影片
以上資料只供參考, 請與餐廳確認詳情
今日同班朋友係灣仔打完波, 收到呀媽電話, 叫我買嘢加料, 第一時間緊係去灣仔街市行一行, 就諗起買番隻手撕雞同雞腎雞腳番屋企歎, 行到檔手撕雞見到通告話搬咗!好彩佢哋貼咗新舖地址通告, 就跟住去搵 ; 佢哋依家係灣仔市政街市側邊, 季季紅斜對面, 話係交加街33號慧蘭閣3號舖, 由佢哋舊舖左轉交加街(向灣仔道方向行) 佢哋新舖就係右邊街頭 (市政街市側, 季季紅斜對面) 都幾易搵 見到又有幾人排隊, 即刻跟住排, 等咗10分鐘就買到番去歎D味道依然保持水準, 雞肉雞皮撕開, 有肉有骨, 雞肉 好juicy, 味道好正, 呀媽鍾意辣, 雞腎雞腳就撈咗麻辣, 呀媽勁like, 大家超滿足 !!
繼續閱讀
1288 瀏覽
三月下旬，話說有一日二姨丈同小肥一邊行灣仔街市，一邊講食經 ；傾談中姨丈問小肥有冇試過街市附近一間好出名o既手撕雞。XO仔聽都未聽過灣仔有間外賣手撕雞專門店 ，於是乎就如實回答，點知姨丈二話不說就立刻帶咗我去石水渠街「厚興瑜記手撕雞」個舖位，叫我搵日一定要買返隻返屋企試吓。四月五日，機會終於黎啦，因為嫲嫲黎屋企食飯，所以大肥爸爸就叫細佬早少少落街斬料，加餸食飯。小肥下午一點鐘去買，舖頭門外一個人都冇，見入面個肥哥哥唔係太忙就同佢傾咗兩句。據知，佢地舖頭每日下午四點到八點最多人幫襯，如果唔想排隊，就建議大家四點前去，不過當然係越早越好啦！得知小弟第一次食「厚興瑜記手撕雞」，肥哥哥仲好心到教小肥返到屋企要第一時間放盒雞入雪櫃，免得變壞，只要飯前攞出黎攤半個鐘頭後，食用時味道就會最佳，真係好人到極 ！「厚興瑜記手撕雞」舖位唔大，入面只有兩位工作人員，一個負責手撕雞肉，一個負責接單及調味。肥哥哥為後者，佢接單後就會喺雪櫃入面取出每盒已手撕好o既雞肉或雞雜，然後喺客人面前加入調味品撈起，整個過程約五分鐘，效率頗高！（如果哥哥仔帶埋手套黎手撕雞肉，個人絕對係會加翻分衛生分。） 正宗手撕雞（$85/隻；$44/半隻）：手撕雞每半隻一盒，打開個盒已經聞到陣麻油香，每盒底層都有一隻連骨o既雞髀同雞翼。盒內其餘o既雞肉不僅去哂骨，而且仲去哂肥，就連雞皮都去埋毛 ，健康得黎最啱小肥依啲懶人食 ！攤咗半個鐘頭o既手撕雞肉一啲都唔凍唔硬，咬落仲幾香嫩軟熟添，媽咪同姨媽對個味道都好滿意，二姨丈果然冇介紹錯！ 雞腎加豬耳仔雙拼（$32/盒）：豬耳仔切得好夠薄，雞腎亦唔會太厚，兩款質感同樣爽脆，個味道同手撕雞嗰個無異，非常香口野味！大肥話齋，一邊睇波，一邊送酒，簡直一流呀 ！$85可以買到隻無骨、無肥、無毛o既手撕雞，香口野味，「厚興瑜記手撕雞」深受家中媽咪同樓下姨媽歡迎，因為慳返佢地好多煮餸時間 ！以半隻雞加少少雞雜為晚飯加餸，一百蚊有找，最重要係能夠令家中女皇龍顏大開 ，肥肥家族各成員都覺得「厚興瑜記手撕雞」超抵食，大家食飯如果要加料亦不妨考慮一試！
繼續閱讀
Felt like having some chicken so came here because the ET chicken nearby was open but there was no one there to serve you.It costs $44 for half a chicken.When you order, the chicken is mixed infront of you.★☆★☆★☆★☆★☆★☆★☆★☆★☆★☆★☆★Shredded chicken:They do not sell rice at this shop so I bought some rice from the roast shop a few doors away for $10.Beneath the chicken, it is mainly bones.The chicken tasted saltier compared to my first visit.There was a strong taste of Chinese chicken salt (Wah yim).★☆★☆★☆★☆★☆★☆★☆★☆★☆★☆★☆★
繼續閱讀
我認，我很OUT！我在今個月，才第一次光顧近期大熱，已經連開多間分店的厚興瑜記。一到師奶買餸時間，每間厚興瑜記的門外，總會大排長龍，非常之誇張，不過以大約＄40，便可買走半隻手撕雞，的確是無敵。所有雞肉由中山直接運送過來，店員不斷用手將雞肉撕成一絲絲，再混合些麻油，便放入盒。雞肉連著雞皮，還有點點肥膏，雞皮有彈性，更沾滿麻油香，非常惹味，而雞肉雖然成一絲絲，但沒有粗糙感，很嫩滑的。不過，可能是加了沙薑，所以雞肉吃下去，還是有點鹹，我是重口味之友，在雪櫃拿罐啤酒，一邊喝一邊啜著雞腳，很不爽說。一下子吃不完，剩下的雞肉待用，下一餐用手撕雞，再加點點醬油膏來作撈飯，一於用得其所，如果不是帶點麻油香兼連著雞皮的話，我會呃你這個是自家製的嘉義火雞飯，哈哈。
繼續閱讀
朋友提過這間神奇的雞店，由中山市發蹟打入香港短短時間已經開了20間連鎖店。我在晚上7時來到要排隊10分鐘才能買到。雞是有點雞味但醬汁味更濃，可以說有點偏鹹（對於像我老婆大人的OL來說就不喜歡了）以整體來說雞皮與雞骨比例太多，雞肉感覺在比例上看似少了一點。現在年紀大雞皮已經少吃了，老婆大人又要瘦身所以大半盒都無褔消受。喜歡濃味及雞皮的朋友應該會喜歡。
繼續閱讀