叉燒丼家

營業中

休息中

今日同朋友嚟到新蒲崗覓食，見到呢間舖頭做緊優惠，午餐半價，而且又有下午茶，望落又似坐得幾舒服，於是就入去試吓。呢度最出名嘅菜式就係叉燒，一場嚟到就梗係要試試佢。我哋叫咗一碗細肥叉煎蛋飯，雖然是下午茶，但係都幾足料大碗。先講煎蛋，的確煎得唔錯，煎到邊緣帶啲焦脆，蛋黃保留了蛋汁。將蛋汁連埋蔥油撈飯一齊食簡直係一流嘅享受。跟住到重頭戲嘅叉燒，肥叉肥瘦相間，口感一流，而且香味十足。唯一略嫌叉燒嘅叉燒汁唔夠，其他都冇得挑剔。我哋另外叫咗佢嘅半價午餐嘅黑椒牛扒煎蛋飯，碟飯一上枱，我同朋友都嚇親，因為真係好大碟。煎蛋同上面講過嘅一樣，我唔再重複。牛扒方面， size都幾大塊，不過就略嫌用得太多鬆肉粉，冇晒牛肉味。飯嘅側邊有啲沙律菜做半碟，美觀又好味。黑椒汁嘅表現就冇乜特別驚喜，唔夠香濃。嘢飲方面，熱奶茶夠晒大杯，不過就略嫌唔夠奶，茶味偏濃。另外我哋嗌左杯熱華田，表現反而不錯，味道夠濃，夠足料。整體而言，餐廳嘅食物質素都唔錯，份量真係超級大份，趁佢而家做緊優惠，真係值得嚟試一試。

叫得叉燒丼家梗係要試吓佢嘅叉燒丼飯啦！叉燒丼飯（$55）今次叫普通嘅叉燒丼飯，叉燒真係唔肥...薄切好易咬開冇叫到肥叉燒丼飯，因為驚自己接受唔到太肥，不過下次可以試吓。最鍾意兩隻太陽蛋，蛋邊煎到微燶🍳整穿蛋汁，加埋叉燒汁甜甜地、甜豉油，仲有蔥蓉用嚟撈飯食，正呀😋咁多汁夠哂撈飯食同行朋友話丼飯都比較大碗，如果唔食得多都可以叫佢少飯。已經叫咗少飯，但係我都係食唔哂🙈叫少飯仲會-$1，雖然唔係啲乜，但都可以減少浪費👍🏻

新蒲崗「叉燒丼家」茶餐廳，主打是叉燒、豬肉大碗飯。今日食嘅係下午茶juicy雞脾芝士麵🧀🍗🍜 雞脾炸得外脆內嫩，芝士味濃又香、公仔麵爽口👍🏻👍🏻👍🏻芝士咸牛肉飛碟🥪鹹香好好味又脆又香😋兩款特飲有心思又好味，👍🏻👇🏻✨脆爆華田✨凍華田上面加上忌廉、Oreo同蜜糖星星脆脆，味道超夾。另一杯✨紅豆好立克✨ 好立克底紅豆冰加埋忌廉，軟滑Cream香大大粒紅豆又腍又甜😋😋😋

➡️ T骨扒鐵板餐 ($128) + 咸檸七 (跟餐+$8)T骨豬扒個面積大到嚇死人，唔知以為要二百幾蚊。我哋揀咗黑椒汁配薯條，塊豬扒勁厚勁大份，唔會太油而且好淋好易咬，百零蚊可以食到我覺得真係好抵！跟餐仲有餐包同埋餐湯，我就揀咗羅宋湯，個味道都幾好嘅，酸酸地幾開胃。再加埋個特飲咸檸七，實在太飽！➡️ 黑松露炒蛋牛角包 ($32)黑松露配炒蛋呢個配搭實在太夾，黑松露嘅份量比得好慷慨，個蛋炒得好金黃好靚，夾住喺個包一齊食，唔單止食得出牛角包嘅酥皮味，更加食得出黑松露嗰種濃郁嘅香味，推介！➡️ 瑞士豬扒炒公仔麵 ($38)雖然賣相就一般，但洋蔥炒出嚟嘅港式豬扒，令到成碟炒麵都好香，公仔麵唔會整得太淋，食落好爽口，好有茶餐廳嘅風味。叉燒丼家地址📍: 新蒲崗景福街99-101號啓德工廠大廈第二期地下.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️⭐️

記得小時候呢👨‍👨‍👧‍👦屋企人好鍾意帶我食鐵板餐嘅， 大個女咗之後都好少咗去食啦！🙉今日呢我就嚟到叉燒丼家試下佢哋新推出嘅T骨扒鐵板餐+瑞士牛肉粉意粉+黑松露炒蛋牛角包。。。🍽️佢哋嘅鐵板餐真係大件抵食🥩，份量十足，牛肉近兩吋厚，牛肉味濃，值得一試。🍖餐包軟熟🍞，賣相脹卜卜，頗吸引。黑松露炒蛋，蛋僅僅熟🍳，一層疊一層。一試上口，雞蛋滑入喉中，鹽香融在蛋裏，果然嫩滑得很！！！飲品🍵方面呢我就推介脆爆阿華田， 飲落去好似朱古力特飲咁，好 creamy，滿足！！

返工放晏要搵好食嘅午飯都唔容易，最近我就發現原來公司附近有間好好味嘅餐廳，又清新又夠飽肚！沙律配飲品係一個餐，另外加咗一份蔥花叉燒蛋治。沙律係睇得出嘅新鮮，每一啖入口都索索聲，加埋灑上少少香脆嘅煙肉，同埋脆卜卜嘅麵包粒粒，味道同層次感立即提升！只係醬汁有點過多，減低左清新感⋯叉燒蔥蛋治係極力推介，勁多重，但味重而且又香又滑！加埋粒粒叉燒，原來叉燒蔥蛋唔止配飯好食，同三文治呢個crossover, 有特色又好味！飲埋杯熱檸水，健康好味又飽肚！

今日去到新蒲崗工作，完成後附近周圍搵食，該區工廠大廈林立，食店都幾多，行行吓見到呢間叉燒Don家就入去試試～Staff入內幫手量體溫，雙手消毒～亦幾好禮貌，點餐時有提醒油炸會較耐但實際時間不算長👍👍👍👍👍👍👍👍炸髀煎旦飯個雞髀相當大隻，外層非常脆口，做得好好😋😋😋😋😋面包槺用的比例合適，內層肉層鮮嫩，又熟透～～如果內層肉應能夠再入味d就perfect la~~ 下次要再黎試吓招牌叉燒😋😋

又來到叉燒丼家食嘢，今次係食下午茶。同朋友一人叫咗一個餐，我叫嘅係炸脾西多士，另外升級左做脆爆阿華田。炸髀十級好食，佢外皮裹左一層薄薄炸粉，入面啲肉一切開仲係有肉汁嘅 食得出真係新鮮炸起跟餐嘅西多士係好食嘅，不過稍為油膩左啲而個阿華田就非常一般，比較淡味，要返普通凍飲仲抵。朋友叫嗰個餐係叉燒漢堡配薯條，都算係比較創新嘅配搭，漢堡入面除咗有叉燒仲有塊薯餅係入面。食落口感幾豐富，不過如果舊叉燒再肥啲就更加好。如果嚟呢度食不妨一試。另外再讚一讚，朋友叫嗰杯可樂，冰底真係10分充足

又係時候去下九龍城新浦崗搵美食啦🤩 行完mikiki商場之後原來後面街有間🥢叉燒丼家🥢，好似幾正咁～點左：🔸蒜蓉焗龍蝦鐵板餐配厚豬扒、薯條及蒜蓉多士🔸蒜蓉多到爆🤩簡直係愛蒜人士既恩物！半邊龍蝦鋪滿蒜蓉，惹味十足！厚豬扒肉質軟，搭配滾燙既蒜蓉汁，好滋味。蒜蓉多士好夠蒜味，唔錯～幾欣賞蔬菜方面都幾多，有西蘭花🥦、粟米同大蕃茄，可以balance返口感同減下罪惡感🙈😈..🔸蔥油煎雞扒丼飯🔸我想講呢個真係好好食！雞扒好滑好軟，丼飯本身淋上蔥油同豉油，就咁撈飯食都好香好好味🤤..最後來個🔸叉燒蘿蔔糕🔸唔駛點醬都夠味，糕身本身唔會太粉既口感，裡面有臘肉，好有口感。兩個人食，都唔係點食得哂，真心足料👍🏻 見到餐牌仲有叉燒丼飯同鰻魚丼飯，下次試下先！地方乾淨，價錢好親民，真係唔錯～食完飽得瀉，要入返商場行兩轉😂😂.

近排成日出入新蒲崗 ，見到好多人都介紹話呢間叉燒好食 ，我就想試下呢度除咗叉燒之外仲有啲咩係好食嘅。我見到佢門面同裝修都好新淨，門口仲貼住咗有鐵板餐嘅餐牌，非常吸引，所以我就嗌咗呢度個鐵板餐試下。鐵板餐嘅種類嚟講呢度都算多款式，價錢亦都好相宜，六十零七十蚊就食咗一個餐。🍖 黑椒牛扒鐵板餐呢個鐵板餐嘅份量都算大份。雖然唔係啲乜嘢靚牛扒，但當上枱睇住淋汁嘅時候發出嘅吱吱聲真係好自癒。 呢度特別嘅係佢會喺牛扒上面加一塊小小嘅牛油，令到食落去嘅牛扒juicy啲，但係兩塊牛扒都有少少根位。其他配菜好似薯條，粟米，蕃茄都不過不失啦。至於呢個餐嘅羅宋湯都係正正常常，同埋佢個餐包都幾大個，所以成個餐嚟講都算抵食。

見佢早餐幾抵食，本身諗住嚟食早餐點知瞓晏咗所以變咗食午餐一睇間鋪頭名就知係叉燒專家，所以我哋兩個都叫咗馳名嘅肥叉蛋飯，兩杯凍飲。而餐廳提供嘅係蔗飲管，可以100%被分解！為環保出一分力！like好快之後，叉燒飯就為我地送上。齋講個樣，肥叉晶瑩通透，係一層肥一層瘦嘅五花肉兩隻蛋黃就半生熟，我哋𠝹開蛋黃拌飯，準備火力全開！肥叉有質感有咬口，啲脂肪肥而不膩，我個人就很喜歡，相反朋友就話可以淋D，佢鍾意鬆化啲嘅叉燒不過呢啲都係取決個人喜好～煎蛋方面，蛋白係煮燶咗，兩隻都係。有啲失望飯方面煮得幾好唔會太濕唔會太乾，食得出係泰國香米，撈埋啲叉燒汁好食！總括而言，質素係幾好但價錢略高。

多汁叉燒飯！適合鍾意食叉燒既人士！因為餐牌既選擇唔多，所以唔中意食叉燒既未必岩哈哈。我地中午時間黎，人都幾多，不過唔洗等位。叉燒有得揀肥瘦，我叫左一碗滑蛋瘦叉燒飯，份量超超超多，勁多飯，如果唔太餓既人記得叫少飯，千其唔好浪費！叉燒都幾入味，瘦叉口感比較實，可能有少少韌，不過都接受到。滑蛋一流，好滑，撈埋飯超好食。整體黎講水準都唔錯，四五十蚊就食得飽。不過就唔算太有特色，我諗好多茶餐廳都會食到類似既野。

新蒲崗最近多左好多野玩 就同男朋友去個邊既大商場 行完玩完就搵食我印象個邊只係得工業區 車房點知比我係轉角位搵到間叫叉燒丼家既舖頭初頭頌以為係食燒味 點知原來係別有洞天同男朋友叫左香草羊架鐵板餐 芝士炸大大雞脾撈丁 咖哩叉燒飛碟價格好親民 食物份量大大份!!羊架香味十足 啖啖肉 係鐵板上又唔會太油膩炸大大雞脾 佢真係黎左一隻拳頭咁大既雞脾 配埋芝士 真係邪惡既代表我見佢好似主打叉燒 叫多左個咖哩叉燒飛碟第1次食飛碟入面係有叉燒 感覺好特別 同時叉燒好爽口飲品叫左2杯特別小小既 脆爆華田 同 超級檸檬茶脆爆華田 上面有cream 又唔會太甜 上面頌有脆米同個華田餅乾 出面真係未試過超級檸檬茶 最大特別之處係佢入面多左好多粒爆珠係新蒲崗搵到咁既高質平價食店 真係意外驚喜

今天下午不知吃什麼好，一於看看手機應用程式有什麼好外賣選擇，看到有間叉燒丼飯不錯，所以點了叉燒丼飯、白灼菜心、叉燒漢堡配薯條和鹹牛肉炒蛋多士。外賣大約三十分鐘送到，包裝都乾淨衞生。因為買滿$120，可以有八折優惠，不用$150就有四款食物了。叉燒丼飯$66- 煎蛋煎得不錯，蛋黃汁拌飯好好吃。叉燒偏瘦，但肉質不乾不韌，口感不錯。下次可以試下肥叉燒飯。叉燒漢堡配薯條$58- 這個漢堡薯條令我有驚喜！尤其是炸薯條，雖然外賣涼一點不是熱騰騰的，但粗薯條口感還不錯挺脆的。我第一次吃叉燒漢堡包，好有新鮮感，漢堡入面有兩塊叉燒，相比起一般漢堡肉排就較薄較少了。叉燒都是偏瘦，想不到原來叉燒跟新鮮番茄、生菜、芝士、洋蔥圈和千島醬非常配搭，下次都會再叫來吃，推介！鹹牛肉炒蛋多士$31- 多士塗得過多牛油了，外賣膠盒底部有一層黃油，滲入麵包裏，令多士又油又軟，不好吃太油膩了。白灼菜心$22- 菜心分量都幾多，幾新鮮。

Delicious quick supper in SPK area. I wouldn't try the fatty char shiu with egg rice again, the meat head like 80% fat, tho but I would eat the scrambled egg rice with normal char shiu. Overall satisfying and it would make me think of the place again if I was in the area.