原味屋

營業中

休息中

講真，食茶記我唔會期望有乜嘢服務，但係都唔駛服務態度一路向西架？！話說我一個人坐圖中哩張檯，正常既人就梗係唔會坐靠門口位（即係相中對面個位）。咁我未坐低前就叫阿姐抹檯，個阿姐求其抹，我圖中坐緊個位抹完之後，仲有成pat獻汁佢睇唔到，咁我就費事再叫佢再抹，就坐圖中既對面位。 點知個戴眼鏡既阿姐就話我叫我唔好坐門口位，話會阻住啲人出入（我心諗唔俾坐就唔好放張櫈係度啦，而且我就唔信，如果有客嚟到冇其他位置你都唔俾佢坐）any月巴，我就同戴眼鏡姐姐講：你叫我坐嗰個位仲有成pat獻汁未抹乾淨我先坐對面啫喂，戴眼鏡姐姐未抹乾淨張枱仲要西住面反問我：邊度啊？我都冇佢咁好氣咁同佢講：咪你叫我坐過邊個位囉，成pat獻汁成個五蚊銀咁大喎，你睇清楚啲然後佢先至稍為用多少少力抹乾淨嗰pack獻汁。我終於明白，點解其他comment話呢度嘅服務態度差公道咁講，食物質素就ok嘅不過如果食嘢唔想食到俾人西面就唔好嚟喇

今日叫外賣，個外賣員來錯地方都算，仲話我唔識路，都算，我之後走過去搵佢，到左之後佢竟然走左，原因係唔可以等咁耐，我心諗，原來外賣員都可以咁大牌，首先佢送錯地方，仲話我唔識路，根本就係佢去錯地方，都算數，我叫佢冷靜D係佢位置等我，跟住我跑緊過去，個人就唔見左，我打比佢，話等我唔到，前後唔過3分鐘,我冇野好講。

同事推介說原味屋的喇沙幾好食，於是lunch就一起叫外賣吃，可以點不同餸來share，一次過試勻雞扒﹑豬扒及雞翼！越式雞翼喇沙米線，有米線﹑米粉或河粉選擇，與平日食開的星馬喇沙不同，不是油麵﹑米粉或摻摻之選～～～喇沙湯底雖沒有星馬喇沙那陣椰香味，辣度稍欠，但都足夠香濃惹味。雞翼外層香脆，肉質不會太乾身，雞扒及豬扒亦不錯，醃得夠入味，豬扒還帶淡淡香茅味。配菜有大量榨菜﹑芽菜等等，份量尚算充足！雖然有分湯，但都稍嫌米線稔身了一點。凍檸茶普普通通，茶底夠味，不會太澀就是了～～～自己確實偏好星馬喇沙的風味多些，但這碗越式喇沙的味道也不太差，湯底味道香濃不會過鹹，配料質素OK，只是米線稍為稔身，屬飽肚抵食之選～～～

不知所為！個阿姐態度差到不得了，落單愛理不理！、問多兩句好似欠左佢咁！咁唔鐘意唔好做啦！垃圾！以後唔會再幫襯，大家留意一下！唔好問野，好態度都黑你面，講野刻薄，厭世咁樣。

近排因爲疫情關係，日日留係屋企，而lunch time就出去買外賣返屋企食。呢幾個禮拜都黎翠麗花園嘅原味屋買午餐，而每一日嘅午餐都令我地好滿意。今日就叫左雞扒喇沙米線同xo醬雞扒炒烏冬，加埋嘢飲，每個餐都係$46咋。雞扒喇沙米線好好味湯底好濃郁，雞扒都好入味好軟熟，而且仲有好多豆卜鮑片等等配料。而且湯底係分開裝架，所以啲米線唔會淋哂。至於xo醬雞扒炒烏冬都好有水凖。味道好好，唔會太咸，仲有少少辣味，令味道好豐富。值得一讚係啲員工都好有禮貌呢排仲試過原味屋嘅咖哩飯、炒貴刁、同其他炒粉麵，味道都唔錯架。

係威院看完醫生, 回公司前, 就先行係泊車既地方附近, 食個早餐才走. 就係隧道口的一個屋苑, 新開了一間茶記. 既然有新野, 就試新野吧. 沒有考慮其他因素, 就坐低, 叫碗早餐麵食.這茶餐廳仔, 地方極細. 幸好門口只是一個停車場. 可以擺一些露天檯. 仲有, 一箱箱的出前一丁麵, 佢地個電飯煲, 佢地個電磁爐, 都要放門口. 為了做生意, 同用盡細小的空間來讓客人坐, 開店的人, 真的要想盡心思.我叫了雞扒併扎肉. 出來的麵, 好像是普通的湯底, 加多一包一丁麵既麻油俾你咁. 幸好, 我也慣常的攪一攪才吃, 未溶私出前一丁湯粉原來沉底. 要攪一攪才出, 攪一攪才溶入湯中. 攪好, 才像樣, 像自己煮的出前一丁. 味道, 因為多了出前一丁的湯粉而顯得非常的家居味. 雞扒煎得香. 而扎肉就帶點魚露鮮. 食落, 也是幾好. 麵就是剛熟的麵條, 帶點爽口的. 是火候, 時間, 嚴格控制下才能煮出的好麵.吃罷, 去停車場取車......因為呢一個早餐, 搞到我要多俾一小時的泊車費.......(過了10分鐘).