友利冰室x勿當奴 (已結業)

💛 友利坊 💛..............................呢間我地已經bookmark咗超級耐終於嚟新蒲崗可以試下啦🤩🤩.🔅想知黃店原因請Dm💛..............................🍽二人套餐 $138 (燒味雙拼、小菜一款、油菜一碟、白飯兩碗、飲品兩杯/湯兩碗）.🍽肥叉拼乳豬（👏🏻8.5/10).佢地晚市嘅乳豬可遇不可求 我地叫完就無晒啦佢地話要夜晚有人訂半隻乳豬晚市先會有😳我地7點叫完已經無晒 可能水尾所以唔夠脆同埋有塊骨 食落無咁啖啖肉但都好好味哇個叉燒好食到呢 食到豬肉嘅味 又夠蜜汁味我地叫肥叉啲油香正到癲 有燶邊 超級推薦叉燒！.🍽椒鹽鮮魷（👏🏻8/10）.比我想像中好食好多 好惹味好多炸蒜呀鮮魷唔韌但炸得有啲乾 變咗柴咁縮晒水😳不過原本我以為呢啲燒味舖小菜會流流地但估唔到佢咁認真 因為佢啲套餐真係超抵食我見好多人都叫呢啲套餐 四人餐仲抵🥳...............................🎈 友利坊 (新蒲崗)新蒲崗康強街21-23號地舖..............................

🌸#girlsfoodies新蒲崗#girlsfoodies港式 🌸​【💛 #GF_List 】​🉑：外賣自取⭐評分: 8/10​———————————————​燒味黃店真係好難得😭google吓原來佢哋仲喺荔枝角有分店，近排仲參加咗「Mee懲罰祭」有優惠！——————————————————​▪️叉燒炒蛋飯 ($50) 凍飲 (+$6)​6點幾入去食已經要等位，仲要乜年紀嘅人都有🤣出面又超多人斬料，即刻對佢有信心！餐牌得4版，主要係小菜餐、蒸飯餐、燒味飯同燉湯餐。小pin一丁友就簡簡單單食個叉燒強飯算，叫咗少飯嚟到都係超大碟，果然茶記係從來唔會吝嗇份量😂炒蛋超多，足足成吋厚，上網睇啲人嘅相，個滑蛋真係好滑，但今日廚房大佬似乎做咗唔小心嘅司機，失咗小小手🥺 同埋呢度係好傳統嘅茶記做法，雞蛋發兩下加油落鑊，而唔係西式嗰種，發到均再加牛奶/忌廉炒，所以唔會係好嫩！不過雖然唔係超滑，但蛋香夠、份量同味道亦補足，叉燒鬆化香口，唔會過鹹，撈住甜豉油，啖啖飯粒都沾滿香氣。最後食哂成碟哈哈哈（啱先有人又話好多😀）凍檸茶都超大杯！會想encore試小菜，但新蒲崗真心遠到嘔 😭​✨ 友利坊 ✨​📍 新蒲崗

燒味飯周圍都有，但要食到好質素嘅都唔易。朋友介紹新蒲崗友利坊燒味餐廳，今日一試，果然不錯👍🏻首先點了一個四寶飯，燒肉皮脆不太肥，紅腸不乾，叉燒半肥瘦，肉質嫩，配半隻鹹蛋，perfect match另外再order 叉燒油雞飯，睇個樣都知靚嘢👍🏻，分量十足。再加埋不可或缺的蔥油，實在滿足不得不提就係杯凍檸茶，一般燒味店的茶底都淡淡還帶重重雪味，但呢間燒味店嘅檸檬茶底都夠濃😍，出乎我意料之內😱👍🏻唯一比較遜色就是地方細，坐得不太舒適。不過食物質素就好好，都值得一試

.竟然有黃嘅燒味舖💛成日都好respect呢類餐廳表態！（有冇人明～）雖然新蒲崗分店有少少遠，不過燒味真係好出色🙈今次試左叉燒、燒骨、燒肉同燒鵝叉燒唔太肥，不過唔會韌，落單應該可以講低想要咩肥瘦🤪燒骨就比較普通，可以唔揀🤣燒肉個皮超膽超鬆，仲要起左骨，宜家諗起都流口水🤤燒鵝都好香，而且唔會太肥，推薦推薦🤘🏼燒味嘅份量都幾多，絕對唔會因為雙拼就得兩三舊而且雙拼都只係加 $2😱老火湯都幾足料，連平時唔飲湯嘅👧🏻小編都成碗飲晒！本來想試乳豬，不過一點已經賣晒...🥺.💭 張單total係$102，因為冇$2銀，就比左張$100同$10，點知職員竟然冇收到張$10。 雖然$2唔係咩大數目，但係成件事真係好窩心...🥺🥺🥺.燒鵝雙拼飯 $52燒味雙拼飯 $48———不專業評分💯食物指數 🍴: 💛💛💛💛🤍環境指數 ⛱: 💛💛💛🤍🤍抵食指數 🤑: 💛💛💛💛💛推薦指數 👾: 💛💛💛💛💛———📍友利坊新蒲崗康強街21-23號地舖📍友利冰室 x 勿當奴荔枝角長順街15號D2 place 2期1樓109號舖（註：兩間舖頭嘅menu係唔同㗎～）———

上網search下番工附近既餐廳, 見到d comment話燒味唔錯,就泥試下十二點半到都唔需要等位有得入, 大部份都係外賣入到去都係卡位, 不過偶而都需要搭枱疫情下的隔板也整得精緻, 有藝術品裝飾食飯既環境都變得幾好^o^餐單上有中式飯同燒味飯四寶飯@50一來到既份量感到份量有d少, 每款餸都係得四件; 燒腩有啲失望, 可能期望太高, 燒腩砌得有d hea, 肉質咬感普通, 不過勝在燒腩皮真係好脆! 而叉燒好有蜜糖味, 肉邊也香脆可口~鹹蛋都不是過於鹹, 適中味道不過店舖的食物都係偏濃味, 例湯偏鹹, 點了的菜味非要之甜

信心保證既美味叉燒我總共食左3次叉燒，從年頭疫情到琴晚，連奄尖父母同妹妹都話讚👍🏻👍🏻👍🏻第一次係外賣返屋企，屋企人都話好耐無食過咁好食既叉燒😋 比半肥瘦更好，其實無咩肥肉，絕對唔會膩！😌 叉燒調味唔會過咸🤩 呢個好重要！近年我同屋企人應該black list左好多間整得咸既叉燒舖，所以估唔到有得茶餐廳整得咁好食👏🏻 仲要大半年去3次，3次都咁有水準👏🏻👏🏻👏🏻 燉湯餐啲湯都唔錯架，足料扺食🤤 唔油唔覺有味精😋最衰間餐廳唔系屋企附近，但其實新蒲崗多巴士好方便😌 真心推介大家到場一試💁🏻‍♀️唯一不足係年輕既店員太鐘意講粗口（放心，唔係對客講）系我慢慢諗下唔食叉飯食過第二樣好唔好既時候，佢都仲好有耐性等我😉 結局我都係食叉飯🤣

友利坊既燒味真係好好好好食😋次次去食叉燒一定係膽😂😂仲要叫肥叉，真係好正，唔會乾又夠晒juicy👍🏼👍🏼今次叫左叉燒燒鵝飯，一開d餸已經打爆左個盒，係好開心既☺️燒鵝好香，連埋皮食雖然好肥仔，不過為咗佢，係值得既👍🏼·如果經開新蒲崗一定要大大力幫襯呀！

晚市只可以外賣，燒臘都算係唔會伏之選，返到屋企打開個飯盒，眼前一亮😍😍 ，叫左燒鵝切雞飯， 燒鵝好香炭燒味， 切雞幾滑， 加$6 有個例湯， $6例湯冇期望，作為飯前暖胃之選，唔錯！ 好耐冇試過食燒臘飯覺得咁好味！

晚上繼續禁止堂食，想食中餐就搵到呢間良心店。見到有套餐，便叫左個四人餐。可以選兩款燒味同埋三個餸，包四個飯同四杯飲品或湯。燒味可選：鵝、鴨、雞等，咁都有啲保值！然後自選咗豉椒炒花甲、中式牛枊同埋菠蘿咕嚕肉。花甲都入味，其他兩樣都是合格之作。可能是現煮關係都要等二十分鐘到，因為買嘢嘅人都有一定數量，要人落單都要等一下！落單後是沒有單據，阿姐只會大叫乜乜餐乜餸就等人認領！做法都比較原始，所以都需要有心理預備服務態度一般，但因為係良心店關係，包容程度要提高一點點！如果店舖自己留意到改善一下就更加好！另外一提，呢間鋪全部用發泡膠盒，其實都不太環保，如果係膠仲可以拎去回收！食一餐掉8個發泡膠盒！

新蒲崗向來俾人感覺好老區，食物質素都係有限公司但原來呢個睇法係有啲以偏概全呢間街坊燒味店不單係黃，而且燒味飯好有質素燒味飯選擇多多，好抵食有叉燒、 切雞、 油雞、燒肉、燻蹄、燒骨、乳豬等可以單拼或雙拼，燒味飯單拼46蚊，雙拼就48蚊燒味飯幾有水準，叫咗一碟係叉燒燒肉飯份量充足，白飯加入甜豉油，濃淡適宜本來想食乳豬，但已經售罄燒味肉質軟嫩，唔會太硬，而且醬汁充足，亦唔會太乾身叉燒屬半肥瘦狀，肉質軟腍，一舊吊住另一舊肉，肥瘦適中，幾厚肉原來啲叉燒係小店自己燒，難怪入口特別香口同有水準燒肉係燒腩仔嚟，皮脆肉嫩，只係帶上些微肥膏，唔會好肥膩入口基本啖啖肉，有少少鹹味，味道好可口另一樣主打就係燉湯，試一試海底椰南北杏螺頭燉赤肉配燒鵝飯仲有油菜同絲苗白飯，都係75蚊湯底材料有海底椰、南北杏、螺頭、赤肉可清熱潤肺，止咳化痰，男女老幼都啱飲燒鵝同樣啖啖肉，表皮輕脆，好香口，皮下脂肪唔多肉質亦軟嫩，蘸吓酸甜醬更滋味。燉湯好足料，一羹勺到底有好多舊海底椰、豬肉、南北杏仲有少量螺頭，以海底椰數量最多海底椰入口好爽甜，湯底好清甜，無味精，唔會口渴

本來位於「新蒲崗」「康強街」裡面的燒臘茶餐廳「友利坊」，「友利坊」的，「快餐」餐牌裡面有個「咖喱牛腩飯」，吸收到我個人的注意力。可惜我每次下午來到「康強街」，詢問「友利坊」裡面的侍應，侍應每次都告訴我「友利坊」裡面的「快餐」「咖喱牛腩飯」已經售罄。但是我始終沒有可能在早上，就已經從「西貢」千里迢迢坐小巴來到「新蒲崗」和光顧「友利坊」，所以我跟「友利坊」的「咖喱牛腩飯」，都是注定有緣無份了。所以我只能夠在下午茶時間光顧「友利坊」，點一碟非常簡單，只有一條簡單「菜芯」作為裝飾品的「叉燒飯」，加一杯「凍奶茶」飲品了事。「友利坊」的「叉燒」屬於外層燒到有少許微焦，口感被燒得頗為香脆，肉裡的豬肉肉質不算很瘦，而且夾雜少許豬的脂肪肥膏。所以「友利坊」「叉燒」實際的肉質燒得有少許軟腍感覺，頗為適合配白飯一起享用。至於「友利坊」為「叉燒飯」而淋灑的豉油，豉油裡面的味道不是只有死鹹，而是夾雜了少許甜味，所以「友利坊」連着少許脂肪的肥「叉燒」，配甜鹹味道豉油出來的味道，變成六成甜，四成鹹的理想組合。至於「友利坊」裡面的樓面環境，「友利坊」樓面雖然有電視機播放新聞報導，但是「友利坊」電視機實際的聲浪不算很大

假日Lunch 見佢個二人餐有得揀燒味加小菜仲有菜一碟噤抵食，即刻叫佢！咕嚕肉酸甜剛好，炸得夠脆，肉又夠軟，勁大碟勁多肉勁多菠蘿仲要啖啖肉冇骨！菜都好大碟好fresh 唔油，夠甜啊重頭戲叉燒燻蹄雙拼，自家工場燒，唔太鹽，汁夠味，叉燒冇overcooked, 口感有d 似慢煮。燻蹄份量夠多，皮爽，點嘅汁都係自家制，好fresh 啊！為食偷食埋朋友雙拼碟頭飯嘅油雞同蔥油醬，又係自家制，害到我食多半碗飯油雞夠味又夠滑坐得夠舒服，食個飯佳之選～

今日來試試在新蒲崗的燒味飯😋突然想吃燒味飯的話，絕對可以來試試這一間黃店燒味飯❗️🍚 #燒鵝叉燒雙拼飯 $52一上菜就看見份量很足，不像平常其他餐廳只有三數塊，叉燒是半肥瘦叉燒，肉質不會太乾太粗糙，裏面還鎖有肉汁，表面的蜜汁令叉燒更惹味，旁邊烤焦了少少的邊位是最吸引的，吃完一塊就會想吃第二塊😋而燒鵝肉質滑嫩，外皮香口，如果剛出爐的話應該更鬆脆，很適合用來配飯，不知不覺就會吃了很多飯🤣🍚 #叉燒炒蛋飯 $50叉燒和上面的雙拼飯的叉燒是一樣的，而炒蛋滑嫩，上面還留有蛋汁，不會過老，所以用來配飯也是一流。餐廳內卡位旁邊有小巴牌設計的標示，是挺有香港特色的設計，而且門外放了不少的PEPE公仔和文宣，大家可以多多支持這間黃店。

呢間店既燒味係新蒲崗好出名, 自己有工場, 今日過黎叫咗個叉燒燻蹄米粉配例湯, 叉燒要半肥瘦😎 噢耶! 真係好好味, 蜜汁叉燒夠蜜汁, 肥瘦剛好咬落肉汁豐富, 真係好回味! 😋😋 燻蹄亦不錯. 而朋友叫咗叉燒拼燒腩仔, 店員問佢燒腩仔有無要求要肥瘦佢話無所謂, 黎既係偏肥腩仔, 朋友話瘦腩仔啱口味啲, 但真心個腩仔燒得唔錯個皮好脆！👍🏻 米粉個湯好清無咩味, 不過燒味夠濃味可以中和返. 個例湯唔錯, 飲得出係老火煲既! 👍🏻聽聞佢既小菜都好出色, 睇menu都好吸引, 下次有機會再試試.

友利坊係街坊茶記小炒嘅格局，雖然地方有啲焗促，店員大大聲講嘢相當豪邁，但正正就係呢種庶民風情，令人感到相當親切。我超鍾意飲燉湯，又知道呢度嘅燒味自己燒製，頗為出名，於是就叫咗個燉湯餐，有湯有燒味，一次過滿足哂兩個願望🤗。首先端上枱嘅係燉湯，一打開盅蓋，只覺熱氣撲臉；用隻羹搞一搞，發覺湯渣佔咗成半碗😮，有猴頭菇，姬松茸菇，蟲草花，竹笙，茨實，蓮子，赤肉等，非常足料。熱湯入口，湯味雖然唔算好濃，但係啖啖菇味，好清甜，好好飲👍。燒味我揀咗叉燒燒肉雙拼，一上枱就已經覺得好靚仔：叉燒半肥瘦有光澤，仲有我最鍾意食嘅燶邊😍；燒肉又係半肥瘦，最正係層皮，睇見都覺脆卜卜。一啖入口，只覺兩者都係半肥瘦中偏肥，女士可能會驚肥，但係我就覺得好正，特別係燒肉，雖然唔可以講入口即溶，但係肉質軟腍有油脂香，加埋勁脆嘅燒肉皮，點埋黃芥末，真係食一嚿就停唔到口😋。一路食一路食，未夠八點，已聽見店員不斷嗌 ：XX 冇哂，XX 沽清，XX 賣哂，我相信唔少同路人好似我咁，見佢告急，就去撐，總之一個都不能少💪。不過話說回來，呢間店質素頗高，絕對係值得留低，唔是盲撐呢😌。