又一川

營業中

休息中

觀塘街坊真係好有口福因為又一川嘅辣真係好正呢到水煮肉最出名，仲有田雞食好可惜田雞今日冇貨，唯有下次呢到啲小菜價錢合理得兩個人嘅關係，我地只係叫左兩碟小菜同一碗四川酸辣粉酸辣土豆絲果然冇令我失望，好開胃嘅小抄仲有四季豆抄豬大腸醬汁好野味可惜豬大腸銀咗啲哇！ 呢個面底好大份，一個人真係食唔曬配料自選，好足料不過我地叫小辣，唔算好酸好辣

天氣開始涼又想到食辣野今天就來這裡試試七點鐘全場滿，吾想坐街外等待十五分鐘可以入坐經常光顧都不用餐牌叫左個水煮魚好大碗味道方面麻多過辣！入面魚片都多而且好新鮮魚好滑用埋d湯撈飯超級惹味！口水雞麻辣兼備入口麻香十足！而且雞肉亦都夠滑！吃罷雞後再將白飯上辣汁吃～令我滿意到極啊~乾扁四季豆！我對乾扁四季豆的印象就是要先行過油 所以吃起來雖然很爽但是都油膩膩但是這裡又不會太油算是很乾爽 而四季豆特有的水分和脆度都保持重點是肉末 煮過超好吃~最後我地要拿湯匙把整碟都吃光光的啊~估吾到兩人吃了四碗飯連飲品都係二百四十多

鋪頭裝修簡單之前行過都無為意...咁岩有日經開由朋友介紹黎食 一試愛上 😍宜家行開個附近都一定入去食返碗記得第一次去食朋友推介我要試田雞...真係好好味但由於田雞佢地唔係成日都有供應 好幾次去都話賣哂 😢今次去食晚餐時間都要等一陣先有位 .....一樣係田雞賣哂🙈 不過唔緊要個粉配咩餸我都覺得好食薯粉底 大辣加麻 好正👍🏻👍🏻👍🏻份量都好多 記得個湯粉底係$22 真係好抵食最新去見到Menu田雞由$10加到$15 😢但好味無計啦⋯⋯如果我係街坊一定成日都去食 😍😋

近日來到觀塘區辦事都會趁機搜羅一些不起眼的小店，今次又給我試了一間味道滿足的川菜，這裡有米線，有水煮菜式，亦有川式小炒或涼拌，所以會考約友人再來光顧。今日只是吃了一碗米線，從湯底，配料和自選餸菜的味道，份量一點也不弱，濃香足料足味。而辣度方面有微至大，另亦可以加麻，在配料方面很欣賞加上了金針菜，其餘花生，酸豆角這些當然不會少，自選餸菜我點了三款，木耳，腩肉和豬大腸，尤以豬大腸最出色，腩肉份量雖多但切得比較厚所以口感偏硬，這個可以改善一下

這間川菜館其實都已經開了好幾年, 之前都有試過幾次, 印象中是普普通通, 但星期6由於要去觀塘一趟才搭小巴返西貢, 所以就選了就在小巴站附近的這間又一川再試一次。炎炎夏日, 下午3時多的時候外面熱得不可開交, 一打開餐廳的門後立刻feel到強烈的冷氣!!!! 記得之前幾次都是吃晚飯, 一直都沒有吃過它的酸辣粉, 加上星期6 只有我自己一個吃, 所以就點了這個酸辣珍珠米粉, 其實我不知道什麼是珍珠米粉, 不過見到openrice 有人說推介, 也無妨一試等了大約5分鐘, 我的酸辣珍珠米粉就到了, 比我想像中的大碗很多 ! 叫了豬腩肉和大腸, 湯底選了大辣, 辣味足夠但可以再加多一點酸豆角令它再酸一些, 米粉的質地其實像米線, 但質地比較實在和有彈性, 其實好像近期大熱的螺絲粉, 個人也很推介這個珍珠米粉! 至於餸方面, 豬腩肉肥多肉少, 由於它是厚切, 所以不太易吃... 而豬大腸不淋, 很難咬, 但餸的份量很多, 豬腩肉有5大塊, 而大腸也有8,9舊。這碗超大碗的米粉再加一杯凍檸茶, 賣單HKD 50, 都幾抵食!!而家邊打食評都邊回味這碗大辣的珍珠米粉! 

同姊妹都係好辣之人，永遠都係快速約宵夜，搵左間係觀塘既一試。因為我不嬲都喜歡大雜燴的，所以叫左個「毛血旺」，就係乜都有啲。上枱大大盤既，有啲似水煮既感覺，愈食愈想食。我哋仲叫左蒜泥白肉，但一啲蒜味都無🙄似就咁紅油腩肉，我哋食開味蕾滿有刺激既食貨客黎講係有啲失望。最後我哋兩條友緊係唔夠喉，本身係林住試下個水煮魚，但怕太多會食唔曬，所以只係叫多碗粉絲share, 但都係覺得一般般。下次會搵其他再試試🤔

第一次幫襯入到間舖有啲驚，因為燈光昏暗，座位間隔簡陋，感覺似內地小店。但幫襯完就知實而不華，首先麵食有幾款可以揀，自己推介珍珠米粉，有啲似米線，但較為煙un ，餸方面有好多特別選擇，例如窩筍同田雞，推介嘅有木耳同牛𦟌，呢度嘅米線大大碗，餸都足料，木耳喺幾大片，唔係好似一般米線舗得木耳絲，牛𦟌夠𡁻頭又夠牛香，窩筍亦好爽，至於豬腸、腩肉同豬耳偏肥，而鍾意辣嘅亦可加辣，甚至加麻。小菜方面推介酸辣土豆絲同炸雞軟骨，水煮魚亦唔錯，但同一般水煮魚味道有啲唔同。食物應該無乜落味精，無叫飲品，食完都唔覺得口渴，價錢亦抵食過譚仔如果唔介意簡陋，絕對值得一試

身為嗜辣者，真係無辣不歡，酸辣粉當然係大愛，成日食某間大型連鎖店，都想試下新野。觀塘岀名多野食就係人都知，今次行過呢間呢間個樣好似幾好食，見又多人食所以試下，但係，好一般，試一次就夠四川酸辣粉 $22外觀都幾唔錯，但食落去一般，唔夠酸也不夠辣，湯底似是靠調味粉岀味，整體都不吸引，紅薯粉也略嫌煮得耐左啲，太稔。只點左一碗紅薯粉再加啤酒，店員都冇黑面，可以同朋友係度食下小食隊下啤，如果食物質素改善下就prefect。

譚仔食到悶可以食呢間辣味好夠同好多朋友食可以食幾個小食環境無好靚但食物幾好唔似大集團好我鐘意呢種餐廳而且佢地都細心的，好似返到以前既香港咁有小小風味。食微辣都已經好夠

第一次試食，點了一份水煮田雞另加豬血，酸辣紅薯粉。田雞果然好好食，田雞肉很大舊，但份量不夠兩人食，豬血不過不失，薯粉湯味道不錯，但薯粉太軟身。整體不錯！推！兩人食合共$149，會再光顧！

小女子向來無辣不歡，閑時最鍾意周圍發掘川滇菜😋😋😋今次經介紹黎到呢度試食-----------------------1. 口水雞🐔($70/半隻)肉身嫩滑，唔似一般餐廳太熟榎口或者未熟既兩極，香辣但不麻🤤鋪面的黃豆碎係加分的關鍵～😎份量非常多，堅係半隻雞，適合多人一齊分享😬Rating💁🏻:8/102. 水煮桂花魚🐟($98)虛有其表的一片紅，血海之下只是淡如清水💦魚質嫩滑但完全既不辣又不咸😿Rating💁🏻:6/103. 四季豆炒腩肉🐷($65)腩肉略嫌太榎，但味道濃郁，香氣四溢，乃送飯首選😜😜很有家鄉的味道Rating💁🏻: 8.5/104. 酸辣紅薯粉🍜（$42；加木耳、大腸、午餐肉🐖）只屬一般但配菜頗多，例如酸豆角酸菜等，但以酸辣嘅角度嚟睇卻未夠酸☹亦未夠辣😭午餐肉和大腸都是超級薄切Rating💁🏻:6/10Ps 除咗四季豆炒腩肉（小辣）之外，其他都膽粗粗叫咗中辣，但食落全部都唔辣😂😂😂所以鍾意食辣嘅朋友，絕對可以叫大辣🤤好味指數😋：6/10 翻啅指數🙆🏻：6/10人均消費💰：$10-99

我的外國人老闆和同事，係對辣有一份強烈的喜愛的，所以就帶佢地來試下。一行七人居然有位！－坐下已經決定encore吃了幾次的口水雞，今次中辣。再叫了辣子雞，水煮魚(酸菜底，中辣)，土豆絲，干扁四季豆炒肉片(中辣)，腐乳通菜。每人－個白飯。口水鷄仍然好食，辣子雞好乾，只吃到炸粉吃唔倒有鷄肉。水煮魚唔多魚肉，魚肉食不了辣味，好多酸菜食唔曬，浪費了！土豆絲幾爽口，味道唔錯四季豆肉片好像落了豆瓣醬，香又少少辣。整體而言，大家都食得好满意，但就應該本地化了辣味，碟碟都不是很辣！

同事推介吓黎一試，畢竟觀塘的辣嘅地方唔多。叫咗碗腩肉肥牛珍珠米線，大辣辣而無味，感覺好一般，地方暗，總唔會再幫襯果隻囉...同事食田雞少辣，完全無辣味，不過粉絲係林滑，可謂唯一賣點

小小的一間店舖裝修簡單，七八張枱下午全都滿座，我們怎能不激動地辣一下！？上菜有點慢，大概人客多而人手只有兩個，可以理解。四季豆很香口但鹹了點，另外肉是較肥的。口水鷄好正，七十元有半隻鷄，又香又滑送飯一流。我建議大家叫飯來伴着吃！看著旁邊很多都叫了酸辣麵再加這些小菜，就覺得過多辣味一起吃，分不了層次吧！

之前已經食過呢間餐廳嘅米線，好香又夠辣，今日想吃辣的慾望又來襲，於是自己一個去食。我點左豆卜木耳豬紅米線中辣，由於下午茶時段，好少人，落完單無幾耐就煮好了。米線佢地用嘅係叫珍珠米線，質地比平時食嗰啲實同硬，粗身啲彈牙啲，吾容易淋b b,啱我食，我最怕好淋嘅米線。豆卜索左湯超好食，好香，吾係硬倔倔好乾身嗰種豆卜，細細粒切半食，好入味。豬紅亦彈牙，吾會一夾就散，至於木耳，我個人比較執著，以為係大大塊切絲嗰種(水餃裏面嗰啲)木耳，原來係細細塊圓轆轆嗰種雲耳。坊間經常將雲耳叫作木耳，誤導了食客。我喜歡木耳卻不喜愛雲耳，希望坊間的米線店不要再將這两種食品混為一談。我喜歡他們的米線有酸豆角和金針作配菜，而不是一般的芽菜和韭菜，中辣也很辣，不過本人太愛吃辣，可能大辣才滿足。而我也很大食，一碗的份量不夠飽，如果能再多一點米線會更完美。我會再來作戰的，整體的而且確是值得再來光顧的。