厚福館 (南角道)

營業中

休息中

This restaurant offer around 20 kinds of soup base. We picked a less the tomato, potato and pork bone soup, aim to use a plain soup to bring out the favor of food. The soup turned out was very good favor , with 3 big pork bones, good enough tomato, carrot and potatoes. It went well with all the food we were having.There were around 19 choices of beef. We had the local super black beef. It was not black at all, the lean and fat were even. Super smooth yet tender. Very delicious.The black truffle

臨近歲晚，自己條team 事事不順，所以係大家重齊人一於食餐好既當消消氣，所以一行五人放左工即飛落九龍城打邊邊，消消氣，而今次我同事訂左這間厚福館試下：首先叫左個湯底先：藥膳花雕醉雞鍋 底：個鍋底藥味酒味都唔太濃，反而個雞味比較突出，係咁飲都ok醉雞半隻：隻雞一點都唔肥，按照店員教路滾完雞件重啖淡肉，肉質好滑，重有幾香花雕味午餐肉：我們打邊邊最愛叫，而佢地既午餐肉都幾有heart,煎到外面脆卜卜，而且似係豬仔頭午餐肉，焯完重好香午餐肉味👍🏻招牌手打芝士牛丸：彈牙牛丸表層包住煙靭既芝士，正呀之後當然係是日主角-頂級本地牛：牛油十分香濃，而且焯完後入口即溶，果然係頂級牛再來魚皮餃，雲吞，水餃同蠔仔牛肉餃，所有餃類都十分足料，其中蠔仔牛肉餃十分驚喜，先食到彈牙牛肉然後食到內裏juicy 濃味的蠔仔,兩種味道係口中轉換，時牛時蠔，味道同口感都是絕配之後重有墨魚滑同白鱔片，都好新鮮同彈牙

到訪厚福館已經第三次 好友是這裏的熟客就算和太太二人也會來吃今次他們拿了房間私隱度甚高 為我先生慶祝生日魚生拼盤䲞魚拼海膽 店員極力推薦 本來想叫象拔蚌刺身但已沽清 刺身相比於打邊爐的湯底和食材 就顯得比較遜色冰鎮鮑魚抵食佛跳牆火鍋底好足料 超級豐富 正限量邊抓牛肉超級正! 牛邊牛抓是近腩兩大條肌肉，又有口感又有滑溜感，回味無窮!脆魚片鮮甜 口感一流怪不得厚福館能圪立在飲食界那麼多年 是晚我們每人都飲飽食醉 但也不忘計劃何時再回來

生日前的一晚，本身想吃些特別點的東西，只不過生日那幾天已經排得密密麻麻，在那個前一晚，簡單吃一點便算吧。誰不知突然有個朋友有約話食飯，而且有機會認識幾個新朋友，熟識我的友人說不應該這個渡過生日前的一晚，記住要共最美的人分享每個夜晚，他不是許鋋鏗，只不過佢話應該要陪下家人朋友或者是情人都不應該和剛認識的新朋友吃飯。但當我知道地點係九龍城的厚福館，我就覺得，那個朋友說的原因也不是太重要，我又不是食到半夜，最重要的十二點正我還是會在家，而且年紀越大你就越覺得那個生日就不是什麼的大事件，而且生日前一晚的沒什麼特別，和打邊爐的時候一樣，在香港，四季都是打邊爐的日子，在我們的人生，你快樂，每一天都是生日的前一天，不需要拘謹於約定俗成，我便決定了來到打邊爐。幸好今晚的食物人物也非常不錯，絕對沒有來錯，為了自己私伙地預先慶祝了一下生日。香炸黑松露餃，朋友都說好到不行的一個菜式，吃完還要encore，我就覺得乾身了一點，其實這裡的餃類都是自家做而餚料又非常滿足，就如福袋般滿滿的，打邊爐吃到餃的另外更美的一面。炸午餐肉，其實通常打邊爐先會食午餐肉，不過朋友建議這裡的午餐肉要在前菜時候吃，午餐肉的邊脆脆到不

話說，上次同阿J 食完厚福館的蒸氣火鍋後，佢應承了阿P 再來這裡食我最喜歡的拾下拾下，一言九鼎的她，幫我約埋幾個朋友來個邊爐局，老婆真好。事不宜遲，先來個雞煲翅湯底($298)，份量真係唔講得笑，包括半隻雞、一大梳一大梳的翅群同翅頭及金華火腿，當然唔少得嗰壺雞湯精華，店員建議我哋未淥食物前先渴一碗原汁原味的雞湯湯底，由於湯底實在超濃郁超精華，建議可加㸃水溝淡些。趁食物未來之前，當然要"混醬"一番，這裡的醬油盤是自家訂製，除精緻美觀外，選擇種類亦凡多，啱哂鍾意多種調味配搭的友人，而喜歡清淡原味的阿J，就眼碌碌望住眾人混得喜勁。阿J 一向鍾情刺身，見這裡有牛肉刺身($238)供應，立即示意要試。細心的店家特意為配菜生洋蔥"啤水"，原因是不想生牛肉的鮮味被霸道的洋蔥味蓋過，但又可保持生洋蔥獨有的質感，阿J吃得好滋味。愛香口的友人點了炸黑松露餃($78) 做餐前小食，新鮮熱辣得來夠乾身，加埋黑松露獨有的香味，大家都讚好。見阿J咁有心陪我打邊爐，我當然要叫番個佢喜歡的溏灼美國螺刺身($588)俾佢食la。超大原隻螺肉新鮮爽滑，店家細心將螺內臟分開擺放，輕輕灼後味道鮮甜，加上翅雞湯本身的清甜，正。

火鍋同刺新最緊要湯底同料的新鮮~ 火鍋湯低的確唔錯~ 原來炸芋頭打邊爐係咁正架~ 頌有個好似豬板筋的野~ 雖然要煮35分鐘~ 但食落口就感覺到有好多骨膠原啦~ 正呀~ 佢的海鮮同刺新盆放得都幾靚~ d牡丹蝦又大又新鮮~ 分開左個頭都頌識郁架~ 但係象拔蚌就有d腥腥地啦~

湯佛跳牆湯底上枱果時賣相好好，可以睇到有鮮鮑魚,螺片,仿翅,花膠仔,雞件,冬菇...等貴食材.影完一輪相之後, 侍應就倒入用豬骨同雞製成嘅湯底，滾就左就可以試下個湯，發現D材料未出味，突然友人講:"乜佛跳牆唔係要燉幾個鐘先得,好似仲有金華火腿, 但係依家滾幾滾就OK!?" 佢一句說話大家真係如夢驚醒了...排除左佛跳牆正宗與否, 湯底仍然係好鮮甜.雪花牛賣相已經好好, 油脂分佈均衡,完全做到油香同軟滑嘅效果.金錢牛腱, 可是個人較喜歡, 筋位爽脆, 肉味愈咬愈有其他火鍋料都係大路野, 其中大花竹蝦比較出色, 個子夠晒大, 大得黎又唔會煮得耐失左D鮮甜同彈牙感正正因為佢地有自己海鮮缸, 所有海鮮都好生猛, 想食海鮮火鍋嘅真心推介 !!

由上次嘆完石蟹後都幾個月，一路搵朋友仔們陪我食水晶蟹，但都無囉。今晚恰巧朋友仔即興搵我食火鍋，連拳都唔返去食好野啦。又是我最愛的混醬，依家已經食得到蔥喇，以前一入口就反胃架。豉油、生蒜、炸蒜、青蔥，大量指天椒，香辣無窮，簡單是美，正呀 ﹗水晶蟹，白色巨蟹啊 ﹗係水缸既時候已被佢既外表深深吸引，今晚佢就係女主角。比上次石蟹大一倍，價錢都貴一倍，多謝 $860，希望唔會令我失望啦 ﹗因為實在太巨形，所以要優先處理，免得叫得太多食物而浪費麻。活水晶蟹，差不多 3 斤重呢，手長腳長，我硬係覺得佢係亞拉斯加長腳蟹既親戚囉，老闆親自解釋話水晶蟹殼比長腳蟹殼更薄，肉質更鮮更彈喎，really？等我試完話您知。先拑後身連腳，蓋留到最後。點解又係大細拑架？唯有大拑贈佳人啦，我食細得架喇。蟹殼好柔軟，跟長腳蟹差不多，感覺上比長腳蟹更薄，唔洗用工具都可以輕易用牙咬裂再徒手撕開呢。啖啖肉、滑溜溜、軟彈彈蟹肉，質地腍而微彈，鮮味出眾，各方面都跟長腳蟹好似呢，分別不大。我個人較喜歡上次隻石蟹，蟹味更濃，肉質結實勁彈 ﹗限量頂級夾萬牛肉，仲唔比我食到您 ﹗開價 $400 蚊份既夾萬牛，即刻灼一灼粉紅色掉入口啦 ﹗物

唔知點解走左過黎九龍城搵食，突然好想打邊爐，左搵右搵、兜兜轉轉幾條街，揀中厚福館。但侍應哥哥話要等成個鐘呢，唯有留低聯絡電話再去第二間睇睇啦。諗住搵間酒吧坐低等電話，誰知好快就打黎話有位，因為前面等既食客都已經放棄左，lucky ﹗長途拔涉再次黎到門口，侍應哥哥隨即帶我前往樓上雅樓，內內外外格局好明顯前身為時鐘酒店，現改裝成卡位及獨立房間，都幾搞笑。您邊我都邊，有得打邊爐真好，我最鍾意，勁開心 ﹗多款鍋底眼花繚亂，我又勁胃食咩都想試。研究完一輪就決定佛跳牆啦。佛跳牆火鍋，有仿翅、縲片、九孔鮑、花膠桶、雞件、冬菇、等等，種類凡多。都係一般雞湯底，滾一滾起就淺嚐幾口，材料完全未出味囉，睇黎要等到最後先品嚐。九孔鮑魚非常有彈性，輕輕鮮鮑味道，滿意。冷鮮雞一般貨色，不要烚太耐，肉質仍嫩滑時，味道還可以。大冬菇彈滑充滿水份，我覺得比九孔鮑勁好味。其他大跟野，無咩特別。佛跳牆湯底有點削，滾到中段都好味既。Asahi，飲杯爽下先 ﹗生蒜、炸蒜、指天椒、青蔥、豉油，我的極品混醬。皇帝蟹棒，又係仿蟹柳，我要真蟹呀，寫清楚麻。我喜歡烚到吸盡湯汁先食，熱騰騰出晒煙放入口，一咬爆汁，蟹棒散發清爽甜味而且非常彈

呢排D天氣極凍, 所以一路都想去打邊爐.今日係family day, 咁同屋企人特登去九龍城睇下有乜好食啦其實10間有8-9間都食過晒. 不如就試下呢間啦!排左10分鐘就有位, 算唔錯了.正路揀左湯底先, 問下服務生有無推介, 佢地見議試下佛跳牆湯底, 材料勁足, 同埋味道鮮甜, 之後仲會加入湯。湯是用豬骨和雞殼製成嘅。建議試一口湯先，先再打邊爐,咁就可以品嘗湯嘅原味之前未聽過有呢個湯底, 當試新野就試一次  螃極之新鮮肥美, 無雪味  (利申: 海鮮迷x牛魔王)牛迷必愛! 一煮即溶化, 店員建議"錄"5秒 即可食用! 後尾仲加點多2盤! 因為份量唔多, 如果份量大d就好好啦!滿足的一天! 因為與家人渡過了窩心星期六

黎左２５年歷史既厚福館呃飯食，而家竟然裝修到年輕人路線，同麻甩佬好唔夾！黎打邊邊食刺身，哇！真估佢唔到！左口魚原來咁彈牙咁有質感，堅新鮮好有魚味！個鮑魚湯底又係，未打邊邊就勁鮮甜，又足料，淨飲湯都飽！頂級牛肉真係好鮮！彈牙又有牛肉味！真喺出世到而家都未食過咁有牛味既牛！Ｄ丸又係手打，又新鮮又彈牙，仲有Ｄ墨魚粒係墨魚丸入面，堅係好味！

今日又黎到九龍城, 這裡可能還未有鐵路到達, 所以比較少連鎖式食肆進駐, 一些特色食肆便應運而生, 今日選擇一間不是任食的火煱店, 結果是喜出望外.雜錦海鮮刺身, 一個字形容” 鮮 “.本地手切肥牛, 油脂分佈均勻, 媲美日本A級和牛.外表平平無奇的魷魚併花蚌, 俗名火箭筒的魷魚, 經過十秒的白灼, 食落爽口彈牙.四寸的花竹蝦, 鮮味十足, 野生的海蝦與一般養殖的基圍蝦是無可比擬的.佛跳牆湯底, 鮮鮑, 花膠, 冬姑, 螺片, 材料名貴, 味道十足.新鮮廣島蠔, 唔係係7x9 所買的雪藏蠔咁一陣雪味.除此之外, 店員服務很好, 經常幫我們加湯, 值得一讚.

有朋友超愛打邊爐, 連夏天也不放過, 還要到不熟識的地點九龍城,看在她應承晚飯後去吃甜品, 我又喜愛嚐嚐不同的餐館,好吧, 就陪陪她我們幾個女生去試試囉~本來放工後相約在旺角附近坐小巴, 但因為我工作耽誤了時間,而且天氣炎熱, 不太想在街上逗留太久囉, 所以最後選擇了的士啦,在門前停車超方便嘛~餐館門前養著生猛海產, 有點像新派海鮮酒家呀, 還有代客泊車丫,原來樓上也是它們的呢, 我們是在 VIP 房, 只有 2 張桌而已,一坐下當然先選擇湯底前美食啦, 但店員貼心的詢問,要不要先點飲料來消消暑唷~菜乾潤肺湯底 $98當滾起食材又未到時, 我們每人也最少喝了 2 碗呢, 清甜足料,幸好店員看到即時添加湯底, 否則會被喝光光囉~伊比利亞黑毛豬柳粒 $88這個要滾 15 分鐘才可, 肥瘦適中, 肉質軟腍入味, 啖啖肉丫~每日限量頂級牛肉 $298蠻大盤嘛, 而且色澤鮮明均勻如雪花般, 肉味濃郁, 必食之選呀~必食蠔仔牛肉餃 (細) $38餃子內有牛肉及原粒蠔仔, 口感豐富, 一次吃下不同食材嘛~加拿大筒蠔 $78煮過後沒縮水, 仍然肥美嘛~厚褔刺身拼盤 $188有三文魚、帶子、象拔蚌、北寄

九龍城既食肆林立，打邊爐更是多人說的出色!朋友請食飯，佢話事!!佢話厚褔館新裝修後，可以試下。其實厚褔館個名一早聽過，原來佢有2層，今次我地座係2樓。打邊爐必備，梗係配搭好自己的調味料先。透明藍的玻璃碗較少在打邊爐的食肆見到。大家都係放工再會合，坐低梗係叫左餐前小食先啦。「百花釀豆腐」釀左墨魚滑，炸到啱啱好，舊舊都好脆，點埋個甜酸醬更惹味。「五香牛坑腩」蘿蔔牛腩超入味，軟淋淋，如果多幾舊牛腩就好啦。天氣熱，大家都躁躁地，點左個「菜乾潤肺湯底」。一上枱，大家急不及待飲碗靚湯先，湯底夠火侯，無豬肺既怪味，一飲就飲左人地半煲。「毎日限量頂級牛肉」超正呀!牛肉味濃，就算唔少心淥左左陣，依然嫩滑。牛魔皇必點。「加大拿桶蠔」夠肥美，淥完都好大隻，夠多水。「大魚頭」夠鮮，同行有人唔係好食魚，都唔覺腥。「帶子」一般般，個人鐘意厚片少少。「自家制蝦丸配墨魚丸」2款都好彈牙，好明顯係鮮打，又有蝦同墨魚味，好食!「自制水餃」及「蠔仔牛肉餃」，我鐘意後者多d，一來出面無，二來兩者既味道好夾，咬開真係會見到蠔仔同牛肉，真材實料。呢度既自家制丸同餃整體質素都好好，可以叫多d。冬瓜、粟米夏天打邊爐必備，消暑又清甜

聞說在九龍城有間歷史悠久的火鍋店叫做厚福館，開業已經20多年，這天便與姊妹們一試了！打邊爐，湯底好重要，這天我們點了菜乾潤肺湯底（＄98），當中有不少豬肺同菜乾，湯頭十分鮮甜，未開動前，已經飲了一碗湯了！因為4個都是女孩子，所以我們點的東西不是很多，高興的這裡有小份可選，這樣我們可以多試不同東西。打邊爐少不了靚牛，我們選了每日限量頂級牛肉（$298），牛肉新鮮，肥瘦均勻，不要滾太耐，大約2分鐘後入口味道嫩口, 有牛味。蠔仔牛肉餃($38)，自家出品，餡料飽滿！每一只都有蠔，蠔與牛肉互相配合，十分美味。自製水餃 （＄38)，雖沒有蠔仔牛肉餃咁特別，但也絕不欺場。用料充足，味道也是不錯。伊比利亞黑毛豬柳粒 （$88），必食推介, 建議煮15分鐘！口感好特別，是爽脆口的，豬的味道不重，還有肉汁的。厚福刺身拼盤（＄188) ，份量不多， 有三文魚，帶子，象拔蚌，北寄貝，質量不錯，帶子說得上是鮮甜，象拔蚌也新鮮爽口。手打墨魚丸同手打鮮蝦丸，質地很彈牙，當中的墨魚同蝦的鮮味都有。女孩子打邊爐，當然有不少蔬菜類啦！當中冬瓜吸收了湯的味道同食物的精華，十分美味！而粟米更是十分鮮甜。除了火鍋食品，我們還