原味家作 (已結業)

17-2-2024（Sat）年初八晏晝,同老公食完晏要買啲嘢夜晚俾佢食藥,我哋就行吓,行經呢喥,佢話睇吓啲湯,佢見到有海底椰,問海底椰係咪止咳?我答係.咁佢見到有鱷魚肉湯嘅牌,但冇湯包,於是佢就要$65.00嘅花膠響螺海底椰豬腱湯,我要$60.00嘅粉葛鯪魚瘦肉豬骨湯.到夜晚,我哋就翻熱嚟飲,倒出嚟我舀起睇湯渣,但原來係冇,只有湯.我試吓老公嘅花膠響螺海底椰豬腱湯,好清,毫無響螺味,飲到嘅應該只係海底椰嘅味道.1分而我嘅粉葛鯪魚瘦肉豬骨湯就好少少,飲到啲啲材料嘅味道.3分上次食評係2023年9月2日刊登嘅呢篇: https://www.openrice.com/zh/hongkong/review/%E5%81%A5%E5%BA%B7%E7%B3%96%E6%B0%B4-e4982996其他:俾錢時話唔收現金,只接受電子支付,咁大陸化?

今日(2-9-2023 Sat),香港被超強颱風破壞後,老公就落荃灣食晏,食完晏問我食唔食呢間嘅桑寄生棗蛋茶,我答好,佢就用$25.00買一包俾我.買到返嚟,由於我唔餓,而且包嘢都凍,咁就放到室溫時至食.到食得喇,倒出嚟先,份量係應該係1.5個正常飯碗,有一隻蛋,好多已去核開半紅棗同蓮子.影相時見到好似有條毛喺隻蛋喥,即刻冇乜胃口,但當用手整走時,發覺原來佢係隻蛋嘅裂紋,嚇得我,咁我就放心食喇.茶嘅味道係微甜,大大隻嘅蛋係正常全熟;開半紅棗都正常冇問題,而蓮子就唔鬆化,亦唔係好夠腍.味道同抵食係2.8分

最近食得太多好西🤭🫣諗住食返一餐半餐 清淡少少 唔洗太豐富以前一直都係食XX堂蒸飯多今日試下轉下新口味門口貼左張紙📜 寫左好多蒸飯既名點知...落單個下 職員話得返兩款...🙃個兩款都係我唔鍾意食既😟唯有再揀過.....其實都無咩款可以揀....唯一岩口味既...只有呢樣🍴甜酸陳醋燴肉排打開個盒...我就知自己揀錯野食🥲點解全部都係菠蘿🍍面頭仲要有層油保護😶‍🌫️呢盒飯應該叫：油浸甜酸菠蘿燴豬骨🤬「肉排」啲骨全部大大舊 肉就得兩啖唔講我以為自己 食緊菠蘿餸飯🙄食完盒飯 我覺得好空虛🥺