影片
以上資料只供參考, 請與餐廳確認詳情
返到去屋企一打開個盒，心諗我究竟買手撕雞定手撕骨呀？真係火都黎，見到都已經唔想食，唔駛旨意再幫襯囉，仲要開左咁多間分店，如果間間都係咁嘅質素，不如執左佢算罷啦。
繼續閱讀
間中都喺呢間買手撕雞外賣番屋企食，最初開果時真係幾好食架，而家分店愈黎愈多，味道就愈食愈一般…最近經過，佢地好似已經搬左去對面鋪位。手撕雞 50蚊/半隻佢地而家一做整定哂架喇，唔洗等。價錢就唔算平，不過偶然都會好想食。雞肉食落好嫩滑，但手撕得比較hea，有啲特別大塊。調味唔算好重手，食落唔會好鹹，但唔知點解油膩感重，可能想營造個好滑溜嘅感覺。見到有啲評語話份量好少，個人認為可以接受嘅，始終隻雞唔係瘦、肉多。呀姐服務就冇乜架喇，銷售過程幾分鐘內嘅事，佢態度點我都冇乜所謂。
繼續閱讀
懶人必食：手撕雞是日晚飯加料：厚興瑜記手撕雞半隻手撕雞配上豬耳及雞腎手撕雞即叫即撕，皮滑肉嫩混合秘製麻油，香味撲鼻👅👍🏻份量都唔少，一家四口剛剛好😌厚興瑜記分店多 隨時買黎食都得😂.
繼續閱讀
手撕雞的定義係 用手撕開D骨?還是用手撕開D肉??小弟本身係置樂超群既手撕雞 FANS一星期最少有2天是食佢D手撕雞做晚餐!!難得星期二想食....原來超群休息.....唯有試試隔離果間好多分店既手撕雞....同樣價錢 50蚊....心諗應該差唔多....但係我見到店舖D阿姐好似唔洗點做咁....我話要半隻...打開個雪櫃拎盒野比我就搞掂....對比起隔離果間...我已經有小小後悔....!!人地真係唔會有玩電話,等收工既態度...永永遠遠都係有野做~撕梗雞絲.....返到屋企...打開睇睇.....嘩....我係叫手撕雞....唔係白切雞.....即係我買冰鮮雞...返屋企整熟隻雞...加D麻油同其他料...斬開....雞絲得3,4條.....全部都係骨..... 如果要食肉係可以 慢慢食D骨啜D肉出黎食....最慘就係呢間野D雞肉撕出黎好(鞋)完全唔好食~救命!如果要咁食法...我點解唔去燒味檔 叫半隻白切雞斬件? 人地都係收3X蚊,仲有(姜容)送!50蚊食你果D唔知落左咩料既白切雞....SORRY!!我真係唔覺得有咩特別好食~ 當我買左狗糧比自己隻狗食!!手撕雞同白切雞完全冇分別,我都係第一次見!!我都係食客,食開隔離果間真係差好遠!小弟並唔係賣廣告....真係差天共地!!
繼續閱讀
厚興瑜記手撕雞近來的氣勢不可擋，看到手抽袋上的香港分店列有多達六,七十間，好像一些人流頗多的街道，開遍全港九新界街市當中都見到有一間小店有些人在銀盤翻弄著，他們就是在調味手撕雞!它家的手撕雞好評如潮，無論是調味的醬，還是冰鮮雞本身的肉質，都是有讚冇譂。說到厚興來香港開的第一間分店是三，四年前左右，位於屯門置樂花園街市街附近，位置不算有利，店子光線暗，平時街坊容易走漏眼，也不知道它是在中山鼎鼎大名的厚興瑜記手撕雞，當然也有人很識貨，日子久了，要排隊，羊群心理，買半隻試下，才知道有眼不識泰山，做了漏網之魚，吾媽便是其一，所以說我家早就見識過厚興瑜記的真功夫。說到厚興瑜記的背景，店子本身是中山家喻戶曉的老字號, 在珠三角 一帶已經有超過二十多間分店, 有自家農場供應走地鮮雞, 每日即屠, 烚熟後凌晨時份運到香港, 到店後便保存在零至四度的冰櫃內, 有客人柯打才即撕, 並加入自家秘製的調味料。自己本身對手撕雞不很認識，更不知道它是涼拌川菜，以前吃過是辣拌的，還有肉是暖的，感覺較嚡口。我很喜歡吃雞特別是冰涼的雞，因為放涼了的雞肉入口會嫩滑， 脂肪會成啫喱狀，例如海南雞，由於大都上桌時會變涼，雞皮爽口之餘，雞肉纖維幼細，很嫩口。至於手撕雞我更為喜愛，把雞肉撕開成條，不用直接去骨，但對於我這些懶人來說，偷吃也不用特意找筷子了，用手抓便可:-P!媽也很久冇買厚興瑜記的手撕雞，適逢是冬節，也想買半隻回家做節，把飯桌堆得滿滿的!來到店前，已經有四人排隊，看到價錢也漲價不少，以前大概三十塊也不用，現在人氣高了，要三十八塊半隻，不過還可接受的,在等時看著全女班的員工，雙手沒有停著，先是溫柔地撕開雞肉，加入麻油，白芝麻，淮鹽，胡椒粉，然後一直往銀盤翻著雞肉，雞皮啊，雞翼啊，翼尖啊，雞腳啊，都均勻地沾了調味料，把原本色澤欠奉的雞，變成了有生命的手撕雞，充滿油光，隔著玻璃窗的我看到也垂涎三尺!不知怎的，心情極好下，還買了雞腳和翼尖，弟弟最愛的!雞腳和翼尖沒有加麻油，只是加了芝麻和淮鹽輕輕調味。連同半隻手撕雞盛惠$63(38+25)於是我興高采烈把兩味雞帶回家,全家最愛家的弟弟見狀馬上偷吃了數件雞肉，我也來不及，先吃了一件無骨的雞肉條，肉質十分嫩滑，牙龈間都感受到肉汁即是麻油混和味粉的味道，不會過鹹，鎖著白肉內，每一嘴嚼都吃到汁從咬碎的白肉中濺開，我也情不自禁要說很好味!再吃雞皮，雞皮看上去不是會讓人感覺很膩口的，因為皮下脂肪幾乎冇，只有一些像啫喱狀的透明茶色脂肪!入口爽甜，沒有雞毛和表面十分平滑，不老!再試了雞胸肉，很多人都不喜歡胸肉老，但其實胸肉的雞味也很濃的，調了味後也和脊肉相似，就是嚡口了點。至於另外一盒雞腳和翼尖，雖然沒有落麻油，只下味粉和白芝麻,但同樣十分滋味，雞腳的皮很爽口，充滿膠質，而雞翼尖算肥美多肉，皮嫩肉稔，叫人停不了口。希望下次可以試試雞腎和豬耳，可能有人覺得大陸野信唔過，但見到他們衞生做到唔錯，員工拌手撕雞時都有帶上膠手套和口罩，雞在客人order後才從雪櫃拿出來撕。所以各位可以有信心去試了!冬天來了，在打邊鍋時吃盤手撕雞，用來佐啤酒，一樂也。
繼續閱讀