厚福館 (南角道)

營業中

休息中

🌟餐廳：厚福館📍地址：九龍城南角道73號地舖💰價位：～$200 - $400⏰營業時間：星期一至日17:00 – 02:00 📱電話：23832365秋意漸濃，又黎到打邊爐既季節～今日約埋朋友仔黎到九龍城呢一個美食集中地，試下呢間「厚福館」，歎下佢地最近大熱～既養生又滋補兼豪華既招牌足料燉佛跳牆湯底先！———————————————————🔹火鍋醬料一坐低，店員就提供火鍋醬料盒，各款醬料如蒜蓉、炸蒜，辣椒粒，蔥花及芫茜等基本火鍋配料都有供應～好齊全～———————————————————🌟 餐前小食🔹冰鎮鮑魚 - 鮑魚夠厚身，肉質鮮味爽彈，做冷盤一流～🔹秘製香炸黑松露餃 - 餐廳自家特色小食，餃子炸到外層香脆，餡料夠豐富，搭配惹味黑松露醬，令人食慾大振～🔹脆炸白豬仔午餐肉 - 朋友仔至愛！原罐午餐肉厚切大大件，外層炸至卜卜脆，無論用黎打邊爐抑或作為餐前小食都冇得頂～———————————————————🔹 招牌足料燉佛跳牆湯底湯底當然揀招牌足料燉佛跳牆湯底啦！淨係個名已經夠哂吸引～上枱賣相一流，有齊鮑魚、大花菇、金華火腿、魚翅、螺片、花膠及雞肉，超奢華，店員加入鮮濃雞湯，大滾後即刻歎返

每年打邊爐嘅時候又到，再次到訪呢間舖之前同朋友食過感覺唔錯，今日就帶左屋企人黎再食。前幾日就已經訂左隻水晶蟹，呢隻蟹真係令我念念不忘，啖啖肉加埋佢啲汁加個烏冬每次都唔夠食要再叫烏冬撈返落個汁到！另外仲叫左炸松露餃係必食，香膽足料。打邊爐又點少得手切封門柳，夠嫩加適當嘅油脂，牛味十足，放落去十秒左右就食得。媽咪平時對食嘢嘅要求都高，難得今次呢隻蟹佢都話好食，而且冬天食呢啲真係好滿足！一定會帶朋友再黎食

Bookmark左好耐，每次經開都會俾佢外面個魚缸吸引到，呢日黎開九龍城，就點都要去試試海鮮二人盛宴 ＄1188呢個二人餐好豐富啊清湯湯底（可加錢轉其他湯底）食海鮮個人覺得湯底唔洗太複雜清湯底都有豆卜、豆腐、菜夠晒健康，唔油膩刺身主食時令海膽刺身，加拿大野生A級象拔蚌刺身海膽厚身非常鮮甜，口感滑膩仲有紫菜可以包住食象拔蚌都好高質，份量都唔少，爽口彈牙特盛鮮活海鮮拼盤有4款時令海鮮，當晚有龍蝦，鮑魚，蠔，蜆款款都好新鮮，鮮甜牛肉雙併十分推介有即劏騙牯肥牛，同手切牛頸脊牛頸脊油花均勻，較有咬口，騙牯肥牛則較腍帶油香招牌手工丸餃拼盤有黑松露餃、韭菜餃、鮮蝦丸、墨魚丸。鮮蝦丸口感彈牙韭菜皮薄餡多，黑松露餃幾特別最後仲有時令雜菜同讚岐烏冬食材非常高質，海鮮尤其出色最後仲有雪糕做總結

每一次行九龍城都會俾依間厚福館嘅海鮮吸引住，隻隻望落隻隻都新鮮生猛，上星期終於忍唔住去滿足自己嘅慾望。入到去點左一份$1188嘅海鮮二人盛宴，裡面會有刺身、海鮮、牛肉、手打丸和餃子、蔬菜拼盤。刺身一上枱已經相當吸睛，象拔蚌和海膽都非常新鮮，象拔蚌入口真係不得了，勁鮮甜，入口勁嫰，海膽用上紫菜來配搭，味道濃郁鮮甜，真係讚不絕口。食完刺身就開始食火鍋，雖然係清湯湯底，但配料十足有大量津白、有豆卜和豆腐，用上配牛肉真係一流，手切牛頸脊入口鮮嫰。海鮮拼盤有肥美嘅蠔、龍蝦和蜆，龍蝦肉質爽彈，蟹膏滿滿，蜆肉勁清甜。手打丸和餃子拼盤有手打蝦丸和墨魚丸，餃子就以黑松露和韮菜餃為主。吃火鍋點少得啤啤佢。最後來個甜品….雪糕。

朋友推介的靚料高級火鍋店，我們兩個女生不想吃太多肉，便選了海鮮二人盛宴($1188)😆.湯底包清湯湯底，客人可補差價升級湯底，我們升級了胡椒豬肚湯底(+$20)！湯底非常足料，有超多豬肚，我們每人都先喝了兩碗才開始打邊爐🤣.員工先送上刺身拼盤，當中有2匙時令海膽和例牌的加拿大野生A級象拔蚌！象拔蚌真的超好吃，每片都非常厚切、清甜爽口，而且份量很多，有成十多片！然後主食有特盛鮮活海鮮拼盤和鎮店靚牛肉雙併🥩 海鮮拼盤有4款時令海鮮，全部都很新鮮，尤其生蠔和龍蝦超高質的，生蠔肥美而龍蝦有好多膏，超正🦞 牛肉有即劏騙牯肥牛和人氣手切靚牛頸脊，前者較有咬口，後者則較腍帶油香🤤配料還有招牌手工丸餃拼盤和時令雜菜，特別喜歡黑松露餃，香香的🤩 最後還有每人一球雪糕～🍧 整體感覺這火鍋店的食材非常高質，海鮮尤其出色，喜歡火鍋吃海鮮的一定要去喔😝

自從九龍城開通地鐵之後，嚟九龍城食嘢真係好方便！朋友約打邊爐，宋王臺B3出口行3分鐘就到！門口好大魚缸，黎呢度食海鮮火鍋無得輸！🤤始終係老字號，以實力行先，環境冇過多嘅華麗裝修，但係有電視睇下都唔錯。✨️海鮮二人盛宴 $1188🔸️由於諗住會有海鮮，所以唔太複雜喇個湯底,清湯底原來都有豆卜、豆腐、黃芽白，一啲都唔hea。🔸️ 矜貴刺身估唔到跟左d乾冰，刺身係飄住煙咁上台🤩有海膽、加拿大野生A級象拔蚌刺身，象拔蚌刺身爽口新鮮，海膽都好鮮甜😋🔸️招牌主食🔹️特盛鮮活海鮮併盤4款時令海鮮：是日有鮑魚、超級肥美嘅蠔、蜆 同 爆膏巨頭蝦款款都好新鮮！2個人好夠食！🔹️鎮店靚牛肉雙併 包括劏騸牯肥牛， 同人氣手切靚牛頸脊， 都係靚牛黎呀！😋👍🔹️招牌手工丸餃併盤一份就有黑松露餃、韮菜餃、手打蝦丸、手打墨魚丸，各兩件🔹️讚岐手打烏冬🔹️ 時令雜菜拼盤🔹️雪糕最後仲有雪糕!2球雪糕，朱古力同芒果味，好驚喜仲有朱古力蛋卷同朱古力醬裝飾擺盤！😍overall個套餐每款食物都絕不馬虎，足料、高質又新鮮！最後仲有埋精美甜品！推介👍

打邊爐季節又到啦😎呢間幾出名就試試佢～揀咗個海鮮二人盛宴😌刺身有海膽同埋加拿大野生A級象拔蚌😍鋪出嚟嗰下都話咗一聲，因為份量真係幾多仲要有煙😂好fancy~海膽夠鮮甜👍象拔蚌都非常爽口鮮甜,完全唔腥👏🏽火鍋湯底，我哋升級左做胡椒豬肚湯，喺未攞食物之前我哋一人飲咗一碗，好暖胃🫶🏻海鮮拼盤有四款海鮮，包括鮑魚、蜆、大蝦同蠔😀個人覺得蝦最好食😋肉質結實彈牙，仲有膏🤭牛肉雙拼係手切牛頸脊同埋騸牯肥牛😆前者夠嫩，充滿油脂😀後者就牛味十足，有咬口👍手工餃拼盤包括黑松露餃、韭菜餃、手打蝦丸，墨丸😎全部都幾高質🫶🏻特別係個蝦丸，好彈牙～最後仲有一個雜菜拼盤，有三時菜🤓食到呢刻已經好飽😂仲要再有個雪糕甜品，好refreshing 👏🏽

九龍城好多野食係人都知，厚福館係比較老牌餐館，佢嘅4人刺生火鍋套餐真係好誇張，我估6個人都夠食😂刺生拼盤真係好大好正！龍蝦超多肉，好鮮甜，肉質爽脆！象拔蚌超巨型，切出嚟勁多勁鮮甜！海膽好大份，冇腥味，超滿足😌打邊爐鍋底我哋揀咗佛跳牆，好似係招牌鍋底，又有鮑魚花膠，好足料好豐富，不過我覺得佛跳牆本身係重味，如果食打邊爐嘅鮮味就揀返清啲嘅湯底會好啲。佢套餐嘅封門柳好出色，有肉味又嫩滑😍 其他配料都不錯，4人套餐約$2800 ，但正常4個人係食唔晒嘅😂

和朋友們食farewell飯，大家都想食好啲，但又想打邊爐，於是就即刻諗起我屋企人最愛去既火鍋店厚福館，好鍾意呢度嘅海鮮好新鮮，牛牛又好正😋我哋點了招牌彿跳牆鍋做湯底😋一如以住keep 得住水準👍🏻好足料湯底濃郁又鮮甜🦞花雕雞油蛋白蒸龍蝦以往係食開蒸水晶蟹的，但由於今次無水晶蟹🙄所以我哋點龍蝦來代替（當然是水晶蟹貴好多啦😆）但一樣係好好味😋蛋白滑嘟嘟，吸收了雞油和微香的花雕洒香味，而且再將個花雕蛋白汁用黎撈埋烏冬食真係超級正喔🤤🥩牛就不用多說了，呢度嘅牛一向都好得架😋超好食吖👍🏻總結呢度真係一個經常性會掛住嘅地方，回頭頻率甚高😋

打邊爐就會諗起厚福館👍🏻新鮮水晶蟹都係必叫不過唔係成日有（我會打去訂咗先）一定要加烏冬 每次都唔夠食要再叫烏冬撈返落個汁到真係好好食😋仲有佢哋個炸松露餃都係我必食

話說我哋成班人係嚟慶祝同事升職明明同事本身係book咗要大房，點知佢俾一間完全唔會夠坐嘅房我哋，逼嘅程度係膊頭貼膊頭🙄同店員交涉完一輪，分埋枱終於叫做夠坐咁好啦，落單，佢拎湯底嚟...明明蕃茄薯仔豬骨湯底我哋只係嗌咗一個，但佢拎咗兩個嚟問返個店員，佢話我哋係寫咗"2"，咁我叫佢拎張單嚟啦拎到嚟，明明寫"𝟏" (個底有短短一橫)，佢死都話係"2"，仲話問過"人"，我問佢問過邊個，佢答我問過廚房🤯(你無嘢下話？)算，咁想換返其中一個湯底，又話唔得，話個湯底係突登煲下!? 蕃茄薯仔豬骨湯底你講到好似好特別咁喎當下我真係著哂火，不過同事話算咁就算啦，亦即刻叫佢同返廚房講我哋嗰"𝟏"全部係一碟(因為我同另一個落單嘅人咁啱都係咁寫個"𝟏"字)結果有幾碟都係拎兩碟嚟，但態度唔同哂，係死lur我哋要埋😡😡😡明明成班人一齊食飯本應好開心結果搞到我無名火起，成餐飯谷住谷住咁🤬(原本服務嗰項我想一粒星都唔俾，但個system唔俾)

行過見到有個佛跳牆套餐，又好似幾好喎，一於試下先餐廳面積唔太大，我地大大隻四個坐卡位有少少迫，不過地道味道就係咁，迫迫夾夾加啤酒🍻，有feel~$2188一個佛跳牆餐～頭盤個炸黑松露餃可以，做得幾好啵，唔會得個名無松露味。湯底個佛跳牆原本包兩隻鮑魚，但我四但人，所以比咗$76加多兩隻。湯底都足料，有雞、螺片、冬茹、素翅、金華火腿。。暫時未感覺口渴，不錯頭盤剌身，ok,海膽無臭味，象拔蚌鮮甜，龍蝦爽口牛肉係封門柳，牛味重，重牛肉質感！餐仲有豬肉，餃，菜同兩個麵。四個人食都已經夠飽，因為會飲埋個湯。額外叫咗一渣自家制菊花杞子茶同枝啤酒，埋單連加一醬油，25xx，人均$650左右，都合理嘅👀

一行六人落九龍城打邊爐，叫咗兩個鴛鴦鍋，一個係沙嗲拼杏汁豬肺，另一個係胡椒豬肚拼蕃茄薯仔豬骨。個人認為沙嗲、胡椒豬肚同杏汁豬肺都好味😋 一開始個個顧住飲湯，到後來再加湯先發現原來後加只會係清湯。所以頭嗰幾碗湯係最好味嘅！食物方面，我哋叫左一板海膽刺身，有五匙羹，每匙羹有兩大片海膽，好鮮味👍🏼呢度啲牛肉🐮好食，我哋試咗封門柳同牛展！封門柳好淋好滑，牛展就有好香濃嘅牛味，兩款都好食。另外鵝腸都好正，好多膏，依家唔係度度有呢啲肥鵝腸食㗎喇，放落湯度淥佢十秒八秒鐘就食得，好甘香🤤小朋友就最愛黃金炸魚皮，超級香口，送啤酒汽水一流👍🏼其他食物就不過不失咁啦，試咗：脆肉鯇魚片、手打牛丸、黑毛豬片、水餃、黑柏葉、菇同菜拼盤、白飯烏冬同芫荽麵 (冇咩芫荽味)再加兩揸竹蔗茅根水同三支大青島)，埋單連加一服務費盛惠$2000。

星期五晚上與朋友們到厚福館打邊爐♨️，好耐之前食過印象唔錯， 幸好今次預早訂定位，店內都幾多人。 當晚食套餐然後再加其他火鍋配料😋，豪華四人宴、香炸黑松露餃、時令海膽 、 象拔蚌、龍蝦刺身、佛跳牆湯底、時令鮮蠔、招牌封門柳牛肉、西班牙黑毛豬肋條、 厚福餃子拼盤、牛丸拼魚蛋、粟米拼金菇、時令雜菜拼盤、龍蝦頭抓 、烏冬、 響鈴、魚皮、水魷魚、黑栢葉、羊肉片、 鮮蝦滑、藍妹、椰子水、可樂。象拔蚌和龍蝦刺身都很新鮮👍🏻😀， 海膽反而不夠鮮甜， 另外龍蝦可以二食🦞，加$80惹味自製薯片炸海皇， 薯片🥔新鮮炸起脆卜卜超好食， 我食到停唔到口。 另外其他配料我最喜歡水魷魚🦑， 爽口彈牙好好味。埋單🧾人均消費$550💵， 海鮮食材都幾新鮮，可以一試😊。

外賣火鍋有拆， 佛跳牆湯底好足料好正， 螺片好鮮，另有東菇，雞，花膠。另上火鍋有龍蝦真少有，好新鮮好鮮甜。吾好浪費個湯底，個湯底用黎餸烏冬仲正。鹿兒島黑豚肉片都好好。多謝你地提供外賣火鍋，在家中人少少可以食。等待疫情過後再接再來。