叉燒丼家

營業中

休息中

呢間其實好耐之前食而家再紀錄番( ´▽｀)糧頭糧尾都食平dd 見到呢一間就去了食其實幾鍾意用雞公碗既食店好草根 本土既感覺似係食到好飽都唔傷銀包👛特食店除左叫左叉燒丼飯 豬扒丼飯食豪d 啦～叫左碟蔥花炒蛋多士🤤平民式滿足😋..#唯有食是最治癒的 .

🐷🥚🍚叉燒丼飯配餐飲 $55～叉燒、煎雙蛋、菜、白飯、豉油蔥粒✨餐牌內L1寫了選用肥叉燒，L2寫了叉燒丼飯，今日試下叉燒丼飯先。食晏時段已經坐滿人，落單後店員好快就送飯過來，佢出名叉燒之餘還有脆邊煎蛋，兩隻煎蛋都好搶眼，叉燒邊係有點乾身，中間位置軟身啲，可能肥叉燒比較適合我，有一條菜心，蛋味好香，蛋汁包住粒粒飯，加埋豉油蔥粒配飯頂呱呱，如果多點豉油蔥粒更好🤣，對我來說飯比較多，都食唔晒添😜

叉燒燒味係香港特色食物之一,而這間又以叉燒主打的食店,身為香港人,無理由唔試啫！叉燒飯有分肥同正常叫,無奈驚個胃頂唔順太油嘅食物,所以叫咗個正常叉燒飯試試！唔好以為正常就係偏瘦或嚡口,反而剛剛相反,肉質淋兼有啖啖炭燒味,兩隻燶邊河包蛋,再加埋葱油同甜豉油,連我本身唔好飯嘅人都食哂碗飯🤣🤣其實唔好睇個碗細細地咁,飯量足夠應付一位男仕的胃午市加$8可以轉特飲,杯特飲值頭係增肥之選😅除咗叉燒出名外,都仲有其他肉類選擇！總括來講,這間餐廳係同區算係大件夾抵食之選

🎈#cathlife_yum元朗🌸肥叉萬歲😍🌸 ════════════════════🔸肥叉煎蛋丼飯($58)🌟肥叉配煎蛋係絕配🤪🌟肥叉油光滿滿套餐加配特飲+$10這次試了華田特飲，裡面加了平時食早餐穀物片的星星和cream 做topping，因為本身沖華田是用熱水，轉成凍飲加冰不夠，令杯華田變了暖😥

今日第一次試，我無試叉燒，因為見餐牌有個蔥油炸豬扒脆邊煎蛋仲吸引，又平過食叉燒系列， lunch $51，試嗱！ 結果有驚喜，大碗，豬扒係厚切，仲一隻手掌咁大，只係隻煎蛋就無脆邊美中不足。

🍳叉燒丼飯 $55叉燒肉質軟淋唔乾鞋帶誘人嘅炭燒味重點係好多燶邊 脆脆哋陣陣焦香大約8成瘦肉2成肥肉肥膏部份爽口脆脆哋上面兩隻煎蛋蛋黃金黃流心 但底部比較燶飯粒軟糯粒粒分明 配埋甜甜哋嘅叉燒蜜汁同埋蔥油🐽叉燒滑蛋丼飯 $52叉燒同上面丼飯一樣肉質軟淋帶少少肥膏但就係切條炒蛋炒蛋滑溜保留到蛋汁飯表面亦淋咗啲豉油 所以撈埋一齊就更濕潤同埋惹味

晚上2050路過 問收銀丫姐仲有冇得食 佢話2130截單 要食就快啦但鐵板餐同炸野就無啦好啦 半個鐘照食啦一入到去已經即刻睇menu個丫姐企我地隔離係咁催我地快啲啦快啲啦朋友問撈丁有冇 丫姐：冇啦咁咖喱飯丫丫姐：無咖喱啦咁仲有乜啊？有丼飯咁叉燒煎蛋飯無煎蛋啦另一朋友問 咁你仲有乜啊你話我知啦丫姐：飯囉 快啲啦快啲啦咁我地唔食啦 個丫姐西晒面走開咁其實一開始你同我地講得白飯叉燒飯牛肉飯 唔食就過主啦搞咁多野 得你既時間係時間？咁唔想做咪做啦 汁左佢啦幾好食都無用啦 食氣都食飽 食埋我個份啦 拜

中午食lunch叫外賣，到手漏了一杯咖啡，外賣程式顯示凍齋啡跟餐的話不用加錢，可是收到外賣後發現沒有齋啡，商戶說因為我沒有給錢，非常無奈。疫情嚴重不想外出食飯，沒有想到叫外賣也會中伏

整體黎講係幾抵食，舊肉好大件，最啱平時食吾飽既你，蛋邊係脆邊😋😋半熟蛋，不過今次食D飯有點太硬，可能我太早黎到，十一點左右到，環境幾寬躺坐得幾舒服。服務態度正常！

晚餐9點才吃，期待著點左蒲燒幔魚滑蛋蓋飯，另外點左安格斯温泉蛋飯，原來 dinner menu沒有的，間鋪都好好俾我地order.幔魚飯既賣相確實係幾靚，仲有少少沙律菜伴碟。但唔知係咪就快收工，白飯一入口係唔熱的？告知左店員，後尾都有幫我地加熱，這個問題鋪頭應該要留意返。滑蛋因為加熱左既關係，感覺變得overcooked 左。重點試試的幔魚都幾好味，起碼肉身都偏軟滑同入味。綜合咁多方面以呢個價錢黎講抵食的。

今晚去新蒲崗吃晚餐，見到叉燒丼家入去試試，這間餐廳有很多不同的套餐，有晚市套餐、鐵板套餐和晚市丼家推介等，有很多選擇。店內有很多座位，光猛舒服，可以慢慢享受。我們睇左一陣，見到好多不同的套餐。我朋友叫了一個美國牛肩鐵板餐，有美味的羅宋湯和餐包，牛肩肉嫩惹味，煎得剛剛好，很好食，再加一杯凍檸檬茶。另一個叫了煎豬扒飯，加上泡菜和洋蔥汁，大件夾抵食，豬扒煎得香，泡菜有少許辣味，再加上菜，肯定飽，很不錯。

同男朋友一齊叫左個牛肩肉鐵板餐，男友個塊真係牛，中間仲係紅色嘅，點知我嗰份就全熟，一開始比啲汁遮住都唔覺，但一食落口，咦，豬扒味嘅？再切多幾塊睇下，再同男友嗰塊拼下，真係差太遠喎咁咪問下侍應係咪比錯咗，錯咗唔緊要，改返價錢咪算囉，又唔係要換，點知個侍應話冇錯，呢塊係牛黎嘅，佢地啲豬係有骨嘅，所以呢塊係牛。🤷🏻‍♀️每一塊牛煮出黎顏色都唔一樣，有啲紅啲，有啲冇咁紅。大家可以睇下佢所謂嘅牛肉，無論顔色，肉質，口感都話我知佢係豬，但只係因為佢冇骨，所以無論點佢都係牛。🤬如果呢塊係牛，咁大家可以自行考慮到底呢間野值唔值得食，因為係豬扒味嘅牛。🌚

今日（1/9/2021）天氣唔太好，斷斷續續落雨，雖然食咗早餐無耐，兩點幾為避雨走入這餐廳食個下午茶。點了兩份下午茶餐細叉燒丼飯，叉燒係這店賣點，但覺得普通，好嚡口，燒味店既叉燒還好食，煎蛋配飯加上醬汁及蔥油，就好好味。瑞士牛肉炒意粉，一睇色就知唔掂，味好淡，牛肉無味，意粉唔乾身，唔好食。

去完Mikkii之後，想休息一下找間餐廳坐坐，便隨意選擇了這家店吃下午茶餐，叫了個咸牛肉芝士飛碟跟咖啡。但是到餐來的時候，切開後發現竟然給了午餐肉芝士飛碟，即時向伙計說給錯了不是咸牛肉，但阿姐態度極差不想換給我們，重話係整錯了，"妳食唔食呀!"。之後多次要求，她才很不願意地換回咸牛肉的給我們。那就出事了，那個咸牛肉芝士飛碟，只有一丁點的芝士飛碟加淡而冇叫的咖啡，收28元，還要受氣，也真的不會再來光顧😑

黎食下午茶、一聽個名就知出名食叉燒啦。叫左個肥义蛋飯同個炸雞翼薯條。落單十五分鐘內就有得食喇。諗住下午茶碗飯會細細碗，點知又幾足料。叉燒唔算超肥，不過都算唔錯，唔會太乾身。炸雞翼薯條大大碟，生炸雞翼有4隻，有啲多油但非常新鮮，即炸既。