原燒

營業中

休息中

雖然黃大仙人口多，但令人留下印象的食肆卻不多。然而，有一個晚上在黃大仙行錯路下，發現這間街坊日式小店「原燒」，覺得其串燒唔錯又不貴，頓時有點荒漠中找到甘露之感。此店格局街坊，價錢亦算貼地。雖然也有賣拉麵、天婦羅等東西，但看隔離左右八、九成顧客都叫串燒，應該係此店做得較好之物，所以我也跟著叫串燒。值得一提的是這店的串燒可選不同辣度，甚至走辣，挺貼心。先叫杯Hoegaarden大杯生啤。邊飲邊等食物。等左陣，第一串牛香脷出來了。算薄切，燒得不會過乾，調味唔錯，不會有異味，第一印象唔錯。跟著來的雞肉串也屬中上，而蒜香厚切豚肉扒個名好型，卻沒想像中厚身，但帶少許甜的調味令人吃得舒暢。厚燒玉子顏色唔錯，但我稍嫌硬身了一點。至於蜜燒迷你甜薯燒得夠香夠糯，蜜味突出，讚。汁燒秋葵也佳。不會乾身，咬落仍有爆豆之感，配搭微辣的調味相得益彰。全餐最滿意的是鹽燒鯖魚。魚燒得帶點焦香，但肉質卻很嫩滑，加點檸檬汁吃鹹中帶酸，妙！我一個人點咁多東西，除了杯啤酒要$65稍貴外，其他都係十多元至三十多元，埋單只是二百元多少少，算頗抵食的了。