原味家作

營業中

休息中

今天叫了一個甜酸陳醋燴肉排飯，一盒飯一盒餸。 本身不過不失， 只係比想像中油咗啲， 一盒餸入面有排骨同菠蘿片。但係一打開之後，個心就沉咗一陣 ，因為見到一塊都幾大嘅膠袋片， 睇落應該係食材膠袋嚟，因為膠袋要剪開先倒到嘢出嚟，剪完之後就跌咗落啲食材嗰。 我個心諗，今日係膠袋片，聽日唔知係乜嘢。呢啲情況，只可以話，要靠每一位準備食材同食物嘅員工，都要以心比心做嘢， 做嘢唔好太求其， 唔好畀人哋食一啲你自己唔想食到嘅嘢。。。

今日想食得清淡啲，就嚟咗呢度買蒸飯返Office食。呢度嘅精神選擇都幾多，但如果遲咗去買好多都會賣晒，好彩今日去到仲有土魷蒸肉餅。肉餅味道正常唔會話過鹹或者無味。不過始終蒸飯嘅份量都係偏小，就加多咗個湯。但呢度嘅湯都幾貴，差唔多$30-$40一個，好彩都叫好飲，冇乜味精味，仲有少少湯渣食。見好多人都買咗套票，見佢套票價錢係抵啲，不過唔係成日食就費事買啦。不過如果下次想食清淡啲，都係會選擇去返Alimente，起碼份量夠多食得飽。

呢幾個禮拜，好多時喺一點鐘嚟到嘅時候，都話所有蒸飯賣曬， 跟住就一班排緊隊嘅人就調轉頭走。 都明知多人買，點解唔識得入多啲貨？目測大部份人喺選擇去其他地方買而唔係改買其他嘢。所以入少貨只會做唔到生意，而唔係賣到其他貨。。。