原燒

營業中

休息中

情人節book咗1830兩位，大部分都係4人檯，就算book咗位, 食食下都要搭檯，大節日無辦法避免，呢個我都唔太介意。食1830頭圍上餐速度一般，野食通常一兩款咁到，啲野食質素唔差但辣度方面真係差少少, 完全唔辣，其中叫咗個雞脾菇就唔夠熱。另外個扇貝等好耐, 前前後後應該等咗50-60分鐘。大概夜晚八點打後問題就出現喇。同搭檯嘅客人一齊比單, 我地第二張單大概8-9樣野食+一款飲品, 過咗5分鐘先問係咪有罐野飲， 然後我地一直等, 搭檯嘅都上咗3-4碟野食, 當初以為舖頭想出咗啲野食出新客先所以無出聲，之後20:20左右我地問先知我地張單根本無落到, 白等20分鐘。 出餐得一位女士，係有另一位男伙記耐不耐出一出餐收下碟( 男伙記我估本身係負責燒野食?)如果要食，建議非大節日黎食/食早少少。 比錢方面得cash, AMEX & 支付寶。

同個仔踩開單車過來食，個牛舌夠嫩唔錯，雞心也不錯，兩者都有很濃的孜然粉味，但也不至於遮了食物本身的味道，另外鴨舌很少地方有，燒得嫩滑也入味，食得出有用心醃過。但個雞肝燒得太老，乾硬硬的，另外雞皮和墨魚咀則有點燒得不夠，濕濕的感覺，雞皮的調味也不足，就像根本沒調味，另外叫了一個什菇蟶子，可能落不夠調味，雖然蟶子不少，但全都只有一陣淡得差點吃不出來的蒜蓉味，很失望。另外可能太多人，燒得很慢，加上坐室外，原本想試多幾款的，但太涷了而且要等太耐便放棄了。

去完黃大仙醫院探人後肚餓，本來想行去慈雲山食串燒，沿路經過見到呢間幾旺既串燒店，於是入去試下。門口有大banner，等位果5-10分鐘唔揭都有得睇下諗食咩當晚係happy Friday，全店坐滿客人，但得兩個女侍應，其中一位後生戴口罩疑似病左既態度唔好，同佢講漏單冇反應，亦唔止係我漏單，其他客人都等好耐，之後年紀果位先解釋話電腦系統壞左⋯⋯乾淨企理的枱面，有竹籤筒放食過既竹籤，幾特別。雜菇包份量略嫌少左D，幾好味既，除左有一隻花甲一打開全部係黑沙。呢個孜然豬仔骨相當有驚喜，燒得非常juicy香口！茄子冇特別，調味略嫌偏淡。塊鵝肝多士細到一個點，$58一塊唔值，而且食落邊位有燶味⋯⋯扇貝同焗蠔冇特別，焗蠔調味同piXXahut焗飯雜菜一樣味，好神奇。鴨舌唔錯，幾惹味彈牙。唔知點解覺得台灣腸煎香好味過燒烤埋單$381，以當晚服務及某D款既質素，唔太抵食。

今次係特登走上慈雲山食串燒，知道呢間小店性價比高。睇反每樣串燒都係10蚊，可以選擇辣度。不過原來佢係落七味粉，所以其實唔算辣。一燒好，味道好香！真係好值得再去幫襯!

我地已經唔係第一次食架啦~ 平均半年都會去食一次(*只不過唔係次次都打食評-懶XDD)因為佢既串燒真係好野味嫁!! 特別係孜然粉既味道,佢地呢一定燒物,味道真係控制得好好比大家望下食物既全部種類同價錢先由於下晏就係食得好飽, 呢次唔係叫左好多野食但叫既多數都係黎親必食鐘意食鯖魚既朋友,真係唔可以錯過呢到既鹽燒鯖魚~ 比小小檸檬汁, 表皮要脆,然後就係薄薄一層油脂層,再下一層就會嫩滑多汁既魚肉一D都唔乾身,好好食~ 骨唔算多,次次都食到LAM LAM脷價錢都只不過係$38第一次試既芝士飯團,10分有8分架必食牛舌,我好鐘意食牛舌架,覺得呢到燒得岩岩好而且真係好香牛舌本身既味道,值得一讚墨魚咀。平時好好食架,覺得今晚燒得一般,未收好水重係好濕既口感必食豬仔骨,試過你就知有幾正, 燒得恰到好處, 肉夠嫩, 味道控制得好~第一次食, 覺得不過不失,無咩特別台灣腸,蒜香味道配孜然味真係好MATCH!!!呢到重有台式飲品架?

原燒係我經常都會黎既串燒店鋪仔細細，但種類都算多今日3個人食到飽飽先係4百幾蚊出面好多串燒店一人食300蚊都未飽因為店細既關係。。。。食一餐串燒起碼食2個鍾因為帶埋狗狗去食既關係，所以今次坐門口位d野食影出黎就好黑,但實際上好好味架燒魷魚係必吃，超好味9菜都係重點吉列芝士豬排都正雜菇花甲都可以多春魚都一定要叫因為串燒好多時一串一串咁上，所以就漏左好多冇影相，但野食9成都係80分以上架野飲我個人覺得係敗筆。。。珍珠好硬，大家都係叫返可樂喇

中學時期真係差唔多日日都去食學生餐既價錢都只不過係28$～35$份量正常+好味既飯/麵仲送多杯野飲呢個係照燒雞肉燥飯 未黎到聞到香味（爬左兩啖先記得影相哈哈）肉燥既味道咸咸地+照燒雞排真係正到爆店內空間有少少窄 不過好有氣氛全部木枱木凳 店員姐姐非常nice(可能食左咁多年都認得我了)午市人多既時候出面會開枱比客人露天坐不過因為呢度始終係山 冬天就會比較凍啦因為有肉燥加持所以個人覺得原燒既飯係好食過拉麵可惜舖頭位置真係好好好好偏 唔係住附近/附近返學既人好少會發現到呢個好店

一向喜歡吃燒物，碰巧在附近行完山就到原燒大吃一餐。店面不大，有戶外座位，以木為主的桌椅增添了幾分日本味道。食物定價屬中等，食物選擇很多，除串燒外還有一些料理，餐紙上有介紹原燒所用的幾種燒法，根據不同食物來決定用鹽燒、泰式或加入孜然粉。燒三文魚 - 以價錢來說份量有驚喜，三文魚燒過後很香口，鎖住的三文魚油咬下去時立即湧出，正燒墨魚咀 - 爽口彈牙，調味剛好燒雞泡魚乾 - 略嫌燒得太乾燒牛𦟌 - 不怕燒得太韌燒秋葵 - 略略調味，吃到秋葵的原味另添幾分香烤味燒冬菇 - 必食鎖住了冬菇汁，既香口又好吃厚燒玉子 - 必食以往吃的燒玉子多數太甜，原燒的厚燒玉子可算是吃過最好的！總共吃了兩份，四方柱體的玉子外脆內嫩，保留到蛋的香甜！燒雞肉 - 普通燒番薯仔 - 番薯香甜，不會太乾清酒煮蜆 - 普通貨色燒帆立貝 - 太多creamy的醬汁，有點膩燒韮菜 - 用孜然粉燒法，韮菜太韌，吃得頗狼狽

今日係附近搵到一間餐廳，入去醫飽下自己個肚😊呢間野都幾抵食，40蚊可揀一款小食。飯類可揀肉躁，咖喱或蕃茄汁。🍛麵類可揀拉麵或烏冬🍜再配是日飲品：今日有呢三款人大就揀左熱既珍珠奶茶甜度可以自己調教。珍珠都幾多又大大粒。我就揀左肉躁飯，配雞翼！好大碟飯雞翼有三隻，佢落左d應該七味粉，令到食落有dd辣！幾惹味炸得幾香，同熱辣辣，幾好味！個皮炸得夠脆！肉躁撈落d飯到一齊食，唔會話好鹹。份量剛好！但d飯真係好多食完會超飽！40蚊有咁大碟飯，真係夠抵！但可能附近多學校，lunch黎食，都幾多人好逼。坐得唔會話好舒服。

雖然黃大仙人口多，但令人留下印象的食肆卻不多。然而，有一個晚上在黃大仙行錯路下，發現這間街坊日式小店「原燒」，覺得其串燒唔錯又不貴，頓時有點荒漠中找到甘露之感。此店格局街坊，價錢亦算貼地。雖然也有賣拉麵、天婦羅等東西，但看隔離左右八、九成顧客都叫串燒，應該係此店做得較好之物，所以我也跟著叫串燒。值得一提的是這店的串燒可選不同辣度，甚至走辣，挺貼心。先叫杯Hoegaarden大杯生啤。邊飲邊等食物。等左陣，第一串牛香脷出來了。算薄切，燒得不會過乾，調味唔錯，不會有異味，第一印象唔錯。跟著來的雞肉串也屬中上，而蒜香厚切豚肉扒個名好型，卻沒想像中厚身，但帶少許甜的調味令人吃得舒暢。厚燒玉子顏色唔錯，但我稍嫌硬身了一點。至於蜜燒迷你甜薯燒得夠香夠糯，蜜味突出，讚。汁燒秋葵也佳。不會乾身，咬落仍有爆豆之感，配搭微辣的調味相得益彰。全餐最滿意的是鹽燒鯖魚。魚燒得帶點焦香，但肉質卻很嫩滑，加點檸檬汁吃鹹中帶酸，妙！我一個人點咁多東西，除了杯啤酒要$65稍貴外，其他都係十多元至三十多元，埋單只是二百元多少少，算頗抵食的了。

今日去食原燒午餐，除左主食重有前菜，飲品同甜品，都係$50蚊人手唔多，出野食有d慢，可能因為要即炸既關係，環境比較乾淨。前菜同甜品都好食係用日本麻醬，螺肉海折都好味，甜品炸球入面係紫薯，炸到剛剛好外脆內軟，炸到剛剛好，主菜炸蝦都好食，但個沙拉醬冇咩特色，珍珠米就煮得淋左，飯上面既燒汁醬甜左d，肉躁就冇咩特別，另外豬排老左d，唔知係炸得過左，定豬排本身就老，拉麵同日本超市買果d冇咩分別，可能冇過水，有少少鹼水味，不過煮得好彈牙，冇煮過頭，整體已五十蚊一份既價格算唔錯。

呢間串燒店永遠都係我心目中第一位！雖然位置比較偏僻，要喺黃大仙地鐵站行10分鐘，但係價錢實惠，比出邊燒烤店貨真價實頗多！牛舌，必食其他燒烤店會用厚切牛舌，但我覺得薄切牛舌會比較有牛味同埋爽口左邊嘅蒜蓉芝士金菇好香，分量又足，必叫右上嘅玉子燒雖然細細舊，但係燒得好靚，平時食有時會太熟或者燶，呢間做得啱啱好！鵝肝多士有點失望，鵝肝太乾冇油，唔抵食純粹私心，最喜歡食小紫薯呢間燒烤店樣樣都燒得啱啱好絕對唔會燒燶！同埋即燒即上，店員都好有禮貌十級推薦

放lunch時間，難得大家無帶飯就出街食，差差電再返去做野都好呀！黎左呢間原燒，係黃大仙既，同事介紹就一齊去試下。間鋪唔算大，好多學生會去食👧🏻👦🏻平均午餐$40，學生再便d. （回想起以前，$40 對中學生lunch黎講係高級享受，次次叫外賣都係$2x咋）叫左個肉燥七味雞翼飯味道唔錯，雞翼d d spicy，肉燥唔太多肥膏，食個陣小心d, 岩岩整既會有d熱，d雞汁小心太熱整到條舌👅叫埋杯熱奶茶，都ok滑！整體來說，$40都抵食呀！

當你去到原燒店附近已經聞到燒烤既香味，係無"Lon"既味，係好香既味道。店鋪雖然唔大，但有內外座位，第一次去無book到枱，店員好好，儘量安排到座位俾我地點菜紙簡單易明，有辣有唔辣，要幾辣自己填寫！不得不讚呢到廚房燒野食既火候掌握得非常好唔乾、唔會燒焦、juice、味道剛好！真係好難揾架！好多地方都做唔到噤既質素。而且，價錢非常親民2次去都有嗌台灣人腸，巧巧次$12/1條以下係推介:::燒豬仔骨！ ～$36-8原條茄子 $36逢去必嗌之選----茄子。一碗拉麵/烏東都係$25，有辣有唔辣總括:服務態度好好！支持小店！

難得同事們全部變「無飯」女士 一於一齊出街食lunch🍽🍽今次都係食「原燒」貪佢有得打電話留位 唔洗排隊 廢事有排等服務態度又好 姐姐們每次都好細心 少甜 少冰 走珍珠 少飯 多汁⋯⋯咁多要求 佢地都一樣記到 絕對要俾個LIKE佢地👏🏻👏🏻👏🏻❤️今次揀左「雞排肉燥飯」雞排煎到金黃色 雞皮脆卜卜 雞無煎到乾憎憎 好juicy 😝😝肉燥唔會太肥 唔似出面好多肥豬肉 鹵水汁好野味 肉燥拌豬食 yummy yummy🤤🤤飲品叫左「珍珠奶茶」少甜少冰姐姐好貼心 絕對無黑面 真係少甜少冰