掌心餘溫猶存，在冷氣充斥的購物商場中，師傅手中餘溫就成為了手卷滋味延續的動力。兩個人各吃一件，埋單唔洗$50，比去連鎖日式餐廳更抵吃！

Let me start by saying I love cheese. Ok with that out of the way. This place is the reason I even go to kwai Chung plaza. So this roll is nothing special just a regular good quality salmon roll. Then ok top is a favor explosion, the cheese mix is added on top(I suspect that is not just American cheese, it tastes too good) then torched until it is caramelized. It is nice and gooey on the top, creamy, cheesy and just delicious. This is way Hong Kong is such a foodie paradise, as this is a perfect

次次黎葵涌廣場都會唸起呢間鋪 快靚正 大大啖三文魚手卷!!佢嘅三文魚真係好大舊，超滿足，製作時間快，唔使等好耐，佢地有好多揀，但個人認為呢間係葵涌廣場壽司首選，真係要黎!!!