厚興瑜記手撕雞 (已結業)

間中都喺呢間買手撕雞外賣番屋企食，最初開果時真係幾好食架，而家分店愈黎愈多，味道就愈食愈一般…最近經過，佢地好似已經搬左去對面鋪位。手撕雞 50蚊/半隻佢地而家一做整定哂架喇，唔洗等。價錢就唔算平，不過偶然都會好想食。雞肉食落好嫩滑，但手撕得比較hea，有啲特別大塊。調味唔算好重手，食落唔會好鹹，但唔知點解油膩感重，可能想營造個好滑溜嘅感覺。見到有啲評語話份量好少，個人認為可以接受嘅，始終隻雞唔係瘦、肉多。呀姐服務就冇乜架喇，銷售過程幾分鐘內嘅事，佢態度點我都冇乜所謂。